<p><strong>ಗಾಲ್: </strong>ವೇಗಿ ಜೇಮ್ಸ್ ಆ್ಯಂಡರ್ಸನ್ ಏಷ್ಯಾದಲ್ಲಿ ಜೀವನಶ್ರೇಷ್ಠ ಬೌಲಿಂಗ್ ಸಾಧನೆ ಮಾಡಿ ಮೆರೆದರು. 40 ರನ್ ನೀಡಿ ಆರು ವಿಕೆಟ್ ಕಬಳಿಸಿದ ಅವರು ಶ್ರೀಲಂಕಾದ ಬ್ಯಾಟ್ಸ್ಮನ್ಗಳನ್ನು ಕಾಡಿದರು. ಆದರೂ ಸ್ಪರ್ಧಾತ್ಮಕ ಮೊತ್ತ ಗಳಿಸುವಲ್ಲಿ ಆತಿಥೇಯರು ಯಶಸ್ವಿಯಾದರು.</p>.<p>ಇಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದ ಎರಡನೇ ದಿನ ಶ್ರೀಲಂಕಾವನ್ನು 381 ರನ್ಗಳಿಗೆ ಆಲೌಟ್ ಮಾಡಿದ ಇಂಗ್ಲೆಂಡ್ ತಂಡ ದಿನದಾಟದ ಮುಕ್ತಾಯದ ವೇಳೆ ಎರಡು ವಿಕೆಟ್ ಕಳೆದುಕೊಂಡು 98 ರನ್ ಗಳಿಸಿದ್ದು ಉತ್ತಮ ಮೊತ್ತ ಕಲೆಹಾಕುವ ಭರವಸೆ ಮೂಡಿಸಿದೆ.</p>.<p>ಲಸಿತ್ ಎಂಬುಲ್ಡೇನಿಯಾ ಸತತ ಎರಡು ಓವರ್ಗಳಲ್ಲಿ ಇಂಗ್ಲೆಂಡ್ನ ಆರಂಭಿಕ ಬ್ಯಾಟ್ಸ್ಮನ್ಗಳಾದ ಜಾಕ್ ಕ್ರಾವ್ಲಿ ಮತ್ತು ಡಾಮ್ ಸಿಬ್ಲಿ ಅವರ ವಿಕೆಟ್ ಉರುಳಿಸಿದರು. ಈ ಸಂದರ್ಭದಲ್ಲಿ ತಂಡದ ಮೊತ್ತ ಕೇವಲ ಐದು ರನ್ ಆಗಿತ್ತು. ನಂತರ ಜಾನಿ ಬೇಸ್ಟೊ ಮತ್ತು ನಾಯಕ ಜೋ ರೂಟ್ ಕ್ರೀಸ್ನಲ್ಲಿ ತಳವೂರಿ ಲಂಕಾ ಬೌಲರ್ಗಳಿಗೆ ದಿಟ್ಟ ಉತ್ತರ ನೀಡಿದರು. ಮೂರನೇ ವಿಕೆಟ್ಗೆ ಅವರಿಬ್ಬರು 93 ರನ್ಗಳ ಜೊತೆಯಾಟ ಆಡಿದರು.</p>.<p>ಮೊದಲ ದಿನ ಅಗ್ರ ಕ್ರಮಾಂಕದ ಮೂವರನ್ನೂ ವಾಪಸ್ ಕಳುಹಿಸಿದ್ದ ಆ್ಯಂಡರ್ಸನ್, ಶತಕ ಗಳಿಸಿದ್ದ ಏಂಜೆಲೊ ಮ್ಯಾಥ್ಯೂಸ್ (110; 238 ಎಸೆತ, 11 ಬೌಂಡರಿ) ಅವರ ವಿಕೆಟನ್ನು ಶನಿವಾರ ಬೆಳಿಗ್ಗೆ ಉರುಳಿಸಿದರು. ಮ್ಯಾಥ್ಯೂಸ್ ಮೊದಲ ದಿನದ ಮೊತ್ತಕ್ಕೆ ಕೇವಲ ಮೂರು ರನ್ ಸೇರಿಸಿ ವಾಪಸಾದರು. ಶತಕದತ್ತ ಹೆಜ್ಜೆ ಹಾಕಿದ್ದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ನಿರೋಷನ್ ಡಿಕ್ವೆಲಾ (92; 144 ಎ, 10 ಬೌಂ) ಅವರನ್ನು ಔಟ್ ಮಾಡುವ ಮೂಲಕ ಐದು ವಿಕೆಟ್ಗಳ ಗೊಂಚಲು ತಮ್ಮದಾಗಿಸಿಕೊಂಡರು. ಇದು ಒಟ್ಟಾರೆ ಅವರು ಗಳಿಸಿದ 30ನೇ ಐದು ವಿಕೆಟ್ ಗೊಂಚಲಾಗಿದ್ದು ಶ್ರೀಲಂಕಾದಲ್ಲಿ ಎರಡನೆಯದಾಗಿದೆ. ಏಷ್ಯಾದಲ್ಲಿ ಅವರ ಈ ಹಿಂದಿನ ಗರಿಷ್ಠ ಸಾಧನೆ 75ಕ್ಕೆ5 ವಿಕೆಟ್ ಆಗಿತ್ತು. ಅದನ್ನು ಅವರು ಗಾಲ್ನಲ್ಲಿ 2012ರಲ್ಲಿ ಗಳಿಸಿದ್ದರು.</p>.<p>ಸ್ಟುವರ್ಟ್ ಬ್ರಾಡ್ ಬದಲಿಗೆ ಈ ಪಂದ್ಯದಲ್ಲಿ ಸ್ಥಾನ ಗಳಿಸಿರುವ ಆ್ಯಂಡರ್ಸನ್ ಒಟ್ಟು 29 ಓವರ್ ಬೌಲ್ ಮಾಡಿದರು. 13 ಓವರ್ ಮೇಡನ್ ಆದವು. ಎಂಟನೇ ಕ್ರಮಾಂಕದ ಬ್ಯಾಟ್ಸ್ಮನ್ ದಿಲ್ರುವಾನ್ ಪೆರೇರ (67; 170 ಎ, 8 ಬೌಂ, 1 ಸಿಕ್ಸರ್) ಅವರು ಅಮೋಘ ಬ್ಯಾಟಿಂಗ್ ಮಾಡಿ ಅರ್ಧಶತಕ ಗಳಿಸಿದರು. ಹೀಗಾಗಿ ಶ್ರೀಲಂಕಾದ ಮೊತ್ತ 350 ದಾಟಿತು.</p>.<p><strong>ಸಂಕ್ಷಿಪ್ತ ಸ್ಕೋರು: </strong>ಮೊದಲ ಇನಿಂಗ್ಸ್: ಶ್ರೀಲಂಕಾ (ಶುಕ್ರವಾರದ ಅಂತ್ಯಕ್ಕೆ 4ಕ್ಕೆ 229): 139.3 ಓವರ್ಗಳಲ್ಲಿ 381 (ಏಂಜೆಲೊ ಮ್ಯಾಥ್ಯೂಸ್ 110, ನಿರೋಷನ್ ಡಿಕ್ವೆಲಾ 92, ದಿಲ್ರುವಾನ್ ಪೆರೇರ 67; ಜೇಮ್ಸ್ ಆ್ಯಂಡರ್ಸನ್ 40ಕ್ಕೆ6, ಸ್ಯಾಮ್ ಕರನ್ 60ಕ್ಕೆ1, ಮಾರ್ಕ್ ವುಡ್ 84ಕ್ಕೆ3); ಇಂಗ್ಲೆಂಡ್: 30 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 98 (ಜಾನಿ ಬೇಸ್ಟೊ ಬ್ಯಾಟಿಂಗ್ 24, ಜೋ ರೂಟ್ ಬ್ಯಾಟಿಂಗ್ 67; ಲಸಿತ್ ಎಂಬುಲ್ಡೇನಿಯಾ 33ಕ್ಕೆ2).