ಲೇಸರ್‌ ಭೌತಶಾಸ್ತ್ರದ ಮೂವರು ವಿಜ್ಞಾನಿಗಳಿಗೆ ಭೌತಶಾಸ್ತ್ರ ನೊಬೆಲ್‌

ಸ್ಟಾಕ್ಹೋಮ್ : ಲೇಸರ್ ಭೌತಶಾಸ್ತ್ರಕ್ಷೇತ್ರದಲ್ಲಿ ಮಾಡಿದ ಸಾಧನೆಯನ್ನು ಪರಿಗಣಿಸಿ ಮೂವರು ವಿಜ್ಞಾನಿಗಳನ್ನು 2018ರ ಭೌತಶಾಸ್ತ್ರ ನೊಬೆಲ್ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ಕಣ್ಣಿನ ಶಸ್ತ್ರಚಿಕಿತ್ಸೆ ಹಾಗೂ ಉದ್ಯಮದಲ್ಲಿ ಬಳಸುವ ಸುಧಾರಿತ ಸಾಧನಗಳ ಅಭಿವೃದ್ಧಿಗೆ ಈ ಸಂಶೋಧನೆಗಳು ದಾರಿ ಮಾಡಿಕೊಟ್ಟಿವೆ.

. ಅಮೆರಿಕದ ಅರ್ಥರ್ ಆಸ್ಕಿನ್, ಫ್ರಾನ್ಸ್ನ ಗೆರಾರ್ಡ್ ಮೌರೌ ಮತ್ತು ಕೆನಾಡದ ಡೊನ್ನಾಸ್ಟೀಕ್ಲ್ಯಾಂಡ್ 2018ನೇ ಸಾಲಿನ ಭೌತಶಾಸ್ತ್ರ ನೊಬೆಲ್ ಪ್ರಶಸ್ತಿಪಡೆದಿದ್ದಾರೆ.ಆರ್ಥರ್ ಅಸ್ಕಿನ್ ಅವರು ಪ್ರಶಸ್ತಿ ಮೊತ್ತದ ಅರ್ಧದಷ್ಟು ಪಡೆಯಲಿದ್ದರೆ,ಗೆರಾರ್ಡ್ ಮೌರೌ ಹಾಗೂ ಡೊನ್ನಾ ಸ್ಟ್ರಿಕ್ಲ್ಯಾಂಡ್ ಅವರು ಉಳಿದರ್ಧವನ್ನು ಹಂಚಿಕೊಳ್ಳಲಿದ್ದಾರೆ.

. ಅಸ್ಕಿನ್ (96) ಅವರು ‘ಆಪ್ಟಿಕಲ್ ಟ್ವೀಜರ್ಸ್’ ಎಂಬ ಸಾಧನವೊಂದನ್ನು ಅಭಿವೃದ್ಧಿಪಡಿಸಿದ್ದಾರೆ. ಇದು ತನ್ನ ಲೇಸರ್ ಕಿರಣಗಗಳ ಮೂಲಕ ಕಣಗಳು, ಪರಮಾಣುಗಳು, ವೈರಸ್ ಹಾಗೂ ಜೀವಕೋಶಗಳನ್ನು ಹಿಡಿದುಕೊಳ್ಳುತ್ತದೆ.

. ಭೌತಿಕ ವಸ್ತುವೊಂದರ ಮೂಲಕ ಹಾದುಹೋಗುವ ಸಲುವಾಗಿ ಬೆಳಕಿನ ವಿಕಿರಣದ ಒತ್ತಡವನ್ನು ಬಳಸಿಕೊಳ್ಳಲು ಇದರಿಂದ ಅಸ್ಕಿನ್ ಅವರಿಗೆ ಸಾಧ್ಯವಾಗಿದೆ ಎಂದು ಪ್ರಶಸ್ತಿ ನೀಡುವ ರಾಯಲ್ ಸ್ವೀಡಿಷ್ ಸೈನ್ಸ್ ಅಕಾಡೆಮಿ ತಿಳಿಸಿದೆ. ಈ ವಿಚಾರದಲ್ಲಿ 1987ರಲ್ಲೇ ಅಸ್ಕಿನ್ ಅವರು ಯಶಸ್ಸು ಸಾಧಿಸಿದ್ದರು. ಟ್ವೀಜರ್ಸ್ ಬಳಸಿಕೊಂಡು, ಬ್ಯಾಕ್ಟಿರಿಯಾವೊಂದನ್ನು ಅದಕ್ಕೆ ಹಾನಿ ಮಾಡದಂತೆ ಸೆರೆಹಿಡಿಯುವ ವಿಧಾನವನ್ನು ಅವರು ಕಂಡು ಹಿಡಿದಿದ್ದರು.

