ಚುರುಮುರಿ: ಹುದ್ದೆ ಖರೀದಿ

ತಮ್ಮ ಮಗನಿಗೊಂದು ಉದ್ಯೋಗ ಖರೀದಿಸಲು ಶಂಕ್ರಿ, ಸುಮಿ ಹುದ್ದೆ ಅಂಗಡಿಗೆ ಬಂದಿದ್ದರು.

. ‘ಗುಣಮಟ್ಟದ, ದೀರ್ಘ ಬಾಳಿಕೆ ಬರುವ ಹುದ್ದೆ ತೋರಿಸಿ...’ ಎಂದ ಶಂಕ್ರಿ.

. ‘ಖಾಕಿ ಕಲರ್ನ ಪೊಲೀಸ್ ಆಫೀಸರ್, ವೈಟ್ ಕಲರ್ನ ಡಾಕ್ಟರ್ ಹುದ್ದೆ ತೋರಿಸಲಾ?’ ಅಂಗಡಿಯವ ಕೇಳಿದ.

. ‘ಬೇರೆ ಕಲರ್, ಡಿಸೈನಿನ ಹುದ್ದೆಗಳಿಲ್ಲವಾ?’ ಸುಮಿ ಕೇಳಿದಳು.

. ‘ಎಲ್ಲಾ ಕಲರ್ಗಳಲ್ಲಿ ಎಂಜಿನಿಯರ್, ಲೆಕ್ಚರರ್, ಗೆಜೆಟೆಡ್ ಆಫೀಸರ್ ಹೀಗೆ ವೆರೈಟಿ ಹುದ್ದೆಗಳು ನಮ್ಮಲ್ಲಿವೆ’ ಎಂದ.

. ‘ಮಮ್ಮಿ, ನನಗೆ ಎಂಜಿನಿಯರ್ ಬೇಡ, ಡಾಕ್ಟರ್ ಹುದ್ದೆ ಕೊಡಿಸಿ’ ಮಗ ಹಟ ಮಾಡಿದ.

. ‘ಬೇಡ್ವೋ, ಡಾಕ್ಟರ್ ಕಾಸ್ಟ್ಲಿ, ಬೇಕಾದ್ರೆ ವೆಟರ್ನರಿ ಡಾಕ್ಟರ್ ಹುದ್ದೆ ಕೊಡಿಸ್ತೀನಿ’ ಅಂದ ಶಂಕ್ರಿ.

. ‘ಯಾವುದೂ ಬೇಡ, ಸದ್ಯಕ್ಕೆ ಲೆಕ್ಚರರ್ ಆಗು, ಆಮೇಲೆ ಯಾವುದಾದರೂ ಯೂನಿವರ್ಸಿಟಿ ಯಲ್ಲಿ ಡಾಕ್ಟರೇಟ್ ಕೊಡುಸ್ತೀವಿ’ ಸುಮಿ ಸಮಾಧಾನ ಹೇಳಿದಳು.

. ‘ಬೈ ಒನ್, ಗೆಟ್ ಒನ್ ಆಫರ್ ಇದೆಯಾ?’ ಶಂಕ್ರಿ ಕೇಳಿದ.

. ‘ನನ್ನ ಮೈದುನ ಕೆಲಸವಿಲ್ಲದೆ ಪೋಲಿ ಅಲೀತಿದ್ದಾನೆ, ಅವನಿಗೊಂದು ಗುಮಾಸ್ತ ಹುದ್ದೆ ಕೊಡಿಸಿ ಜವಾಬ್ದಾರಿ ಕಳ್ಕೊಳ್ಳೋಣ ಅಂತ...’ ಅಂದಳು ಸುಮಿ.

. ‘ಕಲರ್, ಕಸುಬು ಇಷ್ಟ ಆಗದಿದ್ದರೆ ಹುದ್ದೆಯನ್ನು ಎಕ್ಸ್ಚೇಂಜ್ ಮಾಡಬಹುದಾ?’ ಶಂಕ್ರಿ ಕೇಳಿದ.

. ‘ನೋ ಎಕ್ಸ್ಚೇಂಜ್...’

. ‘ರೀ, ನಿಮ್ಮ ಹುದ್ದೆ ಹಳೆಯದಾಗಿದೆ, ಹೊಸದನ್ನು ಕೊಂಡುಕೊಳ್ಳಿ...’ ಸುಮಿ ಗಂಡನಿಗೆ ಹೇಳಿದಳು.

. ‘ಸಾರ್, ನಿಮ್ಮ ಏಜಿಗೆ, ಸೈಜಿಗೆ ಮ್ಯಾಚಾಗುವ ಮಂತ್ರಿ, ಮುಖ್ಯಮಂತ್ರಿ ಹುದ್ದೆಗಳಿವೆ’.

. ‘ಬೇಡಾರೀ, ಅಷ್ಟೊಂದು ದುಡ್ಡಿಲ್ಲ...’

. ‘ಈಗ ಫಾರ್ಟಿ ಪರ್ಸೆಂಟ್ ಕೊಡಿ. ಬಾಕಿ ಹಣವನ್ನು ಕಂತುಗಳಲ್ಲಿ ಪಾವತಿಸಬಹುದು...’ ಅಂಗಡಿಯವ ಆಫರ್ ಕೊಟ್ಟ...

. ಮಲಗಿದ್ದ ಶಂಕ್ರಿಯ ನಿದ್ರೆ ಭಂಗ ಮಾಡಿದ ಸುಮಿ, ‘ರೀ, ಇವತ್ತು ಟೀವಿ ಸಾಲದ ಕಂತು ಕಟ್ಟಬೇಕು...’ ಎಂದು ಜ್ಞಾಪಿಸಿದಳು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.