<p><strong>ಅಂಕಾರ:</strong> ಪತ್ರಕರ್ತ ಖಶೋಗ್ಗಿ ಹತ್ಯೆಯು ಪೂರ್ವ ನಿಯೋಜಿತ ಕೃತ್ಯ ಎಂದುಟರ್ಕಿ ಅಧ್ಯಕ್ಷ ತಯೀಪ್ ಎರ್ಡೋಗನ್ ಹೇಳಿದ್ದಾರೆ. ‘ಹತ್ಯೆಯ ಮುನ್ನಾದಿನ ಸೌದಿ ಏಜೆಂಟ್ಗಳ ತಂಡ ಟರ್ಕಿಗೆ ಬಂದಿತ್ತು.ಸೌದಿ ಕಾನ್ಸಲೇಟ್ ಕಚೇರಿಯ ಎಲ್ಲ ಕ್ಯಾಮರಾಗಳನ್ನು ತೆಗೆಯಲಾಗಿತ್ತು’ ಎಂದು ಅವರು ಹೇಳಿದ್ದಾರೆ.</p>.<p>ಸಂಸತ್ತಿನಲ್ಲಿ ನಡೆದ ಪಕ್ಷದ ಸಭೆಯಲ್ಲಿ ಮಂಗಳವಾರ ಮಾತನಾಡಿದ ಅವರು,ಹತ್ಯೆಯಲ್ಲಿ ಭಾಗಿಯಾದವರ ಗುರುತನ್ನು ಸೌದಿ ರಾಜಮನೆತನವು ಬಹಿರಂಗಪಡಿಸಬೇಕು ಎಂದು ಆಗ್ರಹಿಸಿದ್ದಾರೆ.</p>.<p>‘ಹತ್ಯೆಯನ್ನು ಒಪ್ಪಿಕೊಳ್ಳುವ ಮೂಲಕ ಸೌದಿ ಅರೇಬಿಯಾ ಮಹತ್ವದ ಹೆಜ್ಜೆ ಇಟ್ಟಿದೆ. ಉನ್ನತ ಹುದ್ದೆಯಿಂದ ಹಿಡಿದು, ಕೆಳ ಹುದ್ದೆಯಲ್ಲಿರುವ ಯಾರೇ ಆಗಿದ್ದರೂ ಅವರನ್ನು ನ್ಯಾಯಾಂಗದ ಪರಿಧಿಗೆ ತರುವುದನ್ನು ನಾನು ಬಯಸುತ್ತೇನೆ’ ಎಂದು ಎರ್ಡೋಗನ್ ಹೇಳಿದ್ದಾರೆ.</p>.<p>ಹತ್ಯೆಯಲ್ಲಿ ಸೌದಿ ರಾಜಮನೆತನದ ಕೈವಾಡವಿದೆ ಎಂದು ಅಧಿಕಾರಿಗಳು ಹೇಳಿದ್ದರೂ, ಎರ್ಡೋಗನ್ ತಮ್ಮ ಭಾಷಣದಲ್ಲಿ ಯುವರಾಜ ಸಲ್ಮಾನ್ ಅವರ ಹೆಸರನ್ನು ಎಲ್ಲಿಯೂ ಪ್ರಸ್ತಾಪಿಸಲಿಲ್ಲ.</p>.<p>ತನಿಖೆಗೆ ಸಹಕಾರದ ಭರವಸೆ:</p>.<p>ಖಶೋಗ್ಗಿ ಹತ್ಯೆ ಬಗ್ಗೆ ಅಂತರರಾಷ್ಟ್ರೀಯ ಸಂಸ್ಥೆಗಳು ಸ್ವತಂತ್ರ ತನಿಖೆಗೆ ಮುಂದಾದರೆ, ಅದಕ್ಕೆ ಸಹಕಾರ ನೀಡುವುದಾಗಿ ಸೌದಿ ಪ್ರಕಟಿಸಿದೆ.</p>.<p><strong>ಸೌದಿ ನಡೆಗೆ ಟ್ರಂಪ್ ಕಿಡಿ</strong></p>.<p>(ವಾಷಿಂಗ್ಟನ್ ವರದಿ): ಖಶೋಗ್ಗಿ ಹತ್ಯೆ ವಿಚಾರದಲ್ಲಿ ಸೌದಿ ಅರೇಬಿಯಾದ ನಡೆ ಸರಿಯಿಲ್ಲ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.</p>.<p>ಅಮೆರಿಕದ ತನಿಖಾ ತಂಡಗಳು ಈಗಾಗಲೇ ಸೌದಿ ಹಾಗೂ ಟರ್ಕಿಯಲ್ಲಿದ್ದು, ಮಾಹಿತಿ ಕಲೆಹಾಕುತ್ತಿವೆ ಎಂದಿದ್ದಾರೆ. ತಂಡದಲ್ಲಿ ಚಾಣಾಕ್ಷ ವ್ಯಕ್ತಿಗಳಿದ್ದು, ಅವರು ಮಾಹಿತಿಯನ್ನು ಹೆಕ್ಕಿ ತರಲಿದ್ದಾರೆ ಎಂದು ಹೇಳಿದ್ದಾರೆ.</p>.<p>ಖಶೋಗ್ಗಿ ಅವರ ರೀತಿಯ ಹತ್ಯೆ ಮುಂದೆ ಎಂದೂ ನಡೆಯಬಾರದು ಎಂದು ಸೌದಿ ಅರೇಬಿಯಾದ ವಿದೇಶಾಂಗ ಸಚಿವ ಅದೆಲ್ ಅಲ್ ಜುಬೇರ್ ಹೇಳಿದ್ದಾರೆ. ಸರ್ಕಾರವು ಕಟ್ಟುನಿಟ್ಟಿನ ತನಿಖೆ ನಡೆಸಿ ತಪ್ಪಿತಸ್ಥರನ್ನು ಗುರುತಿಸಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಂಕಾರ:</strong> ಪತ್ರಕರ್ತ ಖಶೋಗ್ಗಿ ಹತ್ಯೆಯು ಪೂರ್ವ ನಿಯೋಜಿತ ಕೃತ್ಯ ಎಂದುಟರ್ಕಿ ಅಧ್ಯಕ್ಷ ತಯೀಪ್ ಎರ್ಡೋಗನ್ ಹೇಳಿದ್ದಾರೆ. ‘ಹತ್ಯೆಯ ಮುನ್ನಾದಿನ ಸೌದಿ ಏಜೆಂಟ್ಗಳ ತಂಡ ಟರ್ಕಿಗೆ ಬಂದಿತ್ತು.ಸೌದಿ ಕಾನ್ಸಲೇಟ್ ಕಚೇರಿಯ ಎಲ್ಲ ಕ್ಯಾಮರಾಗಳನ್ನು ತೆಗೆಯಲಾಗಿತ್ತು’ ಎಂದು ಅವರು ಹೇಳಿದ್ದಾರೆ.</p>.<p>ಸಂಸತ್ತಿನಲ್ಲಿ ನಡೆದ ಪಕ್ಷದ ಸಭೆಯಲ್ಲಿ ಮಂಗಳವಾರ ಮಾತನಾಡಿದ ಅವರು,ಹತ್ಯೆಯಲ್ಲಿ ಭಾಗಿಯಾದವರ ಗುರುತನ್ನು ಸೌದಿ ರಾಜಮನೆತನವು ಬಹಿರಂಗಪಡಿಸಬೇಕು ಎಂದು ಆಗ್ರಹಿಸಿದ್ದಾರೆ.</p>.<p>‘ಹತ್ಯೆಯನ್ನು ಒಪ್ಪಿಕೊಳ್ಳುವ ಮೂಲಕ ಸೌದಿ ಅರೇಬಿಯಾ ಮಹತ್ವದ ಹೆಜ್ಜೆ ಇಟ್ಟಿದೆ. ಉನ್ನತ ಹುದ್ದೆಯಿಂದ ಹಿಡಿದು, ಕೆಳ ಹುದ್ದೆಯಲ್ಲಿರುವ ಯಾರೇ ಆಗಿದ್ದರೂ ಅವರನ್ನು ನ್ಯಾಯಾಂಗದ ಪರಿಧಿಗೆ ತರುವುದನ್ನು ನಾನು ಬಯಸುತ್ತೇನೆ’ ಎಂದು ಎರ್ಡೋಗನ್ ಹೇಳಿದ್ದಾರೆ.</p>.<p>ಹತ್ಯೆಯಲ್ಲಿ ಸೌದಿ ರಾಜಮನೆತನದ ಕೈವಾಡವಿದೆ ಎಂದು ಅಧಿಕಾರಿಗಳು ಹೇಳಿದ್ದರೂ, ಎರ್ಡೋಗನ್ ತಮ್ಮ ಭಾಷಣದಲ್ಲಿ ಯುವರಾಜ ಸಲ್ಮಾನ್ ಅವರ ಹೆಸರನ್ನು ಎಲ್ಲಿಯೂ ಪ್ರಸ್ತಾಪಿಸಲಿಲ್ಲ.</p>.<p>ತನಿಖೆಗೆ ಸಹಕಾರದ ಭರವಸೆ:</p>.<p>ಖಶೋಗ್ಗಿ ಹತ್ಯೆ ಬಗ್ಗೆ ಅಂತರರಾಷ್ಟ್ರೀಯ ಸಂಸ್ಥೆಗಳು ಸ್ವತಂತ್ರ ತನಿಖೆಗೆ ಮುಂದಾದರೆ, ಅದಕ್ಕೆ ಸಹಕಾರ ನೀಡುವುದಾಗಿ ಸೌದಿ ಪ್ರಕಟಿಸಿದೆ.</p>.<p><strong>ಸೌದಿ ನಡೆಗೆ ಟ್ರಂಪ್ ಕಿಡಿ</strong></p>.<p>(ವಾಷಿಂಗ್ಟನ್ ವರದಿ): ಖಶೋಗ್ಗಿ ಹತ್ಯೆ ವಿಚಾರದಲ್ಲಿ ಸೌದಿ ಅರೇಬಿಯಾದ ನಡೆ ಸರಿಯಿಲ್ಲ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.</p>.<p>ಅಮೆರಿಕದ ತನಿಖಾ ತಂಡಗಳು ಈಗಾಗಲೇ ಸೌದಿ ಹಾಗೂ ಟರ್ಕಿಯಲ್ಲಿದ್ದು, ಮಾಹಿತಿ ಕಲೆಹಾಕುತ್ತಿವೆ ಎಂದಿದ್ದಾರೆ. ತಂಡದಲ್ಲಿ ಚಾಣಾಕ್ಷ ವ್ಯಕ್ತಿಗಳಿದ್ದು, ಅವರು ಮಾಹಿತಿಯನ್ನು ಹೆಕ್ಕಿ ತರಲಿದ್ದಾರೆ ಎಂದು ಹೇಳಿದ್ದಾರೆ.</p>.<p>ಖಶೋಗ್ಗಿ ಅವರ ರೀತಿಯ ಹತ್ಯೆ ಮುಂದೆ ಎಂದೂ ನಡೆಯಬಾರದು ಎಂದು ಸೌದಿ ಅರೇಬಿಯಾದ ವಿದೇಶಾಂಗ ಸಚಿವ ಅದೆಲ್ ಅಲ್ ಜುಬೇರ್ ಹೇಳಿದ್ದಾರೆ. ಸರ್ಕಾರವು ಕಟ್ಟುನಿಟ್ಟಿನ ತನಿಖೆ ನಡೆಸಿ ತಪ್ಪಿತಸ್ಥರನ್ನು ಗುರುತಿಸಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
