<p><strong>ವಾಷಿಂಗ್ಟನ್: </strong>ವಾಷಿಂಗ್ಟನ್ ಪೋಸ್ಟ್ನ ಅಂಕಣಕಾರ ಜಮಾಲ್ ಖಶೋಗ್ಗಿಯನ್ನು ಸೆರೆ ಹಿಡಿಯಲು ಇಲ್ಲವೇ ಹತ್ಯೆ ಮಾಡಲು ಸೌದಿ ರಾಜಕುಮಾರ ಮೊಹಮ್ಮದ್ ಬಿನ್ ಸಲ್ಮಾನ್ ಒಪ್ಪಿಗೆ ನೀಡಿದ್ದರು ಎಂದು ಅಮೆರಿಕದ ಗುಪ್ತಚರ ಸಂಸ್ಥೆಯ ವರದಿಯಲ್ಲಿ ಹೇಳಲಾಗಿದೆ.</p>.<p>ನ್ಯಾಷನಲ್ ಇಂಟೆಲಿಜೆನ್ಸ್ ನಿರ್ದೇಶಕರ ಕಚೇರಿ (ಒಡಿಎನ್ಐ)ಈ ಪ್ರಕರಣಕ್ಕೆ ಸಂಬಂಧಿಸಿದ ವರದಿಯನ್ನು ಸಂಸತ್ಗೆ ಸಲ್ಲಿಸಿದೆ.</p>.<p>ಸೌದಿ ರಾಜಕುಮಾರನ ನೀತಿಗಳನ್ನು ಖಶೋಗ್ಗಿ ತಮ್ಮ ಅಂಕಣದಲ್ಲಿ ಟೀಕಿಸುತ್ತಿದ್ದರು. 55 ವರ್ಷದ ಖಶೋಗ್ಗಿ ಅವರನ್ನು ಇಸ್ತಾಂಬುಲ್ನಲ್ಲಿರುವ ಸೌದಿ ಅರೇಬಿಯಾದ ಕಾನ್ಸುಲೇಟ್ನಲ್ಲಿ 2018ರ ಅಕ್ಟೋಬರ್ 2ರಂದು ಹತ್ಯೆ ಮಾಡಲಾಗಿತ್ತು.</p>.<p>‘ಖಶೋಗ್ಗಿಯನ್ನು ಹತ್ಯೆ ಮಾಡುವಲ್ಲಿ ವಿಫಲರಾದರೆ ರಾಜಕುಮಾರ ತಮ್ಮನ್ನು ಬಂಧಿಸಬಹುದು ಇಲ್ಲವೇ ತಮಗೆ ಗುಂಡಿಕ್ಕಬಹುದು ಎಂಬ ಅಳಕು ಹತ್ಯೆಕೋರರಲ್ಲಿ ಮನೆ ಮಾಡಿತ್ತು. ಇಂಥ ಭೀತಿಯ ವಾತಾವರಣವನ್ನು ರಾಜಕುಮಾರ ಸೃಷ್ಟಿಸಿದ್ದ’ ಎಂದು ವರದಿಯಲ್ಲಿ ವಿವರಿಸಲಾಗಿದೆ.</p>.<p>‘ರಾಜಕುಮಾರನ ಅನುಮತಿ ಇಲ್ಲದೆಯೇ ಇಂಥ ಕೃತ್ಯಕ್ಕೆ ಕೈಹಾಕಲು ಸಾಧ್ಯವೇ ಇಲ್ಲ. ಈ ಬಗ್ಗೆ ರಾಜಕುಮಾರನ ಆದೇಶವನ್ನು ಪ್ರಶ್ನಿಸುವ ಧೈರ್ಯವೂ ಹತ್ಯೆಕೋರರಲ್ಲಿ ಇದ್ದಿರಲಿಲ್ಲ’ ಎಂದು ವರದಿಯಲ್ಲಿ ಅಭಿಪ್ರಾಯಪಡಲಾಗಿದೆ.</p>.<p>ಖಶೋಗ್ಗಿ ಹತ್ಯೆ ನಂತರ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಕಂಡುಬಂದ ಭಿನ್ನದನಿಯನ್ನು ಉಡುಗಿಸಲು ಕೆಲವರು ಪ್ರಯತ್ನಿಸಿದರು. ಇಂಥ ಕೃತ್ಯದಲ್ಲಿ ತೊಡಗಿದ್ದ ಆರೋಪದ ಮೇಲೆ ಸೌದಿ ಅರೇಬಿಯಾದ 76 ಜನರ ವೀಸಾದ ಮೇಲೆ ನಿರ್ಬಂಧ ವಿಧಿಸಲಾಗಿದೆ ಎಂದು ವಿದೇಶಾಂಗ ಕಾರ್ಯದರ್ಶಿ ಆ್ಯಂಟನಿ ಬ್ಲಿಂಕೆನ್ ಘೋಷಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್: </strong>ವಾಷಿಂಗ್ಟನ್ ಪೋಸ್ಟ್ನ ಅಂಕಣಕಾರ ಜಮಾಲ್ ಖಶೋಗ್ಗಿಯನ್ನು ಸೆರೆ ಹಿಡಿಯಲು ಇಲ್ಲವೇ ಹತ್ಯೆ ಮಾಡಲು ಸೌದಿ ರಾಜಕುಮಾರ ಮೊಹಮ್ಮದ್ ಬಿನ್ ಸಲ್ಮಾನ್ ಒಪ್ಪಿಗೆ ನೀಡಿದ್ದರು ಎಂದು ಅಮೆರಿಕದ ಗುಪ್ತಚರ ಸಂಸ್ಥೆಯ ವರದಿಯಲ್ಲಿ ಹೇಳಲಾಗಿದೆ.</p>.<p>ನ್ಯಾಷನಲ್ ಇಂಟೆಲಿಜೆನ್ಸ್ ನಿರ್ದೇಶಕರ ಕಚೇರಿ (ಒಡಿಎನ್ಐ)ಈ ಪ್ರಕರಣಕ್ಕೆ ಸಂಬಂಧಿಸಿದ ವರದಿಯನ್ನು ಸಂಸತ್ಗೆ ಸಲ್ಲಿಸಿದೆ.</p>.<p>ಸೌದಿ ರಾಜಕುಮಾರನ ನೀತಿಗಳನ್ನು ಖಶೋಗ್ಗಿ ತಮ್ಮ ಅಂಕಣದಲ್ಲಿ ಟೀಕಿಸುತ್ತಿದ್ದರು. 55 ವರ್ಷದ ಖಶೋಗ್ಗಿ ಅವರನ್ನು ಇಸ್ತಾಂಬುಲ್ನಲ್ಲಿರುವ ಸೌದಿ ಅರೇಬಿಯಾದ ಕಾನ್ಸುಲೇಟ್ನಲ್ಲಿ 2018ರ ಅಕ್ಟೋಬರ್ 2ರಂದು ಹತ್ಯೆ ಮಾಡಲಾಗಿತ್ತು.</p>.<p>‘ಖಶೋಗ್ಗಿಯನ್ನು ಹತ್ಯೆ ಮಾಡುವಲ್ಲಿ ವಿಫಲರಾದರೆ ರಾಜಕುಮಾರ ತಮ್ಮನ್ನು ಬಂಧಿಸಬಹುದು ಇಲ್ಲವೇ ತಮಗೆ ಗುಂಡಿಕ್ಕಬಹುದು ಎಂಬ ಅಳಕು ಹತ್ಯೆಕೋರರಲ್ಲಿ ಮನೆ ಮಾಡಿತ್ತು. ಇಂಥ ಭೀತಿಯ ವಾತಾವರಣವನ್ನು ರಾಜಕುಮಾರ ಸೃಷ್ಟಿಸಿದ್ದ’ ಎಂದು ವರದಿಯಲ್ಲಿ ವಿವರಿಸಲಾಗಿದೆ.</p>.<p>‘ರಾಜಕುಮಾರನ ಅನುಮತಿ ಇಲ್ಲದೆಯೇ ಇಂಥ ಕೃತ್ಯಕ್ಕೆ ಕೈಹಾಕಲು ಸಾಧ್ಯವೇ ಇಲ್ಲ. ಈ ಬಗ್ಗೆ ರಾಜಕುಮಾರನ ಆದೇಶವನ್ನು ಪ್ರಶ್ನಿಸುವ ಧೈರ್ಯವೂ ಹತ್ಯೆಕೋರರಲ್ಲಿ ಇದ್ದಿರಲಿಲ್ಲ’ ಎಂದು ವರದಿಯಲ್ಲಿ ಅಭಿಪ್ರಾಯಪಡಲಾಗಿದೆ.</p>.<p>ಖಶೋಗ್ಗಿ ಹತ್ಯೆ ನಂತರ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಕಂಡುಬಂದ ಭಿನ್ನದನಿಯನ್ನು ಉಡುಗಿಸಲು ಕೆಲವರು ಪ್ರಯತ್ನಿಸಿದರು. ಇಂಥ ಕೃತ್ಯದಲ್ಲಿ ತೊಡಗಿದ್ದ ಆರೋಪದ ಮೇಲೆ ಸೌದಿ ಅರೇಬಿಯಾದ 76 ಜನರ ವೀಸಾದ ಮೇಲೆ ನಿರ್ಬಂಧ ವಿಧಿಸಲಾಗಿದೆ ಎಂದು ವಿದೇಶಾಂಗ ಕಾರ್ಯದರ್ಶಿ ಆ್ಯಂಟನಿ ಬ್ಲಿಂಕೆನ್ ಘೋಷಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
