<p>ಅವರು ಮತ್ತೆ ಮತ್ತೆ ಹೇಳಿಕೊಳ್ಳುವ ಮಾತುಗಳು ಅದೇಕೋ ಈ ಅನುಮಾನ ಬರಿಸುತ್ತವೆಯಲ್ಲವೇ? ಬಿಜೆಪಿಯನ್ನು ಸರ್ವನಾಶ ಮಾಡುವುದಾಗಿ ಅವರು ಹೇಳಿದ್ದರಂತೆ. ಅದರಂತೆ ಈ ಚುನಾವಣೆಯಲ್ಲಿ ಆ ಪಕ್ಷ ನೆಲ ಕಚ್ಚಲು ತಾವೇ ಕಾರಣವೆಂದು ಈಗ ವಿಜಯದ ಕೇಕೆ ಹಾಕುತ್ತಿದ್ದಾರೆ.<br /> <br /> ಶೋಭಾ ಕರಂದ್ಲಾಜೆ ಸಹ ಇದೇ ಮಾತುಗಳನ್ನು ಮಾಧ್ಯಮಗಳ ಮುಂದೆ ಜೋರಾಗಿಯೇ ಹೇಳಿಕೊಂಡು ಬೀಗುತ್ತಿದ್ದಾರೆ. ಮಾಧ್ಯಮದವರೂ ಇದನ್ನು ಒಪ್ಪಿದಂತೆಯೇ ತಮ್ಮ ಚರ್ಚೆ, ವಿಶ್ಲೇಷಣೆಗಳಲ್ಲಿ ಬಳಸುತ್ತಿದ್ದಾರೆ.<br /> <br /> ಇದನ್ನು ಒಪ್ಪಿದರೆ, ತಮ್ಮ ದುರ್ಗತಿಗೆ ತಾವೇ ಕಾರಣ - ಎಂದೂ ಯಡಿಯೂರಪ್ಪ ಪ್ರಚಾರ ಮಾಡಿಕೊಂಡಂತಾಯಿತಲ್ಲವೇ? ಮತ್ತು ಇದೊಂದು ರೀತಿ ವಿಕೃತಾನಂದ ಎಂದಾಗುವುದಿಲ್ಲವೇ?<br /> <br /> ಇದು ಒತ್ತೊಟ್ಟಿಗಿರಲಿ. ಬಿಜೆಪಿ ನೆಲ ಕಚ್ಚಲು ತಾವು ಪಕ್ಷ ಬಿಟ್ಟಿದ್ದು ಹಾಗೂ ಹೊಸ ಪಕ್ಷ ಕಟ್ಟಿದ್ದು ಕಾರಣವೆಂದು ಅವರು ಹೇಳುವುದನ್ನು ನಂಬಿದರೆ, ಯಡಿಯೂರಪ್ಪ ಸರ್ವ ಶಕ್ತರೆಂದೂ, ಸೃಷ್ಟಿ , ಸ್ಥಿತಿ, ಲಯಗಳು ತಮ್ಮ ಇಚ್ಛಾನುವರ್ತಿಗಳೆಂದೂ ಅವರು ಉದ್ಘೋಷಿಸಿಕೊಂಡಂತಾಗುತ್ತದೆ. ಇದನ್ನೂ ಒಪ್ಪಿದರೆ ಒಂದು ಮುಖ್ಯ ಪ್ರಶ್ನೆ ಎದುರಾಗುತ್ತದೆ:<br /> <br /> ಹಾಗಾದರೆ ಈ ರಾಜಕೀಯ ಪರಿವರ್ತನೆಗಳಲ್ಲಿ ಮತದಾರ ಎಂಬುವವನು ಕೇವಲ ನಾಮ್ಕಾವಾಸ್ಥೆಯೆ? ಅವನ ವಿವೇಕ, ಇಚ್ಛಾಶಕ್ತಿ, ತೀರ್ಮಾನ... ಈ ಯಾವುದಕ್ಕೂ ಅರ್ಥವಾಗಲಿ, ಬೆಲೆಯಾಗಲಿ ಇಲ್ಲವೇ? ಯಾವ ರಾಜಕೀಯ ಪರಿಣತರ ವಿಶ್ಲೇಷಣೆಯನ್ನೂ ಮೀರಿದಂತೆ ಈ ಬಾರಿಯ ಫಲಿತಾಂಶ ನೀಡಿದ ಮತದಾರ ಪ್ರಭುವನ್ನು ನಾವು ನಿರ್ಲಕ್ಷಿಸುವುದು ಸರಿಯೇ? ವಿಧಾನ ಸೌಧದಲ್ಲಿ ಯಾರು ಇರಬೇಕು, ಹೊರಗೆ ಯಾರು ಹೋಗಬೇಕು - ಎಂಬುದನ್ನು ತೀರ್ಮಾನಿಸಿದ ನಿಜವಾದ `ಬಿಗ್ ಬಾಸ್' ಈ ನಾಡಿನ ಮತದಾರನೇ ಹೊರತು ಯಾವ ರಾಜಕೀಯ ಮುಖಂಡನಾಗಲೀ, ಜ್ಯೋತಿಯಾಗಲೀ ಅಲ್ಲವೇ ಅಲ್ಲ. ಯಡಿಯೂರಪ್ಪ ಅಂತಹ ಯಾವುದೇ ವ್ಯಕ್ತಿ ತಮ್ಮ ಅಪೇಕ್ಷೆಯಂತೆಯೇ ಎಲ್ಲವನ್ನೂ ನಿಯಂತ್ರಿಸುವುದಾಗಿದ್ದರೆ, ಅವರು ಬಿಜೆಪಿಯನ್ನು ಮಾತ್ರ ಸೋಲಿಸಿ, ತಮ್ಮ ಅನುಯಾಯಿಗಳು ಎಲ್ಲರನ್ನೂ ಗೆಲ್ಲಿಸಿಕೊಳ್ಳಬಹುದಾಗಿತ್ತಲ್ಲವೇ?<br /> <br /> ಸೋಲಿಗೆ, ಯಡಿಯೂರಪ್ಪ ಪಕ್ಷ ಬಿಟ್ಟದ್ದೇ ಕಾರಣ - ಎಂಬುದೂ ಪೂರ್ಣ ನಿಜವಲ್ಲ. ನೋಟು ಎಣಿಕೆ ಯಂತ್ರವನ್ನೇ ಮನೆಯಲ್ಲಿ ಇಟ್ಟುಕೊಂಡವ ರನ್ನೂ ಮತ್ತೆ ಗೆಲ್ಲಿಸಿದ್ದರೆ ಮತದಾರನಿಗೇ ಅವಮಾನವಾಗುತ್ತಿರಲಿಲ್ಲವೇ? ಆಯ್ಕೆಯಾಗಲೇಬೇಕಿದ್ದ ಒಬ್ಬಿಬ್ಬರು ಸೋತಿರುವುದು ಆಕಸ್ಮಿಕವೆಂದೇ ಭಾವಿಸೋಣ.<br /> <br /> ಆದ್ದರಿಂದ,ಬಿಜೆಪಿಗೆ ಮಣ್ಣು ಮುಕ್ಕಿಸಿ, ಕಾಂಗ್ರೆಸ್ಸಿಗೆ ಅಧಿಕಾರವಿತ್ತದ್ದು ತಾನೇ ಎಂದು ಯಾರಾದರೂ ಹೇಳಿದರೆ ಅದು ಕೇವಲದ ನುಡಿಯಾಗುತ್ತದೆ. ಈ ಎಲ್ಲಾದರ ಮಹತ್ತೂ ಮತದಾರನಿಗೇ ಸಲ್ಲಬೇಕಾಗುತ್ತದೆ. <br /> ಅಂದಹಾಗೆ, ಆಡಳಿತ ಮಾಡುತ್ತಿದ್ದ ಬಿಜೆಪಿಗೆ ಸರಿಸಮಾನವಾದ ಸ್ಥಾನಗಳನ್ನು ಜನತಾ ದಳಕ್ಕೂ ಕೊಟ್ಟಿರುವುದರಲ್ಲಿ ಮತದಾರನ ಇಂಗಿತ ಏನಿರಬಹುದು?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅವರು ಮತ್ತೆ ಮತ್ತೆ ಹೇಳಿಕೊಳ್ಳುವ ಮಾತುಗಳು ಅದೇಕೋ ಈ ಅನುಮಾನ ಬರಿಸುತ್ತವೆಯಲ್ಲವೇ? ಬಿಜೆಪಿಯನ್ನು ಸರ್ವನಾಶ ಮಾಡುವುದಾಗಿ ಅವರು ಹೇಳಿದ್ದರಂತೆ. ಅದರಂತೆ ಈ ಚುನಾವಣೆಯಲ್ಲಿ ಆ ಪಕ್ಷ ನೆಲ ಕಚ್ಚಲು ತಾವೇ ಕಾರಣವೆಂದು ಈಗ ವಿಜಯದ ಕೇಕೆ ಹಾಕುತ್ತಿದ್ದಾರೆ.<br /> <br /> ಶೋಭಾ ಕರಂದ್ಲಾಜೆ ಸಹ ಇದೇ ಮಾತುಗಳನ್ನು ಮಾಧ್ಯಮಗಳ ಮುಂದೆ ಜೋರಾಗಿಯೇ ಹೇಳಿಕೊಂಡು ಬೀಗುತ್ತಿದ್ದಾರೆ. ಮಾಧ್ಯಮದವರೂ ಇದನ್ನು ಒಪ್ಪಿದಂತೆಯೇ ತಮ್ಮ ಚರ್ಚೆ, ವಿಶ್ಲೇಷಣೆಗಳಲ್ಲಿ ಬಳಸುತ್ತಿದ್ದಾರೆ.<br /> <br /> ಇದನ್ನು ಒಪ್ಪಿದರೆ, ತಮ್ಮ ದುರ್ಗತಿಗೆ ತಾವೇ ಕಾರಣ - ಎಂದೂ ಯಡಿಯೂರಪ್ಪ ಪ್ರಚಾರ ಮಾಡಿಕೊಂಡಂತಾಯಿತಲ್ಲವೇ? ಮತ್ತು ಇದೊಂದು ರೀತಿ ವಿಕೃತಾನಂದ ಎಂದಾಗುವುದಿಲ್ಲವೇ?<br /> <br /> ಇದು ಒತ್ತೊಟ್ಟಿಗಿರಲಿ. ಬಿಜೆಪಿ ನೆಲ ಕಚ್ಚಲು ತಾವು ಪಕ್ಷ ಬಿಟ್ಟಿದ್ದು ಹಾಗೂ ಹೊಸ ಪಕ್ಷ ಕಟ್ಟಿದ್ದು ಕಾರಣವೆಂದು ಅವರು ಹೇಳುವುದನ್ನು ನಂಬಿದರೆ, ಯಡಿಯೂರಪ್ಪ ಸರ್ವ ಶಕ್ತರೆಂದೂ, ಸೃಷ್ಟಿ , ಸ್ಥಿತಿ, ಲಯಗಳು ತಮ್ಮ ಇಚ್ಛಾನುವರ್ತಿಗಳೆಂದೂ ಅವರು ಉದ್ಘೋಷಿಸಿಕೊಂಡಂತಾಗುತ್ತದೆ. ಇದನ್ನೂ ಒಪ್ಪಿದರೆ ಒಂದು ಮುಖ್ಯ ಪ್ರಶ್ನೆ ಎದುರಾಗುತ್ತದೆ:<br /> <br /> ಹಾಗಾದರೆ ಈ ರಾಜಕೀಯ ಪರಿವರ್ತನೆಗಳಲ್ಲಿ ಮತದಾರ ಎಂಬುವವನು ಕೇವಲ ನಾಮ್ಕಾವಾಸ್ಥೆಯೆ? ಅವನ ವಿವೇಕ, ಇಚ್ಛಾಶಕ್ತಿ, ತೀರ್ಮಾನ... ಈ ಯಾವುದಕ್ಕೂ ಅರ್ಥವಾಗಲಿ, ಬೆಲೆಯಾಗಲಿ ಇಲ್ಲವೇ? ಯಾವ ರಾಜಕೀಯ ಪರಿಣತರ ವಿಶ್ಲೇಷಣೆಯನ್ನೂ ಮೀರಿದಂತೆ ಈ ಬಾರಿಯ ಫಲಿತಾಂಶ ನೀಡಿದ ಮತದಾರ ಪ್ರಭುವನ್ನು ನಾವು ನಿರ್ಲಕ್ಷಿಸುವುದು ಸರಿಯೇ? ವಿಧಾನ ಸೌಧದಲ್ಲಿ ಯಾರು ಇರಬೇಕು, ಹೊರಗೆ ಯಾರು ಹೋಗಬೇಕು - ಎಂಬುದನ್ನು ತೀರ್ಮಾನಿಸಿದ ನಿಜವಾದ `ಬಿಗ್ ಬಾಸ್' ಈ ನಾಡಿನ ಮತದಾರನೇ ಹೊರತು ಯಾವ ರಾಜಕೀಯ ಮುಖಂಡನಾಗಲೀ, ಜ್ಯೋತಿಯಾಗಲೀ ಅಲ್ಲವೇ ಅಲ್ಲ. ಯಡಿಯೂರಪ್ಪ ಅಂತಹ ಯಾವುದೇ ವ್ಯಕ್ತಿ ತಮ್ಮ ಅಪೇಕ್ಷೆಯಂತೆಯೇ ಎಲ್ಲವನ್ನೂ ನಿಯಂತ್ರಿಸುವುದಾಗಿದ್ದರೆ, ಅವರು ಬಿಜೆಪಿಯನ್ನು ಮಾತ್ರ ಸೋಲಿಸಿ, ತಮ್ಮ ಅನುಯಾಯಿಗಳು ಎಲ್ಲರನ್ನೂ ಗೆಲ್ಲಿಸಿಕೊಳ್ಳಬಹುದಾಗಿತ್ತಲ್ಲವೇ?<br /> <br /> ಸೋಲಿಗೆ, ಯಡಿಯೂರಪ್ಪ ಪಕ್ಷ ಬಿಟ್ಟದ್ದೇ ಕಾರಣ - ಎಂಬುದೂ ಪೂರ್ಣ ನಿಜವಲ್ಲ. ನೋಟು ಎಣಿಕೆ ಯಂತ್ರವನ್ನೇ ಮನೆಯಲ್ಲಿ ಇಟ್ಟುಕೊಂಡವ ರನ್ನೂ ಮತ್ತೆ ಗೆಲ್ಲಿಸಿದ್ದರೆ ಮತದಾರನಿಗೇ ಅವಮಾನವಾಗುತ್ತಿರಲಿಲ್ಲವೇ? ಆಯ್ಕೆಯಾಗಲೇಬೇಕಿದ್ದ ಒಬ್ಬಿಬ್ಬರು ಸೋತಿರುವುದು ಆಕಸ್ಮಿಕವೆಂದೇ ಭಾವಿಸೋಣ.<br /> <br /> ಆದ್ದರಿಂದ,ಬಿಜೆಪಿಗೆ ಮಣ್ಣು ಮುಕ್ಕಿಸಿ, ಕಾಂಗ್ರೆಸ್ಸಿಗೆ ಅಧಿಕಾರವಿತ್ತದ್ದು ತಾನೇ ಎಂದು ಯಾರಾದರೂ ಹೇಳಿದರೆ ಅದು ಕೇವಲದ ನುಡಿಯಾಗುತ್ತದೆ. ಈ ಎಲ್ಲಾದರ ಮಹತ್ತೂ ಮತದಾರನಿಗೇ ಸಲ್ಲಬೇಕಾಗುತ್ತದೆ. <br /> ಅಂದಹಾಗೆ, ಆಡಳಿತ ಮಾಡುತ್ತಿದ್ದ ಬಿಜೆಪಿಗೆ ಸರಿಸಮಾನವಾದ ಸ್ಥಾನಗಳನ್ನು ಜನತಾ ದಳಕ್ಕೂ ಕೊಟ್ಟಿರುವುದರಲ್ಲಿ ಮತದಾರನ ಇಂಗಿತ ಏನಿರಬಹುದು?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
