ಇಮ್ರಾನ್‌ ಖಾನ್‌ ಅಸಮರ್ಥ ಮತ್ತು ಸುಳಿವಿಲ್ಲದ ನಾಯಕ: ಪಿಡಿಎಂ ಟೀಕೆ

ಕರಾಚಿ: ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ‘ಅಸಮರ್ಥ ಮತ್ತು ಸುಳಿವಿಲ್ಲದ’ ನಾಯಕ. ಅವರ ಸರ್ಕಾರ ಸರ್ವಾಧಿಕಾರಕ್ಕಿಂತಲೂ ಕೆಟ್ಟದಾಗಿದೆ ಎಂದು 11 ವಿಪಕ್ಷಗಳ ಒಕ್ಕೂಟವಾದ ಪಾಕಿಸ್ತಾನ ಪ್ರಜಾಸತ್ತಾತ್ಮಕ ಚಳುವಳಿಯ(ಪಿಡಿಎಂ) ನಾಯಕರು ಟೀಕಿಸಿದರು.

. ಇಮ್ರಾನ್ ಖಾನ್ ನೇತೃತ್ವದ ಪಾಕಿಸ್ತಾನ ತೆಹ್ರೀಕ್–ಇ–ಇನ್ಸಾಫ್(ಪಿಟಿಐ) ಪಕ್ಷದ ಸರ್ಕಾರವನ್ನು ಅಧಿಕಾರದಿಂದ ಇಳಿಸುವ ನಿಟ್ಟಿನಲ್ಲಿ ವಿಪಕ್ಷಗಳು ಜೊತೆಗೂಡಿ ಸೆ.20 ರಂದು ಪಿಡಿಎಂ ಅನ್ನು ರಚಿಸಿದವು. ಪಿಡಿಎಂ ಮೂರು ಹಂತಗಳಲ್ಲಿ ಸರ್ಕಾರದ ವಿರುದ್ಧ ಚಳವಳಿಯನ್ನು ನಡೆಸಲಿದೆ.

. ಈ ಚಳವಳಿಯಡಿ ದೇಶದೆಲ್ಲೆಡೆ ಹಲವು ಸಾರ್ವಜನಿಕ ಸಭೆ, ಶಕ್ತಿ ಪ್ರದರ್ಶನಗಳನ್ನು ನಡೆಸಲು ನಿರ್ಧರಿಸಲಾಗಿದ್ದು, ಮುಂದಿನ ವರ್ಷ ಜನವರಿಯಲ್ಲಿ ‘ನಿರ್ಣಾಯಕವಾದ ಬೃಹತ್ ರ್ಯಾಲಿಯನ್ನು ನಡೆಸಲು ಪಿಡಿಎಂ ಮುಂದಾಗಿದೆ. ಮೊದಲ ರ್ಯಾಲಿ ಲಾಹೋರಿನ ಗುಜ್ರಾನ್ವಾಲದಲ್ಲಿ ಶುಕ್ರವಾರ ನಡೆಯಿತು.

. ಕರಾಚಿಯ ಬಾಗ್-ಎ-ಜಿನ್ನಾದಲ್ಲಿ ಭಾನುವಾರ ನಡೆದ ಎರಡನೇ ರ್ಯಾಲಿಯಲ್ಲಿ ಮಾತನಾಡಿದ ಪಾಕಿಸ್ತಾನ ಪೀಪಲ್ಸ್ ಪಾರ್ಟಿಯ ಮುಖ್ಯಸ್ಥ ಬಿಲಾವಾಲ್ ಭುಟ್ಟೊ ಜರ್ದಾರಿ ಅವರು,‘ಇಮ್ರಾನ್ ಖಾನ್ ಒಬ್ಬ ಅಸಮರ್ಥ ಮತ್ತು ಸುಳಿವಿಲ್ಲದ ನಾಯಕ. ಸರ್ವಾಧಿಕಾರಿಯು ಅತಿ ಹೆಚ್ಚು ಸಮಯ ಬದುಕಲು ಸಾಧ್ಯವಿಲ್ಲ. ಇದಕ್ಕೆ ಇತಿಹಾಸವೇ ಸಾಕ್ಷಿ’ ಎಂದರು.

. ಈ ರ್ಯಾಲಿಯಲ್ಲಿ ಕರ್ಸಾಜ್ ಅವಳಿ ಬಾಂಬ್ ಸ್ಫೋಟದ 13ನೇ ವಾರ್ಷಿಕೋತ್ಸವವನ್ನು ಆಚರಿಸಲಾಯಿತು. 2007ರಲ್ಲಿ ಪ್ರಧಾನಿ ಬೆನಜಿರ್ ಭುಟ್ಟೊ ಅವರ ರ್ಯಾಲಿಯನ್ನು ಗುರಿಯಾಗಿಸಿ ಅವಳಿ ಸ್ಫೋಟ ನಡೆಸಲಾಗಿತ್ತು. ಇದರಲ್ಲಿ 200ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದರು.

. ಪಿಎಂಎನ್–ಎನ್ ಉಪಾಧ್ಯಕ್ಷರಾದ ಮರಿಯಂ ನವಾಜ್, ಶಾಹೀದ್ ಖಾಗನ್ ಅಬ್ಬಾಸಿ, ಪಖ್ತುನ್ಕ್ವುವಾ ಮಿಲಿ ಅವಾಮಿ ಪಕ್ಷದ ಅಧ್ಯಕ್ಷ ಮೆಹಮ್ಮೂದ್ ಅಚಕ್ಜಿ ಮತ್ತು ಜಿಯುಐ–ಎಫ್ ನಾಯಕ ಮೌಲಾನಾ ಫಜುಲುರ್ ರೆಹಮಾನ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರು.

. ‘ನೀವು ಸಮಸ್ಯೆಗಳು ಬಂದಾಗ ಸೇನೆಯನ್ನು ಮುಂದೆ ತರುತ್ತೀರಿ. ನಿಮ್ಮ ವಿಫಲತೆಯನ್ನು ಮುಚ್ಚಿಡಲು ಸೇನೆಯನ್ನು ಬಳಸುತ್ತೀರಿ. ಈ ಹಕ್ಕನ್ನು ನಿಮಗೆ ಯಾರು ನೀಡಿದ್ದಾರೆ. ಸರ್ಕಾರವನ್ನು ಪ್ರಶ್ನಿಸಿದರೆ ದೇಶದ್ರೋಹಿ ಎಂಬ ಪಟ್ಟು ಕಟ್ಟುತ್ತೀರಿ. ನಿಮ್ಮ ಈ ರೀತಿಯ ಬೆದರಿಕೆಯಿಂದ ನಾವು ಹಿಂಜರಿಯಲ್ಲ. ಎಷ್ಟು ಸಮಯ ಸೇನೆಯ ಹಿಂದೆ ಅಡಗಿ ಕುಳಿತುಕೊಳ್ಳುತ್ತೀರಿ’ ಎಂದು ಮಾಜಿ ಪ್ರಧಾನಿ ನವಾಜ್ ಷರೀಫ್ ಪುತ್ರಿ ಮರಿಯಂ ನವಾಜ್ ಅವರು ವಾಗ್ದಾಳಿ ನಡೆಸಿದರು.

. ಪಿಡಿಎಂ ಅ. 25 ರಂದು ಕ್ವೆಟ್ಟಾ, ನ. 22 ರಂದು ಪೇಶಾವರ, ನ. 30 ರಂದು ಮುಲ್ತಾನ್ ಮತ್ತು ಡಿ.13 ರಂದು ಲಾಹೋರ್ನಲ್ಲಿ ರ್ಯಾಲಿಗಳನ್ನು ನಡೆಸಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇಮ್ರಾನ್‌ ಖಾನ್‌ ಅಸಮರ್ಥ ಮತ್ತು ಸುಳಿವಿಲ್ಲದ ನಾಯಕ: ಪಿಡಿಎಂ ಟೀಕೆ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ

Pro Kabaddi: ಅರ್ಜುನ್‌ ಅಬ್ಬರಕ್ಕೆ ಬೆದರಿದ ಬುಲ್ಸ್

ಬಾರ್ಡರ್‌–ಗಾವಸ್ಕರ್ ಟ್ರೋಫಿ: ‘ವೇಗಾಸ್ತ್ರ’ ಪ್ರಯೋಗಕ್ಕೆ ಪರ್ತ್ ವೇದಿಕೆ ಸಿದ್ಧ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್‌ ಟೂರ್ನಿ: ಅರವಿಂದ್‌ ಮುಡಿಗೆ ಕಿರೀಟ

ಪಾಕ್‌ನಲ್ಲಿ ಅಂಧರ ಟಿ20 wc: ವಿದೇಶಾಂಗ ಸಚಿವಾಲಯದ ಅನುಮತಿಗಾಗಿ ಕಾದಿರುವ ಭಾರತ ತಂಡ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