ಶತ್ರು ಕ್ಷಿಪಣಿ ಹಿಮ್ಮೆಟ್ಟಿಸಲು ತೇಜಸ್‌ಗೆ ಡಿಆರ್‌ಡಿಒ ಹೊಸ ಚಾಫ್ ತಂತ್ರಜ್ಞಾನದ ಬಲ

'ದೇಶದ ಯುದ್ಧವಿಮಾನಗಳನ್ನು ಪ್ರತಿಕೂಲವಾದ ರಾಡಾರ್ ಬೆದರಿಕೆಗಳಿಂದ ರಕ್ಷಿಸಲು ಸುಧಾರಿತ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿರುವುದಾಗಿ' ಭಾರತದ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ಇತ್ತೀಚೆಗೆ ಘೋಷಿಸಿತು. ಎಚ್ಎಎಲ್ ದೇಶೀಯವಾಗಿ ನಿರ್ಮಿಸಿರುವ `ತೇಜಸ್'ನಲ್ಲಿ ಈ ತಂತ್ರಜ್ಞಾನವನ್ನು ಬಳಸಬಹುದು.

. ಈ ಯೋಜನೆಯು ಜೋಧ್ಪುರದಲ್ಲಿರುವ ಡಿಆರ್ಡಿಒದ ರಕ್ಷಣಾ ಪ್ರಯೋಗಾಲಯ ಮತ್ತು ಪುಣೆಯಲ್ಲಿರುವ ಹೈ ಎನರ್ಜಿ ಮೆಟೀರಿಯಲ್ಸ್ ರಿಸರ್ಚ್ ಲ್ಯಾಬೋರೇಟರಿ ಸಹಯೋಗದಲ್ಲಿ ನಡೆದ ಸಂಶೋಧನೆಯ ಫಲಿತಾಂಶವಾಗಿದೆ.

. ಅತ್ಯಾಧುನಿಕ ಚಾಫ್ ಮೆಟೀರಿಯಲ್ ಮತ್ತು ಚಾಫ್ ಕಾರ್ಟ್ರಿಡ್ಜ್-118/I ಅಭಿವೃದ್ಧಿಯನ್ನು ಜೋಧ್ಪುರದಲ್ಲಿ ಕೈಗೊಳ್ಳಲಾಯಿತು. ರಾಡಾರ್ ತಂತ್ರಜ್ಞಾನದಲ್ಲಿ ಆಗಿರುವ ಇತ್ತೀಚಿನ ಬೆಳವಣಿಗೆಗಳನ್ನು ಪರಿಗಣಿಸಿದರೆ, ಇತ್ತೀಚೆಗೆ ಫೈಟರ್ ಜೆಟ್ಗಳು ಪಾರಾಗಿ ಮರಳುವುದೇ ಅನುಮಾನ ಎನ್ನಿಸುತ್ತಿದೆ ಎಂದು ಡಿಆರ್ಡಿಒ ಕಳವಳ ವ್ಯಕ್ತಪಡಿಸಿತ್ತು.

. ಚಾಫ್ ಒಂದು ನಿರ್ಣಾಯಕ ರಕ್ಷಣಾ ತಂತ್ರಜ್ಞಾನವಾಗಿದ್ದು, ಶತ್ರು ರಾಡಾರ್ಗಳನ್ನು ಪತ್ತೆ ಮಾಡಲು ಮತ್ತು ಅವುಗಳಿಂದ ಫೈಟರ್ ಜೆಟ್ಗಳನ್ನು ರಕ್ಷಿಸಲು ಬಳಸಲಾಗುತ್ತದೆ. ಫೈಟರ್ ಜೆಟ್ ಸುತ್ತಲಿರುವ ಗಾಳಿಯಲ್ಲಿ ಚಾಫ್ ತಂತ್ರಜ್ಞಾನವು ಶತ್ರು ಕ್ಷಿಪಣಿಗಳನ್ನು ವಂಚಿಸಿ ದಿಕ್ಕು ತಪ್ಪಿಸುತ್ತದೆ. ಈ ಮೂಲಕ ಯುದ್ಧ ವಿಮಾನಗಳ ಸುರಕ್ಷತೆಯನ್ನು ಖಾತ್ರಿಗೊಳಿಸುತ್ತದೆ.

. ಚಾಫ್ ಮೆಟೀರಿಯಲ್ ಅಲ್ಯೂಮಿನಿಯಂ ಅಥವಾ ಸತು ಲೇಪಿತ ಅನೇಕ ಸೂಕ್ಷ್ಮ ಫೈಬರ್ಗಳಿಂದ ಕೂಡಿದ್ದು, ವಿಮಾನದಲ್ಲಿ ಕೊಳವೆಗಳಲ್ಲಿ ಸಂಗ್ರಹಿಸಲಾಗಿರುತ್ತದೆ. ಯಾವುದೇ ರಾಡಾರ್ ಟ್ರ್ಯಾಕಿಂಗ್ ಕ್ಷಿಪಣಿಗಳಿಂದ ವಿಮಾನವು ಅಪಾಯಕ್ಕೆ ಒಳಗಾಗುವ ಸಂಭವ ಎದುರಾದಲ್ಲಿ, ವಿಮಾನದ ಹಿಂಭಾಗದಲ್ಲಿ ಗಾಳಿಯ ಪ್ರಕ್ಷುಬ್ಧ ಹಿನ್ನೆಲೆಯಲ್ಲಿ ಚಾಫ್ ಅನ್ನು ಹೊರಹಾಕಲಾಗುತ್ತದೆ.

. ವಿಮಾನವು ಅಲ್ಯೂಮಿನಿಯಂ ಅಥವಾ ಸತುಗಳ ಸಣ್ಣ ಪಟ್ಟಿಗಳನ್ನು ದೊಡ್ಡ ಗೊಂಚಲುಗಳಲ್ಲಿ ಬಿಡುಗಡೆ ಮಾಡುತ್ತದೆ. ಅದು ಲೋಹದ ಒಂದು ಮೋಡದಂತೆ ರೂಪ ತಾಳುತ್ತದೆ. ಈ ಲೋಹೀಯ ಮೋಡಗಳು ಕ್ಷಿಪಣಿಯ ರಾಡಾರ್ಗೆ ಪ್ರತ್ಯೇಕ ಗುರಿಯಾಗಿ ಗೋಚರಿಸುತ್ತವೆ. ಈ ಮೂಲಕ ಕ್ಷಿಪಣಿಯನ್ನು ಕ್ಷಣಕಾಲ ಗೊಂದಲಕ್ಕೆ ಈಡು ಮಾಡುತ್ತವೆ. ಈ ಸಮಯವನ್ನು ಬಳಸಿಕೊಂಡು ಯುದ್ಧ ವಿಮಾನಗಳು ಅಪಾಯದಿಂದ ಪಾರಾಗುತ್ತವೆ.

. 'ಭಾರತೀಯ ವಾಯುಪಡೆಯ ವಾರ್ಷಿಕ ಪುನರಾವರ್ತಿತ ಅವಶ್ಯಕತೆಗಳನ್ನು ಪೂರೈಸುವುದಕ್ಕಾಗಿ ಹೆಚ್ಚಿನ ಪ್ರಮಾಣದಲ್ಲಿ ತಯಾರಿಸಲು ಚಾಫ್ ತಂತ್ರಜ್ಞಾನವನ್ನು ಕೈಗಾರಿಕೆಗಳಿಗೆ ವರ್ಗಾಯಿಸಲಾಗಿದೆ' ಎಂದು ಡಿಆರ್ಡಿಒ ಹೇಳಿದೆ.

. ಇದು ಆತ್ಮನಿರ್ಭರ ಭಾರತ್ ಕಡೆಗೆ ಮತ್ತೊಂದು ಹೆಜ್ಜೆಯಾಗಿದೆ.

. ರಾಡಾರ್ಗಳ ದಾರಿ ತಪ್ಪಿಸಲು ಬಳಸಲಾಗುವ ಅಲ್ಯೂಮಿನಿಯಂ ಅಥವಾ ಸತು ಲೇಪಿತ ಫೈಬರ್ಗಳ ಪುಡಿಯಾಗಿರುವ ಚಾಫ್, ಸುರಕ್ಷಿತವೆಂದು ಪರಿಗಣಿತವಾಗಿದೆ. ಆದರೂ, ಮನುಷ್ಯರ ಮೇಲೆ ಅಥವಾ ಪರಿಸರದ ಮೇಲೆ ಅವುಗಳ ಪ್ರಭಾವ ಏನೆಂಬುದರ ಕುರಿತಾಗಿ ಸಂಶೋಧನೆ ನಡೆಯುತ್ತಿದೆ ಎನ್ನುತ್ತಾರೆ ಸರಕಾರಿ ಅಧಿಕಾರಿಗಳು.

. ಲೇಖಕರು: ವ್ಯವಸ್ಥಾಪಕ ನಿರ್ದೇಶಕರು, ಎಡಿಡಿ ಇಂಜಿನಿಯರಿಂಗ್ ಇಂಡಿಯಾ(ಇಂಡೋ -ಜರ್ಮನ್ ಸಂಸ್ಥೆ )

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶತ್ರು ಕ್ಷಿಪಣಿ ಹಿಮ್ಮೆಟ್ಟಿಸಲು ತೇಜಸ್‌ಗೆ ಡಿಆರ್‌ಡಿಒ ಹೊಸ ಚಾಫ್ ತಂತ್ರಜ್ಞಾನದ ಬಲ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು