<p><strong>ತರೂಬಾ (ಟ್ರಿನಿಡಾಡ್):</strong> ನಿರೀಕ್ಷೆ ಮೀರಿ ಸೆಮಿಫೈನಲ್ಗೆ ಲಗ್ಗೆಯಿಟ್ಟಿರುವ ಅಫ್ಗಾನಿಸ್ತಾನ ತಂಡವು, ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಮೊದಲ ಸೆಮಿಫೈನಲ್ನಲ್ಲಿ ಗುರುವಾರ ದಕ್ಷಿಣ ಆಫ್ರಿಕಾ ತಂಡವನ್ನು ಎದುರಿಸಲಿದೆ. ಆದರೆ, ಬ್ರಯಾನ್ ಲಾರಾ ಅಕಾಡೆಮಿ ಕ್ರೀಡಾಂಗಣದಲ್ಲಿ ನಡೆಯುವ ಈ ಬಹುನಿರೀಕ್ಷಿತ ಮುಖಾಮುಖಿಯಲ್ಲಿ ಯಾರೂ ಗೆದ್ದರೂ ಇತಿಹಾಸ ನಿರ್ಮಾಣವಾಗಲಿದೆ.</p>.<p>ಐತಿಹಾಸಿಕ ಸಾಧನೆಯತ್ತ ಸಾಗಲು ಅಫ್ಗಾನಿಸ್ತಾನ ತಂಡಕ್ಕೆ ಇದು ಅವಕಾಶವಾದರೆ, ಚೋಕರ್ಸ್ ಹಣೆಪಟ್ಟಿ ಕಳಚಿ ಮೊದಲ ಬಾರಿ ಪ್ರಶಸ್ತಿ ಸುತ್ತಿಗೆ ತಲುಪಲು ದಕ್ಷಿಣ ಆಫ್ರಿಕಾಕ್ಕೆ ದಾರಿಯಾಗಿದೆ. ಹೀಗಾಗಿ ಈ ಹಣಾಹಣಿ ಕುತೂಹಲಕ್ಕೆ ಕಾರಣವಾಗಿದೆ.</p>.<p>ದಕ್ಷಿಣ ಆಫ್ರಿಕಾದ ಅಜೇಯ ಓಟದೊಡನೆ ಸೆಮಿಫೈನಲ್ಗೆ ದಾಪುಗಾಲಿಟ್ಟಿದೆ. ಆದರೆ ಅಫ್ಗಾನಿಸ್ತಾನ ತಂಡದ ‘ಯಶೋಗಾಥೆ’ಗೆ ಈ ವಿಶ್ವಕಪ್ ವೇದಿಕೆಯಾಗಿದೆ.</p>.<p>ಯುದ್ಧ, ಆಂತರಿಕ ದಂಗೆಯಿಂದ ಜರ್ಝರಿತವಾಗಿರುವ ದೇಶದ ಕ್ರಿಕೆಟ್ ತಂಡ ಈ ವಿಶ್ವಕಪ್ನಲ್ಲಿ ತೋರಿರುವ ಆಟ ಚೇತೊಹಾರಿಯಾಗಿದೆ. ಲೀಗ್ ಹಂತದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಸುಲಭವಾಗಿ ಮಣಿಸಿದ್ದ ರಶೀದ್ ಖಾನ್ ಬಳಗ, ನಂತರ ಸೂಪರ್ ಎಂಟರ ಹಂತದ ನಿರ್ಣಾಯಕ ಪಂದ್ಯದಲ್ಲಿ ಪ್ರಬಲ ಆಸ್ಟ್ರೇಲಿಯಾ ತಂಡಕ್ಕೇ ದಂಗುಬಡಿಸಿತು. ಆಸ್ಟ್ರೇಲಿಯಾ ಈ ಹಿಂದೆಂದೂ ಅಫ್ಗನ್ ತಂಡಕ್ಕೆ ಮಣಿದಿರಲಿಲ್ಲ.</p>.