<p><strong>ಶಾರ್ಜಾ</strong>: 40ರ ಅಂಚಿನ ಹರೆಯದಲ್ಲೂ ಪಾಕಿಸ್ತಾನ ತಂಡದ ಅವಿಭಾಜ್ಯ ಅಂಗವಾಗಿ ಪಂದ್ಯಗಳನ್ನು ಗೆಲ್ಲಿಸಿಕೊಡುತ್ತಿರುವ ಶೋಯಬ್ ಮಲಿಕ್ ಅವರ ಯಶಸ್ಸಿನ ಗುಟ್ಟೆಂದರೆ ನಿರಂತರ ತರಬೇತಿ, ಫಿಟ್ನೆಸ್ ಹಾಗೂ ಆಟದ ಮೇಲಿನ ಪ್ರೀತಿ.</p>.<p>ಇನ್ನೂ ಮೂರು ತಿಂಗಳ ಬಳಿಕ 40ನೇ ವಯಸ್ಸಿಗೆ ಕಾಲಿಡಲಿರುವ ಮಲಿಕ್, ಭಾನುವಾರ ಸ್ಕಾಟ್ಲೆಂಡ್ ಎದುರಿನ ಟಿ20 ವಿಶ್ವಕಪ್ ಟೂರ್ನಿಯ ಪಂದ್ಯದಲ್ಲಿ ಅಬ್ಬರಿಸಿದ್ದರು. 18 ಎಸೆತಗಳಲ್ಲಿ 54 ರನ್ ಸಿಡಿಸಿದ್ದ ಅವರ ಆಟದ ಬಲದಿಂದ ತಂಡವು 72 ರನ್ಗಳಿಂದ ಗೆಲುವು ಸಾಧಿಸಿತ್ತು.</p>.<p>ಮಲಿಕ್ 20 ವರ್ಷಗಳಿಗಿಂತ ಅಧಿಕ ಕಾಲ ತಂಡದಲ್ಲಿದ್ದಾರೆ. ಅವರು ಪದಾರ್ಪಣೆ ಮಾಡಿದ ಹೊತ್ತಿನಲ್ಲಿ ಈಗಿನ ತಾರಾ ವೇಗಿ ಶಹೀನ್ ಶಾ ಆಫ್ರಿದಿ ಸೇರಿದಂತೆ ಕೆಲವು ಆಟಗಾರರು ಜನಿಸಿರಲಿಲ್ಲ.</p>.<p><strong>ಇದನ್ನೂ ಓದಿ:</strong><a href="https://cms.prajavani.net/sports/cricket/t20-wc-babar-azam-shoaib-malik-hits-fifty-as-pakistan-beats-scotland-secures-fifth-consecutive-wins-881885.html" itemprop="url">T20 WC: ಬಾಬರ್, ಮಲಿಕ್ ಅಬ್ಬರ; ಪಾಕ್ಗೆ ಸತತ 5ನೇ ಗೆಲುವು </a></p>.<p>‘ನಾನು ಯಾವಾಗಲೂ ಫಿಟ್ ಆಗಿರಲು ಯೋಚಿಸುತ್ತೇನೆ. ಕ್ರಿಕೆಟ್ ಆಟವನ್ನು ಈಗಲೂ ಆಸ್ವಾದಿಸುತ್ತೇನೆ. ಅಂತಿಮವಾಗಿ ಇದರಿಂದ ನನಗೆ ಹಾಗೂ ತಂಡಕ್ಕೆ ಅನುಕೂಲವಾಗುತ್ತದೆ‘ ಎಂದು ಸ್ಕಾಟ್ಲೆಂಡ್ ಎದುರಿನ ಪಂದ್ಯದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಲಿಕ್ ತಿಳಿಸಿದರು.</p>.<p>ಮಲಿಕ್ ಅವರು ಭಾನುವಾರ ಸಿಡಿಸಿದ್ದ ಅರ್ಧಶತಕವು ಈ ಬಾರಿಯ ಟೂರ್ನಿಯ ಜಂಟಿ ಅತಿವೇಗದ ಅರ್ಧಶತಕವಾಗಿತ್ತು. ಭಾರತದ ಕೆ.ಎಲ್.ರಾಹುಲ್ ಕೂಡ ಸ್ಕಾಟ್ಲೆಂಡ್ ಎದುರು ಇಷ್ಟೇ ಎಸೆತಗಳಲ್ಲಿ ಅರ್ಧಶತಕ ಹೊಡೆದಿದ್ದರು.</p>.<p>‘ಯಾವಾಗಲೂ ಫಿಟ್ ಆಗಿರಬೇಕೆಂದರೆ ಪ್ರತಿದಿನ ದೇಹವನ್ನು ದಂಡಿಸಬೇಕಾಗುತ್ತದೆ. ಅದನ್ನೇ ನಾನು ಮಾಡುತ್ತಿದ್ದೇನೆ. ಇನ್ನೂ ಎಷ್ಟು ವರ್ಷ ಆಡುತ್ತೇನೆಯೊ ಗೊತ್ತಿಲ್ಲ, ಈಗ ವೃತ್ತಿಜೀವನದ ಪ್ರಮುಖ ಘಟ್ಟದಲ್ಲಿದ್ದು ಅದರ ಬಗ್ಗೆ ಚಿಂತಿಸುವುದೂ ಇಲ್ಲ‘ ಎಂದು ಮಲಿಕ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಾರ್ಜಾ</strong>: 40ರ ಅಂಚಿನ ಹರೆಯದಲ್ಲೂ ಪಾಕಿಸ್ತಾನ ತಂಡದ ಅವಿಭಾಜ್ಯ ಅಂಗವಾಗಿ ಪಂದ್ಯಗಳನ್ನು ಗೆಲ್ಲಿಸಿಕೊಡುತ್ತಿರುವ ಶೋಯಬ್ ಮಲಿಕ್ ಅವರ ಯಶಸ್ಸಿನ ಗುಟ್ಟೆಂದರೆ ನಿರಂತರ ತರಬೇತಿ, ಫಿಟ್ನೆಸ್ ಹಾಗೂ ಆಟದ ಮೇಲಿನ ಪ್ರೀತಿ.