<p><strong>ವಿಶಾಖಪಟ್ಟಣ</strong>: ಐಪಿಎಲ್ನಲ್ಲಿ ಚೊಚ್ಚಲ ಟ್ರೋಫಿಗೆ ಮುತ್ತಿಕ್ಕುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಕನಸು ಶುಕ್ರವಾರ ಭಗ್ನಗೊಂಡಿತು.</p>.<p>ಇಲ್ಲಿನ ವೈ.ಎಸ್.ರಾಜಶೇಖರ ರೆಡ್ಡಿ ಕ್ರೀಡಾಂಗಣದಲ್ಲಿ ನಡೆದ ಎರಡನೇ ಕ್ವಾಲಿಫೈಯರ್ ಹೋರಾಟದಲ್ಲಿ ಮಹೇಂದ್ರ ಸಿಂಗ್ ಧೋನಿ ಸಾರಥ್ಯದ ಚೆನ್ನೈ ಸೂಪರ್ ಕಿಂಗ್ಸ್ 6 ವಿಕೆಟ್ಗಳಿಂದ ಶ್ರೇಯಸ್ ಅಯ್ಯರ್ ಪಡೆಯನ್ನು ಮಣಿಸಿತು.</p>.<p>ಈ ಗೆಲುವಿನೊಂದಿಗೆ ಧೋನಿ ಬಳಗವು ದಾಖಲೆಯ ಎಂಟನೇ ಬಾರಿ ಫೈನಲ್ಗೆ ಲಗ್ಗೆ ಇಟ್ಟಿತು. ಮೂರು ಸಲ ಚಾಂಪಿಯನ್ ಆಗಿರುವ ಈ ತಂಡವು ನಾಲ್ಕು ಬಾರಿ ರನ್ನರ್ಸ್ ಅಪ್ ಸಾಧನೆ ಮಾಡಿದೆ.</p>.<p>ಭಾನುವಾರ ನಡೆಯುವ ಫೈನಲ್ನಲ್ಲಿ ಚೆನ್ನೈ ಮತ್ತು ಮುಂಬೈ ಇಂಡಿಯನ್ಸ್ ಮುಖಾಮುಖಿಯಾಗಲಿವೆ.</p>.<p>ಮೊದಲು ಬ್ಯಾಟ್ ಮಾಡಿದ ಕ್ಯಾಪಿಟಲ್ಸ್ 20 ಓವರ್ಗಳಲ್ಲಿ 9 ವಿಕೆಟ್ಗೆ 147ರನ್ ಸೇರಿಸಿತು. ಸುಲಭ ಗುರಿಯನ್ನು ಹಾಲಿ ಚಾಂಪಿಯನ್ ಚೆನ್ನೈ 4 ವಿಕೆಟ್ ಕಳೆದುಕೊಂಡು ಮುಟ್ಟಿತು.</p>.<p><strong>ಅಬ್ಬರದ ಆರಂಭ: </strong>ಮಹತ್ವದ ಹಣಾಹಣಿಯಲ್ಲಿ ಫಾಫ್ ಡು ಪ್ಲೆಸಿ (50; 39ಎ, 7ಬೌಂ, 1ಸಿ) ಮತ್ತು ಶೇನ್ ವಾಟ್ಸನ್ (50; 32ಎ, 3ಬೌಂ, 4ಸಿ) ತಂಡಕ್ಕೆ ಅಬ್ಬರದ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್ಗೆ 62 ಎಸೆತಗಳಲ್ಲಿ 81ರನ್ ಗಳಿಸಿ ಜಯದ ಹಾದಿ ಸುಗಮ ಮಾಡಿತು.</p>.<p>ಹಿಂದಿನ ಪಂದ್ಯಗಳಲ್ಲಿ ರನ್ ಬರ ಎದುರಿಸಿದ್ದ ಪ್ಲೆಸಿ ಮತ್ತು ವಾಟ್ಸನ್ ನಿರ್ಣಾಯಕ ಹಣಾಹಣಿಯಲ್ಲಿ ಲಯ ಕಂಡುಕೊಂಡರು. ಈ ಜೋಡಿ ಬೌಂಡರಿ, ಸಿಕ್ಸರ್ಗಳ ಚಿತ್ತಾರ ಬಿಡಿಸಿದಾಗಲೆಲ್ಲಾ ಅಭಿಮಾನಿಗಳ ಸಂತಸ ಮುಗಿಲು ಮುಟ್ಟುತ್ತಿತ್ತು. ಪ್ರೇಕ್ಷಕರ ಗ್ಯಾಲರಿಯಲ್ಲಿ ಚೆನ್ನೈ ಧ್ವಜಗಳು ರಾರಾಜಿಸುತ್ತಿದ್ದವು.</p>.