ಕೆಪಿಎಲ್ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿ: ಬೆಳಗಾವಿಗೆ ಗೆಲುವಿನ ‘ದರ್ಶನ’

ಬೆಂಗಳೂರು: ಅಂತೂ ಇಂತೂ ಬೆಳಗಾವಿ ಪ್ಯಾಂಥರ್ಸ್ ತಂಡಕ್ಕೆ ಈ ಬಾರಿಯ ಕರ್ನಾಟಕ ಪ್ರೀಮಿಯರ್ ಲೀಗ್ (ಕೆಪಿಎಲ್) ಟೂರ್ನಿಯಲ್ಲಿ ಮೊದಲ ಗೆಲುವಿನ ‘ದರ್ಶನ’ ಆಯಿತು.

. ತಂಡದ ಮಧ್ಯಮವೇಗಿ ಎಂ.ಬಿ. ದರ್ಶನ್ (27ಕ್ಕೆ3) ಮತ್ತು ಸ್ಫೋಟಕ ಬ್ಯಾಟಿಂಗ್ ಮಾಡಿದ ಮನೀಷ್ ಪಾಂಡೆ (ಔಟಾಗದೆ 58; 30ಎಸೆತ, 4ಬೌಂಡರಿ, 4 ಸಿಕ್ಸರ್) ಅವರ ಆಟದಿಂದ ಬೆಳಗಾವಿ ತಂಡವು 8 ವಿಕೆಟ್ಗಳಿಂದ ಬೆಂಗಳೂರು ಬ್ಲಾಸ್ಟರ್ಸ್ ವಿರುದ್ಧ ಜಯಿಸಿತು.

. ಟಾಸ್ ಗೆದ್ದ ಬೆಳಗಾವಿ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಶಿಸ್ತಿನ ಬೌಲಿಂಗ್ ದಾಳಿ ಮಾಡಿದ ದರ್ಶನ್ (27ಕ್ಕೆ3) ಬೆಂಗಳೂರು ತಂಡವನ್ನು ಸಣ್ಣ ಮೊತ್ತಕ್ಕೆ ಕಟ್ಟಹಾಕಿದರು. ಬೆಂಗಳೂರಿಗೆ 20 ಓವರ್ಗಳಲ್ಲಿ 8 ವಿಕೆಟ್ಗಳಿಗೆ 110 ರನ್ ಗಳಿಸಲು ಮಾತ್ರ ಸಾಧ್ಯವಾಯಿತು.

. ಗುರಿ ಬೆನ್ನಟ್ಟಿದ ಬೆಳಗಾವಿ ತಂಡವು 11.5 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 115 ರನ್ ಗಳಿಸಿ ಗೆದ್ದಿತು. ಪಂದ್ಯ ಮುಗಿದಾಗ 49 ಎಸೆತಗಳು ಬಾಕಿ ಇದ್ದವು.

. ಮೂರನೇ ಕ್ರಮಾಂಕದಲ್ಲಿ ಕ್ರೀಸ್ಗೆ ಬಂದ ಮನೀಷ್ ಕೇವಲ 30 ಎಸೆತಗಳನ್ನು ಎದುರಿಸಿದರು. ಅದರಲ್ಲಿ ನಾಲ್ಕು ಅಮೋಘ ಸಿಕ್ಸರ್ ಮತ್ತು ನಾಲ್ಕು ಬೌಂಡರಿಗಳನ್ನು ಸಿಡಿಸಿದರು.

. ಎರಡು ದಿನಗಳ ಹಿಂದೆ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧ ಮನೀಷ್ ಶತಕ ಬಾರಿಸಿದ್ದರು. ಆದರೆ ಆ ಪಂದ್ಯದಲ್ಲಿ ತಂಡ ಗೆದ್ದಿರಲಿಲ್ಲ. ಬೆಳಗಾವಿಗೆ ಇದು ನಾಲ್ಕನೇ ಪಂದ್ಯ. ಒಟ್ಟು ಎರಡು ಸೋತಿದೆ. ಒಂದು ಮಳೆಯಿಂದಾಗಿ ರದ್ದಾಗಿದೆ.

. ದರ್ಶನ್ ಮಿಂಚು: ಬೆಂಗಳೂರು ತಂಡದ ಬ್ಯಾಟಿಂಗ್ ಪಡೆಯು ದೊಡ್ಡ ಮೊತ್ತ ಗಳಿಸದಂತೆ ದರ್ಶನ್ ನೋಡಿಕೊಂಡರು. ಅವರಿಗೆ ಝಹೂರ್ ಫಾರೂಕಿ ಮತ್ತು ರಿತೇಶ್ ಭಟ್ಕಳ ತಲಾ ಎರಡು ವಿಕೆಟ್ ಪಡೆದು ಉತ್ತಮ ಬೆಂಬಲ ನೀಡಿದರು.

