ಕ್ಯಾಲಿಫೋರ್ನಿಯಾ: ಜಾತಿವಿರೋಧಿ ತಾರತಮ್ಯ ಮಸೂದೆ ಅಂಕಿತಕ್ಕೆ ಗವರ್ನರ್ ನಿರಾಕರಣೆ

ವಾಷಿಂಗ್ಟನ್ : ಕ್ಯಾಲಿಫೋರ್ನಿಯಾದ ಸರ್ಕಾರ ರೂಪಿಸಿದ್ದ ಜಾತಿವಿರೋಧಿ ತಾರತಮ್ಯ ಮಸೂದೆಗೆ ಅಂಕಿತ ಹಾಕಲು ಗವರ್ನರ್ ಗೇವಿನ್ ನ್ಯೂಸಮ್ ನಿರಾಕರಿಸಿದ್ದಾರೆ.

. ‘ಈ ಮಸೂದೆ ಅನಗತ್ಯವಾಗಿತ್ತು. ಜಾತಿ ಆಧಾರಿತ ತಾರತಮ್ಯ ನಿಷೇಧಿಸುವ ಕಾಯ್ದೆ ಈಗಾಗಲೇ ಜಾರಿಯಲ್ಲಿದೆ‘ ಎಂದು ಗವರ್ನರ್ ಹೇಳಿದ್ದಾರೆ.

. ಕ್ಯಾಲಿಫೋರ್ನಿಯಾದ ಜನಪ್ರತಿನಿಧಿಗಳ ಸಭೆ ಮತ್ತು ಸೆನೆಟ್ ಬಹುಮತದಿಂದ ಈಚೆಗೆ ಮಸೂದೆ ಅಂಗೀಕರಿಸಿದ್ದವು.

. ಮಸೂದೆಗೆ ಅಂಕಿತ ಹಾಕಲು ನಿರಾಕರಿಸಿರುವ ಗವರ್ನರ್ ಅವರ ನಿರ್ಧಾರವನ್ನು ರಾಜ್ಯದಲ್ಲಿನ ಹಿಂದೂ ಪೋಷಕರು, ಭಾರತ ಮೂಲದ ಅಮೆರಿಕನ್ನರು, ದಲಿತಪರ ಸಂಘಟನೆ ಸೇರಿದಂತೆ ಹಲವು ಸಂಘಟನೆಗಳು ಸ್ವಾಗತಿಸಿವೆ.

. ‘ರಾಜ್ಯದಲ್ಲಿ ಪ್ರತಿಯೊಬ್ಬರು ಘನತೆ, ಗೌರವ ಪಡೆಯಲು ಅರ್ಹರಿದ್ದಾರೆ ಎಂದು ನಾವು ಭಾವಿಸುತ್ತೇವೆ. ಅವರು ಯಾರು, ಎಲ್ಲಿಂದ ಬಂದರು, ಯಾರನ್ನು ಪ್ರೀತಿಸುತ್ತಾರೆ, ಎಲ್ಲಿ ವಾಸವಿದ್ದಾರೆ ಎಂಬುದು ಮುಖ್ಯವಲ್ಲ’ ಎಂದು ಗವರ್ನರ್ ನ್ಯೂಸಮ್ ಅವರು ಈ ಸಂಬಂಧ ನೀಡಿರುವ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

. ‘ಇದೇ ಕಾರಣದಿಂದ ಕ್ಯಾಲಿಫೋರ್ನಿಯಾದಲ್ಲಿ ಈಗಾಗಲೇ ಲಿಂಗ, ವರ್ಣ, ಜನಾಂಗ, ಧರ್ಮ, ಪೂರ್ವ ಇತಿಹಾಸ, ರಾಷ್ಟ್ರೀಯತೆ, ಅಂಗವಿಕಲತೆ, ಲಿಂಗಸೂಚಕ ಮತ್ತು ಇತರೆ ಅಂಶಗಳ ಆಧಾರದಲ್ಲಿ ತಾರತಮ್ಯ ಎಸಗುವುದನ್ನು ನಿಷೇಧಿಸಲಾಗಿದೆ. ಈ ವಿಷಯದಲ್ಲಿ ಜನರ ಹಕ್ಕುಗಳ ರಕ್ಷಣೆಯಾಗಬೇಕು ಎಂದು ಕಾಯ್ದೆಯಲ್ಲಿ ಸ್ಪಷ್ಟವಾಗಿದೆ. ಹಾಲಿ ಕಾಯ್ದೆಯಲ್ಲಿ ಜಾತಿ ಆಧಾರಿತ ತಾರತಮ್ಯ ನಿಷೇಧಿಸಿರುವ ಕಾರಣ ಈ ಮಸೂದೆ ಅನಗತ್ಯ. ಹೀಗಾಗಿ, ‘ಎಸ್ಬಿ403’ ಹೆಸರಿನ ಮಸೂದೆಗೆ ಅಂಕಿತ ಹಾಕಲಾಗದು’ ಎಂದು ಅವರು ವಿವರಿಸಿದ್ದಾರೆ.

. ಡೆಮಾಕ್ರಟಿಕ್ ಪಕ್ಷದ ನಾಯಕ ಅಜಯ್ ಭುಟೊರಿಯಾ ಅವರು ಈ ಕುರಿತ ಹೇಳಿಕೆಯಲ್ಲಿ, ‘ಇದು, ಸ್ಮರಣಿಯ ಬೆಳವಣಿಗೆ. ಇದಕ್ಕಾಗಿ ಗವರ್ನರ್ ಅವರಿಗೆ ಕೃತಜ್ಞತೆಗಳು’ ಎಂದು ಹೇಳಿದ್ದಾರೆ.

. ಇತ್ತೀಚೆಗೆ ಷಿಕಾಗೊದಲ್ಲಿ ನಡೆದಿದ್ದ ಡೆಮಾಕ್ರಾಟಿಕ್ ರಾಷ್ಟ್ರೀಯ ಸಮಿತಿ (ಡಿಎನ್ಸಿ) ಸಮಾವೇಶದಲ್ಲಿ ಭುಟೊರಿಯಾ ಮತ್ತು ಬಾಸ್ಟನ್ ಕ್ಷೇತ್ರದ ರಾಕೇಶ್ ಕಾಪುರ್ ಅವರು, ಮಸೂದೆಗೆ ಅಂಕಿತ ಹಾಕಬಾರದು ಎಂದು ಒತ್ತಾಯಿಸಿದ್ದರು.

. ಅಂಬೇಡ್ಕರ್–ಫುಲೆ ನೆಟ್ವರ್ಕ್ ಆಫ್ ಅಮೆರಿಕನ್ಸ್ ದಲಿತ್ಸ್ ಸಂಘಟನೆಯ ಅಧ್ಯಕ್ಷೆ ವಿ.ವೈಶಾಲಿ, ಈಕ್ವಾಲಿಟಿ ಲ್ಯಾಬ್ಸ್ನ ಕಾರ್ಯನಿರ್ವಾಹಕ ನಿರ್ದೇಶಕ ತೆನ್ಮೊಳಿ ಸೌಂದರರಾಜನ್ ಸೇರಿ ಹಲವರು ಗವರ್ನರ್ ನಿರ್ಧಾರ ಸ್ವಾಗತಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ಯಾಲಿಫೋರ್ನಿಯಾ: ಜಾತಿವಿರೋಧಿ ತಾರತಮ್ಯ ಮಸೂದೆ ಅಂಕಿತಕ್ಕೆ ಗವರ್ನರ್ ನಿರಾಕರಣೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ರಣಜಿ ಕ್ರಿಕೆಟ್’ ಮುಂಬೈ ಕ್ರಿಕೆಟ್ ತಂಡಕ್ಕೆ ಮರಳಿದ ಶ್ರೇಯಸ್

ಫುಟ್‌ಬಾಲ್‌ ಸಂಭಾವ್ಯ ತಂಡದಲ್ಲಿ ಸಂದೇಶ್‌ ಜಿಂಗಾನ್‌ಗೆ ಸ್ಥಾನ

ನೆಟ್ಟಕಲ್ಲಪ್ಪ ರಾಷ್ಟ್ರಮಟ್ಟದ ಈಜು: ಕಣಕ್ಕಿಳಿಯಲಿರುವ 300 ಈಜುಪಟುಗಳು

ಏಷ್ಯನ್‌ ಪಿಕಲ್‌ಬಾಲ್‌: ಭಾರತಕ್ಕೆ 14 ಪದಕ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್