<p><strong>ನವದೆಹಲಿ: </strong>ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯ ಟಿ.ವಿ. ಮತ್ತು ಡಿಜಿಟಲ್ಪ್ರಸಾರಹಕ್ಕುಗಳನ್ನು ಪಡೆಯಲು ಪೈಪೋಟಿ ಏರ್ಪಟ್ಟಿದೆ. ಇದರಿಂದಾಗಿ ನಿರೀಕ್ಷೆಗೂ ಮೀರಿದ ಮೌಲ್ಯವು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಬೊಕ್ಕಸ ತುಂಬಲಿದೆ.</p>.<p>ಪ್ರಕ್ರಿಯೆಯ ಮೊದಲ ದಿನವಾದ ಭಾನುವಾರದ ಮುಕ್ತಾಯಕ್ಕೆ ಐಪಿಎಲ್ ಟೂರ್ನಿಯ ಪ್ರತಿ ಪಂದ್ಯದ ಮೌಲ್ಯವು ₹ 100 ಕೋಟಿ ದಾಟಿತು. ಇದರಿಂದಾಗಿ ಒಟ್ಟಾರೆ ₹ 50 ಸಾವಿರ ಕೋಟಿಗೂ ಹೆಚ್ಚು ಮೌಲ್ಯವನ್ನು ಗಳಿಸುವ ನಿರೀಕ್ಷೆ ಮೂಡಿದೆ.ಭಾರತ ಉಪಖಂಡ ಮಟ್ಟದಪ್ರಸಾರಹಕ್ಕುಗಳಿಗಾಗಿ ಬಿಡ್ ನಡೆಯಿತು. ವಯಾಕಾಮ್ 18, ಡಿಸ್ನಿ ಸ್ಟಾರ್, ಸೋನಿ ಮತ್ತು ಝೀ ಮಾಧ್ಯಮ ಸಂಸ್ಥೆಗಳು ಕಣದಲ್ಲಿವೆ.</p>.<p>ಏಳು ಗಂಟೆಗಳ ಪೈಪೋಟಿಯಲ್ಲಿ ಪ್ಯಾಕೇಜ್ ಎ (ಭಾರತದಲ್ಲಿ ಟಿ.ವಿ. ಹಕ್ಕುಗಳು) ಮತ್ತು ಪ್ಯಾಕೇಜ್ ಬಿ (ಭಾರತದಲ್ಲಿ ಡಿಜಿಟಲ್ ಹಕ್ಕುಗಳು) ಸೇರಿ ₹ 42 ಸಾವಿರ ಕೋಟಿಯವರೆಗೂ ಬಿಡ್ ವ್ಯಕ್ತವಾಗಿದೆ. ಇದು ಎರಡನೇ ದಿನವಾದ ಸೋಮವಾರ ಇನ್ನೂ ಹೆಚ್ಚುವ ನಿರೀಕ್ಷೆ ಇದೆ. ಈ ಎರಡು ಪ್ಯಾಕೇಜ್ಗಳ ಹಕ್ಕುದಾರರು ಸೋಮವಾರ ಸಂಜೆಯ ವೇಳೆಗೆ ಹೊರಹೊಮ್ಮುವ ನಿರೀಕ್ಷೆ ಇದೆ.</p>.<p>ನಂತರ ನಡೆಯುವ ಪ್ಯಾಕೇಜ್ ಸಿ (ತಲಾ ₹ 16 ಕೋಟಿಯಂತೆ 18 ಪಂದ್ಯಗಳ ಹಕ್ಕು) ಪಡೆಯಲು ಬಿ ಪ್ಯಾಕೇಜ್ ವಿಜೇತರೂ ಅರ್ಹರಾಗಿದ್ದಾರೆ. ಪ್ಯಾಕೇಜ್ ಡಿ (ವಿದೇಶದಲ್ಲಿ ಟಿ.ವಿ. ಮತ್ತು ಡಿಜಿಟಲ್ಪ್ರಸಾರಹಕ್ಕು–ಪಂದ್ಯವೊಂದಿಗೆ ₹ 3 ಕೋಟಿ) ಕೂಡ ಬಿಡ್ ಮಾಡಬಹುದು.</p>.