<p>‘ಅಂತೂ ಚುನಾವಣಾ ಪರ್ವ ಮುಗಿದಂತಾಯ್ತು... ನಿನ್ನೆ ವೋಟು ಹಾಕಿದೆಯೇನೋ? ಬೂತ್ ಲಿಸ್ಟ್ನಲ್ಲಿ ನಿನ್ನ ಹೆಸರು ಇದೆಯೋ ಇಲ್ಲವೋ ಚೆಕ್ ಮಾಡಿಸಬೇಕೂಂತಿದ್ದೆ’ ಚೆಡ್ಡಿ ದೋಸ್ತ್ನನ್ನು ಕೇಳಿದೆ.</p>.<p>‘ನೋಡಿಲ್ಲಿ’ ಎಂದು ಎಡಗೈ ತೋರು ಬೆರಳ ತುದಿಯ ಕಪ್ಪು ಗೆರೆ ತೋರಿಸಿದ.</p>.<p>‘ನಾನು ಪೋಲಿಂಗ್ ಬೂತಿಗೆ ಬಂದಾಗ ನೀನು ಕಾಣಿಸಲಿಲ್ವಲ್ಲಯ್ಯಾ... ಅಂದ್ರೆ, ಅದೇ ಟೈಮಿಗೆ ನಮ್ಮ ಸೂಪರ್ ಸ್ಟಾರ್ ಹೀರೊಯಿನ್ ವೋಟ್ ಹಾಕಲು ಬಂದಿದ್ದರಿಂದ ಭಾಳ ಗದ್ದಲವಿತ್ತೂನ್ನು’.</p>.<p>‘ನಾನು ಬೆಳಗ್ಗೆ ಏಳಕ್ಕೆ ಸರಿಯಾಗಿ ಹೋಗಿದ್ದೆನಪ್ಪಾ... ಮತಗಟ್ಟೆ ಮುಂದೆ ತಗೊಂಡಿದ್ದ ನನ್ನ ಸೆಲ್ಫಿ ಟೀವೀಲಿ ಬಂತು, ನೋಡಲಿಲ್ವೇ?’</p>.<p>‘ಇಲ್ಲವಯ್ಯಾ... ಯಾಕೋ ಅಷ್ಟು ಬೇಗ ಹೋಗಿದ್ದೆ? ನಿನ್ನನ್ನ ಉದ್ಘಾಟನಾ ಸಮಾರಂಭದ ಮುಖ್ಯ ಅತಿಥಿಯಾಗಿ ಕರೆದಿದ್ರಾ?’</p>.<p>‘ಹಾಗಲ್ಲ, ಪೇಪರ್ ನೋಡಲಿಲ್ವೇ? ವೋಟು ಮಾಡಿದ್ದಕ್ಕೆ ಬೆರಳ ಗುರುತು ತೋರಿಸಿದೋರಿಗೆ ಫ್ರೀ ಬೆಣ್ಣೆ ದೋಸೆ ಅಂತಿರಲಿಲ್ವಾ? ನಾನು ಡಬಲ್ ದೋಸೆ ತಿಂದು, ಬೈಕ್ಗೆ ಫ್ರೀ ಪೆಟ್ರೋಲ್ ಹಾಕಿಸ್ಕೊಂಡು...’</p>.<p>‘ಫ್ರೀ ಪೆಟ್ರೋಲು?!’</p>.<p>‘ಹೌದಪ್ಪಾ, ಒಂದು ಬಂಕ್ನವರು ಮತ ಹಾಕಿದೋರಿಗೆ ಉಚಿತವಾಗಿ ಪೆಟ್ರೋಲ್ ಕೊಟ್ರು. ಹಾಕಿಸ್ಕೊಂಡು ಜೂಮ್ ಅಂತ ನಂದಿ ಬೆಟ್ಟಕ್ಕೆ ಹೋದ್ರೆ ‘ಕ್ಲೋಸ್ಡ್’ ಅಂತ ಬೋರ್ಡ್ ಹಾಕಿದ್ರು!’</p>.<p>‘ತೆಪರೆ, ಎಲೆಕ್ಷನ್ ದಿನ ಬೆಟ್ಟಕ್ಕೆ ಪ್ರವೇಶವಿಲ್ಲಾಂತ ಮೊದಲೇ ಅನೌನ್ಸ್ ಮಾಡಿದ್ರಲ್ಲೋ. ಅದ್ಸರಿ, ವೋಟರ್ಸ್ ಲಿಸ್ಟಲ್ಲಿ ನಿನ್ನ ಹೆಸರು ಇತ್ತೇ?’</p>.<p>‘ಇಲ್ಲದಿದ್ರೇನಂತೆ! ಬೆರಳಿಗೆ ಕಪ್ಪು ಶಾಯಿ ಹಾಕಿಕೊಳ್ಳಲು ಬರೋಲ್ವೆ?’</p>.<p>‘ಭೇಷ್! ಮುಂದಿನ ಅಸೆಂಬ್ಲಿ ಚುನಾವಣೆಗೆ ನಿನಗೆ ಖಂಡಿತ ಟಿಕೆಟ್ ಸಿಗುತ್ತೆ’.</p>.<p>‘ನಿನ್ನ ಶುಭ ಭವಿಷ್ಯವಾಣಿಗಾಗಿ ಹಾರ್ದಿಕ ಧನ್ಯವಾದಗಳು. ನಿನ್ನ ಬಾಯಿ ಹರಕೆ ಫಲಿಸಲಿ. ನಾನಿನ್ನು ಬರ್ತೀನಿ, ಅಲ್ಲಿ ವೋಟು ಹಾಕಿದ ಗುರುತು ತೋರಿಸಿದವರಿಗೆ ಉಚಿತ ಅಕ್ಕಿ, ಬೇಳೆ ಕೊಡ್ತಾರಂತೆ’.</p>.<p>ನನ್ನ ತೆರೆದ ಬಾಯಿ ಮುಚ್ಚಲಿಲ್ಲ. ನನ್ನ ಕೈ ಬೆರಳ ತುದಿಯ ಕಪ್ಪು ಅಗಲವಾದಂತೆ ಭಾಸವಾಗತೊಡಗಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಅಂತೂ ಚುನಾವಣಾ ಪರ್ವ ಮುಗಿದಂತಾಯ್ತು... ನಿನ್ನೆ ವೋಟು ಹಾಕಿದೆಯೇನೋ? ಬೂತ್ ಲಿಸ್ಟ್ನಲ್ಲಿ ನಿನ್ನ ಹೆಸರು ಇದೆಯೋ ಇಲ್ಲವೋ ಚೆಕ್ ಮಾಡಿಸಬೇಕೂಂತಿದ್ದೆ’ ಚೆಡ್ಡಿ ದೋಸ್ತ್ನನ್ನು ಕೇಳಿದೆ.</p>.<p>‘ನೋಡಿಲ್ಲಿ’ ಎಂದು ಎಡಗೈ ತೋರು ಬೆರಳ ತುದಿಯ ಕಪ್ಪು ಗೆರೆ ತೋರಿಸಿದ.</p>.<p>‘ನಾನು ಪೋಲಿಂಗ್ ಬೂತಿಗೆ ಬಂದಾಗ ನೀನು ಕಾಣಿಸಲಿಲ್ವಲ್ಲಯ್ಯಾ... ಅಂದ್ರೆ, ಅದೇ ಟೈಮಿಗೆ ನಮ್ಮ ಸೂಪರ್ ಸ್ಟಾರ್ ಹೀರೊಯಿನ್ ವೋಟ್ ಹಾಕಲು ಬಂದಿದ್ದರಿಂದ ಭಾಳ ಗದ್ದಲವಿತ್ತೂನ್ನು’.</p>.<p>‘ನಾನು ಬೆಳಗ್ಗೆ ಏಳಕ್ಕೆ ಸರಿಯಾಗಿ ಹೋಗಿದ್ದೆನಪ್ಪಾ... ಮತಗಟ್ಟೆ ಮುಂದೆ ತಗೊಂಡಿದ್ದ ನನ್ನ ಸೆಲ್ಫಿ ಟೀವೀಲಿ ಬಂತು, ನೋಡಲಿಲ್ವೇ?’</p>.