ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿ: ಪಾಕ್‌ಗೆ ಸೋಲುಣಿಸಿದ ಭಾರತ

ದುಬೈ: ಆರಂಭಿಕ ಬ್ಯಾಟ್ಸ್ಮನ್ಗಳಾದ ಶಿಖರ್ ಧವನ್ (114;100 ಎಸೆತ, 2 ಸಿಕ್ಸರ್, 16 ಬೌಂಡರಿ) ಮತ್ತು ರೋಹಿತ್ ಶರ್ಮಾ (ಅಜೇಯ 111; 119 ಎ, 4 ಸಿ, 7 ಬೌಂ) ಅವರ ಅಮೋಘ ಬ್ಯಾಟಿಂಗ್ ನೆರವಿ ನಿಂದ ಭಾರತ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯ ಸೂಪರ್ ಫೋರ್ ಹಂತದ ಪಂದ್ಯದಲ್ಲಿ ಪಾಕಿಸ್ತಾನವನ್ನು ಒಂಬತ್ತು ವಿಕೆಟ್ಗಳಿಂದ ಮಣಿಸಿತು.

. ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ 238 ರನ್ಗಳ ಗೆಲುವಿನ ಗುರಿ ಬೆನ್ನತ್ತಿದ ಭಾರತ 39.3 ಓವರ್ಗಳಲ್ಲಿ ಜಯ ಗಳಿಸಿತು.

. ಮೊದಲು ಬ್ಯಾಟಿಂಗ್ ಮಾಡಿದ ಪಾಕ್ ತಂಡವು ಜಸ್ಪ್ರೀತ್ ಬೂಮ್ರಾ ಮತ್ತು ಕುಲದೀಪ್ ಯಾದವ್ ಅವರ ಶಿಸ್ತಿನ ಬೌಲಿಂಗ್ ಎದುರು ಪರದಾಡಿತು.

. ಶೋಯಬ್ ಮಲಿಕ್ ಅವರ ಅರ್ಧಶತಕದ ಬಲದಿಂದ 50 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 237 ರನ್ ಗಳಿಸಿತು.

. ಲೀಗ್ ಹಂತದ ಪಂದ್ಯದಲ್ಲಿ ಭಾರತ ತಂಡವು ಪಾಕ್ ವಿರುದ್ಧ ಸುಲಭ ಗೆಲುವು ಸಾಧಿಸಿತ್ತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕ್ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಇಮಾಮ್ ಉಲ್ ಹಕ್ ಮತ್ತು ಫಖ್ರ್ ಜಮಾನ್ ಎಚ್ಚರಿಕೆಯಿಂದ ಇನಿಂಗ್ಸ್ ಆರಂಭಿಸಿದರು. ಆದರೆ, ಎಂಟನೇ ಓವರ್ನಲ್ಲಿ ಬೌಲಿಂಗ್ ಮಾಡಿದ ಯಜುವೇಂದ್ರ ಚಾಹಲ್ ಅವರು ಬೀಸಿದ ಎಲ್ಬಿಡಬ್ಲ್ಯು ಬಲೆಗೆ ಇಮಾಮ್ ಔಟಾದರು.

. ಎಂಟು ಓವರ್ಗಳ ನಂತರ ಚೈನಾಮೆನ್ ಬೌಲರ್ ಕುಲದೀಪ್ ಯಾದವ್ ಮೋಡಿ ಮಾಡಿದರು. 31 ರನ್ ಗಳಿಸಿದ್ದ ಜಮಾನ್ ಕೆಳಹಂತದ ಎಸೆತವನ್ನು ಆಡುವ ಪ್ರಯತ್ನದಲ್ಲಿ ಜಾರಿ ಬಿದ್ದರು. ಜೊತೆಗೆ ಎಲ್ಬಿಡಬ್ಲ್ಯು ಬಲೆಯಲ್ಲಿಯೂ ಸಿಕ್ಕಿಕೊಂಡರು.

. ನಂತರದ ಓವರ್ನಲ್ಲಿ ಬಾಬರ್ ಅಜಮ್ ಅವರು ರನ್ಔಟ್ ಆದರು. ಇದರಿಂದಾಗಿ ತಂಡವು ಸಂಕಷ್ಷಕ್ಕೆ ಸಿಲುಕಿಕೊಂಡಿತು.

