ಡಾ. ಸಿ.ಎನ್‌ ಅಶ್ವತ್ಥನಾರಾಯಣ ಅಂಕಣ| ಕನಸುಗಳ ಬೆಳಗಿದ ನೇತಾರ ನರೇಂದ್ರ ಮೋದಿ

ನರೇಂದ್ರ ದಾಮೋದರ ದಾಸ್ ಮೋದಿ- ನಮ್ಮ ಪ್ರಧಾನಿ ಹಾಗೂ ಅಗ್ರ ನೇತಾರರು. ಅಷ್ಟೇ ಅಲ್ಲ, ಕಳೆದ ಇಪ್ಪತ್ತು ವರ್ಷಗಳಲ್ಲಿ ದೇಶಕ್ಕೆ ಪ್ರಬಲ ನಾಯಕತ್ವ ಕೊಟ್ಟವರು ಹಾಗೂ ಜಡ್ಡುಗಟ್ಟಿದ ರಾಜಕೀಯದಲ್ಲಿ ಜನರ ಆತ್ಮಪ್ರಜ್ಞೆಯನ್ನು ಅರಳಿಸಿ ಅವರ ಅಮೂಲ್ಯ ಮತಕ್ಕೆ ಸಾರ್ಥಕತೆ, ಅನನ್ಯತೆ ತಂದುಕೊಟ್ಟವರು.

. ಹಾಗಾದರೆ, ಮೋದಿ ಅವರಿಗೆ ಮುನ್ನ ಅಂಥ ನಾಯಕರೇ ಇರಲಿಲ್ಲವೇ? ಇದ್ದರು. ಆದರೆ, ಮೋದಿ ಅವರಷ್ಟು ವೇಗವಾಗಿ ನುಗ್ಗುವ, ಧೈರ್ಯದ ನಿರ್ಧಾರಗಳನ್ನು ಕೈಗೊಳ್ಳುವ ಮತ್ತು ಸೂಜಿಗಲ್ಲಿನಂತೆ ಜನರನ್ನು ಆಕರ್ಷಿಸಬಲ್ಲ ಚೈತನ್ಯಯುತ ನಾಯಕತ್ವ ಇರಲಿಲ್ಲ.

. ಅವರು ಸಂಘದ ಸೇವೆಯಲ್ಲಿದ್ದರು. ನಂತರ ಪಕ್ಷದ ಹಿರಿಯರ ಆಣತಿಯಂತೆ ಗುಜರಾತಿಗೆ ಹೋದರು. ಅಲ್ಲಿಂದ ದಿಲ್ಲಿಗೆ ಬಂದು ಪ್ರಧಾನಿಯೂ ಆದರು.

. ಮೋದಿ ಅವರು ಗುಜರಾತ್ ರಾಜ್ಯದ ಮುಖ್ಯಮಂತ್ರಿಯಾಗಿ, ಆ ನಂತರ ಪ್ರಧಾನಿಯಾಗಿ ಸಾರ್ಥಕ ಇಪ್ಪತ್ತು ವರ್ಷಗಳ ಪಯಣ ಪೂರ್ಣಗೊಳಿಸಿ ತಮಗಿಂತ ಮೊದಲು ಮತ್ತು ತಮ್ಮ ನಂತರದ ಭಾರತ ಎಂಬ ಹೆಜ್ಜೆಗುರುತುಗಳನ್ನು ಸ್ಪಷ್ಟವಾಗಿ ಮೂಡಿಸಿದ್ದಾರೆ.

. 2014ರಿಂದ ಈವರೆಗೆ ಸವಾಲು- ಸಂಕಷ್ಟಗಳ ನಡುವೆ ಬೃಹತ್ ಶಕ್ತಿಯಾಗಿ ಅವತರಿಸಿದ ಭಾರತದ ಕಥೆಯನ್ನು ಕೂಲಂಕಶವಾಗಿ ಅರಿಯಬೇಕಾದರೆ ನರೇಂದ್ರ ಮೋದಿ ಅವರು ಶಿಕ್ಷಣ, ಕೌಶಲ, ಯುವಜನರಿಗಾಗಿ ಅವಕಾಶಗಳು, ಕೈಗಾರಿಕೆ, ಉದ್ಯೋಗ, ವಿಜ್ಞಾನ- ತಂತ್ರಜ್ಞಾನ, ಮಾಹಿತಿ ತಂತ್ರಜ್ಞಾನ- ಜೈವಿಕ ತಂತ್ರಜ್ಞಾನ, ಉದ್ಯಮಶೀಲತೆ, ಉತ್ಪಾದನೆ, ಆರ್ಥಿಕತೆ, ಆವಿಷ್ಕಾರ ಇತ್ಯಾದಿ ಕ್ಷೇತ್ರಗಳಲ್ಲಿ ತಂದ ಸುಧಾರಣೆಗಳನ್ನು ಗುರುತಿಸಬೇಕಿದೆ.

. ರಾಷ್ಟ್ರೀಯ ಶಿಕ್ಷಣ ನೀತಿ-2020: 34 ವರ್ಷಗಳ ನಂತರ ಮೋದಿ ಅವರು ದೇಶದಲ್ಲಿ ಹೊಸ ಶಿಕ್ಷಣ ನೀತಿಯನ್ನು ಅನುಷ್ಠಾನಕ್ಕೆ ತಂದಿದ್ದಾರೆ. ಈ ನೀತಿಯನ್ನು ಭವಿಷ್ಯದ ಭಾರತ ಎದುರು ನೋಡುತ್ತಿತ್ತು. ರಾಷ್ಟ್ರ ನಿರ್ಮಾಣಕ್ಕೆ ಒಂದು ಸಮಗ್ರ ಪರಿಹಾರದ ಅವಶ್ಯಕತೆ ಇತ್ತು. ಅದು ಶಿಕ್ಷಣ ನೀತಿಯ ರೂಪದಲ್ಲಿ ನಮಗೆ ಸಿಕ್ಕಿದೆ.

. ಸಬ್ ಕಾ ಸಾಥ್, ಸಬ್ ಕಾ ವಿಕಾಸ್, ಸಬ್ ಕಾ ವಿಶ್ವಾಸ್ ಮತ್ತು ಸಬ್ ಕಾ ಪ್ರಯಾಸ್ ಎನ್ನುವ ಮೋದಿ ಅವರ ಪ್ರೇರಕ ಮಂತ್ರ ದೇಶದ ದಶದಿಕ್ಕುಗಳಲ್ಲಿಯೂ ಸ್ಫೂರ್ತಿಯ ಸೆಲೆಯಾಗಿ ತುಂಬಿಹೋಗಿದೆ. ಇದು ಶಿಕ್ಷಣ ನೀತಿಯಲ್ಲೂ ಆಳವಾಗಿ ತುಂಬಿದೆ.

. ಈ ತಿಂಗಳು 5ರಂದು ನಡೆದ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ತುಮಕೂರಿನ ರಾಮಕೃಷ್ಣ ಆಶ್ರಮದ ವೀರೇಶಾನಂದ ಸರಸ್ವತಿ ಅವರು ಭಾಗವಹಿಸಿ ಆಶಯ ಭಾಷಣ ಮಾಡಿದ್ದರು. ಮುಖ್ಯವಾಗಿ ಶಿಕ್ಷಣದ ಬಗ್ಗೆ ಮಾತನಾಡುತ್ತಲೇ ರಾಷ್ಟ್ರೀಯ ಶಿಕ್ಷಣ ನೀತಿಯ ಬಗ್ಗೆ ಹೀಗೆ ಹೇಳಿದ್ದರು: ‘ರಾಷ್ಟ್ರೀಯ ಶಿಕ್ಷಣ ನೀತಿ-2020 ದೇಶಕ್ಕೆ ಅಗತ್ಯವಾಗಿದೆ. ಎನ್ಇಪಿ ಎಂದರೆ ಭಾರತವನ್ನು ಭಾರತದ ಮೂಲಕವೇ ನೋಡಿಕೊಳ್ಳುವುದು ಹಾಗೂ ಭಾರತದ ಮೂಲಕವೇ ಭಾರತವನ್ನು ಮರು ರೂಪಿಸುವುದು. ಭಾರತವನ್ನು ಭಾರತೀಯ ಮೌಲ್ಯಗಳು, ಚಿಂತನೆಗಳಿಂದಲೇ ಉಳಿಸಿಕೊಳ್ಳಬೇಕು ಹಾಗೂ ಭಾರತೀಯ ಮೌಲ್ಯಗಳ ಮೂಲಕವೇ ಭಾರತವನ್ನು ಮರು ನಿರ್ಮಾಣ ಮಾಡಬೇಕು’.

. ಕೌಶಲ ಭಾರತಕ್ಕೆ ಅಡಿಪಾಯ: ಪ್ರಧಾನಿ ಸ್ಥಾನಕ್ಕೆ ಮೋದಿ ಅವರು ಬರುವ ತನಕ ಕೌಶಲ ಎನ್ನುವುದು ಪಠ್ಯಕ್ಕೆ ಅಥವಾ ಮಾತಿಗೆ ಸೀಮಿತವಾಗಿತ್ತು. ಮೋದಿ ಅವರು ಕೌಶಲಕ್ಕೆ ನಿರ್ದಿಷ್ಟ ದಿಕ್ಕು ತೋರಿದರಲ್ಲದೆ, ಹಳ್ಳಿಹಳ್ಳಿಗೂ ಅದನ್ನು ವಿಸ್ತರಿಸಿ ‘ಕೌಶಲ ಭಾರತ’ ನಿರ್ಮಾಣಕ್ಕೆ ಗಟ್ಟಿ ಅಡಿಪಾಯ ಹಾಕಿದರು.

. ಕೋವಿಡ್ ಸಂಕಷ್ಟ ಕಾಲದಲ್ಲಿ ಮೋದಿ ಅವರ ಈ ಒಂದು ಕನಸು ಅದೆಷ್ಟು ಪ್ರಭಾವ ಬೀರಿತು ಎಂದರೆ, ಚೀನಾದಂಥ ಕೆಲವೇ ದೇಶಗಳಲ್ಲಿ ತಯಾರಾಗುತ್ತಿದ್ದ ಮಾಸ್ಕುಗಳು ನಮ್ಮ ಸಂಜೀವಿನಿ ಸ್ವಸಹಾಯ ಗುಂಪುಗಳ ಮನೆಗಳಲ್ಲಿ ತಯಾರಾಗತೊಡಗಿದವು. ನಮ್ಮ ಕಲ್ಪನೆಯಲ್ಲೇ ಇಲ್ಲದ ಸ್ಯಾನಿಟೈಸರ್ ಅನ್ನು ಮೋದಿ ಅವರ ಪ್ರೇರಣೆಯಿಂದ ಇಲ್ಲಿನ ಮಹಿಳೆಯರೇ ತಯಾರಿಸಿದರು.

. ಹೀಗೆ ಬದಲಾವಣೆಗಳನ್ನು ಆಮೂಲಾಗ್ರವಾಗಿ ತರಬೇಕು ಎನ್ನುವುದು ಮೋದಿ ಅವರ ದೂರದೃಷ್ಟಿ. ಸರ್ಕಾರವನ್ನು, ಅದನ್ನು ನಂಬಿಕೊಂಡ ಜನರನ್ನು ಜನಪ್ರಿಯ ಯೋಜನೆಗಳ ಮೇಲೆ ತೇಲಿಸಿ ಜನರ ನಿರೀಕ್ಷೆಗಳನ್ನು ಕಾಗದದ ದೋಣಿಗಳನ್ನಾಗಿ ಮಾಡಿ ಹಳ್ಳಕ್ಕೆ ಬಿಡುವುದಲ್ಲ. ಈ ಕಾರಣಕ್ಕೆ ಅವರ ನೇತೃತ್ವದಲ್ಲಿ ದೈತ್ಯ ರಾಜ್ಯವಾಗಿ ಬೆಳೆದ ಗುಜರಾತ್, ಇವತ್ತಿಗೂ ‘ಗುಜರಾತ್ ಮಾದರಿ’ ಎಂದೇ ಪ್ರಖ್ಯಾತಿಯಾಗಿದೆ. ಅದೇ ರೀತಿ ಪ್ರಧಾನಿಯಾದ ಮೇಲೆ ಅವರು ಜಾರಿಗೆ ತಂದ ದೀರ್ಘಕಾಲೀನ ಸಮಗ್ರ ಅಭಿವೃದ್ಧಿ ದೃಷ್ಟಿಕೋನ ಯೋಜನೆಗಳು, ‘ಮೋದಿನಾಮಿಕ್ಸ್’ ಎಂದೇ ಜಗತ್ತಿನ ಗಮನ ಸೆಳೆದಿವೆ.

. ಯುವ ಜನರ ಮೂಲಕ ಭಾರತ ನಿರ್ಮಾಣ: ರಾಷ್ಟ್ರ ಸಬಲೀಕರಣ ಹಾಗೂ ರಾಷ್ಟ್ರದ ಮರು ನಿರ್ಮಾಣದ ಅಗತ್ಯವನ್ನು ಮೋದಿ ಅವರು ಕಂಡುಕೊಂಡ ಬಗೆಯೇ ಬಹಳ ವಿಭಿನ್ನ. ಏಕೆಂದರೆ, ಅವರು ದೇಶವನ್ನು ಜ್ಞಾನ ಮತ್ತು ಯುವತೆಯನ್ನು ಪರಸ್ಪರ ಅನುಸಂಧಾನಗೊಳಿಸಿ ಹೆಜ್ಜೆ ಇಡುತ್ತಿದ್ದಾರೆ.

. ಏಕೆಂದರೆ, ಭಾರತಕ್ಕೆ ಜ್ಞಾನ ಎನ್ನುವುದು ಆದಿಯಿಂದಲೂ ಇದೆ. ಆದರೆ ಅದಕ್ಕೊಂದು ನಿರ್ದಿಷ್ಟ ದಿಕ್ಕು-ದೆಸೆ ಇರಲಿಲ್ಲ. ವಿಜ್ಞಾನ ಕ್ಷೇತ್ರದಲ್ಲಿ ಹಳೆ ಬೇರಿನ ಅಡಿಪಾಯ ಇಟ್ಟುಕೊಂಡೇ ಹೊಸ ಪ್ರತಿಭೆಗಳಿಗೆ ಪ್ರೋತ್ಸಾಹ ಕೊಡುವ ಕೆಲಸ ಈಗ ಆಗುತ್ತಿದೆ. ಅಲ್ಲದೆ, ಯುವಜನತೆಯನ್ನು ದೊಡ್ಡ ಪ್ರಮಾಣದಲ್ಲಿ ಆವಿಷ್ಕಾರ ಮತ್ತು ಸಂಶೋಧನೆ ಕಡೆ ಹೊರಳುವ ಹಾಗೆ ಮೋದಿ ಮಾಡುತ್ತಿದ್ದಾರೆ.

. ಮುಂದಿನ ಭಾರತ ಕೌಶಲ, ವಿಜ್ಞಾನ-ತಂತ್ರಜ್ಞಾನ, ಆವಿಷ್ಕಾರ ಮತ್ತು ಶಿಕ್ಷಣದ ಮೇಲೆಯೇ ನಿರ್ಮಾಣವಾಗಲಿದೆ. ಅದರ ಸಾರಥ್ಯವನ್ನು ವಹಿಸಿರುವ ಮೋದಿ ಅವರ ಪ್ರತಿಹೆಜ್ಜೆ ಜತೆ ನಾವೂ ನಡೆಯೋಣ. ಅವರ ಕಂಡ ಕನಸುಗಳನ್ನು ಸಾಕಾರಗೊಳಿಸಲು ಹೆಗಲುಕೊಟ್ಟು ಶ್ರಮಿಸೋಣ.

. ಲೇಖಕ: ಕರ್ನಾಟಕ ಸರ್ಕಾರದಲ್ಲಿ ಸಚಿವ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಡಾ. ಸಿ.ಎನ್‌ ಅಶ್ವತ್ಥನಾರಾಯಣ ಅಂಕಣ| ಕನಸುಗಳ ಬೆಳಗಿದ ನೇತಾರ ನರೇಂದ್ರ ಮೋದಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