<p>ತಂಡ ಒಬ್ಬರನ್ನೇ ಅವಲಂಬಿಸಿಲ್ಲ. ಸ್ಪಿನ್ನರ್ ರಶೀದ್ ಖಾನ್, ವೇಗದ ಬೌಲರ್ಗಳಾದ ಫಜಲ್ಹಕ್ ಫರೂಕಿ, ನವೀನ್ ಉಲ್ ಹಕ್ ಅವರು ವಿಕೆಟ್ ಪಡೆಯುವ ಬೌಲರ್ಗಳಾಗಿದ್ದಾರೆ. ಗುಲ್ಬದ್ದೀನ್ ನೈಬ್, ಆಸ್ಟ್ರೇಲಿಯಾ ವಿರುದ್ಧ ಗೆಲುವಿನ ರೂವಾರಿಯಾಗಿದ್ದರು. ಮೊಹಮ್ಮದ್ ನಬಿ ಅವರನ್ನೂ ಕಡೆಗಣಿಸುವಂತಿಲ್ಲ.</p>.<p>ಆರಂಭ ಆಟಗಾರ ರಹಮಾನುಲ್ಲಾ ಗುರ್ಬಾಝ್ 281 ರನ್ ಗಳಿಸಿ ಬ್ಯಾಟರ್ಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಫರೂಕಿ 16 ವಿಕೆಟ್ಗಳೊಡನೆ ಬೌಲರ್ಗಳ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಇದು ಈ ತಂಡ ಸುಲಭವಾಗಿ ಬಗ್ಗದ ತಂಡ ಎಂಬುದನ್ನು ಸೂಚಿಸುವಂತಿದೆ.</p>.<p>ಆದರೆ ಮೊದಲ ಬಾರಿ ವಿಶ್ವಕಪ್ ಸೆಮಿಫೈನಲ್ ಆಡುತ್ತಿರುವ ಈ ತಂಡ, ಪ್ರಬಲ ದಕ್ಷಿಣ ಆಫ್ರಿಕಾ ವಿರುದ್ಧ ಆಡುವಾಗ ಮೈಮರೆಯುವಂತಿಲ್ಲ. </p>.<p>ಈ ಹಿಂದೆ ವಿಶ್ವದರ್ಜೆಯ ಆಟಗಾರರನ್ನು ಹೊಂದಿದ್ದರೂ, ದಕ್ಷಿಣ ಆಫ್ರಿಕಾ ತಂಡ ಟಿ20 ಅಥವಾ ಏಕದಿನ ವಿಶ್ವಕಪ್ಗಳಲ್ಲಿ ಎಂದೂ ಪ್ರಶಸ್ತಿ ಸುತ್ತಿಗೆ ತಲುಪಿಲ್ಲ. ಆ ಹಣೆಪಟ್ಟಿಯನ್ನು ಕಳಚಲು ಈಗ ಒಳ್ಳೆಯ ಅವಕಾಶವಿದೆ.</p>.<p>ಈ ಬಾರಿ ಕೆಲವು ರೋಚಕ ಪಂದ್ಯಗಳನ್ನೂ ಗೆಲ್ಲುವ ಮೂಲಕ ಏಡನ್ ಮರ್ಕರಂ ಬಳಗ ಸಕಾರಾತ್ಮಕ ಸಂಕೇತಗಳನ್ನು ರವಾನಿಸಿದೆ. ನೇಪಾಳ ವಿರುದ್ಧ ಒಂದು ರನ್, ಬಾಂಗ್ಲಾದೇಶ ವಿರುದ್ಧ ನಾಲ್ಕು ರನ್ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧ ಮೂರು ವಿಕೆಟ್ ಜಯ ಇಲ್ಲಿ ಉಲ್ಲೇಖನೀಯ.</p>.<p>ಬ್ಯಾಟಿಂಗ್ ವಿಭಾಗದಲ್ಲಿ ಸುಧಾರಣೆ ಕಾಣಬೇಕಾಗಿದೆ. ಈಗ ಅಗ್ರ 10 ಆಟಗಾರರಲ್ಲಿ ಆ ತಂಡದಿಂದ ಕ್ವಿಂಟನ್ ಡಿಕಾಕ್ (7 ಪಂದ್ಯಗಳಿಂದ 199 ರನ್) ಮಾತ್ರ ಸ್ಥಾನ ಪಡೆದಿದ್ದಾರೆ.</p>.<p><strong>ತಂಡಗಳು:</strong></p>.