<p><strong>ದೋಹಾ:</strong> ವಿಶ್ವಕಪ್ ಟೂರ್ನಿಯ ಕ್ವಾರ್ಟರ್ ಫೈನಲ್ ಮೇಲೆ ಕಣ್ಣಿಟ್ಟಿರುವ ನೆದರ್ಲೆಂಡ್ಸ್ಗೆ ಪೈಪೋಟಿ ನೀಡಲು ಅಮೆರಿಕ ತಂಡ ಸಜ್ಜಾಗಿದೆ.</p>.<p>ಖಲೀಫಾ ಇಂಟರ್ನ್ಯಾಷನಲ್ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ 16ರ ಘಟ್ಟದ ಪಂದ್ಯದಲ್ಲಿ ಇವೆರಡು ತಂಡಗಳು ಹಣಾಹಣಿ ನಡೆಸಲಿದ್ದು, ತುರುಸಿನ ಹೋರಾಟ ನಿರೀಕ್ಷಿಸಲಾಗಿದೆ.</p>.<p>ನೆದರ್ಲೆಂಡ್ಸ್ ತಂಡ ‘ಎ’ ಗುಂಪಿನಲ್ಲಿ ಅಗ್ರಸ್ಥಾನ ಪಡೆದು ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿತ್ತು. ಲೀಗ್ ಹಂತದಲ್ಲಿ ಸೆನೆಗಲ್ ಮತ್ತು ಕತಾರ್ ವಿರುದ್ಧ 2–0 ಗೋಲುಗಳ ಗೆಲುವು ಪಡೆದಿದ್ದರೆ, ಈಕ್ವೆಡಾರ್ ಜತೆ 1–1 ಗೋಲಿನ ಸಮಬಲ ಸಾಧಿಸಿತ್ತು.</p>.<p>ಒಮ್ಮೆಯೂ ವಿಶ್ವಕಪ್ ಜಯಿಸದ ಡಚ್ ತಂಡ 1974, 1978 ಮತ್ತು 2010 ರಲ್ಲಿ ‘ರನ್ನರ್ಸ್ ಅಪ್’ ಆಗಿತ್ತು. 2020ರ ಯೂರೊ ಕಪ್ನಲ್ಲಿ ಸೋತು ಹೊರಬಿದ್ದ ಬಳಿಕ ಆಡಿರುವ 18 ಪಂದ್ಯಗಳಲ್ಲಿ ಈ ತಂಡ ಸೋಲು ಅನುಭವಿಸಿಲ್ಲ. ಗೆಲುವಿನ ಓಟ ಮುಂದುವರಿಸುವುದು ನೆದರ್ಲೆಂಡ್ಸ್ ಗುರಿ.</p>.<p>ಮೂರು ಪಂದ್ಯಗಳಲ್ಲಿ ಮೂರು ಗೋಲು ಗಳಿಸಿರುವ ಫಾರ್ವರ್ಡ್ ಆಟಗಾರ ಕೋಡಿ ಗಾಕ್ಪೊ ಅವರ ಮೇಲೆ ನೆದರ್ಲೆಂಡ್ಸ್ ತಂಡ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದೆ.</p>.<p>‘ಅಮೆರಿಕ ತಂಡವನ್ನು ಲಘುವಾಗಿ ಪರಿಗಣಿಸುವುದಿಲ್ಲ. ಅವರ ಸಾಮರ್ಥ್ಯ ಏನೆಂಬುದು ಎಲ್ಲರಿಗೂ ತಿಳಿದಿದೆ. ನಾಕೌಟ್ ಪ್ರವೇಶಿಸಿರುವ ಅತ್ಯುತ್ತಮ ತಂಡಗಳಲ್ಲಿ ಅಮೆರಿಕ ಕೂಡಾ ಒಂದು’ ಎಂದು ನೆದರ್ಲೆಂಡ್ಸ್ ತಂಡದ ಕೋಚ್ ಲೂಯಿಸ್ ವಾನ್ ಗಾಲ್ ಹೇಳಿದ್ದಾರೆ.</p>.<p>ಯುವ ಆಟಗಾರರನ್ನು ಒಳಗೊಂಡಿರುವ ಅಮೆರಿಕ, ಎದುರಾಳಿಗಳಿಗೆ ಪ್ರಬಲ ಪೈಪೋಟಿ ನೀಡುವ ಸಾಧ್ಯತೆಯಿದೆ. ಈ ತಂಡ ‘ಬಿ’ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದು ನಾಕೌಟ್ ಪ್ರವೇಶಿಸಿದೆ. ಇಂಗ್ಲೆಂಡ್ ಮತ್ತು ವೇಲ್ಸ್ ಜತೆ ಡ್ರಾ ಮಾಡಿಕೊಂಡಿದ್ದ ಅಮೆರಿಕ, ಕೊನೆಯ ಪಂದ್ಯದಲ್ಲಿ ಇರಾನ್ ವಿರುದ್ಧ ಗೆದ್ದಿತ್ತು.</p>.<p><strong>ಮುಖಾಮುಖಿ: </strong>ನೆದರ್ಲೆಂಡ್ಸ್ ಮತ್ತು ಅಮೆರಿಕ ತಂಡಗಳು ಇದುವರೆಗೆ ಐದು ಸಲ ಪರಸ್ಪರ ಎದುರಾಗಿದ್ದು, ನೆದರ್ಲೆಂಡ್ಸ್ ನಾಲ್ಕು ಸಲ ಗೆದ್ದಿದೆ. 2015 ರಲ್ಲಿ ಇವೆರಡು ತಂಡಗಳು ಕೊನೆಯ ಬಾರಿ ಎದುರಾಗಿದ್ದಾಗ ಅಮೆರಿಕ 4–3 ರಲ್ಲಿ ಗೆಲುವು ಪಡೆದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದೋಹಾ:</strong> ವಿಶ್ವಕಪ್ ಟೂರ್ನಿಯ ಕ್ವಾರ್ಟರ್ ಫೈನಲ್ ಮೇಲೆ ಕಣ್ಣಿಟ್ಟಿರುವ ನೆದರ್ಲೆಂಡ್ಸ್ಗೆ ಪೈಪೋಟಿ ನೀಡಲು ಅಮೆರಿಕ ತಂಡ ಸಜ್ಜಾಗಿದೆ.</p>.<p>ಖಲೀಫಾ ಇಂಟರ್ನ್ಯಾಷನಲ್ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ 16ರ ಘಟ್ಟದ ಪಂದ್ಯದಲ್ಲಿ ಇವೆರಡು ತಂಡಗಳು ಹಣಾಹಣಿ ನಡೆಸಲಿದ್ದು, ತುರುಸಿನ ಹೋರಾಟ ನಿರೀಕ್ಷಿಸಲಾಗಿದೆ.</p>.<p>ನೆದರ್ಲೆಂಡ್ಸ್ ತಂಡ ‘ಎ’ ಗುಂಪಿನಲ್ಲಿ ಅಗ್ರಸ್ಥಾನ ಪಡೆದು ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿತ್ತು. ಲೀಗ್ ಹಂತದಲ್ಲಿ ಸೆನೆಗಲ್ ಮತ್ತು ಕತಾರ್ ವಿರುದ್ಧ 2–0 ಗೋಲುಗಳ ಗೆಲುವು ಪಡೆದಿದ್ದರೆ, ಈಕ್ವೆಡಾರ್ ಜತೆ 1–1 ಗೋಲಿನ ಸಮಬಲ ಸಾಧಿಸಿತ್ತು.</p>.<p>ಒಮ್ಮೆಯೂ ವಿಶ್ವಕಪ್ ಜಯಿಸದ ಡಚ್ ತಂಡ 1974, 1978 ಮತ್ತು 2010 ರಲ್ಲಿ ‘ರನ್ನರ್ಸ್ ಅಪ್’ ಆಗಿತ್ತು. 2020ರ ಯೂರೊ ಕಪ್ನಲ್ಲಿ ಸೋತು ಹೊರಬಿದ್ದ ಬಳಿಕ ಆಡಿರುವ 18 ಪಂದ್ಯಗಳಲ್ಲಿ ಈ ತಂಡ ಸೋಲು ಅನುಭವಿಸಿಲ್ಲ. ಗೆಲುವಿನ ಓಟ ಮುಂದುವರಿಸುವುದು ನೆದರ್ಲೆಂಡ್ಸ್ ಗುರಿ.</p>.<p>ಮೂರು ಪಂದ್ಯಗಳಲ್ಲಿ ಮೂರು ಗೋಲು ಗಳಿಸಿರುವ ಫಾರ್ವರ್ಡ್ ಆಟಗಾರ ಕೋಡಿ ಗಾಕ್ಪೊ ಅವರ ಮೇಲೆ ನೆದರ್ಲೆಂಡ್ಸ್ ತಂಡ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದೆ.</p>.<p>‘ಅಮೆರಿಕ ತಂಡವನ್ನು ಲಘುವಾಗಿ ಪರಿಗಣಿಸುವುದಿಲ್ಲ. ಅವರ ಸಾಮರ್ಥ್ಯ ಏನೆಂಬುದು ಎಲ್ಲರಿಗೂ ತಿಳಿದಿದೆ. ನಾಕೌಟ್ ಪ್ರವೇಶಿಸಿರುವ ಅತ್ಯುತ್ತಮ ತಂಡಗಳಲ್ಲಿ ಅಮೆರಿಕ ಕೂಡಾ ಒಂದು’ ಎಂದು ನೆದರ್ಲೆಂಡ್ಸ್ ತಂಡದ ಕೋಚ್ ಲೂಯಿಸ್ ವಾನ್ ಗಾಲ್ ಹೇಳಿದ್ದಾರೆ.</p>.<p>ಯುವ ಆಟಗಾರರನ್ನು ಒಳಗೊಂಡಿರುವ ಅಮೆರಿಕ, ಎದುರಾಳಿಗಳಿಗೆ ಪ್ರಬಲ ಪೈಪೋಟಿ ನೀಡುವ ಸಾಧ್ಯತೆಯಿದೆ. ಈ ತಂಡ ‘ಬಿ’ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದು ನಾಕೌಟ್ ಪ್ರವೇಶಿಸಿದೆ. ಇಂಗ್ಲೆಂಡ್ ಮತ್ತು ವೇಲ್ಸ್ ಜತೆ ಡ್ರಾ ಮಾಡಿಕೊಂಡಿದ್ದ ಅಮೆರಿಕ, ಕೊನೆಯ ಪಂದ್ಯದಲ್ಲಿ ಇರಾನ್ ವಿರುದ್ಧ ಗೆದ್ದಿತ್ತು.</p>.<p><strong>ಮುಖಾಮುಖಿ: </strong>ನೆದರ್ಲೆಂಡ್ಸ್ ಮತ್ತು ಅಮೆರಿಕ ತಂಡಗಳು ಇದುವರೆಗೆ ಐದು ಸಲ ಪರಸ್ಪರ ಎದುರಾಗಿದ್ದು, ನೆದರ್ಲೆಂಡ್ಸ್ ನಾಲ್ಕು ಸಲ ಗೆದ್ದಿದೆ. 2015 ರಲ್ಲಿ ಇವೆರಡು ತಂಡಗಳು ಕೊನೆಯ ಬಾರಿ ಎದುರಾಗಿದ್ದಾಗ ಅಮೆರಿಕ 4–3 ರಲ್ಲಿ ಗೆಲುವು ಪಡೆದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
