IND vs AUS | ಸೂರ್ಯ, ಇಶಾನ್, ರಿಂಕು ಅಬ್ಬರ; ಭಾರತಕ್ಕೆ ರೋಚಕ ಜಯ

ವಿಶಾಖಪಟ್ಟಣ: ಕೊನೆಯ ಎಸೆತದವರೆಗೂ ನೋಡುಗರನ್ನು ತುದಿಗಾಲಿನಲ್ಲಿ ನಿಲ್ಲಿಸಿದ್ದ ಟಿ20 ಪಂದ್ಯದಲ್ಲಿ ಭಾರತ ತಂಡವು ಜಯಭೇರಿ ಬಾರಿಸಿತು. ಆಸ್ಟ್ರೇಲಿಯಾ ಸೋತಿತು.

ಗುರುವಾರ ವಿಸಿಎ ಕ್ರೀಡಾಂಗಣದಲ್ಲಿ ನಡೆದ ಟಿ20 ಸರಣಿಯ ಮೊದಲ ಪಂದ್ಯದಲ್ಲಿ 209 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿದ್ದ ಭಾರತ ತಂಡವು ಇಶಾನ್ ಕಿಶನ್ (58; 39ಎ) ಮತ್ತು ನಾಯಕ ಸೂರ್ಯಕುಮಾರ್ ಯಾದವ್ (80; 42ಎ) ಅವರ ಬೀಸಾಟದ ಬಲದಿಂದ 2 ವಿಕೆಟ್ಗಳಿಂದ ಜಯಿಸಿತು.

ಆದರೆ, ತಂಡದ ಗೆಲುವಿಗೆ 15 ಎಸೆತಗಳಲ್ಲಿ 15 ರನ್ಗಳು ಬೇಕಿದ್ದ ಸಂದರ್ಭದಲ್ಲಿ ಸೂರ್ಯಕುಮಾರ್ ಅವರು ಬೆಹ್ರೆನ್ಡಾರ್ಫ್ ಎಸೆತವನ್ನು ಸಿಕ್ಸ್ಗೆ ಎತ್ತಲು ಹೋಗಿ ಆ್ಯರನ್ ಹಾರ್ಡಿಗೆ ಕ್ಯಾಚಿತ್ತರು. ಈ ಹಂತದಲ್ಲಿ ಆಸ್ಟ್ರೇಲಿಯಾ ತಂಡದ ನಾಯಕ ಮ್ಯಾಥ್ಯೂ ವೇಡ್ ಮಾಡಿದ ತಂತ್ರಗಾರಿಕೆ ಗಮನ ಸೆಳೆದವು. ಬೌಲರ್ಗಳು ಬಿಗಿ ದಾಳಿ ನಡೆಸಲು ಯತ್ನಿಸಿದರು. ಕ್ಷೇತ್ರ ರಕ್ಷಕರು ಚುರುಕಾಗಿ ಆಡಿದರು.

ಇದರ ಫಲವಾಗಿ ಕೇವಲ 13 ರನ್ಗಳ ಅಂತರದಲ್ಲಿ ಭಾರತದ ನಾಲ್ಕು ವಿಕೆಟ್ಗಳು ಪತನವಾದವು. ಅದರಲ್ಲೂ ಕೊನೆಯ ಓವರ್ನಲ್ಲಿ ಏಳು ರನ್ಗಳ ಅಗತ್ಯವಿತ್ತು. ವೇಗಿ ಸೀನ್ ಅಬಾಟ್ ಹಾಕಿದ ಓವರ್ನಲ್ಲಿಯೇ ಮೂವರು ಬ್ಯಾಟರ್ಗಳು ಔಟಾದರು. ಅಕ್ಷರ್ ಪಟೇಲ್ ಅವರ ಕ್ಯಾಚ್ ಅನ್ನು ಅಬಾಟ್ ಅವರೇ ಪಡೆದರೆ, ರವಿ ಬಿಷ್ಣೋಯಿ ಮತ್ತು ಆರ್ಷದೀಪ್ ಸಿಂಗ್ ರನ್ಔಟ್ ಆದರು.

