<p><strong>ಡಲ್ಲಾಸ್:</strong> ಅಮೆರಿಕದಲ್ಲಿ ಕ್ರಿಕೆಟ್ ವಿಶ್ವಕಪ್ ಇದೇ ಮೊದಲ ಬಾರಿಗೆ ಆಯೋಜನೆಯಾಗುತ್ತಿದೆ. ಅಲ್ಲದೆ ಕೆನಡಾ ವಿರುದ್ಧ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಅತಿಥೇಯ ಅಮೆರಿಕ ತಂಡವು ಏಳು ವಿಕೆಟ್ ಅಂತರದ ಜಯ ಗಳಿಸಿದ್ದು, ಶುಭಾರಂಭ ಮಾಡಿಕೊಂಡಿದೆ. </p><p>ತವರಿನಲ್ಲಿ ನಡೆದ ಮೊದಲ ವಿಶ್ವಕಪ್ ಪಂದ್ಯದಲ್ಲೇ ಅಮೆರಿಕ ಅನೇಕ ದಾಖಲೆಗಳನ್ನು ಪುಡಿಗಟ್ಟಿದೆ. 195 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿದ ಅಮೆರಿಕ ಇನ್ನೂ 14 ಎಸೆತಗಳು ಬಾಕಿ ಉಳಿದಿರುವಂತೆಯೇ 17.4 ಓವರ್ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತು. </p><p>ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿದ ಆ್ಯರನ್ ಜೋನ್ಸ್ ಕೇವಲ 40 ಎಸೆತಗಳಲ್ಲಿ 94 ರನ್ ಗಳಿಸಿ ಔಟಾಗದೆ ಉಳಿದರು. ಆ ಮೂಲಕ ಗೆಲುವಿನ ರೂವಾರಿ ಎನಿಸಿದರು. </p><h2>ಗೇಲ್ ಸಾಲಿಗೆ ಜೋನ್ಸ್...</h2><p>ಈ ಪಂದ್ಯದಲ್ಲಿ ಅಮೆರಿಕದ ಬ್ಯಾಟರ್ ಆ್ಯರನ್ ಜೋನ್ಸ್ 10 ಸಿಕ್ಸರ್ ಹಾಗೂ ನಾಲ್ಕು ಬೌಂಡರಿ ಗಳಿಸಿದರು. ಆ ಮೂಲಕ ಕ್ರಿಸ್ ಗೇಲ್ ಬಳಿಕ ಟ್ವೆಂಟಿ-20 ವಿಶ್ವಕಪ್ ಪಂದ್ಯವೊಂದರಲ್ಲಿ 10 ಸಿಕ್ಸರ್ ಗಳಿಸಿದ ಎರಡನೇ ಬ್ಯಾಟರ್ ಎನಿಸಿದ್ದಾರೆ. </p><p><strong>ಟ್ವೆಂಟಿ-20 ವಿಶ್ವಕಪ್ ಪಂದ್ಯದಲ್ಲಿ ಅತಿ ಹೆಚ್ಚು ಸಿಕ್ಸರ್ ಗಳಿಸಿದ ಬ್ಯಾಟರ್ಗಳ ಪಟ್ಟಿ:</strong></p><ul><li><p>ಕ್ರಿಸ್ ಗೇಲ್: 11 (ಇಂಗ್ಲೆಂಡ್ ವಿರುದ್ದ, 2016)</p></li><li><p>ಕ್ರಿಸ್ ಗೇಲ್: 10 (ದಕ್ಷಿಣ ಆಫ್ರಿಕಾ ವಿರುದ್ದ, 2007)</p></li><li><p>ಆ್ಯರನ್ ಜೋನ್ಸ್: 10 (ಕೆನಡಾ ವಿರುದ್ದ, 2024)</p></li></ul> . <h3>ಮೂರನೇ ಯಶಸ್ವಿ ಚೇಸಿಂಗ್...