ಹದಿನಾರರ ಘಟ್ಟದತ್ತ ಸಾಂಬಾ ನಾಡಿನ ಚಿತ್ತ

ಮಾಸ್ಕೊ : ಇಪ್ಪತ್ತೊಂದನೇ ವಿಶ್ವಕಪ್ನಲ್ಲಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡಗಳಲ್ಲಿ ಒಂದೆನಿಸಿರುವ ಬ್ರೆಜಿಲ್ ತಂಡ ಈಗ ಹದಿನಾರರ ಹಂತಕ್ಕೇರುವ ಕನಸು ಕಾಣುತ್ತಿದೆ.

. ಬುಧವಾರ ನಡೆಯುವ ‘ಇ’ ಗುಂಪಿನ ಹಣಾಹಣಿಯಲ್ಲಿ ಥಿಯಾಗೊ ಸಿಲ್ವ ಸಾರಥ್ಯದ ಬ್ರೆಜಿಲ್ ತಂಡ ಸರ್ಬಿಯಾ ಎದುರು ಸೆಣಸಲಿದೆ. ಈ ಹಣಾಹಣಿಯಲ್ಲಿ ಡ್ರಾ ಮಾಡಿಕೊಂಡರೂ ಸಿಲ್ವ ಪಡೆಯ ಪ್ರೀ ಕ್ವಾರ್ಟರ್ ಫೈನಲ್ ಹಾದಿ ಸುಗಮವಾಗಲಿದೆ. ಸರ್ಬಿಯಾ ತಂಡ 16ರ ಘಟ್ಟಕ್ಕೆ ಲಗ್ಗೆ ಇಡಬೇಕಾದರೆ ಈ ಹೋರಾಟದಲ್ಲಿ ಸಾಂಬಾ ನಾಡಿನ ತಂಡದ ಸವಾಲು ಮೀರಿ ನಿಲ್ಲಲೇಬೇಕು.

. ಫಿಫಾ ವಿಶ್ವಕಪ್ನಲ್ಲಿ ಐದು ಬಾರಿ ಪ್ರಶಸ್ತಿ ಗೆದ್ದಿರುವ ಏಕೈಕ ತಂಡ ಎಂಬ ಹೆಗ್ಗಳಿಕೆ ಹೊಂದಿರುವ ಬ್ರೆಜಿಲ್, ಈ ಬಾರಿಯ ಟೂರ್ನಿಯ ಮೊದಲ ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್ ಎದುರು ಡ್ರಾ ಮಾಡಿಕೊಂಡಿತ್ತು. ಎರಡನೇ ಹಣಾಹಣಿಯಲ್ಲಿ ಕೋಸ್ಟರಿಕಾವನ್ನು ಸೋಲಿಸಿತ್ತು.

. ಬ್ರೆಜಿಲ್ ತಂಡ ಹಿಂದಿನ 21 ಪಂದ್ಯಗಳ ಪೈಕಿ ಕೇವಲ ಒಂದರಲ್ಲಿ ಸೋತಿದೆ. ಈ ತಂಡ 47 ಗೋಲುಗಳನ್ನು ದಾಖಲಿಸಿದೆ. ಎದುರಾಳಿಗಳಿಗೆ ಐದು ಗೋಲುಗಳನ್ನಷ್ಟೇ ಬಿಟ್ಟುಕೊಟ್ಟಿದೆ.

. ನೇಮರ್ ಮತ್ತು ಫಿಲಿಪ್ ಕುಟಿನ್ಹೊ ಈ ಪಂದ್ಯದ ಆಕರ್ಷಣೆಯ ಕೇಂದ್ರಬಿಂದುಗಳಾಗಿದ್ದಾರೆ. ಕೋಸ್ಟರಿಕಾ ಎದುರು ಇವರು ಹೆಚ್ಚುವರಿ ಅವಧಿಯಲ್ಲಿ ಗೋಲು ಗಳಿಸಿ ಗಮನ ಸೆಳೆದಿದ್ದರು.

. ಮಿಡ್ಫೀಲ್ಡ್ ವಿಭಾಗದಲ್ಲಿ ಆಡುವ ಕುಟಿನ್ಹೊ ಈ ಬಾರಿ ಒಟ್ಟು ಎರಡು ಗೋಲು ದಾಖಲಿಸಿದ್ದಾರೆ. ಉತ್ತಮ ಲಯದಲ್ಲಿರುವ ಅವರು ಸ್ಪಾರ್ಟಕ್ ಕ್ರೀಡಾಂಗಣದಲ್ಲೂ ಕಾಲ್ಚಳಕ ತೋರಲು ಕಾತರರಾಗಿದ್ದಾರೆ. ನೇಮರ್ ಕೂಡಾ ತಂಡಕ್ಕೆ ಜಯ ತಂದುಕೊಡುವ ಗುರಿ ಹೊಂದಿದ್ದಾರೆ.

. ಈ ಪಂದ್ಯದಲ್ಲಿ ಬ್ರೆಜಿಲ್ 4–3–3ರ ಯೋಜನೆಯೊಂದಿಗೆ ಕಣಕ್ಕಿಳಿಯುವ ನಿರೀಕ್ಷೆ ಇದೆ. ನಾಯಕ ಸಿಲ್ವ, ಮಿರಾಂಡ, ಫಾಗ್ನರ್ ಮತ್ತು ಮಾರ್ಷೆಲೊ ಅವರು ರಕ್ಷಣಾ ವಿಭಾಗದಲ್ಲಿ ತಂಡದ ಆಧಾರಸ್ತಂಭಗಳಾಗಿದ್ದಾರೆ.

. ಕ್ಯಾಸೆಮಿರೊ ಮತ್ತು ಪೌಲಿನ್ಹೊ, ಮಿಡ್ಫೀಲ್ಡ್ ವಿಭಾಗಕ್ಕೆ ಬಲ ತುಂಬುವ ವಿಶ್ವಾಸದಲ್ಲಿದ್ದಾರೆ. ಮುಂಚೂಣಿ ವಿಭಾಗದಲ್ಲಿ ಆಡುವ ವಿಲಿಯನ್ ಮತ್ತು ಗೇಬ್ರಿಯಲ್ ಜೀಸಸ್ ಅವರ ಮೇಲೂ ಭರವಸೆ ಇಡಬಹುದಾಗಿದೆ.

. ಸರ್ಬಿಯಾ ಕೂಡಾ ಜಯದ ಗುರಿ ಹೊಂದಿದೆ. ಈ ತಂಡ ಗುಂಪಿನ ಪಾಯಿಂಟ್ಸ್ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಆಡಿರುವ ಎರಡು ಪಂದ್ಯಗಳ ಪೈಕಿ ಒಂದರಲ್ಲಿ ಗೆದ್ದಿರುವ ತಂಡದ ಖಾತೆಯಲ್ಲಿ ಮೂರು ಪಾಯಿಂಟ್ಸ್ ಇವೆ.

. ರಕ್ಷಣಾ ವಿಭಾಗದ ಆಟಗಾರರಾದ ಆ್ಯಂಟೊನಿಯೊ ರುಕಾವಿನಾ, ದುಸ್ಕೊ ತೋಸಿಚ್, ಉರೊಸ್ ಸ್ಪಾಜಿಚ್, ಮಿಲೊಸ್ ವೆಲಜಕೊವಿಚ್ ಮತ್ತು ಮಿಲಾನ್ ರಾಡಿಚ್ ಅವರು ಬ್ರೆಜಿಲ್ ಆಟಗಾರರನ್ನು ಆವರಣ ಪ್ರವೇಶಿಸದಂತೆ ನಿಯಂತ್ರಿಸುವ ವಿಶ್ವಾಸದಲ್ಲಿದ್ದಾರೆ.

. ಮುಂಚೂಣಿ ವಿಭಾಗದಲ್ಲಿ ಆಡುವ ಅಲೆಕ್ಸಾಂಡರ್ ಪ್ರಿಜೊವಿಚ್, ಅಲೆಕ್ಸಾಂಡರ್ ಮಿತ್ರೊವಿಚ್, ನೆಮಾಂಜ ರಾಡೊನ್ಜಿಚ್ ಮತ್ತು ಲುಕಾ ಜೊವಿಚ್ ಅವರು ಮಿಂಚುವ ತವಕದಲ್ಲಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹದಿನಾರರ ಘಟ್ಟದತ್ತ ಸಾಂಬಾ ನಾಡಿನ ಚಿತ್ತ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು