<p>ಬಾಲ್ಯವಿವಾಹದ ವಿರುದ್ಧ ಅಸ್ಸಾಂ ಸರ್ಕಾರ ಜನವರಿಯಿಂದ ಒಂದು ಅಭಿಯಾನವನ್ನೇ ಪ್ರಾರಂಭಿಸಿದೆ. 18 ವರ್ಷವಾಗದ ಯುವತಿ ಅಥವಾ 21 ವರ್ಷವಾಗದ ಯುವಕನ ವಿವಾಹವು ‘ಬಾಲ್ಯವಿವಾಹ’ದ ವ್ಯಾಪ್ತಿಗೆ ಒಳಪಡುತ್ತದೆ. ಸರ್ಕಾರದ ಈ ಅಭಿಯಾನವು ಎಷ್ಟು ಕಠಿಣವಾಗಿದೆಯೆಂದರೆ, ‘ಇದು ಬಾಲ್ಯವಿವಾಹ’ ಎಂದು ಗುರುತಿಸಿದ ಕೂಡಲೇ ಪತಿಯನ್ನು ಬಂಧಿಸಿ ಜೈಲಿಗೆ ಕಳಿಸಲಾಗುತ್ತಿದೆ. ಪತ್ರಿಕಾ ವರದಿಗಳ ಪ್ರಕಾರ, ಈವರೆಗೆ ಈ ರೀತಿ ಬಂಧನಕ್ಕೆ ಒಳಗಾಗಿರುವವರ ಸಂಖ್ಯೆ ಮೂರು ಸಾವಿರಕ್ಕಿಂತ ಹೆಚ್ಚು.</p>.<p>ಹೀಗೆ ಬಾಲ್ಯವಿವಾಹದ ಸಂಬಂಧ ಬಂಧಿತರಾದ ಕುಟುಂಬವೊಂದರ ಸ್ತ್ರೀಯರು ಆ ರಾಜ್ಯದ ಲಾಹರಿಪಾಡಾ ಎಂಬ ಪೊಲೀಸ್ ಠಾಣೆಯ ಎದುರು ಇತ್ತೀಚೆಗೆ ಪ್ರತಿಭಟನೆ ನಡೆಸಿದರು. ಬಂಧಿತ ವ್ಯಕ್ತಿಯೊಬ್ಬನೇ ತಮ್ಮ ಕುಟುಂಬದಲ್ಲಿ ದುಡಿಯುವವನಾಗಿರುವುದರಿಂದ ಈಗ ತಾವು ಅನಾಥರಾಗಿದ್ದೇವೆ. ಅನ್ನಾಹಾರಕ್ಕೂ ಗತಿಯಿಲ್ಲದಂತೆ ಆಗಿದೆ ಎಂದು ಅಳಲು ತೋಡಿಕೊಂಡರು.</p>.<p>ಇವರಂತೆಯೇ ಬಂಧಿತರಾಗಿರುವ ಇತರ ಕುಟುಂಬಗಳಲ್ಲಿ ಎಲ್ಲ ಧರ್ಮಗಳಿಗೂ ಸೇರಿದವರು ಇದ್ದಾರೆ ಎಂದು ಅಸ್ಸಾಂ ಮುಖ್ಯಮಂತ್ರಿ ಹೇಳಿದ್ದಾರೆ. ಆದರೂ ವಾಸ್ತವದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಂಧಿತರಾಗಿರುವವರು ಇಸ್ಲಾಂ ಧರ್ಮಕ್ಕೆ ಸೇರಿದವರು. ಕಾರಣ, ಅವರು ಅನುಸರಿಸುವ ಶರಿಯತ್ ಕಾನೂನು. ಈ ಕಾನೂನಿನ ಪ್ರಕಾರ, ವಿವಾಹಕಾಲದಲ್ಲಿ ಕನ್ಯೆಗೆ 15 ವರ್ಷಗಳಾಗಿದ್ದರೆ ಸಾಕು, ಆ ವಿವಾಹವು ಸಿಂಧು. ಈಗೊಂದು ವರ್ಷದತನಕ ಇಂತಹ ವಿವಾಹಗಳನ್ನು ನ್ಯಾಯಾಲಯಗಳೂ ಮಾನ್ಯ ಮಾಡುತ್ತಿದ್ದವು.</p>.<p>ಈ ಸಂದರ್ಭದಲ್ಲಿ, ಕೇರಳ ಹೈಕೋರ್ಟ್ 2022ರಲ್ಲಿ ನೀಡಿರುವ ತೀರ್ಪನ್ನು ಉಲ್ಲೇಖಿಸಬೇಕು. 2021ರಲ್ಲಿ, 31 ವರ್ಷದ ಮುಸ್ಲಿಂ ಪುರುಷನೊಬ್ಬ 18 ವರ್ಷಗಳಾಗದ ಅದೇ ಸಮುದಾಯದ ಕನ್ಯೆಯನ್ನು ಮದುವೆಯಾದ. ಪಶ್ಚಿಮ ಬಂಗಾಳದ ಆ ಕನ್ಯೆಯನ್ನು ಮದುವೆಯ ನಂತರ ಕೇರಳಕ್ಕೆ ಕರೆದುಕೊಂಡು ಬಂದು, ಅಲ್ಲಿಯೇ ನೆಲೆಸಿದ. ಆನಂತರ, ಗರ್ಭಿಣಿಯಾದ ಆಕೆಯು ಆರೋಗ್ಯ ಕೇಂದ್ರವೊಂದಕ್ಕೆ ತಪಾಸಣೆಗೆಂದು ತೆರಳಿದ್ದಳು. ಆಲ್ಲಿ ಆಕೆಯನ್ನು ಪರೀಕ್ಷಿಸಿದ ವೈದ್ಯರು, ಆಕೆ ಇನ್ನೂ ಅಪ್ರಬುದ್ಧಳೆಂಬುದನ್ನು ಅರಿತು, ಆ ವಿಷಯವನ್ನು ಪೊಲೀಸ್ ಠಾಣೆಯ ಗಮನಕ್ಕೆ ತಂದರು. ಕೂಡಲೇ, ಅಪಹರಣ, ಅತ್ಯಾಚಾರ, ಬಾಲ್ಯವಿವಾಹದಂತಹ ಅಪರಾಧಗಳ ಆರೋಪದಲ್ಲಿ ಪತಿಯನ್ನು ಪೊಲೀಸರು ಬಂಧಿಸಿ ಜೈಲಿನಲ್ಲಿಟ್ಟರು. ಜಾಮೀನು ಕೋರಿ ಆತ ಕೇರಳ ಹೈಕೋರ್ಟ್ ಮೆಟ್ಟಿಲೇರಿದ. ಆ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಾಲಯದ ಏಕಸದಸ್ಯ ಪೀಠವು 2022ರ ನವೆಂಬರ್ 18ರಂದು ನೀಡಿದ ತೀರ್ಪಿನಲ್ಲಿ ಆತನಿಗೆ ಜಾಮೀನನ್ನು ನಿರಾಕರಿಸಿತು.</p>.<p>ಆರೋಪಿಯ ವಕೀಲರು, ‘ಇದೊಂದು ನ್ಯಾಯಯುತ ವಿವಾಹ. ಮುಸ್ಲಿಮರಿಗೆ ಅನ್ವಯವಾಗುವ ಶರಿಯತ್ ಕಾನೂನಿನ ಪ್ರಕಾರ, ಕನ್ಯೆಗೆ 15 ವರ್ಷಗಳಾಗಿದ್ದರೆ ಸಾಕು, ಅವಳು ವಿವಾಹಕ್ಕೆ ಅರ್ಹಳು. ಈ ಮೊಕದ್ದಮೆಯ ಸಂದರ್ಭದಲ್ಲಿ, ಮದುವೆಯಾಗುವಾಗ ಆಕೆಗೆ 15 ವರ್ಷವಾಗಿತ್ತು. ಆದ್ದರಿಂದ ಆರೋಪಿ ಜಾಮೀನು ಪಡೆಯಲು ಅರ್ಹನಾಗಿದ್ದಾನೆ’ ಎಂದು ವಾದಿಸಿದರು.</p>.<p>ಆದರೆ, ನ್ಯಾಯಮೂರ್ತಿಗಳು ಆ ವಾದವನ್ನು ಒಪ್ಪಲಿಲ್ಲ. ಅವರು ನೀಡಿದ ತೀರ್ಪಿನ ಮುಖ್ಯಾಂಶಗಳು ಹೀಗಿವೆ: ‘ಬಹುಕಾಲದಿಂದ ಮುಸ್ಲಿಮರು ಶರಿಯತ್ ಕಾನೂನಿನ ಪ್ರಕಾರ ನಡೆದುಕೊಳ್ಳುತ್ತಿದ್ದಾರೆ ಮತ್ತು ಅದು ಸಿಂಧುವಾಗಿದೆ ಕೂಡಾ. ಆದರೆ, 2006ರಲ್ಲಿ ಪೋಕ್ಸೊ ಕಾನೂನು (ದಿ ಪ್ರೊಟೆಕ್ಷನ್ ಆಫ್ ಚಿಲ್ಡ್ರನ್ ಫ್ರಮ್ ಸೆಕ್ಷುಯಲ್ ಅಫೆನ್ಸನ್ ಆ್ಯಕ್ಟ್– ಮಕ್ಕಳನ್ನು ಲೈಂಗಿಕ ಅಪರಾಧಗಳಿಂದ ರಕ್ಷಿಸುವ ಕಾಯ್ದೆ) ಜಾರಿಯಾಯಿತು. ಈ ಶಾಸನವು ಪ್ರಬುದ್ಧತೆ ಇಲ್ಲದವರನ್ನು, ಮಕ್ಕಳನ್ನು, ದುರ್ಬಲರನ್ನು ರಕ್ಷಿಸಲು ರಚಿಸಿರುವಂತಹ ವಿಶಿಷ್ಟ ಕಾನೂನು. ಆದ್ದರಿಂದ ಇದರ ನಿಯಮಗಳು ಎಲ್ಲ ವೈಯಕ್ತಿಕ ಕಾನೂನುಗಳನ್ನೂ (ಪರ್ಸನಲ್ ಲಾಸ್) ಮೀರುತ್ತವೆ. ಶರಿಯತ್ಗೆ ಕೂಡಾ ಪೋಕ್ಸೊ ಕಾನೂನು ಅನ್ವಯಿಸುತ್ತದೆ’.</p>.<p>ಆದರೆ, ಗುವಾಹಟಿ ಹೈಕೋರ್ಟ್ ಇತ್ತೀಚೆಗೆ ಇದಕ್ಕೆ ವ್ಯತಿರಿಕ್ತವಾದ ತೀರ್ಪು ನೀಡಿದ್ದು, 9 ಮಂದಿಗೆ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಿದೆ. ಈ ವಿಷಯಕ್ಕೆ ಸಂಬಂಧಿಸಿದಂತೆ ಅಸ್ಸಾಂ ಸರ್ಕಾರಕ್ಕೆ ಈ ಪ್ರಶ್ನೆಗಳನ್ನು ಕೇಳಿದೆ: ‘ಇದರಲ್ಲಿ ಪೋಕ್ಸೊ ಕಾಯ್ದೆ ಅಡಿ ಬರುವ ಅಪರಾಧ ಯಾವುದು? ಈ ಬಂಧನ ಕಾರ್ಯಾಚರಣೆಯು ಪ್ರಜೆಗಳ ಖಾಸಗಿ ಬದುಕಿನ ಮೇಲೆ ವಿನಾಶಕಾರಿ ಪರಿಣಾಮವನ್ನು ಬೀರುತ್ತಿದೆ. ಮೊದಲು ಆರೋಪಿಗಳ ವಿಚಾರಣೆ ನಡೆಯಲಿ, ಆನಂತರ ಅವರು ಅಪರಾಧಿಗಳೆಂದು ಸಾಬೀತಾದರೆ, ಅವರಿಗೆ ಶಿಕ್ಷೆಯಾಗುವುದಿಲ್ಲವೇ?’