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗಾಲ್: </strong>ವೇಗಿ ಜೇಮ್ಸ್ ಆ್ಯಂಡರ್ಸನ್ ಏಷ್ಯಾದಲ್ಲಿ ಜೀವನಶ್ರೇಷ್ಠ ಬೌಲಿಂಗ್ ಸಾಧನೆ ಮಾಡಿ ಮೆರೆದರು. 40 ರನ್ ನೀಡಿ ಆರು ವಿಕೆಟ್ ಕಬಳಿಸಿದ ಅವರು ಶ್ರೀಲಂಕಾದ ಬ್ಯಾಟ್ಸ್ಮನ್ಗಳನ್ನು ಕಾಡಿದರು. ಆದರೂ ಸ್ಪರ್ಧಾತ್ಮಕ ಮೊತ್ತ ಗಳಿಸುವಲ್ಲಿ ಆತಿಥೇಯರು ಯಶಸ್ವಿಯಾದರು.</p>.<p>ಇಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದ ಎರಡನೇ ದಿನ ಶ್ರೀಲಂಕಾವನ್ನು 381 ರನ್ಗಳಿಗೆ ಆಲೌಟ್ ಮಾಡಿದ ಇಂಗ್ಲೆಂಡ್ ತಂಡ ದಿನದಾಟದ ಮುಕ್ತಾಯದ ವೇಳೆ ಎರಡು ವಿಕೆಟ್ ಕಳೆದುಕೊಂಡು 98 ರನ್ ಗಳಿಸಿದ್ದು ಉತ್ತಮ ಮೊತ್ತ ಕಲೆಹಾಕುವ ಭರವಸೆ ಮೂಡಿಸಿದೆ.</p>.<p>ಲಸಿತ್ ಎಂಬುಲ್ಡೇನಿಯಾ ಸತತ ಎರಡು ಓವರ್ಗಳಲ್ಲಿ ಇಂಗ್ಲೆಂಡ್ನ ಆರಂಭಿಕ ಬ್ಯಾಟ್ಸ್ಮನ್ಗಳಾದ ಜಾಕ್ ಕ್ರಾವ್ಲಿ ಮತ್ತು ಡಾಮ್ ಸಿಬ್ಲಿ ಅವರ ವಿಕೆಟ್ ಉರುಳಿಸಿದರು. ಈ ಸಂದರ್ಭದಲ್ಲಿ ತಂಡದ ಮೊತ್ತ ಕೇವಲ ಐದು ರನ್ ಆಗಿತ್ತು. ನಂತರ ಜಾನಿ ಬೇಸ್ಟೊ ಮತ್ತು ನಾಯಕ ಜೋ ರೂಟ್ ಕ್ರೀಸ್ನಲ್ಲಿ ತಳವೂರಿ ಲಂಕಾ ಬೌಲರ್ಗಳಿಗೆ ದಿಟ್ಟ ಉತ್ತರ ನೀಡಿದರು. ಮೂರನೇ ವಿಕೆಟ್ಗೆ ಅವರಿಬ್ಬರು 93 ರನ್ಗಳ ಜೊತೆಯಾಟ ಆಡಿದರು.</p>.<p>ಮೊದಲ ದಿನ ಅಗ್ರ ಕ್ರಮಾಂಕದ ಮೂವರನ್ನೂ ವಾಪಸ್ ಕಳುಹಿಸಿದ್ದ ಆ್ಯಂಡರ್ಸನ್, ಶತಕ ಗಳಿಸಿದ್ದ ಏಂಜೆಲೊ ಮ್ಯಾಥ್ಯೂಸ್ (110; 238 ಎಸೆತ, 11 ಬೌಂಡರಿ) ಅವರ ವಿಕೆಟನ್ನು ಶನಿವಾರ ಬೆಳಿಗ್ಗೆ ಉರುಳಿಸಿದರು. ಮ್ಯಾಥ್ಯೂಸ್ ಮೊದಲ ದಿನದ ಮೊತ್ತಕ್ಕೆ ಕೇವಲ ಮೂರು ರನ್ ಸೇರಿಸಿ ವಾಪಸಾದರು. ಶತಕದತ್ತ ಹೆಜ್ಜೆ ಹಾಕಿದ್ದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ನಿರೋಷನ್ ಡಿಕ್ವೆಲಾ (92; 144 ಎ, 10 ಬೌಂ) ಅವರನ್ನು ಔಟ್ ಮಾಡುವ ಮೂಲಕ ಐದು ವಿಕೆಟ್ಗಳ ಗೊಂಚಲು ತಮ್ಮದಾಗಿಸಿಕೊಂಡರು. ಇದು ಒಟ್ಟಾರೆ ಅವರು ಗಳಿಸಿದ 30ನೇ ಐದು ವಿಕೆಟ್ ಗೊಂಚಲಾಗಿದ್ದು ಶ್ರೀಲಂಕಾದಲ್ಲಿ ಎರಡನೆಯದಾಗಿದೆ. ಏಷ್ಯಾದಲ್ಲಿ ಅವರ ಈ ಹಿಂದಿನ ಗರಿಷ್ಠ ಸಾಧನೆ 75ಕ್ಕೆ5 ವಿಕೆಟ್ ಆಗಿತ್ತು. ಅದನ್ನು ಅವರು ಗಾಲ್ನಲ್ಲಿ 2012ರಲ್ಲಿ ಗಳಿಸಿದ್ದರು.</p>.<p>ಸ್ಟುವರ್ಟ್ ಬ್ರಾಡ್ ಬದಲಿಗೆ ಈ ಪಂದ್ಯದಲ್ಲಿ ಸ್ಥಾನ ಗಳಿಸಿರುವ ಆ್ಯಂಡರ್ಸನ್ ಒಟ್ಟು 29 ಓವರ್ ಬೌಲ್ ಮಾಡಿದರು. 13 ಓವರ್ ಮೇಡನ್ ಆದವು. ಎಂಟನೇ ಕ್ರಮಾಂಕದ ಬ್ಯಾಟ್ಸ್ಮನ್ ದಿಲ್ರುವಾನ್ ಪೆರೇರ (67; 170 ಎ, 8 ಬೌಂ, 1 ಸಿಕ್ಸರ್) ಅವರು ಅಮೋಘ ಬ್ಯಾಟಿಂಗ್ ಮಾಡಿ ಅರ್ಧಶತಕ ಗಳಿಸಿದರು. ಹೀಗಾಗಿ ಶ್ರೀಲಂಕಾದ ಮೊತ್ತ 350 ದಾಟಿತು.</p>.<p><strong>ಸಂಕ್ಷಿಪ್ತ ಸ್ಕೋರು: </strong>ಮೊದಲ ಇನಿಂಗ್ಸ್: ಶ್ರೀಲಂಕಾ (ಶುಕ್ರವಾರದ ಅಂತ್ಯಕ್ಕೆ 4ಕ್ಕೆ 229): 139.3 ಓವರ್ಗಳಲ್ಲಿ 381 (ಏಂಜೆಲೊ ಮ್ಯಾಥ್ಯೂಸ್ 110, ನಿರೋಷನ್ ಡಿಕ್ವೆಲಾ 92, ದಿಲ್ರುವಾನ್ ಪೆರೇರ 67; ಜೇಮ್ಸ್ ಆ್ಯಂಡರ್ಸನ್ 40ಕ್ಕೆ6, ಸ್ಯಾಮ್ ಕರನ್ 60ಕ್ಕೆ1, ಮಾರ್ಕ್ ವುಡ್ 84ಕ್ಕೆ3); ಇಂಗ್ಲೆಂಡ್: 30 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 98 (ಜಾನಿ ಬೇಸ್ಟೊ ಬ್ಯಾಟಿಂಗ್ 24, ಜೋ ರೂಟ್ ಬ್ಯಾಟಿಂಗ್ 67; ಲಸಿತ್ ಎಂಬುಲ್ಡೇನಿಯಾ 33ಕ್ಕೆ2).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