<p>‘ಇಲ್ಲವಯ್ಯಾ... ಯಾಕೋ ಅಷ್ಟು ಬೇಗ ಹೋಗಿದ್ದೆ? ನಿನ್ನನ್ನ ಉದ್ಘಾಟನಾ ಸಮಾರಂಭದ ಮುಖ್ಯ ಅತಿಥಿಯಾಗಿ ಕರೆದಿದ್ರಾ?’</p>.<p>‘ಹಾಗಲ್ಲ, ಪೇಪರ್ ನೋಡಲಿಲ್ವೇ? ವೋಟು ಮಾಡಿದ್ದಕ್ಕೆ ಬೆರಳ ಗುರುತು ತೋರಿಸಿದೋರಿಗೆ ಫ್ರೀ ಬೆಣ್ಣೆ ದೋಸೆ ಅಂತಿರಲಿಲ್ವಾ? ನಾನು ಡಬಲ್ ದೋಸೆ ತಿಂದು, ಬೈಕ್ಗೆ ಫ್ರೀ ಪೆಟ್ರೋಲ್ ಹಾಕಿಸ್ಕೊಂಡು...’</p>.<p>‘ಫ್ರೀ ಪೆಟ್ರೋಲು?!’</p>.<p>‘ಹೌದಪ್ಪಾ, ಒಂದು ಬಂಕ್ನವರು ಮತ ಹಾಕಿದೋರಿಗೆ ಉಚಿತವಾಗಿ ಪೆಟ್ರೋಲ್ ಕೊಟ್ರು. ಹಾಕಿಸ್ಕೊಂಡು ಜೂಮ್ ಅಂತ ನಂದಿ ಬೆಟ್ಟಕ್ಕೆ ಹೋದ್ರೆ ‘ಕ್ಲೋಸ್ಡ್’ ಅಂತ ಬೋರ್ಡ್ ಹಾಕಿದ್ರು!’</p>.<p>‘ತೆಪರೆ, ಎಲೆಕ್ಷನ್ ದಿನ ಬೆಟ್ಟಕ್ಕೆ ಪ್ರವೇಶವಿಲ್ಲಾಂತ ಮೊದಲೇ ಅನೌನ್ಸ್ ಮಾಡಿದ್ರಲ್ಲೋ. ಅದ್ಸರಿ, ವೋಟರ್ಸ್ ಲಿಸ್ಟಲ್ಲಿ ನಿನ್ನ ಹೆಸರು ಇತ್ತೇ?’</p>.<p>‘ಇಲ್ಲದಿದ್ರೇನಂತೆ! ಬೆರಳಿಗೆ ಕಪ್ಪು ಶಾಯಿ ಹಾಕಿಕೊಳ್ಳಲು ಬರೋಲ್ವೆ?’</p>.<p>‘ಭೇಷ್! ಮುಂದಿನ ಅಸೆಂಬ್ಲಿ ಚುನಾವಣೆಗೆ ನಿನಗೆ ಖಂಡಿತ ಟಿಕೆಟ್ ಸಿಗುತ್ತೆ’.</p>.<p>‘ನಿನ್ನ ಶುಭ ಭವಿಷ್ಯವಾಣಿಗಾಗಿ ಹಾರ್ದಿಕ ಧನ್ಯವಾದಗಳು. ನಿನ್ನ ಬಾಯಿ ಹರಕೆ ಫಲಿಸಲಿ. ನಾನಿನ್ನು ಬರ್ತೀನಿ, ಅಲ್ಲಿ ವೋಟು ಹಾಕಿದ ಗುರುತು ತೋರಿಸಿದವರಿಗೆ ಉಚಿತ ಅಕ್ಕಿ, ಬೇಳೆ ಕೊಡ್ತಾರಂತೆ’.</p>.<p>ನನ್ನ ತೆರೆದ ಬಾಯಿ ಮುಚ್ಚಲಿಲ್ಲ. ನನ್ನ ಕೈ ಬೆರಳ ತುದಿಯ ಕಪ್ಪು ಅಗಲವಾದಂತೆ ಭಾಸವಾಗತೊಡಗಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
