<p><strong>ಬೆನೊನಿ (ದಕ್ಷಿಣ ಆಫ್ರಿಕಾ): </strong>19 ವರ್ಷದೊಳಗಿನವರ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಫೈನಲ್ನಲ್ಲಿ ಭಾರತ ಹಾಗೂ ಆಸ್ಟ್ರೇಲಿಯಾ ಮುಖಾಮುಖಿಯಾಗಿವೆ. ಟಾಸ್ ಗೆದ್ದಿರುವ ಆಸ್ಟ್ರೇಲಿಯಾ ಬ್ಯಾಟಿಂಗ್ ಆಯ್ದುಕೊಂಡಿದೆ.</p><p>ಐದು ಬಾರಿಯ ಚಾಂಪಿಯನ್ ಭಾರತ ತಂಡವು ಮತ್ತೊಮ್ಮೆ ಚಾಂಪಿಯನ್ ಪಟ್ಟಕ್ಕೇರುವ ಕನಸಿನೊಂದಿಗೆ ಕಣಕ್ಕಿಳಿದಿದೆ.</p><p>ಒಂಬತ್ತನೇ ಕ್ರಮಾಂಕದವರೆಗೂ ಬ್ಯಾಟಿಂಗ್ ಮಾಡುವ ಸಮರ್ಥರನ್ನೊಳಗೊಂಡ ಆಸ್ಟ್ರೇಲಿಯಾ 4ನೇ ಬಾರಿ ಟ್ರೋಫಿಗೆ ಮುತ್ತಿಡುವ ಲೆಕ್ಕಾಚಾರದಲ್ಲಿ ಆಡುತ್ತಿದೆ.</p><p>ಸಚಿನ್ ದಾಸ್, ಮುಷೀರ್ ಖಾನ್ ಮತ್ತು ಸೂರ್ಯಕುಮಾರ್ ಪಾಂಡೆ ಅವರಂತಹ ಪ್ರತಿಭಾವಂತರು ಭಾರತ ತಂಡದಲ್ಲಿದ್ದಾರೆ. ಅದೇರೀತಿ, ಆಸ್ಟ್ರೇಲಿಯಾ ಬಳಗದಲ್ಲಿ ಪರಿಣಾಮಕಾರಿ ಬೌಲರ್ಗಳು ಇದ್ದಾರೆ.</p><p>2012 ಮತ್ತು 2018ರ ಟೂರ್ನಿಗಳ ಫೈನಲ್ಗಳಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿದ್ದ ಭಾರತ, 2016ರಿಂದ ಇಲ್ಲಿಯವರೆಗೆ ನಡೆದ ಎಲ್ಲ ವಿಶ್ವಕಪ್ ಟೂರ್ನಿಗಳಲ್ಲಿಯೂ ಫೈನಲ್ಗೇರಿದ ಹೆಗ್ಗಳಿಕೆ ಹೊಂದಿದೆ. 2016 ಹಾಗೂ 2020ರಲ್ಲಿ ಬಿಟ್ಟರೆ ಉಳಿದ ಆವೃತ್ತಿಗಳಲ್ಲಿ ಜಯಭೇರಿ ಬಾರಿಸಿದೆ.</p><p>ಸದ್ಯ ಬ್ಯಾಟಿಂಗ್ ಆರಂಭಿಸಿರುವ ಆಸಿಸ್, 2 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 16 ರನ್ ಗಳಿಸಿದೆ.</p><p>ಹ್ಯಾರಿ ಡಿಕ್ಸನ್ (15) ಮತ್ತು ಸ್ಯಾಮ್ ಕೊನ್ಸ್ಟಾಸ್ (0) ಕ್ರೀಸ್ನಲ್ಲಿದ್ದಾರೆ.</p><p><strong>'ಮುಯ್ಯಿ ತೀರಿಸಿಕೊಳ್ಳುವ ಯೋಜನೆ ಇಲ್ಲ'</strong></p><p>2023ರ ನವೆಂಬರ್ 19ರಂದು ರೋಹಿತ್ ಶರ್ಮಾ ನಾಯಕತ್ವದ ಭಾರತ ತಂಡವು ವಿಶ್ವಕಪ್ ಫೈನಲ್ನಲ್ಲಿ ಪ್ಯಾಟ್ ಕಮಿನ್ಸ್ ನೇತೃತ್ವದ ಆಸ್ಟ್ರೇಲಿಯಾ ಎದುರು ಸೋತಿತ್ತು. ಇದೀಗ ಉಭಯ ದೇಶಗಳ ‘ಭಾವಿ ತಾರೆ‘ಗಳು ಮುಖಾಮುಖಿಯಾಗಲಿವೆ. ಹೀಗಾಗಿ ಈ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿದೆ.</p><p>ಟಿಂ ಇಂಡಿಯಾ ನಾಯಕ ಉದಯ್ ಸಹಾರನ್, ‘ನಾವು ಮುಯ್ಯಿ ತೀರಿಸಿಕೊಳ್ಳುವ ಬಗ್ಗೆ ಯೋಚನೆ ಮಾಡುತ್ತಿಲ್ಲ. ವರ್ತಮಾನದ ಮೇಲೆ ಮಾತ್ರ ನಮ್ಮ ಗಮನವಿದೆ. ಹಳೆಯ ಘಟನೆ ಅಥವಾ ಭವಿಷ್ಯದ ಬಗ್ಗೆ ಚಿಂತಿತರಾಗಿಲ್ಲ’ ಎಂದು ಸ್ಪಷ್ಟಪಡಿಸಿದ್ದಾರೆ.</p><p><strong>ಹನ್ನೊಂದರ ಬಳಗ</strong></p><p><strong>ಭಾರತ:</strong> ಆದರ್ಶ್ ಸಿಂಗ್, ಅರ್ಷಿಣ್ ಕುಲಕರ್ಣಿ, ಮುಷೀರ್ ಖಾನ್, ಉದಯ ಸಹಾರನ್ (ನಾಯಕ), ಪ್ರಿಯಾಂಶು ಮಾಲಿಯಾ, ಸಚಿನ್ ದಾಸ್, ಅರವೆಳ್ಳಿ ಅವನೀಶ್ (ವಿಕೆಟ್ಕೀಪರ್), ಮುರುಗನ್ ಅಭಿಷೇಕ್, ರಾಜ್ ಲಿಂಬಾನಿ, ನಮನ್ ತಿವಾರಿ, ಸೌಮಿಕುಮಾರ್ ಪಾಂಡೆ</p><p><strong>ಆಸ್ಟ್ರೇಲಿಯಾ: </strong>ಹ್ಯಾರಿ ಡಿಕ್ಸನ್, ಸ್ಯಾಮ್ ಕೊನ್ಸ್ಟಾಸ್, ಹಗ್ ವಿಬ್ಜೆನ್ (ನಾಯಕ), ಹರ್ಜಾಸ್ ಸಿಂಗ್, ರಿಯಾನ್ ಹಿಕ್ಸ್ (ವಿಕೆಟ್ಕೀಪರ್), ಒಲೀ ಪೀಕೆ, ರಫೆಲ್ ಮ್ಯಾಕ್ಮಿಲನ್, ಚಾರ್ಲಿ ಆ್ಯಂಡರ್ಸನ್, ಟಾಮ್ ಸ್ಟ್ರೇಕರ್, ಮಾಳಿ ಬಿಯರ್ಡ್ಮ್ಯಾನ್, ಕ್ಯಾಲಂ ವಿಡ್ಲೆರ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆನೊನಿ (ದಕ್ಷಿಣ ಆಫ್ರಿಕಾ): </strong>19 ವರ್ಷದೊಳಗಿನವರ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಫೈನಲ್ನಲ್ಲಿ ಭಾರತ ಹಾಗೂ ಆಸ್ಟ್ರೇಲಿಯಾ ಮುಖಾಮುಖಿಯಾಗಿವೆ. ಟಾಸ್ ಗೆದ್ದಿರುವ ಆಸ್ಟ್ರೇಲಿಯಾ ಬ್ಯಾಟಿಂಗ್ ಆಯ್ದುಕೊಂಡಿದೆ.</p><p>ಐದು ಬಾರಿಯ ಚಾಂಪಿಯನ್ ಭಾರತ ತಂಡವು ಮತ್ತೊಮ್ಮೆ ಚಾಂಪಿಯನ್ ಪಟ್ಟಕ್ಕೇರುವ ಕನಸಿನೊಂದಿಗೆ ಕಣಕ್ಕಿಳಿದಿದೆ.</p><p>ಒಂಬತ್ತನೇ ಕ್ರಮಾಂಕದವರೆಗೂ ಬ್ಯಾಟಿಂಗ್ ಮಾಡುವ ಸಮರ್ಥರನ್ನೊಳಗೊಂಡ ಆಸ್ಟ್ರೇಲಿಯಾ 4ನೇ ಬಾರಿ ಟ್ರೋಫಿಗೆ ಮುತ್ತಿಡುವ ಲೆಕ್ಕಾಚಾರದಲ್ಲಿ ಆಡುತ್ತಿದೆ.</p><p>ಸಚಿನ್ ದಾಸ್, ಮುಷೀರ್ ಖಾನ್ ಮತ್ತು ಸೂರ್ಯಕುಮಾರ್ ಪಾಂಡೆ ಅವರಂತಹ ಪ್ರತಿಭಾವಂತರು ಭಾರತ ತಂಡದಲ್ಲಿದ್ದಾರೆ. ಅದೇರೀತಿ, ಆಸ್ಟ್ರೇಲಿಯಾ ಬಳಗದಲ್ಲಿ ಪರಿಣಾಮಕಾರಿ ಬೌಲರ್ಗಳು ಇದ್ದಾರೆ.</p><p>2012 ಮತ್ತು 2018ರ ಟೂರ್ನಿಗಳ ಫೈನಲ್ಗಳಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿದ್ದ ಭಾರತ, 2016ರಿಂದ ಇಲ್ಲಿಯವರೆಗೆ ನಡೆದ ಎಲ್ಲ ವಿಶ್ವಕಪ್ ಟೂರ್ನಿಗಳಲ್ಲಿಯೂ ಫೈನಲ್ಗೇರಿದ ಹೆಗ್ಗಳಿಕೆ ಹೊಂದಿದೆ. 2016 ಹಾಗೂ 2020ರಲ್ಲಿ ಬಿಟ್ಟರೆ ಉಳಿದ ಆವೃತ್ತಿಗಳಲ್ಲಿ ಜಯಭೇರಿ ಬಾರಿಸಿದೆ.</p><p>ಸದ್ಯ ಬ್ಯಾಟಿಂಗ್ ಆರಂಭಿಸಿರುವ ಆಸಿಸ್, 2 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 16 ರನ್ ಗಳಿಸಿದೆ.</p><p>ಹ್ಯಾರಿ ಡಿಕ್ಸನ್ (15) ಮತ್ತು ಸ್ಯಾಮ್ ಕೊನ್ಸ್ಟಾಸ್ (0) ಕ್ರೀಸ್ನಲ್ಲಿದ್ದಾರೆ.</p><p><strong>'ಮುಯ್ಯಿ ತೀರಿಸಿಕೊಳ್ಳುವ ಯೋಜನೆ ಇಲ್ಲ'</strong></p><p>2023ರ ನವೆಂಬರ್ 19ರಂದು ರೋಹಿತ್ ಶರ್ಮಾ ನಾಯಕತ್ವದ ಭಾರತ ತಂಡವು ವಿಶ್ವಕಪ್ ಫೈನಲ್ನಲ್ಲಿ ಪ್ಯಾಟ್ ಕಮಿನ್ಸ್ ನೇತೃತ್ವದ ಆಸ್ಟ್ರೇಲಿಯಾ ಎದುರು ಸೋತಿತ್ತು. ಇದೀಗ ಉಭಯ ದೇಶಗಳ ‘ಭಾವಿ ತಾರೆ‘ಗಳು ಮುಖಾಮುಖಿಯಾಗಲಿವೆ. ಹೀಗಾಗಿ ಈ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿದೆ.</p><p>ಟಿಂ ಇಂಡಿಯಾ ನಾಯಕ ಉದಯ್ ಸಹಾರನ್, ‘ನಾವು ಮುಯ್ಯಿ ತೀರಿಸಿಕೊಳ್ಳುವ ಬಗ್ಗೆ ಯೋಚನೆ ಮಾಡುತ್ತಿಲ್ಲ. ವರ್ತಮಾನದ ಮೇಲೆ ಮಾತ್ರ ನಮ್ಮ ಗಮನವಿದೆ. ಹಳೆಯ ಘಟನೆ ಅಥವಾ ಭವಿಷ್ಯದ ಬಗ್ಗೆ ಚಿಂತಿತರಾಗಿಲ್ಲ’ ಎಂದು ಸ್ಪಷ್ಟಪಡಿಸಿದ್ದಾರೆ.</p><p><strong>ಹನ್ನೊಂದರ ಬಳಗ</strong></p><p><strong>ಭಾರತ:</strong> ಆದರ್ಶ್ ಸಿಂಗ್, ಅರ್ಷಿಣ್ ಕುಲಕರ್ಣಿ, ಮುಷೀರ್ ಖಾನ್, ಉದಯ ಸಹಾರನ್ (ನಾಯಕ), ಪ್ರಿಯಾಂಶು ಮಾಲಿಯಾ, ಸಚಿನ್ ದಾಸ್, ಅರವೆಳ್ಳಿ ಅವನೀಶ್ (ವಿಕೆಟ್ಕೀಪರ್), ಮುರುಗನ್ ಅಭಿಷೇಕ್, ರಾಜ್ ಲಿಂಬಾನಿ, ನಮನ್ ತಿವಾರಿ, ಸೌಮಿಕುಮಾರ್ ಪಾಂಡೆ</p><p><strong>ಆಸ್ಟ್ರೇಲಿಯಾ: </strong>ಹ್ಯಾರಿ ಡಿಕ್ಸನ್, ಸ್ಯಾಮ್ ಕೊನ್ಸ್ಟಾಸ್, ಹಗ್ ವಿಬ್ಜೆನ್ (ನಾಯಕ), ಹರ್ಜಾಸ್ ಸಿಂಗ್, ರಿಯಾನ್ ಹಿಕ್ಸ್ (ವಿಕೆಟ್ಕೀಪರ್), ಒಲೀ ಪೀಕೆ, ರಫೆಲ್ ಮ್ಯಾಕ್ಮಿಲನ್, ಚಾರ್ಲಿ ಆ್ಯಂಡರ್ಸನ್, ಟಾಮ್ ಸ್ಟ್ರೇಕರ್, ಮಾಳಿ ಬಿಯರ್ಡ್ಮ್ಯಾನ್, ಕ್ಯಾಲಂ ವಿಡ್ಲೆರ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