</p>.<p>ಎಲ್ಲ ಪ್ರಜೆಗಳಿಗೂ ಸಮಾನವಾಗಿ ಅನ್ವಯವಾಗಬೇಕೆನ್ನುವ 2006ರ ‘ಬಾಲ್ಯವಿವಾಹ ತಡೆ ಶಾಸನ’ ಮತ್ತು ಇಸ್ಲಾಂ ಧರ್ಮಾನುಯಾಯಿ<br />ಗಳಿಗೆ ಅನ್ವಯಿಸುವ 1936ರ ‘ಶರಿಯತ್ ಶಾಸನ’ದ ನಡುವಿನ ವೈರುಧ್ಯವನ್ನು ಈಗ ಸುಪ್ರೀಂ ಕೋರ್ಟ್ ಮಾತ್ರ ಬಗೆಹರಿಸಲು ಸಾಧ್ಯ.</p>.<p>ಇಂತಹ ಪ್ರಕರಣಗಳು, ಒಂದು ಬೃಹತ್ ರಾಷ್ಟ್ರವು ‘ಬಹುತ್ವ’ವೆಂಬ ಅಮೂರ್ತ ತತ್ವವನ್ನು ವಾಸ್ತವದಲ್ಲಿ ಅಳವಡಿಸಿಕೊಳ್ಳಲು ಮುಂದಾದಾಗ ಅನೇಕಾನೇಕ ಸಂದಿಗ್ಧಗಳನ್ನು ಹಾಗೂ ಸೂಕ್ಷ್ಮ ದ್ವಂದ್ವಗಳನ್ನು ಎದುರಿಸಬೇಕಾಗುತ್ತದೆ ಎಂಬ ಕಠೋರ ಸತ್ಯವನ್ನು ಮನೋಜ್ಞವಾಗಿ ನಿದರ್ಶಿಸುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬಾಲ್ಯವಿವಾಹದ ವಿರುದ್ಧ ಅಸ್ಸಾಂ ಸರ್ಕಾರ ಜನವರಿಯಿಂದ ಒಂದು ಅಭಿಯಾನವನ್ನೇ ಪ್ರಾರಂಭಿಸಿದೆ. 18 ವರ್ಷವಾಗದ ಯುವತಿ ಅಥವಾ 21 ವರ್ಷವಾಗದ ಯುವಕನ ವಿವಾಹವು ‘ಬಾಲ್ಯವಿವಾಹ’ದ ವ್ಯಾಪ್ತಿಗೆ ಒಳಪಡುತ್ತದೆ. ಸರ್ಕಾರದ ಈ ಅಭಿಯಾನವು ಎಷ್ಟು ಕಠಿಣವಾಗಿದೆಯೆಂದರೆ, ‘ಇದು ಬಾಲ್ಯವಿವಾಹ’ ಎಂದು ಗುರುತಿಸಿದ ಕೂಡಲೇ ಪತಿಯನ್ನು ಬಂಧಿಸಿ ಜೈಲಿಗೆ ಕಳಿಸಲಾಗುತ್ತಿದೆ. ಪತ್ರಿಕಾ ವರದಿಗಳ ಪ್ರಕಾರ, ಈವರೆಗೆ ಈ ರೀತಿ ಬಂಧನಕ್ಕೆ ಒಳಗಾಗಿರುವವರ ಸಂಖ್ಯೆ ಮೂರು ಸಾವಿರಕ್ಕಿಂತ ಹೆಚ್ಚು.</p>.