. ಈ ಹಂತದಲ್ಲಿ ನಾಯಕ ಸರ್ಫರಾಜ್ ಅಹಮದ್ ಮತ್ತ್ತು ಅನುಭವಿ ಬ್ಯಾಟ್ಸ್ಮನ್ ಶೋಯಬ್ ಮಲಿಕ್ ಜೊತೆಗೂಡಿದರು.

. ಆಕರ್ಷಕ ಹೊಡೆತಗಳನ್ನು ಆಡಿದ ಇಬ್ಬರೂ ತಂಡಕ್ಕೆ ಚೇತರಿಕೆ ನೀಡಿದರು. ಸರ್ಫರಾಜ್ ತಾಳ್ಮೆಯ ಅಟವಾಡಿದರು. ಆದರೆ ಮಲಿಕ್ ಹೆಚ್ಚು ಬಿರುಸು ಆಟಕ್ಕೆ ಒತ್ತು ನೀಡಿದರು. ಅವರು ಸಿಡಿಸಿದ ಎರಡು ಆಕರ್ಷಕ ಸಿಕ್ಸರ್ಗಳು ಪಾಕ್ ಅಭಿಮಾನಿಗಳಿಗೆ ರಸದೌತಣ ನೀಡಿದವು.

. ಸರ್ಫರಾಜ್ (44; 66ಎಸೆತ) 39ನೇ ಓವರ್ನಲ್ಲಿ ಕುಲದೀಪ್ ಎಸೆತವನ್ನು ಹೊಡೆಯುವ ಯತ್ನದಲ್ಲಿ ರೋಹಿತ್ ಶರ್ಮಾಗೆ ಸುಲಭ ಕ್ಯಾಚ್ ನೀಡಿದರು. 107 ರನ್ಗಳ ನಾಲ್ಕನೇ ವಿಕೆಟ್ ಜೊತೆಯಾಟಕ್ಕೆ ತೆರೆಬಿತ್ತು.

. 44ನೇ ಓವರ್ನಲ್ಲಿ ಮಲಿಕ್ (78; 90ಎಸೆತ, 4ಬೌಂಡರಿ, 2ಸಿಕ್ಸರ್) ಅವರ ಆಟಕ್ಕೆ ಬೂಮ್ರಾ ತಡೆಯೊಡ್ಡಿದರು. ಅವರ ರಿವರ್ಸ್ ಸ್ವಿಂಗ್ ಕೆಣಕಿದ ಮಲಿಕ್ ಅವರು ವಿಕೆಟ್ಕೀಪರ್ ಧೋನಿಗೆ ಕ್ಯಾಚಿತ್ತರು.

. ನಂತರ ಜೊತೆಗೂಡಿದ ಅಸಿಫ್ ಅಲಿ ಮತ್ತು ಶಾದಾಬ್ ಖಾನ್ ಅವರು ರನ್ ಗಳಿಸಲು ಯತ್ನಿಸಿದರು. ಈ ಜೊತೆಯಾಟವನ್ನೂ ಬೂಮ್ರಾ ಮುರಿದರು. ಶಾದಾಬ್ ಕ್ಲೀನ್ಬೌಲ್ಡ್ ಆದರು. ಅಸಿಫ್ ಅವರ ವಿಕೆಟ್ ಅನ್ನು ಚಾಹಲ್ ಕಬಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿ: ಪಾಕ್‌ಗೆ ಸೋಲುಣಿಸಿದ ಭಾರತ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಜಮ್ಮು-ಕಾಶ್ಮೀರ: ಸತತ 3ನೇ ದಿನವೂ ಕಲಾಪದಲ್ಲಿ ಗದ್ದಲ, ಎಳೆದಾಟ

IND vs SA: ಸಂಜು ಸ್ಫೋಟಕ ಶತಕ, 10 ಸಿಕ್ಸರ್; ಭಾರತ 202/8

ಚೆಸ್‌ ಟೂರ್ನಿ: ಅರ್ಜುನ್‌ಗೆ ಮತ್ತೊಂದು ಜಯ

ಡಿ.6ರಿಂದ ಬೆಂಗಳೂರಿನಲ್ಲಿ ರಾಷ್ಟ್ರೀಯ ಕುಸ್ತಿ: ಅಮನ್ ಹಲವು ಕುಸ್ತಿ ತಾರೆಗಳು ಭಾಗಿ

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಜಮ್ಮು-ಕಾಶ್ಮೀರ: ಸತತ 3ನೇ ದಿನವೂ ಕಲಾಪದಲ್ಲಿ ಗದ್ದಲ, ಎಳೆದಾಟ