<p><strong>ಬೆಂಗಳೂರು</strong>: ಉತ್ತರ ಆಫ್ರಿಕಾ ಖಂಡದ ಬಹುತೇಕ ಭಾಗ ಆವರಿಸಿರುವ ಸಹಾರಾ ಮರುಭೂಮಿಯಲ್ಲಿ ಇತ್ತೀಚೆಗೆ ಭಾರಿ ಮಳೆ ಸುರಿದಿದ್ದು ಕೆಲಕಡೆ ಪ್ರವಾಹ ಪರಿಸ್ಥಿತಿ ಕಂಡು ಬಂದು ಆಶ್ಚರ್ಯ ಮೂಡಿಸಿದೆ.</p><p>ವಿಚಿತ್ರವೆಂದರೆ ಮೊರಾಕ್ಕೊದ ರಾಜಧಾನಿ ರಬಾಟಾದಿಂದ 450 ಕಿ.ಮೀ ದೂರದಲ್ಲಿ ಆಗ್ನೇಯ ಭಾಗದಲ್ಲಿರುವ ಮೆರ್ಜೌಗಾ ಎಂಬ ಪ್ರದೇಶದಲ್ಲಿ 50 ವರ್ಷದಿಂದ ಒಣಗಿ ಹೋಗಿದ್ದ ಇರಿಕಿ ಸರೋವರ (ಮರಳುಗಾಡಿನ ಲಗೂನ್) ಇದೇ ಮೊದಲ ಬಾರಿಗೆ ಭಾರಿ ಮಳೆಯಿಂದ ತುಂಬಿಕೊಂಡಿದೆ.</p><p>ಈ ಸರೋವರದ ಚಿತ್ರ, ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ಗಮನ ಸೆಳೆದಿವೆ.</p><p>ಈ ಭಾಗದಲ್ಲಿ ವರ್ಷದಲ್ಲಿ ಕೇವಲ 250 ಮಿಲಿ ಮೀಟರ್ ಮಳೆಯಾದರೆ ಹೆಚ್ಚು. ಆದರೆ ಮೊನ್ನೆ ಸುರಿದ ಒಂದೇ ದಿನದ ಮಳೆಯ ಪ್ರಮಾಣ 100 ಮಿಲಿ ಮೀಟರ್!</p><p>ನಾವು 50 ವರ್ಷಗಳಿಂದ ಇಷ್ಟು ಪ್ರಮಾಣದ ಮಳೆಯನ್ನು ಕಂಡಿರಲಿಲ್ಲ. ಉಷ್ಣವಲಯದ ಚಂಡಮಾರುತದ ಪರಿಣಾಮದಿಂದ ದೊಡ್ಡ ಪ್ರಮಾಣದಲ್ಲಿ ಮಳೆ ಸುರಿದಿದೆ. ಇರಿಕಿ ಸರೋವರಕ್ಕೆ ಜೀವ ಕಳೆ ಬಂದಿದೆ ಎಂದು ಮೊರಾಕ್ಕೊದ ಹವಾಮಾನ ಇಲಾಖೆಯ ಪ್ರಧಾನ ನಿರ್ದೇಶಕ ಹೂಸಿನ್ ಯೂಬೇಬ್ ಹೇಳಿದ್ದಾರೆ.</p><p>ಕಳೆದ ಆರು ವರ್ಷಗಳಿಂದ ಮಳೆಯೇ ಆಗಿರಲಿಲ್ಲ. ಇದರಿಂದ ಮರುಭೂಮಿ ಪ್ರದೇಶದ ರೈತರು, ಜನಗಳು ಸಂಕಷ್ಟಕ್ಕೆ ಸಿಲುಕಿದ್ದರು. ಈ ಮಳೆ ಜಲಮರುಪೂರಣಕ್ಕೆ ಕಾರಣವಾಗಲಿದೆ ಎಂದು ಅವರು ಹೇಳಿದ್ದಾರೆ. ಈ ಕುರಿತು ಇಂಡಿಯಾ ಟುಡೇ ವೆಬ್ಸೈಟ್ ವರದಿ ಮಾಡಿದೆ.</p><p>ಸಹರಾ ಮರುಭೂಮಿಯೂ ಜಗತ್ತಿನ ಅತಿದೊಡ್ಡ ಶುಷ್ಕ ಮರುಭೂಮಿಯಾಗಿದ್ದು 92 ಲಕ್ಷ ಚದರ ಕಿ.ಮೀ ವ್ಯಾಪ್ತಿ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಉತ್ತರ ಆಫ್ರಿಕಾ ಖಂಡದ ಬಹುತೇಕ ಭಾಗ ಆವರಿಸಿರುವ ಸಹಾರಾ ಮರುಭೂಮಿಯಲ್ಲಿ ಇತ್ತೀಚೆಗೆ ಭಾರಿ ಮಳೆ ಸುರಿದಿದ್ದು ಕೆಲಕಡೆ ಪ್ರವಾಹ ಪರಿಸ್ಥಿತಿ ಕಂಡು ಬಂದು ಆಶ್ಚರ್ಯ ಮೂಡಿಸಿದೆ.</p><p>ವಿಚಿತ್ರವೆಂದರೆ ಮೊರಾಕ್ಕೊದ ರಾಜಧಾನಿ ರಬಾಟಾದಿಂದ 450 ಕಿ.ಮೀ ದೂರದಲ್ಲಿ ಆಗ್ನೇಯ ಭಾಗದಲ್ಲಿರುವ ಮೆರ್ಜೌಗಾ ಎಂಬ ಪ್ರದೇಶದಲ್ಲಿ 50 ವರ್ಷದಿಂದ ಒಣಗಿ ಹೋಗಿದ್ದ ಇರಿಕಿ ಸರೋವರ (ಮರಳುಗಾಡಿನ ಲಗೂನ್) ಇದೇ ಮೊದಲ ಬಾರಿಗೆ ಭಾರಿ ಮಳೆಯಿಂದ ತುಂಬಿಕೊಂಡಿದೆ.</p><p>ಈ ಸರೋವರದ ಚಿತ್ರ, ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ಗಮನ ಸೆಳೆದಿವೆ.</p><p>ಈ ಭಾಗದಲ್ಲಿ ವರ್ಷದಲ್ಲಿ ಕೇವಲ 250 ಮಿಲಿ ಮೀಟರ್ ಮಳೆಯಾದರೆ ಹೆಚ್ಚು. ಆದರೆ ಮೊನ್ನೆ ಸುರಿದ ಒಂದೇ ದಿನದ ಮಳೆಯ ಪ್ರಮಾಣ 100 ಮಿಲಿ ಮೀಟರ್!</p><p>ನಾವು 50 ವರ್ಷಗಳಿಂದ ಇಷ್ಟು ಪ್ರಮಾಣದ ಮಳೆಯನ್ನು ಕಂಡಿರಲಿಲ್ಲ. ಉಷ್ಣವಲಯದ ಚಂಡಮಾರುತದ ಪರಿಣಾಮದಿಂದ ದೊಡ್ಡ ಪ್ರಮಾಣದಲ್ಲಿ ಮಳೆ ಸುರಿದಿದೆ. ಇರಿಕಿ ಸರೋವರಕ್ಕೆ ಜೀವ ಕಳೆ ಬಂದಿದೆ ಎಂದು ಮೊರಾಕ್ಕೊದ ಹವಾಮಾನ ಇಲಾಖೆಯ ಪ್ರಧಾನ ನಿರ್ದೇಶಕ ಹೂಸಿನ್ ಯೂಬೇಬ್ ಹೇಳಿದ್ದಾರೆ.</p><p>ಕಳೆದ ಆರು ವರ್ಷಗಳಿಂದ ಮಳೆಯೇ ಆಗಿರಲಿಲ್ಲ. ಇದರಿಂದ ಮರುಭೂಮಿ ಪ್ರದೇಶದ ರೈತರು, ಜನಗಳು ಸಂಕಷ್ಟಕ್ಕೆ ಸಿಲುಕಿದ್ದರು. ಈ ಮಳೆ ಜಲಮರುಪೂರಣಕ್ಕೆ ಕಾರಣವಾಗಲಿದೆ ಎಂದು ಅವರು ಹೇಳಿದ್ದಾರೆ. ಈ ಕುರಿತು ಇಂಡಿಯಾ ಟುಡೇ ವೆಬ್ಸೈಟ್ ವರದಿ ಮಾಡಿದೆ.</p><p>ಸಹರಾ ಮರುಭೂಮಿಯೂ ಜಗತ್ತಿನ ಅತಿದೊಡ್ಡ ಶುಷ್ಕ ಮರುಭೂಮಿಯಾಗಿದ್ದು 92 ಲಕ್ಷ ಚದರ ಕಿ.ಮೀ ವ್ಯಾಪ್ತಿ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