<p>ತಾವೆದುರಿಸಿದ 37ನೇ ಎಸೆತದಲ್ಲಿ ಒಂದು ರನ್ ಗಳಿಸಿ ಅರ್ಧಶತಕ ಪೂರೈಸಿದ ಪ್ಲೆಸಿ, ಟ್ರೆಂಟ್ ಬೌಲ್ಟ್ ಹಾಕಿದ 11ನೇ ಓವರ್ನ ಎರಡನೇ ಎಸೆತದಲ್ಲಿ ಕೀಮೊ ಪಾಲ್ಗೆ ಕ್ಯಾಚಿತ್ತರು.</p>.<p>ಆರಂಭದಲ್ಲಿ ಮಂದಗತಿಯಲ್ಲಿ ಬ್ಯಾಟಿಂಗ್ ಮಾಡಿದ ವಾಟ್ಸನ್, ಆಟಕ್ಕೆ ಕುದುರಿಕೊಂಡ ಬಳಿಕ ರಟ್ಟೆ ಅರಳಿಸಿ ಆಡಿದರು. ಕೀಮೊ ಪಾಲ್ ಹಾಕಿದ 12ನೇ ಓವರ್ನಲ್ಲಿ ಅವರು ತಲಾ ಎರಡು ಬೌಂಡರಿ ಮತ್ತು ಸಿಕ್ಸರ್ ಸಿಡಿಸಿದ್ದು ಇದಕ್ಕೆ ಸಾಕ್ಷಿ. ಈ ಓವರ್ನಲ್ಲಿ ಚೆನ್ನೈ ಖಾತೆಗೆ 25ರನ್ಗಳು ಸೇರ್ಪಡೆಯಾದವು. ಅರ್ಧಶತಕ ಗಳಿಸಿದ ಬೆನ್ನಲ್ಲೇ ವಾಟ್ಸನ್, ಅಮಿತ್ ಮಿಶ್ರಾಗೆ ವಿಕೆಟ್ ನೀಡಿ ಹೊರ ನಡೆದರು.</p>.<p>ಸುರೇಶ್ ರೈನಾ (11; 13ಎ) ಮತ್ತೊಮ್ಮೆ ವಿಫಲರಾದರು. ನಂತರ ಅಂಬಟಿ ರಾಯುಡು (ಔಟಾಗದೆ 20; 20ಎ, 3ಬೌಂ) ಮತ್ತು ನಾಯಕ ಧೋನಿ (9; 9ಎ, 1ಬೌಂ) ತಂಡದ ಮೊತ್ತ ಹೆಚ್ಚಿಸಿದರು. ಗೆಲುವಿಗೆ ಎರಡು ರನ್ ಬೇಕಿದ್ದಾಗ ಮಹಿ ಔಟಾದರು. ನಂತರ ರಾಯುಡು ‘ಜಯದ ಶಾಸ್ತ್ರ’ ಮುಗಿಸಿದರು.</p>.<p>ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ತಂಡ ಪೃಥ್ವಿ ಶಾ (5) ಮತ್ತು ಶಿಖರ್ ಧವನ್ (18; 14ಎ, 3ಬೌಂ) ವಿಕೆಟ್ ಬೇಗನೆ ಕಳೆದುಕೊಂಡಿತು. ನಾಯಕ ಶ್ರೇಯಸ್ (13) ಕೂಡ ನಿರೀಕ್ಷೆಗೆ ತಕ್ಕಂತೆ ಆಡಲಿಲ್ಲ. ಕಾಲಿನ್ ಮನ್ರೊ (27; 24ಎ, 4ಬೌಂ) ಔಟಾದ ನಂತರ ರಿಷಭ್ ಪಂತ್ ಜೊತೆಗೂಡಿದ ಶ್ರೇಯಸ್ ಕೇವಲ 18 ರನ್ ಜೋಡಿಸಿದರು.</p>.<p>ರಿಷಭ್ ಏಕಾಂಗಿಯಾಗಿ ಹೋರಾಡಿದರು. 25 ಎಸೆತಗಳಲ್ಲಿ ಒಂದು ಸಿಕ್ಸರ್ ಮತ್ತು ಎರಡು ಬೌಂಡರಿಗಳೊಂದಿಗೆ 38 ರನ್ ಗಳಿಸಿದರು. ಆದರೆ ಅವರ ವಿಕೆಟ್ ಕಬಳಿಸಿದ ಚಾಹರ್ ಸಂಭ್ರಮಿಸಿದರು. ಡೆಲ್ಲಿ ತಂಡದ ಒಟ್ಟು ಐದು ಬ್ಯಾಟ್ಸ್ಮನ್ಗಳು ಎರಡಂಕಿ ಮೊತ್ತ ದಾಟಲಾಗದೆ ವಾಪಸಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಶಾಖಪಟ್ಟಣ</strong>: ಐಪಿಎಲ್ನಲ್ಲಿ ಚೊಚ್ಚಲ ಟ್ರೋಫಿಗೆ ಮುತ್ತಿಕ್ಕುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಕನಸು ಶುಕ್ರವಾರ ಭಗ್ನಗೊಂಡಿತು.