<p><strong>ಮೈಸೂರು:</strong> ನಾಯಕ ಭರತ್ ಚಿಪ್ಲಿ ಮತ್ತು ಎಂ.ಜಿ.ನವೀನ್ ಅವರ ಭರ್ಜರಿ ಬ್ಯಾಟಿಂಗ್ ಬಲದಿಂದ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧ ಒಂಬತ್ತು ವಿಕೆಟ್ಗಳಿಂದ ಗೆದ್ದ ಬಿಜಾಪುರ ಬುಲ್ಸ್ ತಂಡ ಕೆಪಿಎಲ್ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯ ಫೈನಲ್ ಪ್ರವೇಶಿಸಿತು.</p>.<p>ಗಂಗೋತ್ರಿ ಗ್ಲೇಡ್ಸ್ ಕ್ರೀಡಾಂಗಣದಲ್ಲಿ ಗುರುವಾರ ಸಂಜೆ ನಡೆಯಲಿರುವ ಫೈನಲ್ನಲ್ಲಿ ಬುಲ್ಸ್ ತಂಡವು ಬೆಂಗಳೂರು ಬ್ಲಾಸ್ಟರ್ಸ್ ತಂಡದ ವಿರುದ್ಧ ಪೈಪೋಟಿ ನಡೆಸಲಿದೆ.</p>.<p>ಬುಧವಾರ ನಡೆದ ಎರಡನೇ ಸೆಮಿ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಟೈಗರ್ಸ್ 20 ಓವರ್ಗಳಲ್ಲಿ 7 ವಿಕೆಟ್ಗೆ 134 ರನ್ ಗಳಿಸಿದರೆ, ಬುಲ್ಸ್ ತಂಡ 14.5 ಓವರ್ಗಳಲ್ಲಿ 1 ವಿಕೆಟ್ ಕಳೆದುಕೊಂಡು ಜಯ ಸಾಧಿಸಿತು.</p>.<p>ಆರ್.ವಿನಯ್ ಕುಮಾರ್ ಅವರನ್ನೊಳಗೊಂಡ ಬೌಲಿಂಗ್ ವಿಭಾಗದ ಮೇಲೆ ದಂಡೆತ್ತಿ ಹೋದ ಚಿಪ್ಲಿ (73, 46 ಎಸೆತ, 9 ಬೌಂ, 3 ಸಿ.) ಮತ್ತು ನವೀನ್ (ಔಟಾಗದೆ 62, 43 ಎಸೆತ) ತಂಡಕ್ಕೆ ನಿರಾಯಾಸ ಜಯ ತಂದಿತ್ತರು.</p>.<p>ಎದುರಾಳಿ ತಂಡವನ್ನು ಸಣ್ಣ ಮೊತ್ತಕ್ಕೆ ನಿಯಂತ್ರಿಸಿ ಬ್ಯಾಟ್ಸ್ಮನ್ಗಳ ಮೇಲಿನ ಹೊರೆಯನ್ನು ತಗ್ಗಿಸಿದ ಬುಲ್ಸ್ ತಂಡದ ಬೌಲರ್ಗಳಿಗೂ ಗೆಲುವಿನ ಶ್ರೇಯ ಸಲ್ಲಬೇಕು.</p>.<p>ಮೊದಲು ಬ್ಯಾಟ್ ಮಾಡಿದ ಟೈಗರ್ಸ್ ಉತ್ತಮ ಆರಂಭದ ಹೊರತಾಗಿಯೂ ಸವಾಲಿನ ಮೊತ್ತ ಪೇರಿಸಲು ವಿಫಲ ವಾಯಿತು. ಸ್ಪಿನ್ನರ್ ಕೆ.ಪಿ.ಅಪ್ಪಣ್ಣ, ಕೆ.ಸಿ.ಕಾರ್ಯಪ್ಪ ಮತ್ತು ನವೀನ್ ಪ್ರಭಾವಿ ಬೌಲಿಂಗ್ ಮಾಡಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್:</strong> ಹುಬ್ಬಳ್ಳಿ ಟೈಗರ್ಸ್ 20 ಓವರ್ಗಳಲ್ಲಿ 7 ವಿಕೆಟ್ಗೆ 134 (ಅಭಿಷೇಕ್ ರೆಡ್ಡಿ 42, ಮೊಹಮ್ಮದ್ ತಾಹ 24, ಸುನಿಲ್ ಕುಮಾರ್ ಜೈನ್ 11, ಪ್ರವೀಣ್ ದುಬೆ 13, ಕ್ರಾಂತಿ ಕುಮಾರ್ ಔಟಾಗದೆ 24, ಕೆ.ಪಿ.ಅಪ್ಪಣ್ಣ 28ಕ್ಕೆ 2, ಸೂರಜ್ ಕಾಮತ್ 21ಕ್ಕೆ 1, ಎಂ.ಜಿ.ನವೀನ್ 36ಕ್ಕೆ 2)</p>.<p><strong>ಬಿಜಾಪುರ ಬುಲ್ಸ್:</strong> 14.5 ಓವರ್ಗಳಲ್ಲಿ 1 ವಿಕೆಟ್ಗೆ 136 (ಭರತ್ ಚಿಪ್ಲಿ 73, ಎಂ.ಜಿ.ನವೀನ್ ಔಟಾಗದೆ 62)<br /><strong>ಫಲಿತಾಂಶ: ಬುಲ್ಸ್ಗೆ 9 ವಿಕೆಟ್ ಗೆಲುವು</strong><br /><strong>ಪಂದ್ಯಶ್ರೇಷ್ಠ: ಭರತ್ ಚಿಪ್ಲಿ.