<p><strong>ಅಹಮದಾಬಾದ್</strong>: ವಾಸುಕಿ ಕೌಶಿಕ್, ಕೃಷ್ಣಪ್ಪ ಗೌತಮ್ ಮತ್ತು ಮನೋಜ್ ಭಾಂಡಗೆ ಅವರ ಪರಿಣಾಮಕಾರಿ ಬೌಲಿಂಗ್ ನೆರವಿನಿಂದ ಕರ್ನಾಟಕ ತಂಡವು ವಿಜಯ್ ಹಜಾರೆ ಟ್ರೋಫಿ ಏಕದಿನ ಕ್ರಿಕೆಟ್ ಟೂರ್ನಿಯಲ್ಲಿ ಮಿಜೋರಾಂ ವಿರುದ್ಧ ಗೆಲುವು ಸಾಧಿಸಿತು.</p>.<p>ಗುಜರಾತ್ ಕಾಲೇಜ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ‘ಸಿ’ ಗುಂಪಿನ ಪಂದ್ಯದಲ್ಲಿ ಕರ್ನಾಟಕ 6 ವಿಕೆಟ್ಗಳಿಂದ ಮಿಜೋರಾಂ ತಂಡವನ್ನು ಮಣಿಸಿತು. ಆಡಿರುವ ಏಳು ಪಂದ್ಯಗಳ ಪೈಕಿ ಆರರಲ್ಲಿ ಗೆದ್ದು, 24 ಅಂಕಗಳೊಂದಿಗೆ ಕರ್ನಾಟಕ ತಂಡ ಎರಡನೇ ಸ್ಥಾನದಲ್ಲಿದೆ. ಹರಿಯಾಣ ತಂಡದ ಆಡಿರುವ ಏಳೂ ಪಂದ್ಯಗಳಲ್ಲಿ ಗೆದ್ದು ಅಗ್ರಸ್ಥಾನದಲ್ಲಿದೆ.</p>.<p>ಮೊದಲು ಬ್ಯಾಟಿಂಗ್ ಮಾಡಿದ ಮಿಜೋರಾಂ ತಂಡ, ಕರ್ನಾಟಕ ತಂಡದ ದಾಳಿಯೆದುರು 37.2 ಓವರ್ಗಳಲ್ಲಿ 124 ರನ್ಗೆ ಕುಸಿಯಿತು. 45 ರನ್ಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ಜೋಸೆಫ್ ಲಾಲ್ತನ್ಖುಮಾ (37; 64ಎ, 4x2, 6x2) ಮತ್ತು ಕನ್ನಡಿಗ ಕೆ.ಸಿ.ಕಾರಿಯಪ್ಪ (36; 27ಎ, 4x2, 6x3) ಕೊಂಚ ಬಲ ತುಂಬಿದರು. ಕೌಶಿಕ್ 7 ರನ್ಗೆ 4 ವಿಕೆಟ್ ಪಡೆದು ಮಿಂಚಿದರು. ಮನೋಜ್ 19ಕ್ಕೆ 2 ಮತ್ತು ಗೌತಮ್ 49 ರನ್ನಿಗೆ 3 ವಿಕೆಟ್ ಪಡೆದರು.</p>.<p>ಸುಲಭ ಗುರಿಯನ್ನು ಬೆನ್ನಟ್ಟಿದ ಕರ್ನಾಟಕ ತಂಡದ ಆರಂಭದಲ್ಲೇ ಆಘಾತ ಎದುರಿಸಿತು. 24 ರನ್ ಗಳಿಸುವಷ್ಟರಲ್ಲಿ ಬಿ.ಆರ್.ಶರತ್ (2), ಅಭಿನವ್ ಮನೋಹರ್ (14), ಕೃಷ್ಣಪ್ಪ ಗೌತಮ್ (0) ಪೆವಿಲಿಯನ್ ಸೇರಿದ್ದರು. ಈ ಹಂತದಲ್ಲಿ ನಾಯಕ ಮಯಂಕ್ ಅಗರ್ವಾಲ್ (ಔಟಾಗದೆ 48; 42ಎ, 4x8) ಎಚ್ಚರಿಕೆಯ ಆಟವಾಡಿದರು. ಮತ್ತೊಂದೆಡೆ ಮನೋಜ್ ಭಾಂಡಗೆ 8 ಎಸೆತಗಳಲ್ಲಿ ಎರಡು ಸಿಕ್ಸರ್ ಮತ್ತು ಎರಡು ಬೌಂಡರಿ ಸೇರಿದಂತೆ 21 ರನ್ ಗಳಿಸಿ ಮೋಹಿತ್ ಜಾಂಗ್ರಾ ಅವರಿಗೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ಅನುಭವಿ ಮನೀಷ್ ಪಾಂಡೆ (ಔಟಾಗದೇ 38; 40ಎ, 4x2, 6x2) ಅವರು ಮಯಾಂಕ್ ಜತೆಗೂಡಿ 17 ಎಸೆತಗಳಿರುವಂತೆ ಗೆಲುವಿನ ಗಡಿ ದಾಟಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರು</strong></p><p><strong>ಮಿಜೋರಾಂ:</strong> 37.2 ಓವರ್ಗಳಲ್ಲಿ 124 (ಜೋಸೆಫ್ ಲಾಲ್ತನ್ಖುಮಾ 37, ಕೆ.ಸಿ.ಕಾರಿಯಪ್ಪ 36; ವಿ. ಕೌಶಿಕ್ 7ಕ್ಕೆ 4, ಮನೋಜ್ ಭಾಂಡಗೆ 19ಕ್ಕೆ 2, ಕೆ. ಗೌತಮ್ 49ಕ್ಕೆ 3)</p><p><strong>ಕರ್ನಾಟಕ:</strong> 17.1 ಓವರ್ಗಳಲ್ಲಿ 4 ವಿಕೆಟ್ಗೆ 126 (ಮಯಾಂಕ್ ಅಗರ್ವಾಲ್ ಔಟಾಗದೆ 48, ಮನೀಷ್ ಪಾಂಡೆ ಔಟಾಗದೇ 38; ಮೋಹಿತ್ ಜಾಂಗ್ರಾ 37ಕ್ಕೆ 3).</p><p><strong>ಫಲಿತಾಂಶ</strong>: ಕರ್ನಾಟಕಕ್ಕೆ 6 ವಿಕೆಟ್ ಜಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಹಮದಾಬಾದ್</strong>: ವಾಸುಕಿ ಕೌಶಿಕ್, ಕೃಷ್ಣಪ್ಪ ಗೌತಮ್ ಮತ್ತು ಮನೋಜ್ ಭಾಂಡಗೆ ಅವರ ಪರಿಣಾಮಕಾರಿ ಬೌಲಿಂಗ್ ನೆರವಿನಿಂದ ಕರ್ನಾಟಕ ತಂಡವು ವಿಜಯ್ ಹಜಾರೆ ಟ್ರೋಫಿ ಏಕದಿನ ಕ್ರಿಕೆಟ್ ಟೂರ್ನಿಯಲ್ಲಿ ಮಿಜೋರಾಂ ವಿರುದ್ಧ ಗೆಲುವು ಸಾಧಿಸಿತು.</p>.<p>ಗುಜರಾತ್ ಕಾಲೇಜ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ‘ಸಿ’ ಗುಂಪಿನ ಪಂದ್ಯದಲ್ಲಿ ಕರ್ನಾಟಕ 6 ವಿಕೆಟ್ಗಳಿಂದ ಮಿಜೋರಾಂ ತಂಡವನ್ನು ಮಣಿಸಿತು. ಆಡಿರುವ ಏಳು ಪಂದ್ಯಗಳ ಪೈಕಿ ಆರರಲ್ಲಿ ಗೆದ್ದು, 24 ಅಂಕಗಳೊಂದಿಗೆ ಕರ್ನಾಟಕ ತಂಡ ಎರಡನೇ ಸ್ಥಾನದಲ್ಲಿದೆ. ಹರಿಯಾಣ ತಂಡದ ಆಡಿರುವ ಏಳೂ ಪಂದ್ಯಗಳಲ್ಲಿ ಗೆದ್ದು ಅಗ್ರಸ್ಥಾನದಲ್ಲಿದೆ.</p>.<p>ಮೊದಲು ಬ್ಯಾಟಿಂಗ್ ಮಾಡಿದ ಮಿಜೋರಾಂ ತಂಡ, ಕರ್ನಾಟಕ ತಂಡದ ದಾಳಿಯೆದುರು 37.2 ಓವರ್ಗಳಲ್ಲಿ 124 ರನ್ಗೆ ಕುಸಿಯಿತು. 45 ರನ್ಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ಜೋಸೆಫ್ ಲಾಲ್ತನ್ಖುಮಾ (37; 64ಎ, 4x2, 6x2) ಮತ್ತು ಕನ್ನಡಿಗ ಕೆ.ಸಿ.ಕಾರಿಯಪ್ಪ (36; 27ಎ, 4x2, 6x3) ಕೊಂಚ ಬಲ ತುಂಬಿದರು. ಕೌಶಿಕ್ 7 ರನ್ಗೆ 4 ವಿಕೆಟ್ ಪಡೆದು ಮಿಂಚಿದರು. ಮನೋಜ್ 19ಕ್ಕೆ 2 ಮತ್ತು ಗೌತಮ್ 49 ರನ್ನಿಗೆ 3 ವಿಕೆಟ್ ಪಡೆದರು.</p>.<p>ಸುಲಭ ಗುರಿಯನ್ನು ಬೆನ್ನಟ್ಟಿದ ಕರ್ನಾಟಕ ತಂಡದ ಆರಂಭದಲ್ಲೇ ಆಘಾತ ಎದುರಿಸಿತು. 24 ರನ್ ಗಳಿಸುವಷ್ಟರಲ್ಲಿ ಬಿ.ಆರ್.ಶರತ್ (2), ಅಭಿನವ್ ಮನೋಹರ್ (14), ಕೃಷ್ಣಪ್ಪ ಗೌತಮ್ (0) ಪೆವಿಲಿಯನ್ ಸೇರಿದ್ದರು. ಈ ಹಂತದಲ್ಲಿ ನಾಯಕ ಮಯಂಕ್ ಅಗರ್ವಾಲ್ (ಔಟಾಗದೆ 48; 42ಎ, 4x8) ಎಚ್ಚರಿಕೆಯ ಆಟವಾಡಿದರು. ಮತ್ತೊಂದೆಡೆ ಮನೋಜ್ ಭಾಂಡಗೆ 8 ಎಸೆತಗಳಲ್ಲಿ ಎರಡು ಸಿಕ್ಸರ್ ಮತ್ತು ಎರಡು ಬೌಂಡರಿ ಸೇರಿದಂತೆ 21 ರನ್ ಗಳಿಸಿ ಮೋಹಿತ್ ಜಾಂಗ್ರಾ ಅವರಿಗೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ಅನುಭವಿ ಮನೀಷ್ ಪಾಂಡೆ (ಔಟಾಗದೇ 38; 40ಎ, 4x2, 6x2) ಅವರು ಮಯಾಂಕ್ ಜತೆಗೂಡಿ 17 ಎಸೆತಗಳಿರುವಂತೆ ಗೆಲುವಿನ ಗಡಿ ದಾಟಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರು</strong></p><p><strong>ಮಿಜೋರಾಂ:</strong> 37.2 ಓವರ್ಗಳಲ್ಲಿ 124 (ಜೋಸೆಫ್ ಲಾಲ್ತನ್ಖುಮಾ 37, ಕೆ.ಸಿ.ಕಾರಿಯಪ್ಪ 36; ವಿ. ಕೌಶಿಕ್ 7ಕ್ಕೆ 4, ಮನೋಜ್ ಭಾಂಡಗೆ 19ಕ್ಕೆ 2, ಕೆ. ಗೌತಮ್ 49ಕ್ಕೆ 3)</p><p><strong>ಕರ್ನಾಟಕ:</strong> 17.1 ಓವರ್ಗಳಲ್ಲಿ 4 ವಿಕೆಟ್ಗೆ 126 (ಮಯಾಂಕ್ ಅಗರ್ವಾಲ್ ಔಟಾಗದೆ 48, ಮನೀಷ್ ಪಾಂಡೆ ಔಟಾಗದೇ 38; ಮೋಹಿತ್ ಜಾಂಗ್ರಾ 37ಕ್ಕೆ 3).</p><p><strong>ಫಲಿತಾಂಶ</strong>: ಕರ್ನಾಟಕಕ್ಕೆ 6 ವಿಕೆಟ್ ಜಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