</h3><p>ಟ್ವೆಂಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ದಾಖಲಾದ ಮೂರನೇ ಯಶಸ್ವಿ ಚೇಸಿಂಗ್ ದಾಖಲೆ ಇದಾಗಿದೆ. </p><ul><li><p>ಇಂಗ್ಲೆಂಡ್: 230/8 (ದ.ಆಫ್ರಿಕಾ ವಿರುದ್ಧ, 2016)</p></li><li><p>ದ.ಆಫ್ರಿಕಾ: 208/2 (ವೆಸ್ಟ್ ಇಂಡೀಸ್ ವಿರುದ್ಧ, 2007)</p></li><li><p>ಅಮೆರಿಕ: 197/3 (ಕೆನಡಾ ವಿರುದ್ಧ, 2024)</p></li></ul><h4>ದಾಖಲೆಯ ಜೊತೆಯಾಟ...</h4><p>ಮೂರನೇ ವಿಕೆಟ್ಗೆ ಆ್ಯಂಡ್ರಿಸ್ ಗೌಸ್ ಅವರೊಂದಿಗೆ ಜೋನ್ಸ್ 131 ರನ್ಗಳ ಜೊತೆಯಾಟ ಕಟ್ಟಿದರು. ಇದು ಟ್ವೆಂಟಿ-20 ವಿಶ್ವಕಪ್ ಪಂದ್ಯದಲ್ಲಿ ಮೂರನೇ ವಿಕೆಟ್ಗೆ ದಾಖಲಾದ ಎರಡನೇ ಗರಿಷ್ಠ ಜೊತೆಯಾಟವಾಗಿದೆ. 2014ರಲ್ಲಿ ಇಂಗ್ಲೆಂಡ್ ತಂಡವು ಶ್ರೀಲಂಕಾ ವಿರುದ್ಧ ಮೂರನೇ ವಿಕೆಟ್ಗೆ 152 ರನ್ ಗಳಿಸಿರುವುದು ಈವರೆಗಿನ ದಾಖಲೆಯಾಗಿತ್ತು. </p><p>ಅಲ್ಲದೆ ಅಮೆರಿಕದ ಪರ ಯಾವುದೇ ವಿಕೆಟ್ಗೆ ದಾಖಲಾದ ಗರಿಷ್ಠ ಜೊತೆಯಾಟದ ದಾಖಲೆ ಇದಾಗಿದೆ. </p><h5>ಅಮೆರಿಕದ ಪರ ಅತಿ ವೇಗದ ಅರ್ಧಶತಕ ಸಾಧನೆ...</h5><p>ಆ್ಯರನ್ ಜೋನ್ಸ್ ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಪೂರ್ಣಗೊಳಿಸಿದರು. ಆ ಮೂಲಕ ಅಮೆರಿಕದ ಪರ ಅತಿ ವೇಗದ ಅರ್ಧಶತಕ ಗಳಿಸಿದ ಆಟಗಾರ ಎನಿಸಿದ್ದಾರೆ. </p><p><strong>ಅತಿ ವೇಗದ ಶತಕದ ಜೊತೆಯಾಟ...</strong></p><p>ಜೋನ್ಸ್ ಹಾಗೂ ಗೌಸ್ ಕೇವಲ 42 ಎಸೆತಗಳಲ್ಲೇ ಶತಕದ ಜೊತೆಯಾಟ ಕಟ್ಟಿದರು. ಇದು ಟ್ವೆಂಟಿ-20 ವಿಶ್ವಕಪ್ ಪಂದ್ಯವೊಂದರಲ್ಲಿ ದಾಖಲಾದ ಅತಿ ವೇಗದ ಶತಕದ ಜೊತೆಯಾಟವಾಗಿದೆ. </p>.ಅಮೆರಿಕದಲ್ಲಿ ಚೊಚ್ಚಲ ವಿಶ್ವಕಪ್; ಗೆಲುವಿನೊಂದಿಗೆ ಶುಭಾರಂಭ ಮಾಡಿದ ಅತಿಥೇಯರು.ಕೊಹ್ಲಿಗೆ ಐಸಿಸಿ ಪ್ರಶಸ್ತಿ ಪ್ರದಾನ; ಪಾಕ್ ವಿರುದ್ಧದ ಸಿಕ್ಸರ್ 'ಶ್ರೇಷ್ಠ ಕ್ಷಣ'.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಡಲ್ಲಾಸ್:</strong> ಅಮೆರಿಕದಲ್ಲಿ ಕ್ರಿಕೆಟ್ ವಿಶ್ವಕಪ್ ಇದೇ ಮೊದಲ ಬಾರಿಗೆ ಆಯೋಜನೆಯಾಗುತ್ತಿದೆ. ಅಲ್ಲದೆ ಕೆನಡಾ ವಿರುದ್ಧ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಅತಿಥೇಯ ಅಮೆರಿಕ ತಂಡವು ಏಳು ವಿಕೆಟ್ ಅಂತರದ ಜಯ ಗಳಿಸಿದ್ದು, ಶುಭಾರಂಭ ಮಾಡಿಕೊಂಡಿದೆ. </p><p>ತವರಿನಲ್ಲಿ ನಡೆದ ಮೊದಲ ವಿಶ್ವಕಪ್ ಪಂದ್ಯದಲ್ಲೇ ಅಮೆರಿಕ ಅನೇಕ ದಾಖಲೆಗಳನ್ನು ಪುಡಿಗಟ್ಟಿದೆ. 195 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿದ ಅಮೆರಿಕ ಇನ್ನೂ 14 ಎಸೆತಗಳು ಬಾಕಿ ಉಳಿದಿರುವಂತೆಯೇ 17.4 ಓವರ್ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತು. </p><p>ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿದ ಆ್ಯರನ್ ಜೋನ್ಸ್ ಕೇವಲ 40 ಎಸೆತಗಳಲ್ಲಿ 94 ರನ್ ಗಳಿಸಿ ಔಟಾಗದೆ ಉಳಿದರು. ಆ ಮೂಲಕ ಗೆಲುವಿನ ರೂವಾರಿ ಎನಿಸಿದರು. </p><h2>ಗೇಲ್ ಸಾಲಿಗೆ ಜೋನ್ಸ್...</h2><p>ಈ ಪಂದ್ಯದಲ್ಲಿ ಅಮೆರಿಕದ ಬ್ಯಾಟರ್ ಆ್ಯರನ್ ಜೋನ್ಸ್ 10 ಸಿಕ್ಸರ್ ಹಾಗೂ ನಾಲ್ಕು ಬೌಂಡರಿ ಗಳಿಸಿದರು. ಆ ಮೂಲಕ ಕ್ರಿಸ್ ಗೇಲ್ ಬಳಿಕ ಟ್ವೆಂಟಿ-20 ವಿಶ್ವಕಪ್ ಪಂದ್ಯವೊಂದರಲ್ಲಿ 10 ಸಿಕ್ಸರ್ ಗಳಿಸಿದ ಎರಡನೇ ಬ್ಯಾಟರ್ ಎನಿಸಿದ್ದಾರೆ. </p><p><strong>ಟ್ವೆಂಟಿ-20 ವಿಶ್ವಕಪ್ ಪಂದ್ಯದಲ್ಲಿ ಅತಿ ಹೆಚ್ಚು ಸಿಕ್ಸರ್ ಗಳಿಸಿದ ಬ್ಯಾಟರ್ಗಳ ಪಟ್ಟಿ:</strong></p><ul><li><p>ಕ್ರಿಸ್ ಗೇಲ್: 11 (ಇಂಗ್ಲೆಂಡ್ ವಿರುದ್ದ, 2016)</p></li><li><p>ಕ್ರಿಸ್ ಗೇಲ್: 10 (ದಕ್ಷಿಣ ಆಫ್ರಿಕಾ ವಿರುದ್ದ, 2007)</p></li><li><p>ಆ್ಯರನ್ ಜೋನ್ಸ್: 10 (ಕೆನಡಾ ವಿರುದ್ದ, 2024)</p></li></ul> . <h3>ಮೂರನೇ ಯಶಸ್ವಿ ಚೇಸಿಂಗ್...