</p>.<p>ಇಲ್ಲಿನ ವೈ.ಎಸ್.ರಾಜಶೇಖರ ರೆಡ್ಡಿ ಕ್ರೀಡಾಂಗಣದಲ್ಲಿ ನಡೆದ ಎರಡನೇ ಕ್ವಾಲಿಫೈಯರ್ ಹೋರಾಟದಲ್ಲಿ ಮಹೇಂದ್ರ ಸಿಂಗ್ ಧೋನಿ ಸಾರಥ್ಯದ ಚೆನ್ನೈ ಸೂಪರ್ ಕಿಂಗ್ಸ್ 6 ವಿಕೆಟ್ಗಳಿಂದ ಶ್ರೇಯಸ್ ಅಯ್ಯರ್ ಪಡೆಯನ್ನು ಮಣಿಸಿತು.</p>.<p>ಈ ಗೆಲುವಿನೊಂದಿಗೆ ಧೋನಿ ಬಳಗವು ದಾಖಲೆಯ ಎಂಟನೇ ಬಾರಿ ಫೈನಲ್ಗೆ ಲಗ್ಗೆ ಇಟ್ಟಿತು. ಮೂರು ಸಲ ಚಾಂಪಿಯನ್ ಆಗಿರುವ ಈ ತಂಡವು ನಾಲ್ಕು ಬಾರಿ ರನ್ನರ್ಸ್ ಅಪ್ ಸಾಧನೆ ಮಾಡಿದೆ.</p>.<p>ಭಾನುವಾರ ನಡೆಯುವ ಫೈನಲ್ನಲ್ಲಿ ಚೆನ್ನೈ ಮತ್ತು ಮುಂಬೈ ಇಂಡಿಯನ್ಸ್ ಮುಖಾಮುಖಿಯಾಗಲಿವೆ.</p>.<p>ಮೊದಲು ಬ್ಯಾಟ್ ಮಾಡಿದ ಕ್ಯಾಪಿಟಲ್ಸ್ 20 ಓವರ್ಗಳಲ್ಲಿ 9 ವಿಕೆಟ್ಗೆ 147ರನ್ ಸೇರಿಸಿತು. ಸುಲಭ ಗುರಿಯನ್ನು ಹಾಲಿ ಚಾಂಪಿಯನ್ ಚೆನ್ನೈ 4 ವಿಕೆಟ್ ಕಳೆದುಕೊಂಡು ಮುಟ್ಟಿತು.</p>.<p><strong>ಅಬ್ಬರದ ಆರಂಭ: </strong>ಮಹತ್ವದ ಹಣಾಹಣಿಯಲ್ಲಿ ಫಾಫ್ ಡು ಪ್ಲೆಸಿ (50; 39ಎ, 7ಬೌಂ, 1ಸಿ) ಮತ್ತು ಶೇನ್ ವಾಟ್ಸನ್ (50; 32ಎ, 3ಬೌಂ, 4ಸಿ) ತಂಡಕ್ಕೆ ಅಬ್ಬರದ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್ಗೆ 62 ಎಸೆತಗಳಲ್ಲಿ 81ರನ್ ಗಳಿಸಿ ಜಯದ ಹಾದಿ ಸುಗಮ ಮಾಡಿತು.</p>.<p>ಹಿಂದಿನ ಪಂದ್ಯಗಳಲ್ಲಿ ರನ್ ಬರ ಎದುರಿಸಿದ್ದ ಪ್ಲೆಸಿ ಮತ್ತು ವಾಟ್ಸನ್ ನಿರ್ಣಾಯಕ ಹಣಾಹಣಿಯಲ್ಲಿ ಲಯ ಕಂಡುಕೊಂಡರು. ಈ ಜೋಡಿ ಬೌಂಡರಿ, ಸಿಕ್ಸರ್ಗಳ ಚಿತ್ತಾರ ಬಿಡಿಸಿದಾಗಲೆಲ್ಲಾ ಅಭಿಮಾನಿಗಳ ಸಂತಸ ಮುಗಿಲು ಮುಟ್ಟುತ್ತಿತ್ತು. ಪ್ರೇಕ್ಷಕರ ಗ್ಯಾಲರಿಯಲ್ಲಿ ಚೆನ್ನೈ ಧ್ವಜಗಳು ರಾರಾಜಿಸುತ್ತಿದ್ದವು.</p>.<p>ತಾವೆದುರಿಸಿದ 37ನೇ ಎಸೆತದಲ್ಲಿ ಒಂದು ರನ್ ಗಳಿಸಿ ಅರ್ಧಶತಕ ಪೂರೈಸಿದ ಪ್ಲೆಸಿ, ಟ್ರೆಂಟ್ ಬೌಲ್ಟ್ ಹಾಕಿದ 11ನೇ ಓವರ್ನ ಎರಡನೇ ಎಸೆತದಲ್ಲಿ ಕೀಮೊ ಪಾಲ್ಗೆ ಕ್ಯಾಚಿತ್ತರು.</p>.<p>ಆರಂಭದಲ್ಲಿ ಮಂದಗತಿಯಲ್ಲಿ ಬ್ಯಾಟಿಂಗ್ ಮಾಡಿದ ವಾಟ್ಸನ್, ಆಟಕ್ಕೆ ಕುದುರಿಕೊಂಡ ಬಳಿಕ ರಟ್ಟೆ ಅರಳಿಸಿ ಆಡಿದರು. ಕೀಮೊ ಪಾಲ್ ಹಾಕಿದ 12ನೇ ಓವರ್ನಲ್ಲಿ ಅವರು ತಲಾ ಎರಡು ಬೌಂಡರಿ ಮತ್ತು ಸಿಕ್ಸರ್ ಸಿಡಿಸಿದ್ದು ಇದಕ್ಕೆ ಸಾಕ್ಷಿ. ಈ ಓವರ್ನಲ್ಲಿ ಚೆನ್ನೈ ಖಾತೆಗೆ 25ರನ್ಗಳು ಸೇರ್ಪಡೆಯಾದವು. ಅರ್ಧಶತಕ ಗಳಿಸಿದ ಬೆನ್ನಲ್ಲೇ ವಾಟ್ಸನ್, ಅಮಿತ್ ಮಿಶ್ರಾಗೆ ವಿಕೆಟ್ ನೀಡಿ ಹೊರ ನಡೆದರು.</p>.<p>ಸುರೇಶ್ ರೈನಾ (11; 13ಎ) ಮತ್ತೊಮ್ಮೆ ವಿಫಲರಾದರು. ನಂತರ ಅಂಬಟಿ ರಾಯುಡು (ಔಟಾಗದೆ 20; 20ಎ, 3ಬೌಂ) ಮತ್ತು ನಾಯಕ ಧೋನಿ (9; 9ಎ, 1ಬೌಂ) ತಂಡದ ಮೊತ್ತ ಹೆಚ್ಚಿಸಿದರು. ಗೆಲುವಿಗೆ ಎರಡು ರನ್ ಬೇಕಿದ್ದಾಗ ಮಹಿ ಔಟಾದರು. ನಂತರ ರಾಯುಡು ‘ಜಯದ ಶಾಸ್ತ್ರ’ ಮುಗಿಸಿದರು.</p>.<p>ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ತಂಡ ಪೃಥ್ವಿ ಶಾ (5) ಮತ್ತು ಶಿಖರ್ ಧವನ್ (18; 14ಎ, 3ಬೌಂ) ವಿಕೆಟ್ ಬೇಗನೆ ಕಳೆದುಕೊಂಡಿತು. ನಾಯಕ ಶ್ರೇಯಸ್ (13) ಕೂಡ ನಿರೀಕ್ಷೆಗೆ ತಕ್ಕಂತೆ ಆಡಲಿಲ್ಲ. ಕಾಲಿನ್ ಮನ್ರೊ (27; 24ಎ, 4ಬೌಂ) ಔಟಾದ ನಂತರ ರಿಷಭ್ ಪಂತ್ ಜೊತೆಗೂಡಿದ ಶ್ರೇಯಸ್ ಕೇವಲ 18 ರನ್ ಜೋಡಿಸಿದರು.</p>.<p>ರಿಷಭ್ ಏಕಾಂಗಿಯಾಗಿ ಹೋರಾಡಿದರು. 25 ಎಸೆತಗಳಲ್ಲಿ ಒಂದು ಸಿಕ್ಸರ್ ಮತ್ತು ಎರಡು ಬೌಂಡರಿಗಳೊಂದಿಗೆ 38 ರನ್ ಗಳಿಸಿದರು. ಆದರೆ ಅವರ ವಿಕೆಟ್ ಕಬಳಿಸಿದ ಚಾಹರ್ ಸಂಭ್ರಮಿಸಿದರು. ಡೆಲ್ಲಿ ತಂಡದ ಒಟ್ಟು ಐದು ಬ್ಯಾಟ್ಸ್ಮನ್ಗಳು ಎರಡಂಕಿ ಮೊತ್ತ ದಾಟಲಾಗದೆ ವಾಪಸಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