<p>ಬಾಂಗ್ಲಾದೇಶ: ರಶೀದ್ ಖಾನ್ (ನಾಯಕ), ರಹಮಾನುಲ್ಲಾ ಗುರ್ಬಾಜ್, ಇಬ್ರಾಹಿಂ ಜದ್ರಾನ್, ಅಜ್ಮತ್ಉಲ್ಲಾ ಒಮರ್ಝೈ, ನಜೀಬುಲ್ಲಾ ಜದ್ರಾನ್, ಮೊಹಮ್ಮದ್ ಇಶಾಖ್, ಮೊಹಮ್ಮದ್ ನಬಿ, ಗುಲ್ಬದಿನ್ ನೈಬ್, ಕರಿಮ್ ಜನತ್, ನಂಗ್ಯಾಲ್ ಖರೋಟಿ, ಮುಜೀಬ್ ಉರ್ ರಹಮಾನ್, ನೂರ್ ಅಹ್ಮದ್, ನವೀನ್–ಉಲ್–ಹಕ್, ಫಜಲ್ಹಕ್ ಫರೂಖಿ.</p>.<p>ದಕ್ಷಿಣ ಆಫ್ರಿಕಾ: ಏಡನ್ ಮರ್ಕರಂ (ನಾಯಕ), ಒಟ್ಟನೆಲ್ ಬಾರ್ತ್ಮನ್, ಜೆರಾಲ್ಡ್ ಕೋಝಿ, ಕ್ವಿಂಟನ್ ಡಿಕಾಕ್, ರೀಜಾ ಹೆಂಡ್ರಿಕ್ಸ್, ಮಾರ್ಕೊ ಯಾನ್ಸನ್, ಹೆನ್ರಿಚ್ ಕ್ಲಾಸೆನ್, ಕೇಶವ್ ಮಹಾರಾಜ್, ಡೇವಿಡ್ ಮಿಲ್ಲರ್, ಆ್ಯನ್ರಿಚ್ ನಾಕಿಯಾ, ಕಗಿಸೊ ರಬಾಡ, ತಬ್ರೇಜ್ ಸಂಶಿ, ಟ್ರಿಸ್ಟನ್ ಸ್ಟಬ್ಸ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತರೂಬಾ (ಟ್ರಿನಿಡಾಡ್):</strong> ನಿರೀಕ್ಷೆ ಮೀರಿ ಸೆಮಿಫೈನಲ್ಗೆ ಲಗ್ಗೆಯಿಟ್ಟಿರುವ ಅಫ್ಗಾನಿಸ್ತಾನ ತಂಡವು, ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಮೊದಲ ಸೆಮಿಫೈನಲ್ನಲ್ಲಿ ಗುರುವಾರ ದಕ್ಷಿಣ ಆಫ್ರಿಕಾ ತಂಡವನ್ನು ಎದುರಿಸಲಿದೆ. ಆದರೆ, ಬ್ರಯಾನ್ ಲಾರಾ ಅಕಾಡೆಮಿ ಕ್ರೀಡಾಂಗಣದಲ್ಲಿ ನಡೆಯುವ ಈ ಬಹುನಿರೀಕ್ಷಿತ ಮುಖಾಮುಖಿಯಲ್ಲಿ ಯಾರೂ ಗೆದ್ದರೂ ಇತಿಹಾಸ ನಿರ್ಮಾಣವಾಗಲಿದೆ.</p>.<p>ಐತಿಹಾಸಿಕ ಸಾಧನೆಯತ್ತ ಸಾಗಲು ಅಫ್ಗಾನಿಸ್ತಾನ ತಂಡಕ್ಕೆ ಇದು ಅವಕಾಶವಾದರೆ, ಚೋಕರ್ಸ್ ಹಣೆಪಟ್ಟಿ ಕಳಚಿ ಮೊದಲ ಬಾರಿ ಪ್ರಶಸ್ತಿ ಸುತ್ತಿಗೆ ತಲುಪಲು ದಕ್ಷಿಣ ಆಫ್ರಿಕಾಕ್ಕೆ ದಾರಿಯಾಗಿದೆ. ಹೀಗಾಗಿ ಈ ಹಣಾಹಣಿ ಕುತೂಹಲಕ್ಕೆ ಕಾರಣವಾಗಿದೆ.</p>.<p>ದಕ್ಷಿಣ ಆಫ್ರಿಕಾದ ಅಜೇಯ ಓಟದೊಡನೆ ಸೆಮಿಫೈನಲ್ಗೆ ದಾಪುಗಾಲಿಟ್ಟಿದೆ. ಆದರೆ ಅಫ್ಗಾನಿಸ್ತಾನ ತಂಡದ ‘ಯಶೋಗಾಥೆ’ಗೆ ಈ ವಿಶ್ವಕಪ್ ವೇದಿಕೆಯಾಗಿದೆ.</p>.<p>ಯುದ್ಧ, ಆಂತರಿಕ ದಂಗೆಯಿಂದ ಜರ್ಝರಿತವಾಗಿರುವ ದೇಶದ ಕ್ರಿಕೆಟ್ ತಂಡ ಈ ವಿಶ್ವಕಪ್ನಲ್ಲಿ ತೋರಿರುವ ಆಟ ಚೇತೊಹಾರಿಯಾಗಿದೆ. ಲೀಗ್ ಹಂತದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಸುಲಭವಾಗಿ ಮಣಿಸಿದ್ದ ರಶೀದ್ ಖಾನ್ ಬಳಗ, ನಂತರ ಸೂಪರ್ ಎಂಟರ ಹಂತದ ನಿರ್ಣಾಯಕ ಪಂದ್ಯದಲ್ಲಿ ಪ್ರಬಲ ಆಸ್ಟ್ರೇಲಿಯಾ ತಂಡಕ್ಕೇ ದಂಗುಬಡಿಸಿತು. ಆಸ್ಟ್ರೇಲಿಯಾ ಈ ಹಿಂದೆಂದೂ ಅಫ್ಗನ್ ತಂಡಕ್ಕೆ ಮಣಿದಿರಲಿಲ್ಲ.</p>.<p>ತಂಡ ಒಬ್ಬರನ್ನೇ ಅವಲಂಬಿಸಿಲ್ಲ. ಸ್ಪಿನ್ನರ್ ರಶೀದ್ ಖಾನ್, ವೇಗದ ಬೌಲರ್ಗಳಾದ ಫಜಲ್ಹಕ್ ಫರೂಕಿ, ನವೀನ್ ಉಲ್ ಹಕ್ ಅವರು ವಿಕೆಟ್ ಪಡೆಯುವ ಬೌಲರ್ಗಳಾಗಿದ್ದಾರೆ. ಗುಲ್ಬದ್ದೀನ್ ನೈಬ್, ಆಸ್ಟ್ರೇಲಿಯಾ ವಿರುದ್ಧ ಗೆಲುವಿನ ರೂವಾರಿಯಾಗಿದ್ದರು. ಮೊಹಮ್ಮದ್ ನಬಿ ಅವರನ್ನೂ ಕಡೆಗಣಿಸುವಂತಿಲ್ಲ.</p>.<p>ಆರಂಭ ಆಟಗಾರ ರಹಮಾನುಲ್ಲಾ ಗುರ್ಬಾಝ್ 281 ರನ್ ಗಳಿಸಿ ಬ್ಯಾಟರ್ಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಫರೂಕಿ 16 ವಿಕೆಟ್ಗಳೊಡನೆ ಬೌಲರ್ಗಳ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಇದು ಈ ತಂಡ ಸುಲಭವಾಗಿ ಬಗ್ಗದ ತಂಡ ಎಂಬುದನ್ನು ಸೂಚಿಸುವಂತಿದೆ.</p>.<p>ಆದರೆ ಮೊದಲ ಬಾರಿ ವಿಶ್ವಕಪ್ ಸೆಮಿಫೈನಲ್ ಆಡುತ್ತಿರುವ ಈ ತಂಡ, ಪ್ರಬಲ ದಕ್ಷಿಣ ಆಫ್ರಿಕಾ ವಿರುದ್ಧ ಆಡುವಾಗ ಮೈಮರೆಯುವಂತಿಲ್ಲ. </p>.<p>ಈ ಹಿಂದೆ ವಿಶ್ವದರ್ಜೆಯ ಆಟಗಾರರನ್ನು ಹೊಂದಿದ್ದರೂ, ದಕ್ಷಿಣ ಆಫ್ರಿಕಾ ತಂಡ ಟಿ20 ಅಥವಾ ಏಕದಿನ ವಿಶ್ವಕಪ್ಗಳಲ್ಲಿ ಎಂದೂ ಪ್ರಶಸ್ತಿ ಸುತ್ತಿಗೆ ತಲುಪಿಲ್ಲ. ಆ ಹಣೆಪಟ್ಟಿಯನ್ನು ಕಳಚಲು ಈಗ ಒಳ್ಳೆಯ ಅವಕಾಶವಿದೆ.</p>.<p>ಈ ಬಾರಿ ಕೆಲವು ರೋಚಕ ಪಂದ್ಯಗಳನ್ನೂ ಗೆಲ್ಲುವ ಮೂಲಕ ಏಡನ್ ಮರ್ಕರಂ ಬಳಗ ಸಕಾರಾತ್ಮಕ ಸಂಕೇತಗಳನ್ನು ರವಾನಿಸಿದೆ. ನೇಪಾಳ ವಿರುದ್ಧ ಒಂದು ರನ್, ಬಾಂಗ್ಲಾದೇಶ ವಿರುದ್ಧ ನಾಲ್ಕು ರನ್ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧ ಮೂರು ವಿಕೆಟ್ ಜಯ ಇಲ್ಲಿ ಉಲ್ಲೇಖನೀಯ.</p>.<p>ಬ್ಯಾಟಿಂಗ್ ವಿಭಾಗದಲ್ಲಿ ಸುಧಾರಣೆ ಕಾಣಬೇಕಾಗಿದೆ. ಈಗ ಅಗ್ರ 10 ಆಟಗಾರರಲ್ಲಿ ಆ ತಂಡದಿಂದ ಕ್ವಿಂಟನ್ ಡಿಕಾಕ್ (7 ಪಂದ್ಯಗಳಿಂದ 199 ರನ್) ಮಾತ್ರ ಸ್ಥಾನ ಪಡೆದಿದ್ದಾರೆ.</p>.<p><strong>ತಂಡಗಳು:</strong></p>.<p>ಬಾಂಗ್ಲಾದೇಶ: ರಶೀದ್ ಖಾನ್ (ನಾಯಕ), ರಹಮಾನುಲ್ಲಾ ಗುರ್ಬಾಜ್, ಇಬ್ರಾಹಿಂ ಜದ್ರಾನ್, ಅಜ್ಮತ್ಉಲ್ಲಾ ಒಮರ್ಝೈ, ನಜೀಬುಲ್ಲಾ ಜದ್ರಾನ್, ಮೊಹಮ್ಮದ್ ಇಶಾಖ್, ಮೊಹಮ್ಮದ್ ನಬಿ, ಗುಲ್ಬದಿನ್ ನೈಬ್, ಕರಿಮ್ ಜನತ್, ನಂಗ್ಯಾಲ್ ಖರೋಟಿ, ಮುಜೀಬ್ ಉರ್ ರಹಮಾನ್, ನೂರ್ ಅಹ್ಮದ್, ನವೀನ್–ಉಲ್–ಹಕ್, ಫಜಲ್ಹಕ್ ಫರೂಖಿ.</p>.<p>ದಕ್ಷಿಣ ಆಫ್ರಿಕಾ: ಏಡನ್ ಮರ್ಕರಂ (ನಾಯಕ), ಒಟ್ಟನೆಲ್ ಬಾರ್ತ್ಮನ್, ಜೆರಾಲ್ಡ್ ಕೋಝಿ, ಕ್ವಿಂಟನ್ ಡಿಕಾಕ್, ರೀಜಾ ಹೆಂಡ್ರಿಕ್ಸ್, ಮಾರ್ಕೊ ಯಾನ್ಸನ್, ಹೆನ್ರಿಚ್ ಕ್ಲಾಸೆನ್, ಕೇಶವ್ ಮಹಾರಾಜ್, ಡೇವಿಡ್ ಮಿಲ್ಲರ್, ಆ್ಯನ್ರಿಚ್ ನಾಕಿಯಾ, ಕಗಿಸೊ ರಬಾಡ, ತಬ್ರೇಜ್ ಸಂಶಿ, ಟ್ರಿಸ್ಟನ್ ಸ್ಟಬ್ಸ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
