<p><strong>ಜೆರುಸಲೇಂ:</strong> ಇಸ್ರೇಲ್ನಲ್ಲಿ ಸಂಘರ್ಷದ ವಾತಾವರಣದ ನಡುವೆಯೂ ನಾಗರಿಕರು ಮಾನವೀಯತೆಯನ್ನು ಎತ್ತಿ ಹಿಡಿದಿರುವ ಪ್ರಸಂಗಗಳು ನಡೆದಿವೆ.</p>.<p>ಇಸ್ರೇಲ್ ಮತ್ತು ಹಮಸ್, ಅರಬರು ಮತ್ತು ಯಹೂದಿಗಳು ಸಂಘರ್ಷ ನಡುವೆ ನಾಗರಿಕರು ಶಾಂತಿಯುತ ಸಹಬಾಳ್ವೆಗೂ ಮಾದರಿಯಾಗಿದ್ದಾರೆ.</p>.<p>‘ಕಳೆದ ವಾರ ಜೆರುಸಲೇಂನ ಅರಬ್ ಮಹಿಳೆಯೊಬ್ಬರು ಮೂತ್ರಪಿಂಡ ಕಸಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಈ ಮಹಿಳೆಗೆ ಲಾಡ್ನಲ್ಲಿ ನಡೆದ ಗಲಭೆಯಲ್ಲಿ ಮೃತ ಪಟ್ಟ ಯಹೂದಿ ಸಮುದಾಯಕ್ಕೆ ಸೇರಿದ ಯಿಗಲ್ ಯೆಹೋಶುವಾ ಅವರ ಮೂತ್ರಪಿಂಡವನ್ನು ನೀಡಲಾಗಿದೆ’ ಎಂದು ಸ್ಥಳೀಯ ಪತ್ರಿಕೆ ವರದಿ ಮಾಡಿದೆ.</p>.<p>ಐದು ಮಕ್ಕಳ ತಾಯಿ ರಾಂಡಾ ಅವೀಸ್ ಅವರಿಗೆ ಯಿಗಲ್ ಯೆಹೋಶುವಾ ಅವರ ಮೂತ್ರಪಿಂಡ ನೀಡಲಾಗಿದೆ. ಜೆರುಸಲೇಂನ ಹದಸ್ಸಾಹ್ ವಿಶ್ವವಿದ್ಯಾಲಯ ಆಸ್ಪತ್ರೆಯಲ್ಲಿ ಮೂತ್ರಪಿಂಡ ಕಸಿ ಶಸ್ತ್ರಚಿಕಿತ್ಸೆಯನ್ನು ನಡೆಸಲಾಯಿತು</p>.<p>ರಾಂಡಾ ಅವರು ಕಳೆದ ಹತ್ತು ವರ್ಷಗಳಿಂದ ಮೂತ್ರಪಿಂಡ ಸಮಸ್ಯೆಯಿಂದ ಬಳಲುತ್ತಿದ್ದರು. ಅಂಗಾಂಗಳನ್ನು ಪಡೆಯಲು ಕಳೆದ ಏಳು ವರ್ಷಗಳಿಂದ ಕಾಯುತ್ತಿದ್ದರು ಎಂದು ವೈದ್ಯರು ತಿಳಿಸಿದ್ದಾರೆ.</p>.<p>‘ಯೆಹೋಶುವಾ, ದಾನ–ಧರ್ಮದಲ್ಲಿ ನಂಬಿಕೆಯನ್ನು ಹೊಂದಿದ್ದರು. ಅವರ ಮನಸ್ಸು ಬಹಳ ವಿಶಾಲವಾಗಿತ್ತು. ಹಾಗಾಗಿ ಅವರ ಅಂಗಾಂಗ ದಾನ ಮಾಡಲು ನಾವು ಒಪ್ಪಿಕೊಂಡೆವು. ಇದು ನಮ್ಮ ಕುಟುಂಬಕ್ಕೂ ಹೆಮ್ಮೆಯ ವಿಷಯ’ ಎಂದು ಯೆಹೋಶುವಾ ಅವರ ಅಣ್ಣ ತಿಳಿಸಿದರು.</p>.<p>ಮೇ 17ರಂದು ಲಾಡ್ನಲ್ಲಿ ಗಲಭೆ ನಡೆದಿತ್ತು. ಈ ವೇಳೆ ಯೆಹೋಶುವಾ ಅವರ ಕಾರಿಗೆ ಕೆಲವರು ಕಲ್ಲು ತೂರಾಟ ನಡೆಸಿದ್ದಾರೆ. ಈ ಸಂದರ್ಭದಲ್ಲಿ ನಡೆದ ಹಿಂಸಾಚಾರದಲ್ಲಿ ಯೆಹೋಶುವಾ ಅವರು ಮೃತಪಟ್ಟಿದ್ದರು.</p>.<p>ಇನ್ನೊಂದೆಡೆ, ಕಳೆದ ವಾರ ಗಲಭೆಯಲ್ಲಿ ಹತ್ಯೆಯಾಗಿದ್ದ ಉಮ್ ಅಲ್ ಫಾಹ್ಮ್ನ ನಿವಾಸಿ 17 ವರ್ಷದ ಮೊಹಮ್ಮದ್ ಕಿವಾನ್ ಅವರ ಅಂಗಾಂಗಗಳನ್ನು ಐದು ಯಹೂದಿಗಳು ಸೇರಿದಂತೆ ಆರು ಮಂದಿಗೆ ದಾನ ಮಾಡಲಾಗಿದೆ.</p>.<p>‘ನನ್ನ ಮಗನಿಂದಾಗಿ ಆರು ಜನರು ಜೀವ ಉಳಿಯಿತೆಂದು ನನಗೆ ಖುಷಿಯಿದೆ. ನಾವು ಸಹಬಾಳ್ವೆಯಲ್ಲಿ ವಿಶ್ವಾಸವನ್ನು ಹೊಂದಿದ್ಧೇವೆ. ಧರ್ಮ, ಜನಾಂಗ ಮತ್ತು ಲಿಂಗವನ್ನು ಲೆಕ್ಕಿಸದೆ ಜೀವಗಳನ್ನು ಉಳಿಸಲು ನಾವು ಬಯಸಿದೆವು’ ಎಂದು ಕಿವಾನ್ ತಾಯಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೆರುಸಲೇಂ:</strong> ಇಸ್ರೇಲ್ನಲ್ಲಿ ಸಂಘರ್ಷದ ವಾತಾವರಣದ ನಡುವೆಯೂ ನಾಗರಿಕರು ಮಾನವೀಯತೆಯನ್ನು ಎತ್ತಿ ಹಿಡಿದಿರುವ ಪ್ರಸಂಗಗಳು ನಡೆದಿವೆ.</p>.<p>ಇಸ್ರೇಲ್ ಮತ್ತು ಹಮಸ್, ಅರಬರು ಮತ್ತು ಯಹೂದಿಗಳು ಸಂಘರ್ಷ ನಡುವೆ ನಾಗರಿಕರು ಶಾಂತಿಯುತ ಸಹಬಾಳ್ವೆಗೂ ಮಾದರಿಯಾಗಿದ್ದಾರೆ.</p>.<p>‘ಕಳೆದ ವಾರ ಜೆರುಸಲೇಂನ ಅರಬ್ ಮಹಿಳೆಯೊಬ್ಬರು ಮೂತ್ರಪಿಂಡ ಕಸಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಈ ಮಹಿಳೆಗೆ ಲಾಡ್ನಲ್ಲಿ ನಡೆದ ಗಲಭೆಯಲ್ಲಿ ಮೃತ ಪಟ್ಟ ಯಹೂದಿ ಸಮುದಾಯಕ್ಕೆ ಸೇರಿದ ಯಿಗಲ್ ಯೆಹೋಶುವಾ ಅವರ ಮೂತ್ರಪಿಂಡವನ್ನು ನೀಡಲಾಗಿದೆ’ ಎಂದು ಸ್ಥಳೀಯ ಪತ್ರಿಕೆ ವರದಿ ಮಾಡಿದೆ.</p>.