<p>ಹೀಗೆ ಬಾಲ್ಯವಿವಾಹದ ಸಂಬಂಧ ಬಂಧಿತರಾದ ಕುಟುಂಬವೊಂದರ ಸ್ತ್ರೀಯರು ಆ ರಾಜ್ಯದ ಲಾಹರಿಪಾಡಾ ಎಂಬ ಪೊಲೀಸ್ ಠಾಣೆಯ ಎದುರು ಇತ್ತೀಚೆಗೆ ಪ್ರತಿಭಟನೆ ನಡೆಸಿದರು. ಬಂಧಿತ ವ್ಯಕ್ತಿಯೊಬ್ಬನೇ ತಮ್ಮ ಕುಟುಂಬದಲ್ಲಿ ದುಡಿಯುವವನಾಗಿರುವುದರಿಂದ ಈಗ ತಾವು ಅನಾಥರಾಗಿದ್ದೇವೆ. ಅನ್ನಾಹಾರಕ್ಕೂ ಗತಿಯಿಲ್ಲದಂತೆ ಆಗಿದೆ ಎಂದು ಅಳಲು ತೋಡಿಕೊಂಡರು.</p>.<p>ಇವರಂತೆಯೇ ಬಂಧಿತರಾಗಿರುವ ಇತರ ಕುಟುಂಬಗಳಲ್ಲಿ ಎಲ್ಲ ಧರ್ಮಗಳಿಗೂ ಸೇರಿದವರು ಇದ್ದಾರೆ ಎಂದು ಅಸ್ಸಾಂ ಮುಖ್ಯಮಂತ್ರಿ ಹೇಳಿದ್ದಾರೆ. ಆದರೂ ವಾಸ್ತವದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಂಧಿತರಾಗಿರುವವರು ಇಸ್ಲಾಂ ಧರ್ಮಕ್ಕೆ ಸೇರಿದವರು. ಕಾರಣ, ಅವರು ಅನುಸರಿಸುವ ಶರಿಯತ್ ಕಾನೂನು. ಈ ಕಾನೂನಿನ ಪ್ರಕಾರ, ವಿವಾಹಕಾಲದಲ್ಲಿ ಕನ್ಯೆಗೆ 15 ವರ್ಷಗಳಾಗಿದ್ದರೆ ಸಾಕು, ಆ ವಿವಾಹವು ಸಿಂಧು. ಈಗೊಂದು ವರ್ಷದತನಕ ಇಂತಹ ವಿವಾಹಗಳನ್ನು ನ್ಯಾಯಾಲಯಗಳೂ ಮಾನ್ಯ ಮಾಡುತ್ತಿದ್ದವು.</p>.<p>ಈ ಸಂದರ್ಭದಲ್ಲಿ, ಕೇರಳ ಹೈಕೋರ್ಟ್ 2022ರಲ್ಲಿ ನೀಡಿರುವ ತೀರ್ಪನ್ನು ಉಲ್ಲೇಖಿಸಬೇಕು. 2021ರಲ್ಲಿ, 31 ವರ್ಷದ ಮುಸ್ಲಿಂ ಪುರುಷನೊಬ್ಬ 18 ವರ್ಷಗಳಾಗದ ಅದೇ ಸಮುದಾಯದ ಕನ್ಯೆಯನ್ನು ಮದುವೆಯಾದ. ಪಶ್ಚಿಮ ಬಂಗಾಳದ ಆ ಕನ್ಯೆಯನ್ನು ಮದುವೆಯ ನಂತರ ಕೇರಳಕ್ಕೆ ಕರೆದುಕೊಂಡು ಬಂದು, ಅಲ್ಲಿಯೇ ನೆಲೆಸಿದ. ಆನಂತರ, ಗರ್ಭಿಣಿಯಾದ ಆಕೆಯು ಆರೋಗ್ಯ ಕೇಂದ್ರವೊಂದಕ್ಕೆ ತಪಾಸಣೆಗೆಂದು ತೆರಳಿದ್ದಳು. ಆಲ್ಲಿ ಆಕೆಯನ್ನು ಪರೀಕ್ಷಿಸಿದ ವೈದ್ಯರು, ಆಕೆ ಇನ್ನೂ ಅಪ್ರಬುದ್ಧಳೆಂಬುದನ್ನು ಅರಿತು, ಆ ವಿಷಯವನ್ನು ಪೊಲೀಸ್ ಠಾಣೆಯ ಗಮನಕ್ಕೆ ತಂದರು. ಕೂಡಲೇ, ಅಪಹರಣ, ಅತ್ಯಾಚಾರ, ಬಾಲ್ಯವಿವಾಹದಂತಹ ಅಪರಾಧಗಳ ಆರೋಪದಲ್ಲಿ ಪತಿಯನ್ನು ಪೊಲೀಸರು ಬಂಧಿಸಿ ಜೈಲಿನಲ್ಲಿಟ್ಟರು. ಜಾಮೀನು ಕೋರಿ ಆತ ಕೇರಳ ಹೈಕೋರ್ಟ್ ಮೆಟ್ಟಿಲೇರಿದ. ಆ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಾಲಯದ ಏಕಸದಸ್ಯ ಪೀಠವು 2022ರ ನವೆಂಬರ್ 18ರಂದು ನೀಡಿದ ತೀರ್ಪಿನಲ್ಲಿ ಆತನಿಗೆ ಜಾಮೀನನ್ನು ನಿರಾಕರಿಸಿತು.</p>.<p>ಆರೋಪಿಯ ವಕೀಲರು, ‘ಇದೊಂದು ನ್ಯಾಯಯುತ ವಿವಾಹ. ಮುಸ್ಲಿಮರಿಗೆ ಅನ್ವಯವಾಗುವ ಶರಿಯತ್ ಕಾನೂನಿನ ಪ್ರಕಾರ, ಕನ್ಯೆಗೆ 15 ವರ್ಷಗಳಾಗಿದ್ದರೆ ಸಾಕು, ಅವಳು ವಿವಾಹಕ್ಕೆ ಅರ್ಹಳು. ಈ ಮೊಕದ್ದಮೆಯ ಸಂದರ್ಭದಲ್ಲಿ, ಮದುವೆಯಾಗುವಾಗ ಆಕೆಗೆ 15 ವರ್ಷವಾಗಿತ್ತು. ಆದ್ದರಿಂದ ಆರೋಪಿ ಜಾಮೀನು ಪಡೆಯಲು ಅರ್ಹನಾಗಿದ್ದಾನೆ’ ಎಂದು ವಾದಿಸಿದರು.</p>.<p>ಆದರೆ, ನ್ಯಾಯಮೂರ್ತಿಗಳು ಆ ವಾದವನ್ನು ಒಪ್ಪಲಿಲ್ಲ. ಅವರು ನೀಡಿದ ತೀರ್ಪಿನ ಮುಖ್ಯಾಂಶಗಳು ಹೀಗಿವೆ: ‘ಬಹುಕಾಲದಿಂದ ಮುಸ್ಲಿಮರು ಶರಿಯತ್ ಕಾನೂನಿನ ಪ್ರಕಾರ ನಡೆದುಕೊಳ್ಳುತ್ತಿದ್ದಾರೆ ಮತ್ತು ಅದು ಸಿಂಧುವಾಗಿದೆ ಕೂಡಾ. ಆದರೆ, 2006ರಲ್ಲಿ ಪೋಕ್ಸೊ ಕಾನೂನು (ದಿ ಪ್ರೊಟೆಕ್ಷನ್ ಆಫ್ ಚಿಲ್ಡ್ರನ್ ಫ್ರಮ್ ಸೆಕ್ಷುಯಲ್ ಅಫೆನ್ಸನ್ ಆ್ಯಕ್ಟ್– ಮಕ್ಕಳನ್ನು ಲೈಂಗಿಕ ಅಪರಾಧಗಳಿಂದ ರಕ್ಷಿಸುವ ಕಾಯ್ದೆ) ಜಾರಿಯಾಯಿತು. ಈ ಶಾಸನವು ಪ್ರಬುದ್ಧತೆ ಇಲ್ಲದವರನ್ನು, ಮಕ್ಕಳನ್ನು, ದುರ್ಬಲರನ್ನು ರಕ್ಷಿಸಲು ರಚಿಸಿರುವಂತಹ ವಿಶಿಷ್ಟ ಕಾನೂನು. ಆದ್ದರಿಂದ ಇದರ ನಿಯಮಗಳು ಎಲ್ಲ ವೈಯಕ್ತಿಕ ಕಾನೂನುಗಳನ್ನೂ (ಪರ್ಸನಲ್ ಲಾಸ್) ಮೀರುತ್ತವೆ. ಶರಿಯತ್ಗೆ ಕೂಡಾ ಪೋಕ್ಸೊ ಕಾನೂನು ಅನ್ವಯಿಸುತ್ತದೆ’.