<p>‘ರೀ... ನಿಮ್ದು ಯಾವ ರಾಶಿ?’, ಬೆಳ್ಳಂಬೆಳಗ್ಗೆ ಶ್ರೀಮತಿಯಿಂದ ಕೋರ್ಟ್ ಮಾರ್ಷಲ್. ‘ತುಲಾ’ ಎಂದೆ.</p>.<p>‘ಹೌದಲ್ವೇ! ಅದಕ್ಕೇ ತಾನೆ ನೀವು ಯಾವ್ದೇ ಕೆಲ್ಸವಾದ್ರೂ ಅಷ್ಟು ಅಳೆದೂ ತೂಗೀ ಮಾಡೋದು’.</p>.<p>‘ಇಲ್ದಿದ್ರೆ, ವೃಶ್ಚಿಕ ರಾಶಿಯ ನಿನ್ನಿಂದ ಕುಟುಕಿಸಿಕೊಳ್ಳಬೇಕಲ್ಲ... ಹಬ್ಬದಲ್ಲಿ ಈ ರಾಶಿ ರಗಳೆ ಯಾಕೆ?’</p>.<p>‘ಈ ದೀಪಾವಳೀಲಿ ಚತುರ್ಗ್ರಹಿ ಯೋಗ ಇದೆಯಂತೆ. ಸೂರ್ಯ, ಮಂಗಳ, ಬುಧ, ಶುಕ್ರ ಗ್ರಹಗಳು ಸ್ಥಾನ ಬದಲಿಸುತ್ವಂತೆ. ನಿಮ್ಮಂಥ ತುಲಾ ರಾಶಿಯವರಿಗೆ ಶುಕ್ರದೆಶೆ ಅಂತೆ. ಇದು ಸಂತೋಷದ ಸಂಗತಿಯಲ್ವೇ?’</p>.<p>‘ಏನು ಸಂತೋಷಾನೋ. ದಸರಾ ಆದ್ಮೇಲೆ ಮೈಸೂರಲ್ಲಿ ಕೊರೊನಾ ಹೆಚ್ಚಿದೆಯಂತೆ. ಹಬ್ಬಗಳಲ್ಲಿ ಮೈಮರೀಬೇಡೀಂತ ತಜ್ಞರು<br />ಎಚ್ಚರಿಸ್ತಿದಾರೆ. ನಮ್ಮ ನಮೋ ಸಾಹೇಬ್ರು ಗ್ಲಾಸ್ಗೊ ಶೃಂಗ ಸಮ್ಮೇಳನದಲ್ಲಿ ಭಾರತ ಹವಾಮಾನ ವೈಪರೀತ್ಯ ತಡೆಯಲ್ಲಿ ಇನ್ನು ಐವತ್ತು ವರ್ಷಗಳಲ್ಲಿ ನೆಟ್ ಜೀರೊ ಗುರಿ ತಲುಪುತ್ತೇಂತ ಘೋಷಿಸಿದಾರೆ...’</p>.<p>‘ಹೌದೂರೀ, ಸರ್ಕಾರ ಹಸಿರು ಪಟಾಕಿ ಮಾತ್ರ ಬಳಸಿ ಪರಿಸರಮಾಲಿನ್ಯ ತಡೆಯಿರೀಂತ ಹೇಳಿದೆ’.</p>.<p>‘ಅದಕ್ಕೇ ನಾನು ಈ ದೀಪಾವಳೀನ ಬಹಳ ಸಿಂಪಲ್ಲಾಗಿ ಆಚರಿಸೋಣ, ನೆಂಟರಿಷ್ಟರನ್ನ ಕರೆಯೋದು ಬೇಡಾಂತ ಹೇಳಿದ್ದು’.</p>.<p>‘ಹೌದೂರಿ, ಆದ್ರಿಂದ್ಲೇ ನಾನು ನಾಲ್ಕೇ ಜನರಿಗೆ ಹೇಳಿರೋದು’.</p>.<p>‘ಯಾರ್ಯಾರು?’</p>.<p>‘ನಿಮ್ಮತ್ತೆ, ಮಾವ, ಅಳಿಯ, ಮಗಳು’.</p>.<p>‘ಹಾಗಾದ್ರೆ ಈ ಚತುರ್ಗ್ರಹಿ ಯೋಗದಲ್ಲಿ ನಂಗೆ ಇನ್ನೊಂದು ರಾಜಯೋಗವೂ ಕೂಡಿಬಂತು ಅನ್ನು. ನನ್ನ ಮೈಸೂರು ತಂಗಿಯನ್ನ ಕರೆಯಬೌದಿತ್ತಲ್ಲ. ಪ್ರತೀ ದಸರಾಕ್ಕೂ ಹೋಗಿ ಅವ್ರ ಮನೇಲಿ ಝಾಂಡಾ ಹೊಡೀತೀವಿ. ಈ ಬಾರಿ ಮಾತ್ರ ಸರಳ ದಸರಾ ಅಂತ ಹೋಗಲಿಲ್ಲ’.</p>.<p>‘ಅಲ್ಲಿ ಕೊರೊನಾ ಜಾಸ್ತಿಯಾಗಿದೆಯಲ್ರೀ, ಯುಗಾದಿಗೆ ಕರೆಯೋಣ ಬಿಡಿ’ ಎಂದು ಮಡದಿ ಮೂಗು ಮುರಿಯುವಷ್ಟರಲ್ಲಿ, ವರದಕ್ಷಿಣೆಗೆ ಮುನಿಸಿಕೊಂಡಿದ್ದ ‘ಜಾಮಾತೋ ದಶಮಗ್ರಹ’ ಬಾಗಿಲಲ್ಲಿ ಸಕುಟುಂಬ ಪ್ರತ್ಯಕ್ಷ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ರೀ... ನಿಮ್ದು ಯಾವ ರಾಶಿ?’, ಬೆಳ್ಳಂಬೆಳಗ್ಗೆ ಶ್ರೀಮತಿಯಿಂದ ಕೋರ್ಟ್ ಮಾರ್ಷಲ್. ‘ತುಲಾ’ ಎಂದೆ.