. ಅತಿಚಿಕ್ಕ ಹಾಗೂ ಸೂಕ್ಷ್ಮವೆನಿಸುವ ಲೇಸರ್ ಕಂಪನಗಳನ್ನು ಸೃಷ್ಟಿಮಾಡುವ ವಿಧಾನವನ್ನು ಮೌರೌ ಹಾಗೂ ಸ್ಟ್ರಿಕ್ಲ್ಯಾಂಡ್ ಅವರು ಅಭಿವೃದ್ಧಿಪಡಿಸಿದ್ದಾರೆ. ಈ ತಂತ್ರಜ್ಞಾನವನ್ನು ಕಣ್ಣಿನ ಶಸ್ತ್ರಚಿಕಿತ್ಸೆಯಲ್ಲಿ ಈಗ ಬಳಸಿಕೊಳ್ಳಲಾಗುತ್ತಿದೆ.

. ಮೌರೌ ಅವರು ಎಕ್ಸ್ಟ್ರೀಮ್ ಲೈಟ್ ಇನ್ಫ್ರಾಸ್ಟ್ರಕ್ಚರ್ (ಇಎಲ್ಐ) ಯೋಜನೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಜಗತ್ತಿನ ಅತ್ಯಂತ ಶಕ್ತಿಶಾಲಿ ಲೇಸರ್ ‘ಅಪೋಲನ್’ ಅನ್ನು ಅಭಿವೃದ್ಧಿಪಡಿಸುತ್ತಿದ್ದು, ಇದು ಪರಮಾಣು ತ್ಯಾಜ್ಯ ನಿರ್ವಹಣೆ, ಗಡ್ಡೆ ಚಿಕಿತ್ಸೆ ಹಾಗೂ ಬಾಹ್ಯಾಕಾಶದ ತಾಜ್ಯ ಸ್ವಚ್ಛಗೊಳಿಸುವಲ್ಲಿ ನೆರವಾಗಲಿದೆ ಎನ್ನಲಾಗಿದೆ.

. ಏನಿದು ಲೇಸರ್ ತಂತ್ರಜ್ಞಾನ?

. ಲೇಸರ್ ಪದದ ವಿಸ್ತೃತ ರೂಪ ಲೈಟ್ ಆಂಪ್ಲಿಫಿಕೇಶನ್ ಬೈ ಸ್ಟಿಮುಲೇಟೆಡ್ ಎಮಿಶನ್ ಆಫ್ ರೇಡಿಯೇಶನ್ (Light Amplification by Stimulated Emission of Radiation). 1960ರಲ್ಲಿ ಥಿಯೋಡೋರ್ ಮೈಮೆನ್ ಎಂಬ ವಿಜ್ಞಾನಿ ಮೊದಲ ಬಾರಿಗೆ ಲೇಸರ್ ಅನ್ನು ಆವಿಷ್ಕರಿಸಿದರು. ಈ ಲೇಸರ್ ತಂತ್ರಜ್ಞಾನವು ಚಾರ್ಲ್ಸ್ ಟೌನ್ಸ್ ಮತ್ತು ಲಿಯೋನಾರ್ಡ್ ಸ್ಕಾಲೋವ್ಸ್ ಎಂಬ ಭೌತ ವಿಜ್ಞಾನಿಗಳ ಸಿದ್ಧಾಂತವನ್ನು ಆಧರಿಸಿದೆ.