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ನಾಯಕ ಭರತ್ ಚಿಪ್ಲಿ ಮತ್ತು ಎಂ.ಜಿ.ನವೀನ್ ಅವರ ಭರ್ಜರಿ ಬ್ಯಾಟಿಂಗ್ ಬಲದಿಂದ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧ ಒಂಬತ್ತು ವಿಕೆಟ್ಗಳಿಂದ ಗೆದ್ದ ಬಿಜಾಪುರ ಬುಲ್ಸ್ ತಂಡ ಕೆಪಿಎಲ್ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯ ಫೈನಲ್ ಪ್ರವೇಶಿಸಿತು.</p>.<p>ಗಂಗೋತ್ರಿ ಗ್ಲೇಡ್ಸ್ ಕ್ರೀಡಾಂಗಣದಲ್ಲಿ ಗುರುವಾರ ಸಂಜೆ ನಡೆಯಲಿರುವ ಫೈನಲ್ನಲ್ಲಿ ಬುಲ್ಸ್ ತಂಡವು ಬೆಂಗಳೂರು ಬ್ಲಾಸ್ಟರ್ಸ್ ತಂಡದ ವಿರುದ್ಧ ಪೈಪೋಟಿ ನಡೆಸಲಿದೆ.</p>.<p>ಬುಧವಾರ ನಡೆದ ಎರಡನೇ ಸೆಮಿ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಟೈಗರ್ಸ್ 20 ಓವರ್ಗಳಲ್ಲಿ 7 ವಿಕೆಟ್ಗೆ 134 ರನ್ ಗಳಿಸಿದರೆ, ಬುಲ್ಸ್ ತಂಡ 14.5 ಓವರ್ಗಳಲ್ಲಿ 1 ವಿಕೆಟ್ ಕಳೆದುಕೊಂಡು ಜಯ ಸಾಧಿಸಿತು.</p>.<p>ಆರ್.ವಿನಯ್ ಕುಮಾರ್ ಅವರನ್ನೊಳಗೊಂಡ ಬೌಲಿಂಗ್ ವಿಭಾಗದ ಮೇಲೆ ದಂಡೆತ್ತಿ ಹೋದ ಚಿಪ್ಲಿ (73, 46 ಎಸೆತ, 9 ಬೌಂ, 3 ಸಿ.) ಮತ್ತು ನವೀನ್ (ಔಟಾಗದೆ 62, 43 ಎಸೆತ) ತಂಡಕ್ಕೆ ನಿರಾಯಾಸ ಜಯ ತಂದಿತ್ತರು.</p>.<p>ಎದುರಾಳಿ ತಂಡವನ್ನು ಸಣ್ಣ ಮೊತ್ತಕ್ಕೆ ನಿಯಂತ್ರಿಸಿ ಬ್ಯಾಟ್ಸ್ಮನ್ಗಳ ಮೇಲಿನ ಹೊರೆಯನ್ನು ತಗ್ಗಿಸಿದ ಬುಲ್ಸ್ ತಂಡದ ಬೌಲರ್ಗಳಿಗೂ ಗೆಲುವಿನ ಶ್ರೇಯ ಸಲ್ಲಬೇಕು.</p>.<p>ಮೊದಲು ಬ್ಯಾಟ್ ಮಾಡಿದ ಟೈಗರ್ಸ್ ಉತ್ತಮ ಆರಂಭದ ಹೊರತಾಗಿಯೂ ಸವಾಲಿನ ಮೊತ್ತ ಪೇರಿಸಲು ವಿಫಲ ವಾಯಿತು. ಸ್ಪಿನ್ನರ್ ಕೆ.ಪಿ.ಅಪ್ಪಣ್ಣ, ಕೆ.ಸಿ.ಕಾರ್ಯಪ್ಪ ಮತ್ತು ನವೀನ್ ಪ್ರಭಾವಿ ಬೌಲಿಂಗ್ ಮಾಡಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್:</strong> ಹುಬ್ಬಳ್ಳಿ ಟೈಗರ್ಸ್ 20 ಓವರ್ಗಳಲ್ಲಿ 7 ವಿಕೆಟ್ಗೆ 134 (ಅಭಿಷೇಕ್ ರೆಡ್ಡಿ 42, ಮೊಹಮ್ಮದ್ ತಾಹ 24, ಸುನಿಲ್ ಕುಮಾರ್ ಜೈನ್ 11, ಪ್ರವೀಣ್ ದುಬೆ 13, ಕ್ರಾಂತಿ ಕುಮಾರ್ ಔಟಾಗದೆ 24, ಕೆ.ಪಿ.ಅಪ್ಪಣ್ಣ 28ಕ್ಕೆ 2, ಸೂರಜ್ ಕಾಮತ್ 21ಕ್ಕೆ 1, ಎಂ.ಜಿ.ನವೀನ್ 36ಕ್ಕೆ 2)</p>.<p><strong>ಬಿಜಾಪುರ ಬುಲ್ಸ್:</strong> 14.5 ಓವರ್ಗಳಲ್ಲಿ 1 ವಿಕೆಟ್ಗೆ 136 (ಭರತ್ ಚಿಪ್ಲಿ 73, ಎಂ.ಜಿ.ನವೀನ್ ಔಟಾಗದೆ 62)<br /><strong>ಫಲಿತಾಂಶ: ಬುಲ್ಸ್ಗೆ 9 ವಿಕೆಟ್ ಗೆಲುವು</strong><br /><strong>ಪಂದ್ಯಶ್ರೇಷ್ಠ: ಭರತ್ ಚಿಪ್ಲಿ.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