</p>.<p>‘ಹೌದಲ್ವೇ! ಅದಕ್ಕೇ ತಾನೆ ನೀವು ಯಾವ್ದೇ ಕೆಲ್ಸವಾದ್ರೂ ಅಷ್ಟು ಅಳೆದೂ ತೂಗೀ ಮಾಡೋದು’.</p>.<p>‘ಇಲ್ದಿದ್ರೆ, ವೃಶ್ಚಿಕ ರಾಶಿಯ ನಿನ್ನಿಂದ ಕುಟುಕಿಸಿಕೊಳ್ಳಬೇಕಲ್ಲ... ಹಬ್ಬದಲ್ಲಿ ಈ ರಾಶಿ ರಗಳೆ ಯಾಕೆ?’</p>.<p>‘ಈ ದೀಪಾವಳೀಲಿ ಚತುರ್ಗ್ರಹಿ ಯೋಗ ಇದೆಯಂತೆ. ಸೂರ್ಯ, ಮಂಗಳ, ಬುಧ, ಶುಕ್ರ ಗ್ರಹಗಳು ಸ್ಥಾನ ಬದಲಿಸುತ್ವಂತೆ. ನಿಮ್ಮಂಥ ತುಲಾ ರಾಶಿಯವರಿಗೆ ಶುಕ್ರದೆಶೆ ಅಂತೆ. ಇದು ಸಂತೋಷದ ಸಂಗತಿಯಲ್ವೇ?’</p>.<p>‘ಏನು ಸಂತೋಷಾನೋ. ದಸರಾ ಆದ್ಮೇಲೆ ಮೈಸೂರಲ್ಲಿ ಕೊರೊನಾ ಹೆಚ್ಚಿದೆಯಂತೆ. ಹಬ್ಬಗಳಲ್ಲಿ ಮೈಮರೀಬೇಡೀಂತ ತಜ್ಞರು<br />ಎಚ್ಚರಿಸ್ತಿದಾರೆ. ನಮ್ಮ ನಮೋ ಸಾಹೇಬ್ರು ಗ್ಲಾಸ್ಗೊ ಶೃಂಗ ಸಮ್ಮೇಳನದಲ್ಲಿ ಭಾರತ ಹವಾಮಾನ ವೈಪರೀತ್ಯ ತಡೆಯಲ್ಲಿ ಇನ್ನು ಐವತ್ತು ವರ್ಷಗಳಲ್ಲಿ ನೆಟ್ ಜೀರೊ ಗುರಿ ತಲುಪುತ್ತೇಂತ ಘೋಷಿಸಿದಾರೆ...’</p>.<p>‘ಹೌದೂರೀ, ಸರ್ಕಾರ ಹಸಿರು ಪಟಾಕಿ ಮಾತ್ರ ಬಳಸಿ ಪರಿಸರಮಾಲಿನ್ಯ ತಡೆಯಿರೀಂತ ಹೇಳಿದೆ’.</p>.<p>‘ಅದಕ್ಕೇ ನಾನು ಈ ದೀಪಾವಳೀನ ಬಹಳ ಸಿಂಪಲ್ಲಾಗಿ ಆಚರಿಸೋಣ, ನೆಂಟರಿಷ್ಟರನ್ನ ಕರೆಯೋದು ಬೇಡಾಂತ ಹೇಳಿದ್ದು’.</p>.<p>‘ಹೌದೂರಿ, ಆದ್ರಿಂದ್ಲೇ ನಾನು ನಾಲ್ಕೇ ಜನರಿಗೆ ಹೇಳಿರೋದು’.</p>.<p>‘ಯಾರ್ಯಾರು?’</p>.<p>‘ನಿಮ್ಮತ್ತೆ, ಮಾವ, ಅಳಿಯ, ಮಗಳು’.</p>.<p>‘ಹಾಗಾದ್ರೆ ಈ ಚತುರ್ಗ್ರಹಿ ಯೋಗದಲ್ಲಿ ನಂಗೆ ಇನ್ನೊಂದು ರಾಜಯೋಗವೂ ಕೂಡಿಬಂತು ಅನ್ನು. ನನ್ನ ಮೈಸೂರು ತಂಗಿಯನ್ನ ಕರೆಯಬೌದಿತ್ತಲ್ಲ. ಪ್ರತೀ ದಸರಾಕ್ಕೂ ಹೋಗಿ ಅವ್ರ ಮನೇಲಿ ಝಾಂಡಾ ಹೊಡೀತೀವಿ. ಈ ಬಾರಿ ಮಾತ್ರ ಸರಳ ದಸರಾ ಅಂತ ಹೋಗಲಿಲ್ಲ’.</p>.<p>‘ಅಲ್ಲಿ ಕೊರೊನಾ ಜಾಸ್ತಿಯಾಗಿದೆಯಲ್ರೀ, ಯುಗಾದಿಗೆ ಕರೆಯೋಣ ಬಿಡಿ’ ಎಂದು ಮಡದಿ ಮೂಗು ಮುರಿಯುವಷ್ಟರಲ್ಲಿ, ವರದಕ್ಷಿಣೆಗೆ ಮುನಿಸಿಕೊಂಡಿದ್ದ ‘ಜಾಮಾತೋ ದಶಮಗ್ರಹ’ ಬಾಗಿಲಲ್ಲಿ ಸಕುಟುಂಬ ಪ್ರತ್ಯಕ್ಷ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