</p>.<p>ಆದರೆ, ಗುವಾಹಟಿ ಹೈಕೋರ್ಟ್ ಇತ್ತೀಚೆಗೆ ಇದಕ್ಕೆ ವ್ಯತಿರಿಕ್ತವಾದ ತೀರ್ಪು ನೀಡಿದ್ದು, 9 ಮಂದಿಗೆ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಿದೆ. ಈ ವಿಷಯಕ್ಕೆ ಸಂಬಂಧಿಸಿದಂತೆ ಅಸ್ಸಾಂ ಸರ್ಕಾರಕ್ಕೆ ಈ ಪ್ರಶ್ನೆಗಳನ್ನು ಕೇಳಿದೆ: ‘ಇದರಲ್ಲಿ ಪೋಕ್ಸೊ ಕಾಯ್ದೆ ಅಡಿ ಬರುವ ಅಪರಾಧ ಯಾವುದು? ಈ ಬಂಧನ ಕಾರ್ಯಾಚರಣೆಯು ಪ್ರಜೆಗಳ ಖಾಸಗಿ ಬದುಕಿನ ಮೇಲೆ ವಿನಾಶಕಾರಿ ಪರಿಣಾಮವನ್ನು ಬೀರುತ್ತಿದೆ. ಮೊದಲು ಆರೋಪಿಗಳ ವಿಚಾರಣೆ ನಡೆಯಲಿ, ಆನಂತರ ಅವರು ಅಪರಾಧಿಗಳೆಂದು ಸಾಬೀತಾದರೆ, ಅವರಿಗೆ ಶಿಕ್ಷೆಯಾಗುವುದಿಲ್ಲವೇ?’</p>.<p>ಎಲ್ಲ ಪ್ರಜೆಗಳಿಗೂ ಸಮಾನವಾಗಿ ಅನ್ವಯವಾಗಬೇಕೆನ್ನುವ 2006ರ ‘ಬಾಲ್ಯವಿವಾಹ ತಡೆ ಶಾಸನ’ ಮತ್ತು ಇಸ್ಲಾಂ ಧರ್ಮಾನುಯಾಯಿ<br />ಗಳಿಗೆ ಅನ್ವಯಿಸುವ 1936ರ ‘ಶರಿಯತ್ ಶಾಸನ’ದ ನಡುವಿನ ವೈರುಧ್ಯವನ್ನು ಈಗ ಸುಪ್ರೀಂ ಕೋರ್ಟ್ ಮಾತ್ರ ಬಗೆಹರಿಸಲು ಸಾಧ್ಯ.</p>.<p>ಇಂತಹ ಪ್ರಕರಣಗಳು, ಒಂದು ಬೃಹತ್ ರಾಷ್ಟ್ರವು ‘ಬಹುತ್ವ’ವೆಂಬ ಅಮೂರ್ತ ತತ್ವವನ್ನು ವಾಸ್ತವದಲ್ಲಿ ಅಳವಡಿಸಿಕೊಳ್ಳಲು ಮುಂದಾದಾಗ ಅನೇಕಾನೇಕ ಸಂದಿಗ್ಧಗಳನ್ನು ಹಾಗೂ ಸೂಕ್ಷ್ಮ ದ್ವಂದ್ವಗಳನ್ನು ಎದುರಿಸಬೇಕಾಗುತ್ತದೆ ಎಂಬ ಕಠೋರ ಸತ್ಯವನ್ನು ಮನೋಜ್ಞವಾಗಿ ನಿದರ್ಶಿಸುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