</h3><p>ಟ್ವೆಂಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ದಾಖಲಾದ ಮೂರನೇ ಯಶಸ್ವಿ ಚೇಸಿಂಗ್ ದಾಖಲೆ ಇದಾಗಿದೆ. </p><ul><li><p>ಇಂಗ್ಲೆಂಡ್: 230/8 (ದ.ಆಫ್ರಿಕಾ ವಿರುದ್ಧ, 2016)</p></li><li><p>ದ.ಆಫ್ರಿಕಾ: 208/2 (ವೆಸ್ಟ್ ಇಂಡೀಸ್ ವಿರುದ್ಧ, 2007)</p></li><li><p>ಅಮೆರಿಕ: 197/3 (ಕೆನಡಾ ವಿರುದ್ಧ, 2024)</p></li></ul><h4>ದಾಖಲೆಯ ಜೊತೆಯಾಟ...</h4><p>ಮೂರನೇ ವಿಕೆಟ್ಗೆ ಆ್ಯಂಡ್ರಿಸ್ ಗೌಸ್ ಅವರೊಂದಿಗೆ ಜೋನ್ಸ್ 131 ರನ್ಗಳ ಜೊತೆಯಾಟ ಕಟ್ಟಿದರು. ಇದು ಟ್ವೆಂಟಿ-20 ವಿಶ್ವಕಪ್ ಪಂದ್ಯದಲ್ಲಿ ಮೂರನೇ ವಿಕೆಟ್ಗೆ ದಾಖಲಾದ ಎರಡನೇ ಗರಿಷ್ಠ ಜೊತೆಯಾಟವಾಗಿದೆ. 2014ರಲ್ಲಿ ಇಂಗ್ಲೆಂಡ್ ತಂಡವು ಶ್ರೀಲಂಕಾ ವಿರುದ್ಧ ಮೂರನೇ ವಿಕೆಟ್ಗೆ 152 ರನ್ ಗಳಿಸಿರುವುದು ಈವರೆಗಿನ ದಾಖಲೆಯಾಗಿತ್ತು. </p><p>ಅಲ್ಲದೆ ಅಮೆರಿಕದ ಪರ ಯಾವುದೇ ವಿಕೆಟ್ಗೆ ದಾಖಲಾದ ಗರಿಷ್ಠ ಜೊತೆಯಾಟದ ದಾಖಲೆ ಇದಾಗಿದೆ. </p><h5>ಅಮೆರಿಕದ ಪರ ಅತಿ ವೇಗದ ಅರ್ಧಶತಕ ಸಾಧನೆ...</h5><p>ಆ್ಯರನ್ ಜೋನ್ಸ್ ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಪೂರ್ಣಗೊಳಿಸಿದರು. ಆ ಮೂಲಕ ಅಮೆರಿಕದ ಪರ ಅತಿ ವೇಗದ ಅರ್ಧಶತಕ ಗಳಿಸಿದ ಆಟಗಾರ ಎನಿಸಿದ್ದಾರೆ. </p><p><strong>ಅತಿ ವೇಗದ ಶತಕದ ಜೊತೆಯಾಟ...</strong></p><p>ಜೋನ್ಸ್ ಹಾಗೂ ಗೌಸ್ ಕೇವಲ 42 ಎಸೆತಗಳಲ್ಲೇ ಶತಕದ ಜೊತೆಯಾಟ ಕಟ್ಟಿದರು. ಇದು ಟ್ವೆಂಟಿ-20 ವಿಶ್ವಕಪ್ ಪಂದ್ಯವೊಂದರಲ್ಲಿ ದಾಖಲಾದ ಅತಿ ವೇಗದ ಶತಕದ ಜೊತೆಯಾಟವಾಗಿದೆ. </p>.ಅಮೆರಿಕದಲ್ಲಿ ಚೊಚ್ಚಲ ವಿಶ್ವಕಪ್; ಗೆಲುವಿನೊಂದಿಗೆ ಶುಭಾರಂಭ ಮಾಡಿದ ಅತಿಥೇಯರು.ಕೊಹ್ಲಿಗೆ ಐಸಿಸಿ ಪ್ರಶಸ್ತಿ ಪ್ರದಾನ; ಪಾಕ್ ವಿರುದ್ಧದ ಸಿಕ್ಸರ್ 'ಶ್ರೇಷ್ಠ ಕ್ಷಣ'.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>