<p><strong>ಎಡಿನ್ಬರ್ಗ್: '</strong>ಕುಡಿದು ವಾಹನ ಚಾಲನೆ ಮಾಡಬಾರದು', ಆದರೆ ಕುಡಿತದ ಸರಕೇ ವಾಹನದ ಇಂಧನವಾದರೆ? ಸ್ಕಾಟ್ಲೆಂಡ್ನ ಬಯೋಟೆಕ್ ಕಂಪನಿ ಇಂಥದೊಂದು ಪ್ರಯತ್ನ ನಡೆಸುತ್ತಿದೆ. ವಿಸ್ಕಿ ತಯಾರಿಕೆಯಲ್ಲಿ ಉಳಿಯುವ ಉಪ ಉತ್ಪನ್ನಗಳಿಂದ ಕಾರುಗಳಿಗೆ ಇಂಧನ ಅಭಿವೃದ್ಧಿ ಪಡಿಸಲಾಗುತ್ತಿದೆ.</p>.<p>ಸ್ಕಾಟ್ಲೆಂಡ್ನ ಮದ್ಯ ತಯಾರಿಕೆಯಲ್ಲಿ ಬಾರ್ಲಿ, ಯೀಸ್ಟ್ ಹಾಗೂ ನೀರನ್ನು ಬಳಸಲಾಗುತ್ತದೆ. ಈ ಪ್ರಕ್ರಿಯೆಯಲ್ಲಿ ಸಿಪ್ಪೆಯಂತಹ ಸಂಗ್ರಹ ಮತ್ತು ಸಿಹಿಯಾದ ದ್ರವ (ಪಾಟ್ ಏಲ್) ಸೇರಿದಂತೆ ಉಪ ಉತ್ಪನ್ನ ಉಳಿಯುತ್ತವೆ. ಈ ತ್ಯಾಜ್ಯವನ್ನು ಪ್ರಾಣಿಗಳಿಗೆ ಆಹಾರವಾಗಿ ಬಳಸಲಾಗುತ್ತದೆ, ಇಲ್ಲವೇ ಸಾಗರಕ್ಕೆ ಹರಿಯ ಬಿಡಲಾಗುತ್ತದೆ.</p>.<p>ಆದರೆ, ಈ ತ್ಯಾಜ್ಯದಿಂದ ಅಸಿಟೋನ್, ಬ್ಯುಟನಾಲ್ ಹಾಗೂ ಎಥನಾಲ್ ರಾಸಾಯನಿಕಗಳನ್ನು ತಯಾರಿಸಬಹುದಾಗಿದೆ. ಇಂಧನ, ಆಹಾರ ತಯಾರಿಕೆಯಿಂದ ಔಷಧಿ ಹಾಗೂ ಕಾಸ್ಮೆಟಿಕ್ಗಳ ವರೆಗೂ ಬಹುತೇಕ ಎಲ್ಲ ವಸ್ತುಗಳ ತಯಾರಿಕೆಯಲ್ಲಿ ಈ ರಾಸಾಯನಿಕಗಳ ಬಳಕೆಯಾಗುತ್ತದೆ.</p>.<p>ಎಬಿಇ ಫರ್ಮೆಂಟೇಷನ್ ಎಂದು ಕರೆಯುವ ಹುಳಿಗೊಳಿಸುವ ಪ್ರಕ್ರಿಯೆಯ ಮೂಲಕ ರಾಸಾಯನಿಕ ತಯಾರಿಸಲಾಗುತ್ತಿದೆ. ಈ ಪ್ರಕ್ರಿಯೆಗೆ ಅಗತ್ಯವಿರುವ ಕಚ್ಚಾ ವಸ್ತುಗಳಿಗೆ ತಗಲುವ ಅಧಿಕ ವೆಚ್ಚದ ಕಾರಣಗಳಿಂದ ಇದನ್ನು ಕೈಗೆಟುಕದ ವಿಧಾನ ಎಂದೇ ಪರಿಗಣಿಸಲಾಗಿತ್ತು. ಆದರೆ, ಸಾವಯವ ತ್ಯಾಜ್ಯದ ಬಳಕೆಯಿಂದಾಗಿ ವೆಚ್ಚದ ಸಮಸ್ಯೆಗೆ ಪರಿಹಾರ ಸಿಕ್ಕಂತಾಗಿದೆ ಎಂದು ಸೆಲ್ಟಿಕ್ ರಿನಿವೆಬಲ್ಸ್ ಕಂಪನಿ ಹೇಳಿದೆ.</p>.<p>'ವಿಸ್ಕಿ ತಯಾರಿಕಾ ಘಟಕದಂತಹ ಕಾರ್ಖಾನೆಗಳಿಂದ ಉತ್ಪನ್ನ ತಯಾರಿಕೆಯ ತ್ಯಾಜ್ಯಗಳನ್ನು ಸಂಗ್ರಹಿಸಿಕೊಂಡು ಅದರಿಂದ ಮೌಲ್ಯಯುತ ಉತ್ಪನ್ನಗಳನ್ನು ಸಿದ್ಧಪಡಿಸುತ್ತೇವೆ. ಕಾರಿನ ಚಾಲನೆಗೆ ಇಂಧನವಾಗಿ ಬಳಸಲಾಗುವ ಬ್ಯುಟನಾಲ್ ರೀತಿಯ ಉತ್ಪನ್ನಗಳನ್ನು ತಯಾರಿಸಲಾಗುತ್ತದೆ' ಎಂದು ಕಂಪನಿಯ ಮಾಲೀಕ ಮಾರ್ಟಿನ್ ಟ್ಯಾಂಗ್ನೆ ಹೇಳಿದ್ದಾರೆ.</p>.<p>50,000 ಟನ್ ಸಿಪ್ಪೆಯಂತಹ ತ್ಯಾಜ್ಯ, ಪಾಟ್ ಏಲ್ ಹಾಗೂ ಇತರೆ ಕಚ್ಚಾ ವಸ್ತುಗಳ ಬಳಕೆಯಿಂದ 10 ಲಕ್ಷ ಲೀಟರ್ನಷ್ಟು ಸುಸ್ಥಿರ ಬಯೋಕೆಮಿಕಲ್ಗಳನ್ನು ತಯಾರಿಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ.</p>.<p>ಮುಂದಿನ ಐದು ವರ್ಷಗಳಲ್ಲಿ ಜಗತ್ತಿನಾದ್ಯಂತ ಬೃಹತ್ ಪ್ರಮಾಣದ ಐದು ರಿಫೈನರಿಗಳನ್ನು ಸ್ಥಾಪಿಸಲು ಕಂಪನಿ ಯೋಜನೆ ರೂಪಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಎಡಿನ್ಬರ್ಗ್: '</strong>ಕುಡಿದು ವಾಹನ ಚಾಲನೆ ಮಾಡಬಾರದು', ಆದರೆ ಕುಡಿತದ ಸರಕೇ ವಾಹನದ ಇಂಧನವಾದರೆ? ಸ್ಕಾಟ್ಲೆಂಡ್ನ ಬಯೋಟೆಕ್ ಕಂಪನಿ ಇಂಥದೊಂದು ಪ್ರಯತ್ನ ನಡೆಸುತ್ತಿದೆ. ವಿಸ್ಕಿ ತಯಾರಿಕೆಯಲ್ಲಿ ಉಳಿಯುವ ಉಪ ಉತ್ಪನ್ನಗಳಿಂದ ಕಾರುಗಳಿಗೆ ಇಂಧನ ಅಭಿವೃದ್ಧಿ ಪಡಿಸಲಾಗುತ್ತಿದೆ.</p>.<p>ಸ್ಕಾಟ್ಲೆಂಡ್ನ ಮದ್ಯ ತಯಾರಿಕೆಯಲ್ಲಿ ಬಾರ್ಲಿ, ಯೀಸ್ಟ್ ಹಾಗೂ ನೀರನ್ನು ಬಳಸಲಾಗುತ್ತದೆ. ಈ ಪ್ರಕ್ರಿಯೆಯಲ್ಲಿ ಸಿಪ್ಪೆಯಂತಹ ಸಂಗ್ರಹ ಮತ್ತು ಸಿಹಿಯಾದ ದ್ರವ (ಪಾಟ್ ಏಲ್) ಸೇರಿದಂತೆ ಉಪ ಉತ್ಪನ್ನ ಉಳಿಯುತ್ತವೆ. ಈ ತ್ಯಾಜ್ಯವನ್ನು ಪ್ರಾಣಿಗಳಿಗೆ ಆಹಾರವಾಗಿ ಬಳಸಲಾಗುತ್ತದೆ, ಇಲ್ಲವೇ ಸಾಗರಕ್ಕೆ ಹರಿಯ ಬಿಡಲಾಗುತ್ತದೆ.</p>.<p>ಆದರೆ, ಈ ತ್ಯಾಜ್ಯದಿಂದ ಅಸಿಟೋನ್, ಬ್ಯುಟನಾಲ್ ಹಾಗೂ ಎಥನಾಲ್ ರಾಸಾಯನಿಕಗಳನ್ನು ತಯಾರಿಸಬಹುದಾಗಿದೆ. ಇಂಧನ, ಆಹಾರ ತಯಾರಿಕೆಯಿಂದ ಔಷಧಿ ಹಾಗೂ ಕಾಸ್ಮೆಟಿಕ್ಗಳ ವರೆಗೂ ಬಹುತೇಕ ಎಲ್ಲ ವಸ್ತುಗಳ ತಯಾರಿಕೆಯಲ್ಲಿ ಈ ರಾಸಾಯನಿಕಗಳ ಬಳಕೆಯಾಗುತ್ತದೆ.</p>.<p>ಎಬಿಇ ಫರ್ಮೆಂಟೇಷನ್ ಎಂದು ಕರೆಯುವ ಹುಳಿಗೊಳಿಸುವ ಪ್ರಕ್ರಿಯೆಯ ಮೂಲಕ ರಾಸಾಯನಿಕ ತಯಾರಿಸಲಾಗುತ್ತಿದೆ. ಈ ಪ್ರಕ್ರಿಯೆಗೆ ಅಗತ್ಯವಿರುವ ಕಚ್ಚಾ ವಸ್ತುಗಳಿಗೆ ತಗಲುವ ಅಧಿಕ ವೆಚ್ಚದ ಕಾರಣಗಳಿಂದ ಇದನ್ನು ಕೈಗೆಟುಕದ ವಿಧಾನ ಎಂದೇ ಪರಿಗಣಿಸಲಾಗಿತ್ತು. ಆದರೆ, ಸಾವಯವ ತ್ಯಾಜ್ಯದ ಬಳಕೆಯಿಂದಾಗಿ ವೆಚ್ಚದ ಸಮಸ್ಯೆಗೆ ಪರಿಹಾರ ಸಿಕ್ಕಂತಾಗಿದೆ ಎಂದು ಸೆಲ್ಟಿಕ್ ರಿನಿವೆಬಲ್ಸ್ ಕಂಪನಿ ಹೇಳಿದೆ.</p>.<p>'ವಿಸ್ಕಿ ತಯಾರಿಕಾ ಘಟಕದಂತಹ ಕಾರ್ಖಾನೆಗಳಿಂದ ಉತ್ಪನ್ನ ತಯಾರಿಕೆಯ ತ್ಯಾಜ್ಯಗಳನ್ನು ಸಂಗ್ರಹಿಸಿಕೊಂಡು ಅದರಿಂದ ಮೌಲ್ಯಯುತ ಉತ್ಪನ್ನಗಳನ್ನು ಸಿದ್ಧಪಡಿಸುತ್ತೇವೆ. ಕಾರಿನ ಚಾಲನೆಗೆ ಇಂಧನವಾಗಿ ಬಳಸಲಾಗುವ ಬ್ಯುಟನಾಲ್ ರೀತಿಯ ಉತ್ಪನ್ನಗಳನ್ನು ತಯಾರಿಸಲಾಗುತ್ತದೆ' ಎಂದು ಕಂಪನಿಯ ಮಾಲೀಕ ಮಾರ್ಟಿನ್ ಟ್ಯಾಂಗ್ನೆ ಹೇಳಿದ್ದಾರೆ.</p>.<p>50,000 ಟನ್ ಸಿಪ್ಪೆಯಂತಹ ತ್ಯಾಜ್ಯ, ಪಾಟ್ ಏಲ್ ಹಾಗೂ ಇತರೆ ಕಚ್ಚಾ ವಸ್ತುಗಳ ಬಳಕೆಯಿಂದ 10 ಲಕ್ಷ ಲೀಟರ್ನಷ್ಟು ಸುಸ್ಥಿರ ಬಯೋಕೆಮಿಕಲ್ಗಳನ್ನು ತಯಾರಿಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ.</p>.<p>ಮುಂದಿನ ಐದು ವರ್ಷಗಳಲ್ಲಿ ಜಗತ್ತಿನಾದ್ಯಂತ ಬೃಹತ್ ಪ್ರಮಾಣದ ಐದು ರಿಫೈನರಿಗಳನ್ನು ಸ್ಥಾಪಿಸಲು ಕಂಪನಿ ಯೋಜನೆ ರೂಪಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