. ಜಾಗತಿಕ ಮಟ್ಟದಲ್ಲಿ ಲೇಸರ್ ತಂತ್ರಜ್ಞಾನವು ವೈದ್ಯಕೀಯ ಕ್ಷೇತ್ರ, ಕೈಗಾರಿಕೆ, ರಕ್ಷಣಾ ಕ್ಷೇತ್ರ, ಕಾನೂನು ಸುವ್ಯವಸ್ಥೆ, ಸಂಶೋಧನೆ, ವಸ್ತು ವಿನ್ಯಾಸ, ವಾಣಿಜ್ಯ ಮತ್ತು ಮನೋರಂಜನೆ ಕ್ಷೇತ್ರದಲ್ಲಿ ಲೇಸರ್ ತಂತ್ರಜ್ಞಾನ ಬಳಕೆಯಲ್ಲಿದೆ. ರಕ್ತ ರಹಿತ ಶಸ್ತ್ರ ಚಿಕಿತ್ಸೆಗೆ ಈ ತಂತ್ರಜ್ಞಾನವನ್ನು ಹೆಚ್ಚು ಬಳಕೆ ಮಾಡಲಾಗುತ್ತಿದೆ.

. ಜಠರ ಮತ್ತು ಮೂತ್ರಪಿಂಡದಲ್ಲಿನ ಗಡ್ಡೆ, ಕಲ್ಲುಗಳನ್ನು ಕರಗಿಸಲು, ಕಣ್ಣಿನ ಪೊರೆ ಹಾಗೂ ಹಲ್ಲುಗಳ ಸ್ವಚ್ಛತೆಗೂ ಲೇಸರ್ ತಂತ್ರಜ್ಞಾನ ಬಳಕೆಯಲ್ಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಲೇಸರ್‌ ಭೌತಶಾಸ್ತ್ರದ ಮೂವರು ವಿಜ್ಞಾನಿಗಳಿಗೆ ಭೌತಶಾಸ್ತ್ರ ನೊಬೆಲ್‌

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಚುರುಮುರಿ | ವೋಟ್ ಫಾರ್...

Karnataka Rains: ಇಂದು–ನಾಳೆ ರಾಜ್ಯದ ಕೆಲವೆಡೆ ಭಾರಿ ಮಳೆ ಸಾಧ್ಯತೆ

ಮನೆ ಬೀಗ ಹಾಕಿ ಉಪನಿರ್ದೇಶಕ ನಾಪತ್ತೆ: ಬಾಗಿಲು ಕಾಯುತ್ತಿರುವ ಲೋಕಾಯುಕ್ತ ಪೊಲೀಸರು

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ | ಅಂಕಿತ್‌ಗೆ ಆಘಾತ: ಫೈನಲ್‌ಗೆ ಅಮಿತ್‌

ವಿಶ್ವ ವಿ.ವಿ. ಶೂಟಿಂಗ್ ಚಾಂಪಿಯನ್‌ಷಿಪ್‌: ಐಶ್ವರಿ– ಸಂಜೀತಾ ಜೋಡಿಗೆ ಚಿನ್ನ

ಮೊದಲ ದಿನವೇ 15 ವಿಕೆಟ್ ಪತನ: ಕೌಶಿಕ್ ದಾಳಿಗೆ ಉತ್ತರಪ್ರದೇಶ ನಿರುತ್ತರ

ಗುಜರಾತ್ ಟೈಟನ್ಸ್ ಸಹಾಯಕ ಕೋಚ್ ಆಗಿ ಪಾರ್ಥಿವ್‌

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಚುರುಮುರಿ | ವೋಟ್ ಫಾರ್...

Karnataka Rains: ಇಂದು–ನಾಳೆ ರಾಜ್ಯದ ಕೆಲವೆಡೆ ಭಾರಿ ಮಳೆ ಸಾಧ್ಯತೆ

ಮನೆ ಬೀಗ ಹಾಕಿ ಉಪನಿರ್ದೇಶಕ ನಾಪತ್ತೆ: ಬಾಗಿಲು ಕಾಯುತ್ತಿರುವ ಲೋಕಾಯುಕ್ತ ಪೊಲೀಸರು