ಇದರಿಂದಾಗಿ ಕೊನೆಯ ಒಂದು ಎಸೆತದಲ್ಲಿ ಒಂದು ರನ್ ಮಾತ್ರ ಬೇಕಿತ್ತು. ಕ್ರೀಸ್ನಲ್ಲಿದ್ದ ರಿಂಕು ಸಿಂಗ್ ಚೆಂಡನ್ನು ಲಾಂಗ್ ಆನ್ ಗೆರೆಯನ್ನು ದಾಟಿಸುವಲ್ಲಿ ಯಶಸ್ವಿಯಾದರು. ಆದರೆ ಅಬಾಟ್ ಓವರ್ಸ್ಟೆಪ್ ಮಾಡಿದ್ದರಿಂದ ನೋಬಾಲ್ ಆಗಿತ್ತು. ನಿಯಮದ ಪ್ರಕಾರ ಇದನ್ನು ಒಂದು ರನ್ ಎಂದು ಪರಿಗಣಿಸಲಾಯಿತು. ಸ್ಕೋರ್ಬುಕ್ನಲ್ಲಿ ಸಿಕ್ಸರ್ ಸೇರ್ಪಡೆಯಾಗಲಿಲ್ಲ.

ನಾಲ್ಕು ದಿನಗಳ ಹಿಂದಷ್ಟೇ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಫೈನಲ್ನಲ್ಲಿ ಆಸ್ಟ್ರೇಲಿಯಾ ಸೋತಿದ್ದ ಭಾರತ ಇಲ್ಲಿ ಗೆಲುವಿನ ಸಂಭ್ರಮ ಆಚರಿಸಿತು. ಐದು ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ ಸಾಧಿಸಿತು.

ಇಲ್ಲಿ ಟಾಸ್ ಗೆದ್ದ ಆತಿಥೇಯ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. 50 ಎಸೆತಗಳಲ್ಲಿ 110 ರನ್ ಗಳಿಸಿದ ಜೋಶ್ ಇಂಗ್ಲಿಸ್ ಬಲದಿಂದ ಆಸ್ಟ್ರೇಲಿಯಾ ತಂಡವು 20 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 208 ರನ್ ಗಳಿಸಿತು. ಚುಟುಕು ಮಾದರಿಯಲ್ಲಿ ಆಸ್ಟ್ರೇಲಿಯಾ ತಂಡವು ಭಾರತದ ಎದುರು ದಾಖಲಿಸಿದ ಗರಿಷ್ಠ ಮೊತ್ತ ಇದು. ಜೋಶ್ ಅವರಿಗೂ ಇದು ಚೊಚ್ಚಲ ಶತಕ.

ಇನಿಂಗ್ಸ್ ಆರಂಭಿಸಿದ ಸ್ಟೀವನ್ ಸ್ಮಿತ್ (52; 41ಎ) ಮತ್ತು ಮ್ಯಾಥ್ಯೂ ಶಾರ್ಟ್ (13 ರನ್) ಉತ್ತಮ ಅಡಿಪಾಯ ಹಾಕುವ ಪ್ರಯತ್ನ ಮಾಡಿದರು. ಐದನೇ ಓವರ್ನಲ್ಲಿ ಸ್ಪಿನ್ನರ್ ರವಿ ಬಿಷ್ಣೋಯಿ ಎಸೆತದಲ್ಲಿ ಶಾರ್ಟ್ ಕ್ಲೀನ್ ಬೌಲ್ಡ್ ಆದರು. ಅದೇ ಓವರ್ನಲ್ಲಿ ಸ್ಮಿತ್ ನೇರಕ್ಕೆ ಹೊಡೆದಿದ್ದ ಚೆಂಡನ್ನು ಕ್ಯಾಚ್ ಮಾಡುವ ರವಿ ಪ್ರಯತ್ನಕ್ಕೆ ಫಲ ಸಿಗಲಿಲ್ಲ.

ಕ್ರೀಸ್ಗೆ ಬಂದ 28 ವರ್ಷದ ಬಲಗೈ ಬ್ಯಾಟರ್ ಜೋಶ್ ಎಲ್ಲ ಬೌಲರ್ಗಳನ್ನೂ ದಂಡಿಸಿದರು. ಕೇವಲ 29 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದರು. ನಂತರದ 18 ಎಸೆತಗಳಲ್ಲಿ ಶತಕದ ಗಡಿಯನ್ನೂ ದಾಟಿದರು.