<p>ಐದು ಮಕ್ಕಳ ತಾಯಿ ರಾಂಡಾ ಅವೀಸ್ ಅವರಿಗೆ ಯಿಗಲ್ ಯೆಹೋಶುವಾ ಅವರ ಮೂತ್ರಪಿಂಡ ನೀಡಲಾಗಿದೆ. ಜೆರುಸಲೇಂನ ಹದಸ್ಸಾಹ್ ವಿಶ್ವವಿದ್ಯಾಲಯ ಆಸ್ಪತ್ರೆಯಲ್ಲಿ ಮೂತ್ರಪಿಂಡ ಕಸಿ ಶಸ್ತ್ರಚಿಕಿತ್ಸೆಯನ್ನು ನಡೆಸಲಾಯಿತು</p>.<p>ರಾಂಡಾ ಅವರು ಕಳೆದ ಹತ್ತು ವರ್ಷಗಳಿಂದ ಮೂತ್ರಪಿಂಡ ಸಮಸ್ಯೆಯಿಂದ ಬಳಲುತ್ತಿದ್ದರು. ಅಂಗಾಂಗಳನ್ನು ಪಡೆಯಲು ಕಳೆದ ಏಳು ವರ್ಷಗಳಿಂದ ಕಾಯುತ್ತಿದ್ದರು ಎಂದು ವೈದ್ಯರು ತಿಳಿಸಿದ್ದಾರೆ.</p>.<p>‘ಯೆಹೋಶುವಾ, ದಾನ–ಧರ್ಮದಲ್ಲಿ ನಂಬಿಕೆಯನ್ನು ಹೊಂದಿದ್ದರು. ಅವರ ಮನಸ್ಸು ಬಹಳ ವಿಶಾಲವಾಗಿತ್ತು. ಹಾಗಾಗಿ ಅವರ ಅಂಗಾಂಗ ದಾನ ಮಾಡಲು ನಾವು ಒಪ್ಪಿಕೊಂಡೆವು. ಇದು ನಮ್ಮ ಕುಟುಂಬಕ್ಕೂ ಹೆಮ್ಮೆಯ ವಿಷಯ’ ಎಂದು ಯೆಹೋಶುವಾ ಅವರ ಅಣ್ಣ ತಿಳಿಸಿದರು.</p>.<p>ಮೇ 17ರಂದು ಲಾಡ್ನಲ್ಲಿ ಗಲಭೆ ನಡೆದಿತ್ತು. ಈ ವೇಳೆ ಯೆಹೋಶುವಾ ಅವರ ಕಾರಿಗೆ ಕೆಲವರು ಕಲ್ಲು ತೂರಾಟ ನಡೆಸಿದ್ದಾರೆ. ಈ ಸಂದರ್ಭದಲ್ಲಿ ನಡೆದ ಹಿಂಸಾಚಾರದಲ್ಲಿ ಯೆಹೋಶುವಾ ಅವರು ಮೃತಪಟ್ಟಿದ್ದರು.</p>.<p>ಇನ್ನೊಂದೆಡೆ, ಕಳೆದ ವಾರ ಗಲಭೆಯಲ್ಲಿ ಹತ್ಯೆಯಾಗಿದ್ದ ಉಮ್ ಅಲ್ ಫಾಹ್ಮ್ನ ನಿವಾಸಿ 17 ವರ್ಷದ ಮೊಹಮ್ಮದ್ ಕಿವಾನ್ ಅವರ ಅಂಗಾಂಗಗಳನ್ನು ಐದು ಯಹೂದಿಗಳು ಸೇರಿದಂತೆ ಆರು ಮಂದಿಗೆ ದಾನ ಮಾಡಲಾಗಿದೆ.</p>.<p>‘ನನ್ನ ಮಗನಿಂದಾಗಿ ಆರು ಜನರು ಜೀವ ಉಳಿಯಿತೆಂದು ನನಗೆ ಖುಷಿಯಿದೆ. ನಾವು ಸಹಬಾಳ್ವೆಯಲ್ಲಿ ವಿಶ್ವಾಸವನ್ನು ಹೊಂದಿದ್ಧೇವೆ. ಧರ್ಮ, ಜನಾಂಗ ಮತ್ತು ಲಿಂಗವನ್ನು ಲೆಕ್ಕಿಸದೆ ಜೀವಗಳನ್ನು ಉಳಿಸಲು ನಾವು ಬಯಸಿದೆವು’ ಎಂದು ಕಿವಾನ್ ತಾಯಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