<p>‘ಇವತ್ತು ಸಂಜೆ 5.30ರವರೆಗಿನ ಪ್ರಕ್ರಿಯೆಯಲ್ಲಿ ಪ್ರತಿ ಪಂದ್ಯವೊಂದಕ್ಕೆ ಟಿ.ವಿ. ಹಕ್ಕುಗಳ (ಮೂಲಬೆಲೆ: ₹49ಕೋಟಿ) ಬಿಡ್ ₹57 ಕೋಟಿಯವರೆಗೂ ಹೆಚ್ಚಿತು. ಡಿಜಿಟಲ್ನಲ್ಲಿ ₹ 33 ಕೋಟಿ ಮೂಲಬೆಲೆಯಿಂದ ₹ 48 ಕೋಟಿಗೆ ಅಚ್ಚರಿಯ ರೀತಿಯಲ್ಲಿ ಬೆಳೆಯಿತು’ ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ಕಳೆದ ಐದು ವರ್ಷಗಳಲ್ಲಿ ಪ್ರತಿಯೊಂದು ಪಂದ್ಯಕ್ಕೆ ₹54.5 ಕೋಟಿಮೌಲ್ಯಇತ್ತು. ಆಗ ಟಿ.ವಿ. ಹಕ್ಕುಗಳನ್ನು ಮಾತ್ರ ನೀಡಲಾಗಿತ್ತು. ಈಗ ಟಿ.ವಿ. ಮತ್ತು ಡಿಜಿಟಲ್ ಒಟ್ಟಾರೆಯಾಗಿ ಪರಿಗಣಿಸಿದರೆ ₹ 100 ಕೋಟಿ (₹ 105 ಕೋಟಿ) ದಾಟಿದೆ. ಇದೊಂದು ಅಚ್ಚರಿಯ ಬೆಳವಣಿಗೆಯಾಗಿದೆ. ನಾಳೆಯೂ ಇದು ಮುಂದುವರಿಯಲಿದೆ’ ಎಂದು ಅಧಿಕಾರಿ ಹೇಳಿದ್ದಾರೆ.</p>.<p>ನಾಲ್ಕು ಬಿಡ್ದಾರರಲ್ಲಿ ಯಾರು ಮುಂಚೂಣಿಯಲ್ಲಿದ್ದಾರೆಂಬುದು ಸ್ಪಷ್ಟವಾಗಿಲ್ಲ. ಆದರೆ, ಡಿಜಿಟಲ್ ಹಕ್ಕುಗಳಿಗಾಗಿ ವಯಾಕಾಮ್ 18–ಉದಯಶಂಕರ್ ಕಾನ್ಸೊರ್ಟಿಯಂ ಮತ್ತು ಸದ್ಯ ಹಕ್ಕುಗಳನ್ನು ಹೊಂದಿರುವ ಡಿಸ್ನಿ (ಸ್ಟಾರ್) ಮಧ್ಯೆ ತುರುಸಿನ ಸ್ಪರ್ಧೆ ಏರ್ಪಟ್ಟಿದೆ ಎನ್ನಲಾಗಿದೆ.</p>.<p>‘ಬಿಡ್ ಪ್ರಕ್ರಿಯೆಯ ಮುಕ್ತಾಯದ ವೇಳೆಗೆ ಇಂದಿನ ಮೊತ್ತಕ್ಕೆ ಹೆಚ್ಚೆಂದರೆ ಇನ್ನೂ ₹ 5500 ಕೋಟಿ ಸೇರಬಹುದು. ಇದರಿಂದಾಗಿ ₹45 ಸಾವಿರ ಕೋಟಿ ದಾಟುವ ನಿರೀಕ್ಷೆ ಇದೆ’ ಎಂದು ಬಿಸಿಸಿಐನ ಮುಂಬೈನ ಅಧಿಕಾರಿಯೊಬ್ಬರು ಹೇಳಿದ್ದಾರೆ.</p>.<p>ವಿದೇಶಗಳಲ್ಲಿ ಉತ್ತಮ ಸಂಖ್ಯೆಯಲ್ಲಿ ವೀಕ್ಷಕರನ್ನು ಹೊಂದಿರುವ ಝೀ ಸಮೂಹವು ಡಿ ಪ್ಯಾಕೇಜ್ ಪಡೆಯುವ ಸಾಧ್ಯತೆ ಹೆಚ್ಚಿದೆ. ಝೀ ಫೈವ್ ಆ್ಯಪ್ ಬಹಳಷ್ಟು ಜನಪ್ರಿಯವಾಗಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯ ಟಿ.ವಿ. ಮತ್ತು ಡಿಜಿಟಲ್ಪ್ರಸಾರಹಕ್ಕುಗಳನ್ನು ಪಡೆಯಲು ಪೈಪೋಟಿ ಏರ್ಪಟ್ಟಿದೆ. ಇದರಿಂದಾಗಿ ನಿರೀಕ್ಷೆಗೂ ಮೀರಿದ ಮೌಲ್ಯವು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಬೊಕ್ಕಸ ತುಂಬಲಿದೆ.</p>.<p>ಪ್ರಕ್ರಿಯೆಯ ಮೊದಲ ದಿನವಾದ ಭಾನುವಾರದ ಮುಕ್ತಾಯಕ್ಕೆ ಐಪಿಎಲ್ ಟೂರ್ನಿಯ ಪ್ರತಿ ಪಂದ್ಯದ ಮೌಲ್ಯವು ₹ 100 ಕೋಟಿ ದಾಟಿತು. ಇದರಿಂದಾಗಿ ಒಟ್ಟಾರೆ ₹ 50 ಸಾವಿರ ಕೋಟಿಗೂ ಹೆಚ್ಚು ಮೌಲ್ಯವನ್ನು ಗಳಿಸುವ ನಿರೀಕ್ಷೆ ಮೂಡಿದೆ.ಭಾರತ ಉಪಖಂಡ ಮಟ್ಟದಪ್ರಸಾರಹಕ್ಕುಗಳಿಗಾಗಿ ಬಿಡ್ ನಡೆಯಿತು. ವಯಾಕಾಮ್ 18, ಡಿಸ್ನಿ ಸ್ಟಾರ್, ಸೋನಿ ಮತ್ತು ಝೀ ಮಾಧ್ಯಮ ಸಂಸ್ಥೆಗಳು ಕಣದಲ್ಲಿವೆ.</p>.<p>ಏಳು ಗಂಟೆಗಳ ಪೈಪೋಟಿಯಲ್ಲಿ ಪ್ಯಾಕೇಜ್ ಎ (ಭಾರತದಲ್ಲಿ ಟಿ.ವಿ. ಹಕ್ಕುಗಳು) ಮತ್ತು ಪ್ಯಾಕೇಜ್ ಬಿ (ಭಾರತದಲ್ಲಿ ಡಿಜಿಟಲ್ ಹಕ್ಕುಗಳು) ಸೇರಿ ₹ 42 ಸಾವಿರ ಕೋಟಿಯವರೆಗೂ ಬಿಡ್ ವ್ಯಕ್ತವಾಗಿದೆ. ಇದು ಎರಡನೇ ದಿನವಾದ ಸೋಮವಾರ ಇನ್ನೂ ಹೆಚ್ಚುವ ನಿರೀಕ್ಷೆ ಇದೆ. ಈ ಎರಡು ಪ್ಯಾಕೇಜ್ಗಳ ಹಕ್ಕುದಾರರು ಸೋಮವಾರ ಸಂಜೆಯ ವೇಳೆಗೆ ಹೊರಹೊಮ್ಮುವ ನಿರೀಕ್ಷೆ ಇದೆ.</p>.<p>ನಂತರ ನಡೆಯುವ ಪ್ಯಾಕೇಜ್ ಸಿ (ತಲಾ ₹ 16 ಕೋಟಿಯಂತೆ 18 ಪಂದ್ಯಗಳ ಹಕ್ಕು) ಪಡೆಯಲು ಬಿ ಪ್ಯಾಕೇಜ್ ವಿಜೇತರೂ ಅರ್ಹರಾಗಿದ್ದಾರೆ. ಪ್ಯಾಕೇಜ್ ಡಿ (ವಿದೇಶದಲ್ಲಿ ಟಿ.ವಿ. ಮತ್ತು ಡಿಜಿಟಲ್ಪ್ರಸಾರಹಕ್ಕು–ಪಂದ್ಯವೊಂದಿಗೆ ₹ 3 ಕೋಟಿ) ಕೂಡ ಬಿಡ್ ಮಾಡಬಹುದು.</p>.<p>‘ಇವತ್ತು ಸಂಜೆ 5.30ರವರೆಗಿನ ಪ್ರಕ್ರಿಯೆಯಲ್ಲಿ ಪ್ರತಿ ಪಂದ್ಯವೊಂದಕ್ಕೆ ಟಿ.ವಿ. ಹಕ್ಕುಗಳ (ಮೂಲಬೆಲೆ: ₹49ಕೋಟಿ) ಬಿಡ್ ₹57 ಕೋಟಿಯವರೆಗೂ ಹೆಚ್ಚಿತು. ಡಿಜಿಟಲ್ನಲ್ಲಿ ₹ 33 ಕೋಟಿ ಮೂಲಬೆಲೆಯಿಂದ ₹ 48 ಕೋಟಿಗೆ ಅಚ್ಚರಿಯ ರೀತಿಯಲ್ಲಿ ಬೆಳೆಯಿತು’ ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ಕಳೆದ ಐದು ವರ್ಷಗಳಲ್ಲಿ ಪ್ರತಿಯೊಂದು ಪಂದ್ಯಕ್ಕೆ ₹54.5 ಕೋಟಿಮೌಲ್ಯಇತ್ತು. ಆಗ ಟಿ.ವಿ. ಹಕ್ಕುಗಳನ್ನು ಮಾತ್ರ ನೀಡಲಾಗಿತ್ತು. ಈಗ ಟಿ.ವಿ. ಮತ್ತು ಡಿಜಿಟಲ್ ಒಟ್ಟಾರೆಯಾಗಿ ಪರಿಗಣಿಸಿದರೆ ₹ 100 ಕೋಟಿ (₹ 105 ಕೋಟಿ) ದಾಟಿದೆ. ಇದೊಂದು ಅಚ್ಚರಿಯ ಬೆಳವಣಿಗೆಯಾಗಿದೆ. ನಾಳೆಯೂ ಇದು ಮುಂದುವರಿಯಲಿದೆ’ ಎಂದು ಅಧಿಕಾರಿ ಹೇಳಿದ್ದಾರೆ.</p>.<p>ನಾಲ್ಕು ಬಿಡ್ದಾರರಲ್ಲಿ ಯಾರು ಮುಂಚೂಣಿಯಲ್ಲಿದ್ದಾರೆಂಬುದು ಸ್ಪಷ್ಟವಾಗಿಲ್ಲ. ಆದರೆ, ಡಿಜಿಟಲ್ ಹಕ್ಕುಗಳಿಗಾಗಿ ವಯಾಕಾಮ್ 18–ಉದಯಶಂಕರ್ ಕಾನ್ಸೊರ್ಟಿಯಂ ಮತ್ತು ಸದ್ಯ ಹಕ್ಕುಗಳನ್ನು ಹೊಂದಿರುವ ಡಿಸ್ನಿ (ಸ್ಟಾರ್) ಮಧ್ಯೆ ತುರುಸಿನ ಸ್ಪರ್ಧೆ ಏರ್ಪಟ್ಟಿದೆ ಎನ್ನಲಾಗಿದೆ.</p>.<p>‘ಬಿಡ್ ಪ್ರಕ್ರಿಯೆಯ ಮುಕ್ತಾಯದ ವೇಳೆಗೆ ಇಂದಿನ ಮೊತ್ತಕ್ಕೆ ಹೆಚ್ಚೆಂದರೆ ಇನ್ನೂ ₹ 5500 ಕೋಟಿ ಸೇರಬಹುದು. ಇದರಿಂದಾಗಿ ₹45 ಸಾವಿರ ಕೋಟಿ ದಾಟುವ ನಿರೀಕ್ಷೆ ಇದೆ’ ಎಂದು ಬಿಸಿಸಿಐನ ಮುಂಬೈನ ಅಧಿಕಾರಿಯೊಬ್ಬರು ಹೇಳಿದ್ದಾರೆ.</p>.<p>ವಿದೇಶಗಳಲ್ಲಿ ಉತ್ತಮ ಸಂಖ್ಯೆಯಲ್ಲಿ ವೀಕ್ಷಕರನ್ನು ಹೊಂದಿರುವ ಝೀ ಸಮೂಹವು ಡಿ ಪ್ಯಾಕೇಜ್ ಪಡೆಯುವ ಸಾಧ್ಯತೆ ಹೆಚ್ಚಿದೆ. ಝೀ ಫೈವ್ ಆ್ಯಪ್ ಬಹಳಷ್ಟು ಜನಪ್ರಿಯವಾಗಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