. ಬೆಂಗಳೂರಿನ ಬಿ.ಆರ್. ಶರತ್ (32; 29ಎಸೆತ, 5ಬೌಂಡರಿ), ನಾಯಕ ಆರ್ ಜೋನಾಥನ್ (29 ರನ್) ಮತ್ತು ನಿಕಿನ್ ಜೋಸ್ (21 ರನ್) ಅವರಿಗಷ್ಟೇ ಎರಡಂಕಿ ಮೊತ್ತ ಗಳಿಸಲು ಸಾಧ್ಯವಾಯಿತು. ದರ್ಶನ್ ಅವರು ಶರತ್, ಜೋನಾಥನ್ ಮತ್ತು ಮನೋಜ್ ಬಾಂಢಗೆ ವಿಕೆಟ್ಗಳನ್ನು ಕಬಳಿಸಿದರು.

. ಕೊನೆ ದಿನವೂ ಖಾಲಿ : ಶುಕ್ರವಾರ ಕೆಪಿಎಲ್ ಟೂರ್ನಿಯ ಬೆಂಗಳೂರು ಲೆಗ್ ಮುಕ್ತಾಯವಾಯಿತು. ಕೊನೆಯ ದಿನದ ಪಂದ್ಯಗಳನ್ನು ವೀಕ್ಷಿಸಲು ಸುಮಾರು ಒಂದು ಸಾವಿರಕ್ಕೂ ಹೆಚ್ಚು ಜನರು ಬಂದಿದ್ದರು.

. ಆಗಸ್ಟ್ 16ರಿಂದ ಇಲ್ಲಿ ನಡೆದ ಒಟ್ಟು 15 ಪಂದ್ಯಗಳಲ್ಲಿ ಬಹುತೇಕ ಗ್ಯಾಲರಿಗಳು ಖಾಲಿ ಉಳಿದವು. ಕೆಲವು ಪಂದ್ಯಗಳಿಗೆ ಫ್ರಾಂಚೈಸಿಗಳೇ ತಮ್ಮ ಅಭಿಮಾನಿಗಳನ್ನು ಕರೆತಂದಿದ್ದರು.

. ಶನಿವಾರ ವಿಶ್ರಾಂತಿಯ ದಿನವಾಗಿದ್ದು ಭಾನುವಾರದಿಂದ ಮೈಸೂರಿನಲ್ಲಿ ಪಂದ್ಯಗಳು ನಡೆಯಲಿವೆ.

. ಸಂಕ್ಷಿಪ್ತ ಸ್ಕೋರು: ಬೆಂಗಳೂರು ಬ್ಲಾಸ್ಟರ್ಸ್: 20 ಓವರ್ಗಳಲ್ಲಿ 8 ವಿಕೆಟ್ಗಳಿಗೆ 110 (ಬಿ.ಆರ್. ಶರತ್ 32, ಆರ್. ಜೋನಾಥನ್ 29, ನಿಕಿನ್ ಜೋಸ್ 21, ಝಹೂರ್ ಫಾರೂಕಿ 23ಕ್ಕೆ2, ಎಂ.ಬಿ. ದರ್ಶನ್ 27ಕ್ಕೆ3, ರಿತೇಶ್ ಭಟ್ಕಳ 7ಕ್ಕೆ2)

. ಬೆಳಗಾವಿ ಪ್ಯಾಂಥರ್ಸ್: 11.5 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 115 (ದಿಕ್ಷಾಂಶು ನೇಗಿ 18, ಮನೀಷ್ ಪಾಂಡೆ ಔಟಾಗದೆ 58, ಅಭಿನವ್ ಮನೋಹರ್ ಔಟಾಗದೆ 22, ಮನೋಜ್ ಬಾಂಢಗೆ 29ಕ್ಕೆ1, ಭರತ್ ಧುರಿ 8ಕ್ಕೆ1)

. ಫಲಿತಾಂಶ: ಬೆಳಗಾವಿ ಪ್ಯಾಂಥರ್ಸ್ ತಂಡಕ್ಕೆ 8 ವಿಕೆಟ್ಗಳ ಜಯ. ಪಂದ್ಯಶ್ರೇಷ್ಠ: ಮನೀಷ್ ಪಾಂಡೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೆಪಿಎಲ್ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿ: ಬೆಳಗಾವಿಗೆ ಗೆಲುವಿನ ‘ದರ್ಶನ’

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