ಅವರು ಸ್ಮಿತ್ ಜೊತೆಗೆ ಎರಡನೇ ವಿಕೆಟ್ ಜೊತೆಯಾಟದಲ್ಲಿ 66 ಎಸೆತಗಳಲ್ಲಿ 130 ರನ್ ಸೇರಿಸಿದರು. ಅದರಲ್ಲಿ ಸ್ಮಿತ್ ಪಾಲು 36 ರನ್ಗಳು ಮಾತ್ರ. ಉಳಿದದ್ದು ಜೋಶ್ ಅವರ ಕಾಣಿಕೆ. ಭಾರತದ ಬೌಲರ್ಗಳು ದುಬಾರಿಯಾದರು.

ಗುರಿ ಬೆನ್ನಟ್ಟಿದ ಭಾರತ ತಂಡಕ್ಕೆ ಮೊದಲ ಓವರ್ನಲ್ಲಿ ಆಘಾತ ಎದುರಾಯಿತು. ಋತುರಾಜ್ ಗಾಯಕವಾಡ್ ರನ್ಔಟ್ ಆದರು. ಯಶಸ್ವಿ ಜೈಸ್ವಾಲ್ ಎಂಟು ಎಸೆತಗಳಲ್ಲಿ 21 ರನ್ ಗಳಿಸಿದರು. ಆದರೆ ಮೂರನೇ ಓವರ್ನಲ್ಲಿ ಔಟಾದರು.

ಈ ಹಂತದಲ್ಲಿ ಜೊತೆಗೂಡಿದ ಇಶಾನ್ ಮತ್ತು ಸೂರ್ಯ ಜೊತೆಯಾಟದಲ್ಲಿ 112 ರನ್ ಸೇರಿದವು. ಇಶಾನ್ ಔಟಾದ ನಂತರವೂ ಸೂರ್ಯ ಬೀಸಾಟ ನಿಲ್ಲಲಿಲ್ಲ. ಅವರು ಒಂಬತ್ತು ಸಿಕ್ಸರ್ಗಳನ್ನೂ ಸಿಡಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

IND vs AUS | ಸೂರ್ಯ, ಇಶಾನ್, ರಿಂಕು ಅಬ್ಬರ; ಭಾರತಕ್ಕೆ ರೋಚಕ ಜಯ

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

Gold and Silver Rate: ಚಿನ್ನದ ದರ ₹1,300, ಬೆಳ್ಳಿ ₹4,600 ಇಳಿಕೆ

ಚಿನಕುರುಳಿ: ಸೋಮವಾರ, 04 ನವೆಂಬರ್‌ 2024

Oscars 2025ಗೆ ಅರ್ಹತೆ ಪಡೆದ ಕನ್ನಡದ ‘ಸೂರ್ಯಕಾಂತಿ ಹೂಗೆ ಮೊದಲು ಗೊತ್ತಾಗಿದ್ದು’

ಪ್ಯಾರಿಸ್ ಒಲಿಂ‍ಪಿಕ್ಸ್‌ನ ವಿಜೇತ ಕುಸ್ತಿಪಟು ಇಮಾನ್ ಖಲೀಫ್ ಹೆಣ್ಣಲ್ಲ... ಗಂಡು?

PHOTOS | ವಿರಾಟ್ ಕೊಹ್ಲಿಗೆ ಹುಟ್ಟುಹಬ್ಬದ ಸಂಭ್ರಮ

ಮೊದಲ ಪಂದ್ಯ ರೋಹಿತ್ ಆಡದಿದ್ದರೆ ಸಂಪೂರ್ಣ ಸರಣಿಗೆ ಬೂಮ್ರಾ ನಾಯಕರಾಗಲಿ: ಗವಾಸ್ಕರ್

ಸೈಯ್ಯದ್ ಮುಷ್ತಾಕ್ ಅಲಿ ಟ್ರೋಫಿ ಸಂಭವನೀಯರ ಪಟ್ಟಿಯಲ್ಲಿ ಸ್ಮರಣ್‌

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

Gold and Silver Rate: ಚಿನ್ನದ ದರ ₹1,300, ಬೆಳ್ಳಿ ₹4,600 ಇಳಿಕೆ

ಚಿನಕುರುಳಿ: ಸೋಮವಾರ, 04 ನವೆಂಬರ್‌ 2024

Oscars 2025ಗೆ ಅರ್ಹತೆ ಪಡೆದ ಕನ್ನಡದ ‘ಸೂರ್ಯಕಾಂತಿ ಹೂಗೆ ಮೊದಲು ಗೊತ್ತಾಗಿದ್ದು’