ಉಕ್ರೇನ್‌ಗೆ ಶಸ್ತ್ರಾಸ್ತ್ರ ಬಲ: ಜರ್ಮನಿ ಅಭಯ, ನ್ಯಾಟೊ ಸಭೆಯಲ್ಲಿ ಘೋಷಣೆ

ವಿಲ್ನಿಯಸ್: ಯುದ್ಧ ಬಾಧಿತ ಉಕ್ರೇನ್ಗೆ 40 ಹೆಚ್ಚುವರಿ ‘ಮರ್ದೆರ್’ ಯುದ್ಧ ವಾಹನಗಳು ಹಾಗೂ 25 ಹಳೆಯ ‘ಲೆಪರ್ಡ್ 1’ ಟ್ಯಾಂಕ್ಗಳು, 2 ‘ಪೇಟ್ರಿಯಾಟ್’ ಕ್ಷಿಪಣಿಗಳು ಸೇರಿದಂತೆ ಹಲವು ಶಸ್ತ್ರಾಸ್ತ್ರಗಳ ನೆರವು ಒದಗಿಸಲಾಗುವುದು ಎಂದು ಜರ್ಮನಿ ಪ್ರಕಟಿಸಿದೆ.

. ಜರ್ಮನಿಯ ರಕ್ಷಣಾ ಸಚಿವರು ಮಂಗಳವಾರ ಈ ವಿಷಯವನ್ನು ಪ್ರಕಟಿಸಿದ್ದು, ಫಿರಂಗಿಯ 20 ಸಾವಿರ ಮದ್ದುಗುಂಡುಗಳು, 5 ಸಾವಿರ ಹೊಗೆಕಾರುವ ಮದ್ದುಗುಂಡುಗಳು, ರಕ್ಷಣೆಗೆ ಬಳಸುವ ಡ್ರೋನ್, ಲುನಾ ಡ್ರೋನ್ ಸಿಸ್ಟಮ್ ಅನ್ನು ಒದಗಿಸಲಾಗುವುದು ಎಂದರು.

. ಉಕ್ರೇನ್ಗೆ ಶಸ್ತ್ರಾಸ್ತ್ರಗಳ ನೆರವು ನೀಡುತ್ತಿರುವ ಪ್ರಮುಖ ರಾಷ್ಟ್ರಗಳಲ್ಲಿ ಜರ್ಮನಿಯು ಒಂದಾಗಿದೆ. ಈಗ ಒದಗಿಸಲು ಉದ್ದೇಶಿಸಿರುವ ಶಸ್ತ್ರಾಸ್ತ್ರಗಳ ಒಟ್ಟು ಮೌಲ್ಯ ಸುಮಾರು ₹ 6,337 ಕೋಟಿ ಎಂದು ಅಂದಾಜು ಮಾಡಲಾಗಿದೆ.

. ದೀರ್ಘ ಅಂತರದ ನೆಲೆಗಳನ್ನು ಗುರಿಯಾಗಿಸಿ ಪ್ರಯೋಗಿಸಬಹುದಾದ ಕ್ಷಿಪಣಿಯನ್ನು ಒದಗಿಸಬೇಕು ಎಂಬ ಉಕ್ರೇನ್ ಬೇಡಿಕೆಗೆ ಸ್ಪಂದಿಸಿಲ್ಲ ಎಂದು ನ್ಯಾಟೊ ಶೃಂಗಸಭೆಯಲ್ಲಿ ಪಾಲ್ಗೊಂಡಿದ್ದ ಜರ್ಮನಿ ಅಧಿಕಾರಿಗಳು ತಿಳಿಸಿದರು.

. ಭದ್ರತೆಗೆ 12,000 ಸಿಬ್ಬಂದಿ: ನ್ಯಾಟೊ ಶೃಂಗಸಭೆ ಹಿನ್ನೆಲೆಯಲ್ಲಿ ಲಿಥುವೇನಿಯಾ ಆಡಳಿತವು ವಿಲ್ನಿಯಸ್ನಲ್ಲಿ ಬಿಗಿ ಭದ್ರತೆ ಏರ್ಪಡಿಸಿದೆ. ಸೇನೆಯ 12 ಸಾವಿರ ಸಿಬ್ಬಂದಿ ನಿಯೋಜಿಸಿದೆ. ಈ ಶೃಂಗಸಭೆಯಲ್ಲಿ 50 ಸಾವಿರ ವಿದೇಶಿ ಆಹ್ವಾನಿತರು, 2400 ಪ್ರತಿನಿಧಿಗಳು ಭಾಗವಹಿಸಿದ್ದಾರೆ. ಇವರಲ್ಲಿ ವಿವಿಧ 40 ರಾಷ್ಟ್ರಗಳ ಅಧ್ಯಕ್ಷರು ಅಥವಾ ಪ್ರಧಾನಮಂತ್ರಿಗಳು ಹಾಗೂ 150 ಮಂದಿ ಉನ್ನತ ಶ್ರೇಣಿಯ ರಾಜಕಾರಣಿಗಳೂ ಸೇರಿದ್ದಾರೆ.

. ಭದ್ರತಾ ಕಾರ್ಯಗಳಿಗಾಗಿ ಜರ್ಮನಿಯು ಪೇಟ್ರಿಯಾಟ್ ಕ್ಷಿಪಣಿ ವ್ಯವಸ್ಥೆಯನ್ನು ಒದಗಿಸಿದ್ದರೆ, ಸ್ಪೇನ್ ದೇಶವು ಅಲ್ಪ ಅಂತರದಿಂದ ಮಧ್ಯಮ ಅಂತರದ ನೆಲೆಯನ್ನು ಗುರಿಯಾಗಿಸಿ ದಾಳಿ ನಡೆಸಬಹುದಾದ ನ್ಯಾಸಂ ಸಿಸ್ಟಮ್ ಅನ್ನು ಒದಗಿಸಿದೆ.

. ರಷ್ಯಾದ ಮೈತ್ರಿ ರಾಷ್ಟ್ರ ಬೆಲಾರಸ್ನಿಂದ ಸುಮಾರು 30 ಕಿ.ಮೀ. ದೂರದಲ್ಲಿರುವ, ಲಿಥುವೇನಿಯಾದ ರಾಜಧಾನಿಯಲ್ಲಿ ಈ ಶೃಂಗಸಭೆ ನಡೆಯುತ್ತಿದೆ. ರಷ್ಯಾ ವಿರುದ್ಧ ಬಂಡಾಯವೆದ್ದಿದ್ದ ವ್ಯಾಗ್ನರ್ ಮುಖ್ಯಸ್ಥ ಯೆವ್ನೆನಿ ಪ್ರಿಗೋಷಿನ್ ಬೆಲಾರಸ್ನಲ್ಲಿಯೇ ಕೆಲ ಕಾಲ ಆಶ್ರಯ ಪಡೆದಿದ್ದರು.

. ಶೃಂಗಸಭೆ ಹಿನ್ನೆಲೆಯಲ್ಲಿ ಲಿಥುವೇನಿಯಾದ ನೆರೆ ರಾಷ್ಟ್ರಗಳು ಹಾಗೂ ಐರೋಪ್ಯ ರಾಷ್ಟ್ರಗಳ ಭಾಗವಾಗಿರುವ ಪೋಲೆಂಡ್ ಮತ್ತು ಲಾಟ್ವಿಯಾ ಕೂಡಾ ದೇಶದ ಪ್ರಮುಖ ವಿಮಾನನಿಲ್ದಾಣ, ಬಂದರು ಪ್ರದೇಶದಲ್ಲಿ ಹೆಚ್ಚಿನ ಭದ್ರತೆಯನ್ನು ಒದಗಿಸಿದೆ.

. ರಕ್ಷಣೆಗೆ ಆದ್ಯತೆ –ಸುನಕ್ ಸಲಹೆ: ರಕ್ಷಣಾ ಉದ್ದೇಶಗಳಿಗಾಗಿ ಆದಾಯದ ಶೇ 2ರಷ್ಟನ್ನು ವಿನಿಯೋಗಿಸಬೇಕು ಎಂದು ನ್ಯಾಟೊ ಸದಸ್ಯ ರಾಷ್ಟ್ರಗಳಿಗೆ ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಒತ್ತಾಯಿಸಿದ್ದಾರೆ.

. ಭದ್ರತಾ ಸವಾಲು ಎದುರಿಸಲು ಸಜ್ಜಾಗಿರುವ ಕ್ರಮವಾಗಿ ಬ್ರಿಟನ್ ‘ದಾಖಲೆ ಮೊತ್ತ’ವನ್ನು ರಕ್ಷಣೆಗೆ ವಿನಿಯೋಗಿಸುತ್ತಿದೆ ಎಂದು ಸುನಕ್ ಹೇಳಿದರು. ನ್ಯಾಟೊ ಕಳೆದ ವಾರ ಬಿಡುಗಡೆ ಮಾಡಿದ್ದ ವರದಿಯಂತೆ, 31 ಸದಸ್ಯ ರಾಷ್ಟ್ರಗಳಲ್ಲಿ 11 ರಾಷ್ಟ್ರಗಳು ಈ ಗುರಿ ಸಾಧಿಸಿವೆ.

. ಸ್ವೀಡನ್ಗೆ ಸದಸ್ಯತ್ವ, ಹಂಗೇರಿ ಬೆಂಬಲ: ನ್ಯಾಟೊಗೆ ಸ್ವೀಡನ್ ಸೇರ್ಪಡೆಗೆ ಹಂಗೇರಿ ವಿರೋಧವು ‘ತಾಂತ್ರಿಕ ಕಾರಣವಾಗಿದೆ’ ಎಂದು ಹಂಗೇರಿ ವಿದೇಶಾಂಗ ಸಚಿವ ಪೀಟರ್ ಜಿಜಾರ್ಟ್ ಹೇಳಿದರು. ಟರ್ಕಿಯು ಸ್ವೀಡನ್ ಸೇರ್ಪಡೆಗೆ ವಿರೋಧಿಸಲಿದೆ ಎಂದು ಟರ್ಕಿ ಅಧ್ಯಕ್ಷರ ಹೇಳಿಕೆ ಹಿಂದೆಯೇ ಅವರು ಈ ಸ್ಪಷ್ಟನೆ ನೀಡಿದರು.

. ಫೇಸ್ಬುಕ್ ಪೋಸ್ಟ್ನಲ್ಲಿ ಅವರು, ಸ್ವೀಡನ್ ಕುರಿತಂತೆ ಹಂಗೇರಿ ಸರ್ಕಾರದ ನಿಲುವು ಸ್ಪಷ್ಟವಾಗಿದೆ. ಸರ್ಕಾರವು ನ್ಯಾಟೊ ಸದಸ್ಯತ್ವವನ್ನು ಬೆಂಬಲಿಸಲಿದೆ. ಅದಕ್ಕಾಗಿಯೇ ನಾವು ಸಂಸತ್ತಿನಲ್ಲಿಯೂ ಪ್ರಸ್ತಾವ ಮಂಡಿಸಿದ್ದೇವೆ. ಅದನ್ನು ಅನುಮೋದಿಸುವುದಷ್ಟೇ ಬಾಕಿ ಇದೆ‘ ಎಂದಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉಕ್ರೇನ್‌ಗೆ ಶಸ್ತ್ರಾಸ್ತ್ರ ಬಲ: ಜರ್ಮನಿ ಅಭಯ, ನ್ಯಾಟೊ ಸಭೆಯಲ್ಲಿ ಘೋಷಣೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು