<p><strong>ಹೂಸ್ಟನ್:</strong> ಅಯೋಧ್ಯೆಯಲ್ಲಿ ನಡೆಯಲಿರುವ ರಾಮ ಮೂರ್ತಿ ಪ್ರಾಣ ಪ್ರತಿಷ್ಠಾಪನೆ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಅಮೆರಿಕದ ಹಿಂದೂ ಸಮುದಾಯದ ಸದಸ್ಯರು ಭಾನುವಾರ ಹೂಸ್ಟನ್ನಾದ್ಯಂತ ಬೃಹತ್ ಕಾರು ರ್ಯಾಲಿ ನಡೆಸಿದರು. ಈ ವೇಳೆ ದಾರಿಯುದ್ದಕ್ಕೂ ರಾಮನ ಕುರಿತ ಭಜನೆ ಹಾಗೂ 'ಜೈ ಶ್ರೀ ರಾಮ್' ಘೋಷಣೆಗಳು ಮೊಳಗಿದವು.</p><p>500ಕ್ಕೂ ಹೆಚ್ಚು ಉತ್ಸಾಹಿ ಸವಾರರು ರಾಮ ಮಂದಿರ, ಭಾರತ ಹಾಗೂ ಅಮೆರಿಕ ಧ್ವಜದ ಚಿತ್ರವಿರುವ ಕೇಸರಿ ಬ್ಯಾನರ್ಗಳನ್ನು ಹಿಡಿದು 216 ಕಾರುಗಳ ಮೂಲಕ ಸುಮಾರು ಐದು ಕಿ.ಮೀ ರ್ಯಾಲಿ ನಡೆಸಿದ್ದಾರೆ</p><p>ಹೂಸ್ಟನ್ನ ಮೀನಾಕ್ಷಿ ದೇವಾಲಯದಿಂದ ಪ್ರಾರಂಭವಾದ ರ್ಯಾಲಿ ರಿಚ್ಮಂಡ್ನ ಶಾರದ್ ಅಂಬಾ ದೇವಸ್ಥಾನದಲ್ಲಿ ಮಧ್ಯಾಹ್ನ ಮುಕ್ತಾಯವಾಯಿತು.</p><p>ಸುಮಾರು 2 ಸಾವಿರ ಭಕ್ತರು ವಿವಿಧ ದೇವಾಲಯಗಳಲ್ಲಿ ಭಜನೆಯೊಂದಿಗೆ ರ್ಯಾಲಿಯನ್ನು ಸ್ವಾಗತಿಸಿದರು.</p><p>'ಜೈ ಶ್ರೀ ರಾಮ್' ಘೋಷಣೆಗಳು ದೇವಾಲಯಗಳಲ್ಲಿ ಮೊಳಗಿದವು. ಭಕ್ತರು, ಭಜನೆ ಮಾಡುತ್ತಾ ರಾಮ ಭಕ್ತಿಯಲ್ಲಿ ಮಿಂದರು. ಭಕ್ತರೊಂದಿಗೆ ಈ ರೀತಿ ಭಜನೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ಹಿತಾನುಭವ ನೀಡಿದೆ ಎಂದು ಲಿವಿಂಗ್ ಪ್ಲಾನೆಟ್ ಫೌಂಡೇಶನ್ನ ಸಂಸ್ಥಾಪಕಿ ಕುಸುಮ್ ವ್ಯಾಸ್ ಹೇಳಿದ್ದಾರೆ</p><p>ಹೂಸ್ಟನ್ನಲ್ಲಿ ಬೃಹತ್ ರ್ಯಾಲಿಯನ್ನು ಸ್ವಯಂಸೇವಕರಾದ ಅಚಲೇಶ್ ಅಮರ್, ಉಮಂಗ್ ಮೆಹ್ತಾ ಮತ್ತು ಅರುಣ್ ಮುಂದ್ರಾ ಎಂಬುವವರು ಆಯೋಜಿಸಿದ್ದರು.</p><p>‘ಕಾರು ರ್ಯಾಲಿ ಸಾಗಿ ಬಂದ ವಿವಿಧ ದೇವಾಲಯಗಳಲ್ಲಿ ಎರಡು ಸಾವಿರಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಜಮಯಿಸಿದ್ದರು. ಭಗವಾನ್ ಶ್ರೀರಾಮನು ಖಂಡಿತವಾಗಿಯೂ ಇಲ್ಲಿನ ಜನರ ಹೃದಯದಲ್ಲಿ ನೆಲೆಸಿದ್ದಾನೆ‘ ಎಂದು ವಿಎಚ್ಪಿಎ ಸದಸ್ಯರೂ ಆದ ಅಮರ್ ಹೇಳಿದ್ದಾರೆ.</p><p>‘ಹೂಸ್ಟನ್ನ ಹಲವು ದೇವಾಲಯಗಳ ಅಧಿಕಾರಿಗಳಿಗೆ ವಿಎಚ್ಪಿಎಯಿಂದ ಔಪಚಾರಿಕ ಆಹ್ವಾನ ಬಂದಿದೆ. ಅಯೋಧ್ಯೆಯ ಪವಿತ್ರವಾದ ಮಂತ್ರಾಕ್ಷತೆ 'ಗಂಗಾಜಲ', ರಾಮಾಯಣದ ಪ್ರತಿ ಸೇರಿದಂತೆ ಕೆಲವು ಸಿಹಿತಿಂಡಿಗಳನ್ನು ಒಳಗೊಂಡಿರುವ ಆಮಂತ್ರಣ ಬುಟ್ಟಿಯನ್ನು ಪಡೆದುಕೊಳ್ಳಲಾಗಿದೆ ಎಂದು ಸ್ವಯಂಸೇವಕರಾದ ಮುಂದ್ರಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೂಸ್ಟನ್:</strong> ಅಯೋಧ್ಯೆಯಲ್ಲಿ ನಡೆಯಲಿರುವ ರಾಮ ಮೂರ್ತಿ ಪ್ರಾಣ ಪ್ರತಿಷ್ಠಾಪನೆ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಅಮೆರಿಕದ ಹಿಂದೂ ಸಮುದಾಯದ ಸದಸ್ಯರು ಭಾನುವಾರ ಹೂಸ್ಟನ್ನಾದ್ಯಂತ ಬೃಹತ್ ಕಾರು ರ್ಯಾಲಿ ನಡೆಸಿದರು. ಈ ವೇಳೆ ದಾರಿಯುದ್ದಕ್ಕೂ ರಾಮನ ಕುರಿತ ಭಜನೆ ಹಾಗೂ 'ಜೈ ಶ್ರೀ ರಾಮ್' ಘೋಷಣೆಗಳು ಮೊಳಗಿದವು.</p><p>500ಕ್ಕೂ ಹೆಚ್ಚು ಉತ್ಸಾಹಿ ಸವಾರರು ರಾಮ ಮಂದಿರ, ಭಾರತ ಹಾಗೂ ಅಮೆರಿಕ ಧ್ವಜದ ಚಿತ್ರವಿರುವ ಕೇಸರಿ ಬ್ಯಾನರ್ಗಳನ್ನು ಹಿಡಿದು 216 ಕಾರುಗಳ ಮೂಲಕ ಸುಮಾರು ಐದು ಕಿ.ಮೀ ರ್ಯಾಲಿ ನಡೆಸಿದ್ದಾರೆ</p><p>ಹೂಸ್ಟನ್ನ ಮೀನಾಕ್ಷಿ ದೇವಾಲಯದಿಂದ ಪ್ರಾರಂಭವಾದ ರ್ಯಾಲಿ ರಿಚ್ಮಂಡ್ನ ಶಾರದ್ ಅಂಬಾ ದೇವಸ್ಥಾನದಲ್ಲಿ ಮಧ್ಯಾಹ್ನ ಮುಕ್ತಾಯವಾಯಿತು.</p><p>ಸುಮಾರು 2 ಸಾವಿರ ಭಕ್ತರು ವಿವಿಧ ದೇವಾಲಯಗಳಲ್ಲಿ ಭಜನೆಯೊಂದಿಗೆ ರ್ಯಾಲಿಯನ್ನು ಸ್ವಾಗತಿಸಿದರು.</p><p>'ಜೈ ಶ್ರೀ ರಾಮ್' ಘೋಷಣೆಗಳು ದೇವಾಲಯಗಳಲ್ಲಿ ಮೊಳಗಿದವು. ಭಕ್ತರು, ಭಜನೆ ಮಾಡುತ್ತಾ ರಾಮ ಭಕ್ತಿಯಲ್ಲಿ ಮಿಂದರು. ಭಕ್ತರೊಂದಿಗೆ ಈ ರೀತಿ ಭಜನೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ಹಿತಾನುಭವ ನೀಡಿದೆ ಎಂದು ಲಿವಿಂಗ್ ಪ್ಲಾನೆಟ್ ಫೌಂಡೇಶನ್ನ ಸಂಸ್ಥಾಪಕಿ ಕುಸುಮ್ ವ್ಯಾಸ್ ಹೇಳಿದ್ದಾರೆ</p><p>ಹೂಸ್ಟನ್ನಲ್ಲಿ ಬೃಹತ್ ರ್ಯಾಲಿಯನ್ನು ಸ್ವಯಂಸೇವಕರಾದ ಅಚಲೇಶ್ ಅಮರ್, ಉಮಂಗ್ ಮೆಹ್ತಾ ಮತ್ತು ಅರುಣ್ ಮುಂದ್ರಾ ಎಂಬುವವರು ಆಯೋಜಿಸಿದ್ದರು.</p><p>‘ಕಾರು ರ್ಯಾಲಿ ಸಾಗಿ ಬಂದ ವಿವಿಧ ದೇವಾಲಯಗಳಲ್ಲಿ ಎರಡು ಸಾವಿರಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಜಮಯಿಸಿದ್ದರು. ಭಗವಾನ್ ಶ್ರೀರಾಮನು ಖಂಡಿತವಾಗಿಯೂ ಇಲ್ಲಿನ ಜನರ ಹೃದಯದಲ್ಲಿ ನೆಲೆಸಿದ್ದಾನೆ‘ ಎಂದು ವಿಎಚ್ಪಿಎ ಸದಸ್ಯರೂ ಆದ ಅಮರ್ ಹೇಳಿದ್ದಾರೆ.</p><p>‘ಹೂಸ್ಟನ್ನ ಹಲವು ದೇವಾಲಯಗಳ ಅಧಿಕಾರಿಗಳಿಗೆ ವಿಎಚ್ಪಿಎಯಿಂದ ಔಪಚಾರಿಕ ಆಹ್ವಾನ ಬಂದಿದೆ. ಅಯೋಧ್ಯೆಯ ಪವಿತ್ರವಾದ ಮಂತ್ರಾಕ್ಷತೆ 'ಗಂಗಾಜಲ', ರಾಮಾಯಣದ ಪ್ರತಿ ಸೇರಿದಂತೆ ಕೆಲವು ಸಿಹಿತಿಂಡಿಗಳನ್ನು ಒಳಗೊಂಡಿರುವ ಆಮಂತ್ರಣ ಬುಟ್ಟಿಯನ್ನು ಪಡೆದುಕೊಳ್ಳಲಾಗಿದೆ ಎಂದು ಸ್ವಯಂಸೇವಕರಾದ ಮುಂದ್ರಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
