<p>ತೆಪರೇಸಿಯನ್ನು ಪರೀಕ್ಷಿಸಿದ ಡಾಕ್ಟರು, ‘ಏನು ಪ್ರಾಬ್ಲಂ?’ ಎಂದು ಕೇಳಿದರು.</p><p>‘ಗೊತ್ತಿಲ್ಲ ಸಾ, ಇತ್ತೀಚೆಗೆ ಸುಂಸುಮ್ನೆ ಏನೇನೋ ಬಡಬಡಿಸ್ತಾರೆ. ‘ಓಯ್, ಕೆಳಗೆ ಬಾ’ ಅಂತಾರೆ, ಕೆಳಗೇ ಇದೀನಲ್ಲ ಅಂದ್ರೆ ಅದೇನೋ ‘ಬಾಯಲ್ಲಿ ಹೇಳಿ...’ ಅಂತಾರೆ’ ಹೆಂಡ್ತಿ ಪಮ್ಮಿ ವರದಿ ಒಪ್ಪಿಸಿದಳು.</p><p>‘ಯಾಕ್ರಿ ತೆಪರೇಸಿ, ಏನಾಗಿದೆ ನಿಮ್ಗೆ?’ ಡಾಕ್ಟರು ಬೆನ್ನು ತಟ್ಟಿ ಕೇಳಿದರು.</p><p>‘ನಾನು ನಿಮ್ ಜೊತೆ ಕ್ರಿಕೆಟ್ ನೋಡಬೋದಾ?’ ಎಂದ ತೆಪರೇಸಿ. ಡಾಕ್ಟರು ಕಕ್ಕಾಬಿಕ್ಕಿಯಾದರು. ಮತ್ತೆ ಮರುಕ್ಷಣ ‘ಇವನಿಗೆ ಏನ್ ತಿನ್ನಿಸ್ತೀರಾ?’ ಎಂದ.</p><p>ಪಮ್ಮಿಗೆ ಗಾಬರಿಯಾಯಿತು. ‘ರೀ... ಸರಿ<br>ಯಾಗಿ ಮಾತಾಡ್ರಿ, ಇವರು ಡಾಕ್ಟ್ರು...’ ಎಂದಳು.</p><p>‘ಆಂಟಿ, ಸ್ವಲ್ಪ ಶುಂಠಿ ಕೊಡ್ತೀರಾ?’ ಎಂದ ತೆಪರೇಸಿ. ಇದನ್ನ ಎಲ್ಲೋ ಕೇಳಿದೀನಲ್ಲ ಅನ್ನಿಸಿತು ಡಾಕ್ಟರಿಗೆ.</p><p>‘ನಿಮ್ಮ ಪೇಸ್ಟಿನಲ್ಲಿ ಉಪ್ಪಿನಕಾಯಿ ಇದೆಯಾ?’ ಎಂದ. ಡಾಕ್ಟರಿಗೆ ಅರ್ಥವಾಗಿ ಹೋಯಿತು. ‘ಇವರ ಕಾಯಿಲೆ ಏನೂಂತ ಗೊತ್ತಾಯ್ತು. ಟೀವಿ ಜಾಸ್ತಿ ನೋಡ್ತಾರಾ?’ ಎಂದು ಕೇಳಿದರು.</p><p>‘ಅಯ್ಯೋ ವಿಪರೀತ ಸಾ, ನ್ಯೂಸು, ಧಾರಾವಾಹಿ, ಸಿನಿಮಾ ಯಾವುದ್ನೂ ಬಿಡಲ್ಲ. ಜಾಹೀರಾತು ಬರ್ತಿದ್ದಂಗೆ ಇವರೇ ಮೊದ್ಲೇ ಎಲ್ಲ ಹೇಳಿಬಿಡ್ತಾರೆ’.</p><p>‘ಕರೆಕ್ಟ್, ಇವೆಲ್ಲ ಟೀವಿ ಜಾಹೀರಾತು ಡೈಲಾಗ್ಗಳು’.</p><p>‘ಮೊನ್ನೆ ಅದೇನೋ ಪತ್ರ, ಪತ್ರ ಅಂತಿದ್ರು ಸಾ, ಆಸ್ತಿಪತ್ರನೋ ಪ್ರೇಮಪತ್ರನೋ ಗೊತ್ತಾಗ್ತಿಲ್ಲ...’</p><p>ಪಮ್ಮಿ ಮಾತಿಗೆ ನಕ್ಕ ಡಾಕ್ಟರು, ‘ಅದು ರಾಜಕೀಯ ಪತ್ರ, ಎಮ್ಮೆಲ್ಲೆ ಒಬ್ರು ಸೀಎಂಗೆ ಬರೆದಿದ್ದು. ಅದು ಸುಖಾಂತ್ಯ ಆಯ್ತಲ್ಲ, ಇವ್ರು ಮತ್ತೆ ಪತ್ರದ ವಿಷ್ಯ ಮಾತಾಡಲ್ಲ ಬಿಡಿ’ ಎಂದರು.</p><p>‘ಸರಿ, ಇದಕ್ಕೆಲ್ಲ ಟ್ರೀಟ್ಮೆಂಟು?’</p><p>‘ಒಂದಾರು ತಿಂಗಳು ನಿಮ್ಮನೆ ಟೀವಿ ಕನೆಕ್ಷನ್ ತೆಗೆಸಿಬಿಡಿ, ಎಲ್ಲ ಸರಿಹೋಗುತ್ತೆ’.</p><p>‘ಅಯ್ಯೋ... ಮತ್ತೆ ನಾನು ‘ಮನೆಯೊಂದು ಆರು ಬಾಗಿಲು’ ಸೀರಿಯಲ್ ನೋಡ್ಬೇಕಲ್ಲ ಸಾ...’</p><p>ಪಮ್ಮಿ ಮಾತು ಕೇಳಿ ಡಾಕ್ಟರು ತಲೆ ಮೇಲೆ ಕೈ ಹೊತ್ತು ಕೂತರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ತೆಪರೇಸಿಯನ್ನು ಪರೀಕ್ಷಿಸಿದ ಡಾಕ್ಟರು, ‘ಏನು ಪ್ರಾಬ್ಲಂ?’ ಎಂದು ಕೇಳಿದರು.</p><p>‘ಗೊತ್ತಿಲ್ಲ ಸಾ, ಇತ್ತೀಚೆಗೆ ಸುಂಸುಮ್ನೆ ಏನೇನೋ ಬಡಬಡಿಸ್ತಾರೆ. ‘ಓಯ್, ಕೆಳಗೆ ಬಾ’ ಅಂತಾರೆ, ಕೆಳಗೇ ಇದೀನಲ್ಲ ಅಂದ್ರೆ ಅದೇನೋ ‘ಬಾಯಲ್ಲಿ ಹೇಳಿ...’ ಅಂತಾರೆ’ ಹೆಂಡ್ತಿ ಪಮ್ಮಿ ವರದಿ ಒಪ್ಪಿಸಿದಳು.</p><p>‘ಯಾಕ್ರಿ ತೆಪರೇಸಿ, ಏನಾಗಿದೆ ನಿಮ್ಗೆ?’ ಡಾಕ್ಟರು ಬೆನ್ನು ತಟ್ಟಿ ಕೇಳಿದರು.</p><p>‘ನಾನು ನಿಮ್ ಜೊತೆ ಕ್ರಿಕೆಟ್ ನೋಡಬೋದಾ?’ ಎಂದ ತೆಪರೇಸಿ. ಡಾಕ್ಟರು ಕಕ್ಕಾಬಿಕ್ಕಿಯಾದರು. ಮತ್ತೆ ಮರುಕ್ಷಣ ‘ಇವನಿಗೆ ಏನ್ ತಿನ್ನಿಸ್ತೀರಾ?’ ಎಂದ.</p><p>ಪಮ್ಮಿಗೆ ಗಾಬರಿಯಾಯಿತು. ‘ರೀ... ಸರಿ<br>ಯಾಗಿ ಮಾತಾಡ್ರಿ, ಇವರು ಡಾಕ್ಟ್ರು...’ ಎಂದಳು.</p><p>‘ಆಂಟಿ, ಸ್ವಲ್ಪ ಶುಂಠಿ ಕೊಡ್ತೀರಾ?’ ಎಂದ ತೆಪರೇಸಿ. ಇದನ್ನ ಎಲ್ಲೋ ಕೇಳಿದೀನಲ್ಲ ಅನ್ನಿಸಿತು ಡಾಕ್ಟರಿಗೆ.</p><p>‘ನಿಮ್ಮ ಪೇಸ್ಟಿನಲ್ಲಿ ಉಪ್ಪಿನಕಾಯಿ ಇದೆಯಾ?’ ಎಂದ. ಡಾಕ್ಟರಿಗೆ ಅರ್ಥವಾಗಿ ಹೋಯಿತು. ‘ಇವರ ಕಾಯಿಲೆ ಏನೂಂತ ಗೊತ್ತಾಯ್ತು. ಟೀವಿ ಜಾಸ್ತಿ ನೋಡ್ತಾರಾ?’ ಎಂದು ಕೇಳಿದರು.</p><p>‘ಅಯ್ಯೋ ವಿಪರೀತ ಸಾ, ನ್ಯೂಸು, ಧಾರಾವಾಹಿ, ಸಿನಿಮಾ ಯಾವುದ್ನೂ ಬಿಡಲ್ಲ. ಜಾಹೀರಾತು ಬರ್ತಿದ್ದಂಗೆ ಇವರೇ ಮೊದ್ಲೇ ಎಲ್ಲ ಹೇಳಿಬಿಡ್ತಾರೆ’.</p><p>‘ಕರೆಕ್ಟ್, ಇವೆಲ್ಲ ಟೀವಿ ಜಾಹೀರಾತು ಡೈಲಾಗ್ಗಳು’.</p><p>‘ಮೊನ್ನೆ ಅದೇನೋ ಪತ್ರ, ಪತ್ರ ಅಂತಿದ್ರು ಸಾ, ಆಸ್ತಿಪತ್ರನೋ ಪ್ರೇಮಪತ್ರನೋ ಗೊತ್ತಾಗ್ತಿಲ್ಲ...’</p><p>ಪಮ್ಮಿ ಮಾತಿಗೆ ನಕ್ಕ ಡಾಕ್ಟರು, ‘ಅದು ರಾಜಕೀಯ ಪತ್ರ, ಎಮ್ಮೆಲ್ಲೆ ಒಬ್ರು ಸೀಎಂಗೆ ಬರೆದಿದ್ದು. ಅದು ಸುಖಾಂತ್ಯ ಆಯ್ತಲ್ಲ, ಇವ್ರು ಮತ್ತೆ ಪತ್ರದ ವಿಷ್ಯ ಮಾತಾಡಲ್ಲ ಬಿಡಿ’ ಎಂದರು.</p><p>‘ಸರಿ, ಇದಕ್ಕೆಲ್ಲ ಟ್ರೀಟ್ಮೆಂಟು?’</p><p>‘ಒಂದಾರು ತಿಂಗಳು ನಿಮ್ಮನೆ ಟೀವಿ ಕನೆಕ್ಷನ್ ತೆಗೆಸಿಬಿಡಿ, ಎಲ್ಲ ಸರಿಹೋಗುತ್ತೆ’.</p><p>‘ಅಯ್ಯೋ... ಮತ್ತೆ ನಾನು ‘ಮನೆಯೊಂದು ಆರು ಬಾಗಿಲು’ ಸೀರಿಯಲ್ ನೋಡ್ಬೇಕಲ್ಲ ಸಾ...’</p><p>ಪಮ್ಮಿ ಮಾತು ಕೇಳಿ ಡಾಕ್ಟರು ತಲೆ ಮೇಲೆ ಕೈ ಹೊತ್ತು ಕೂತರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>