</p>.<p>ಇನ್ನೂ ಮೂರು ತಿಂಗಳ ಬಳಿಕ 40ನೇ ವಯಸ್ಸಿಗೆ ಕಾಲಿಡಲಿರುವ ಮಲಿಕ್, ಭಾನುವಾರ ಸ್ಕಾಟ್ಲೆಂಡ್ ಎದುರಿನ ಟಿ20 ವಿಶ್ವಕಪ್ ಟೂರ್ನಿಯ ಪಂದ್ಯದಲ್ಲಿ ಅಬ್ಬರಿಸಿದ್ದರು. 18 ಎಸೆತಗಳಲ್ಲಿ 54 ರನ್ ಸಿಡಿಸಿದ್ದ ಅವರ ಆಟದ ಬಲದಿಂದ ತಂಡವು 72 ರನ್ಗಳಿಂದ ಗೆಲುವು ಸಾಧಿಸಿತ್ತು.</p>.<p>ಮಲಿಕ್ 20 ವರ್ಷಗಳಿಗಿಂತ ಅಧಿಕ ಕಾಲ ತಂಡದಲ್ಲಿದ್ದಾರೆ. ಅವರು ಪದಾರ್ಪಣೆ ಮಾಡಿದ ಹೊತ್ತಿನಲ್ಲಿ ಈಗಿನ ತಾರಾ ವೇಗಿ ಶಹೀನ್ ಶಾ ಆಫ್ರಿದಿ ಸೇರಿದಂತೆ ಕೆಲವು ಆಟಗಾರರು ಜನಿಸಿರಲಿಲ್ಲ.</p>.<p><strong>ಇದನ್ನೂ ಓದಿ:</strong><a href="https://cms.prajavani.net/sports/cricket/t20-wc-babar-azam-shoaib-malik-hits-fifty-as-pakistan-beats-scotland-secures-fifth-consecutive-wins-881885.html" itemprop="url">T20 WC: ಬಾಬರ್, ಮಲಿಕ್ ಅಬ್ಬರ; ಪಾಕ್ಗೆ ಸತತ 5ನೇ ಗೆಲುವು </a></p>.<p>‘ನಾನು ಯಾವಾಗಲೂ ಫಿಟ್ ಆಗಿರಲು ಯೋಚಿಸುತ್ತೇನೆ. ಕ್ರಿಕೆಟ್ ಆಟವನ್ನು ಈಗಲೂ ಆಸ್ವಾದಿಸುತ್ತೇನೆ. ಅಂತಿಮವಾಗಿ ಇದರಿಂದ ನನಗೆ ಹಾಗೂ ತಂಡಕ್ಕೆ ಅನುಕೂಲವಾಗುತ್ತದೆ‘ ಎಂದು ಸ್ಕಾಟ್ಲೆಂಡ್ ಎದುರಿನ ಪಂದ್ಯದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಲಿಕ್ ತಿಳಿಸಿದರು.</p>.<p>ಮಲಿಕ್ ಅವರು ಭಾನುವಾರ ಸಿಡಿಸಿದ್ದ ಅರ್ಧಶತಕವು ಈ ಬಾರಿಯ ಟೂರ್ನಿಯ ಜಂಟಿ ಅತಿವೇಗದ ಅರ್ಧಶತಕವಾಗಿತ್ತು. ಭಾರತದ ಕೆ.ಎಲ್.ರಾಹುಲ್ ಕೂಡ ಸ್ಕಾಟ್ಲೆಂಡ್ ಎದುರು ಇಷ್ಟೇ ಎಸೆತಗಳಲ್ಲಿ ಅರ್ಧಶತಕ ಹೊಡೆದಿದ್ದರು.</p>.<p>‘ಯಾವಾಗಲೂ ಫಿಟ್ ಆಗಿರಬೇಕೆಂದರೆ ಪ್ರತಿದಿನ ದೇಹವನ್ನು ದಂಡಿಸಬೇಕಾಗುತ್ತದೆ. ಅದನ್ನೇ ನಾನು ಮಾಡುತ್ತಿದ್ದೇನೆ. ಇನ್ನೂ ಎಷ್ಟು ವರ್ಷ ಆಡುತ್ತೇನೆಯೊ ಗೊತ್ತಿಲ್ಲ, ಈಗ ವೃತ್ತಿಜೀವನದ ಪ್ರಮುಖ ಘಟ್ಟದಲ್ಲಿದ್ದು ಅದರ ಬಗ್ಗೆ ಚಿಂತಿಸುವುದೂ ಇಲ್ಲ‘ ಎಂದು ಮಲಿಕ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
