<p><strong>ಬ್ರಿಸ್ಬೇನ್</strong> : ವಿರಾಮಕ್ಕೆ ಮೊದಲು ಮತ್ತು ನಂತರ ಒಂದೊಂದು ಗೋಲುಗಳನ್ನು ಗಳಿಸಿದ ಸ್ವೀಡನ್ ತಂಡ 2–0 ಯಿಂದ ಆತಿಥೇಯ ಆಸ್ಟ್ರೇಲಿಯಾ ತಂಡವನ್ನು ಸೋಲಿಸಿ ಮಹಿಳಾ ವಿಶ್ವಕಪ್ ಫುಟ್ಬಾಲ್ ಚಾಂಪಿಯನ್ಷಿಪ್ನಲ್ಲಿ ಶನಿವಾರ ಮೂರನೇ ಸ್ಥಾನ ಪಡೆಯಿತು.</p>.<p>ಸುಮಾರು 50,000ದಷ್ಟಿದ್ದ ಪ್ರೇಕ್ಷಕರಿದ್ದ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಸ್ವೀಡನ್ 30ನೇ ನಿಮಿಷ ಮುನ್ನಡೆಯಿತು. ಫ್ರಿಡೊಲಿನಾ ರೋಲ್ಫೊ ತಂಡಕ್ಕೆ ಮುನ್ನಡೆ ಒದಗಿಸಿದರು. 62ನೇ ನಿಮಿಷ ಕೊಸೊವರೆ ಅಸ್ಲಾನಿ ಶಕ್ತಿಶಾಲಿ ಒದೆತದಲ್ಲಿ ಚೆಂಡನ್ನು ಗುರಿಮುಟ್ಟಿಸಿ ಮುನ್ನಡೆಯನ್ನು ಹೆಚ್ಚಿಸಿದರು.</p>.<p>ವಿಶ್ವದಲ್ಲಿ ಮೂರನೇ ಕ್ರಮಾಂಕ ಪಡೆದಿರುವ ಸ್ವೀಡನ್ ವಿಶ್ವಕಪ್ನಲ್ಲಿ ನಾಲ್ಕನೇ ಬಾರಿ ಮೂರನೇ ಸ್ಥಾನ ಪಡೆದಂತಾಗಿದೆ. ಆಟದ ರೀತಿ ನೋಡಿದರೆ ಈ ತಂಡವು ವಿಜಯಕ್ಕೆ ಯೋಗ್ಯವಾಗಿತ್ತು. ಮಿಡ್ಫೀಲ್ಡ್ನಲ್ಲಿ ಪ್ರಾಬಲ್ಯ ಸಾಧಿಸಿದ ಸ್ವೀಡನ್, ಆಸ್ಟ್ರೇಲಿಯಾದ ಅಪಾಯಕಾರಿ ಆಟಗಾರ್ತಿ ಸ್ಯಾಮ್ ಕೆರ್ ಅವರಿಗೆ ‘ಸರ್ಪಗಾವಲು’ ಹಾಕಿದರು. ಹೀಗಾಗಿ ಅವರಿಗೆ ಪದೇ ಪದೇ ಗೋಲಿನತ್ತ ಮುನ್ನುಗ್ಗಲು ಆಗಲಿಲ್ಲ.</p>.<p>ಆಸ್ಟ್ರೇಲಿಯಾದ ಇನ್ನೊಬ್ಬ ಸ್ಟಾರ್ ಆಟಗಾರ್ತಿ ಮೇರಿ ಫೌಲರ್ ಅವರಿಗೂ ಈ ಪಂದ್ಯ ನೆನಪಿನಲ್ಲಿಡುವಂತೆ ಇರಲಿಲ್ಲ. ಅವರು ಸ್ವೀಡನ್ ಡಿಫೆಂಡರ್ಗಳ ವೇಗ ಮತ್ತು ಶಕ್ತಿಗೆ ಸುಸ್ತಾದಂತೆ ಕಂಡರು.</p>.<p>ಇನ್ನೊಂದೆಡೆ ಸ್ವೀಡನ್ನ ದಾಳಿಯ ಮುಂಚೂಣಿಯಲ್ಲಿದ್ದ ಸ್ಟಿನಾ ಬ್ಲ್ಯಾಕ್ಸ್ಟೀನಿಯಸ್, ಆಸ್ಟ್ರೇಲಿಯಾದ ಗೋಲಿನತ್ತ ಆಗಾಗ ಮುನ್ನುಗ್ಗಿದರು. 63 ನಿಮಿಷಗಳ ಕಾಲ ಆಡಿದ ಅವರು ತಂಡ ಗಳಿಸಿದ್ದ ಎರಡೂ ಗೋಲಿನಲ್ಲಿ ಪಾತ್ರ ವಹಿಸಿದ್ದರು.</p>.<p>ಕೊನೆಯ 20 ನಿಮಿಷ ಆಸ್ಟ್ರೇಲಿಯಾ ಗೋಲು ಗಳಿಸಲು ಇನ್ನಿಲ್ಲದ ಪ್ರಯತ್ನ ನಡೆಸಿತು. ದೂರದ ‘ಕ್ರಾಸ್’<br>ಗಳ ಮೂಲಕ ಸ್ವೀಡನ್ ಗೋಲಿನತ್ತ ಸಾಗಿದರು. ಆದರೆ ಸ್ವೀಡನ್ ಗೋಲ್ಕೀಪರ್ ಝೆಸಿರಾ ಮುಸೊವಿಕ್ ಅವರಿಗೆ ಅಂಥ ಅಗ್ನಿಪರೀಕ್ಷೆ ಎದುರಾಗಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ರಿಸ್ಬೇನ್</strong> : ವಿರಾಮಕ್ಕೆ ಮೊದಲು ಮತ್ತು ನಂತರ ಒಂದೊಂದು ಗೋಲುಗಳನ್ನು ಗಳಿಸಿದ ಸ್ವೀಡನ್ ತಂಡ 2–0 ಯಿಂದ ಆತಿಥೇಯ ಆಸ್ಟ್ರೇಲಿಯಾ ತಂಡವನ್ನು ಸೋಲಿಸಿ ಮಹಿಳಾ ವಿಶ್ವಕಪ್ ಫುಟ್ಬಾಲ್ ಚಾಂಪಿಯನ್ಷಿಪ್ನಲ್ಲಿ ಶನಿವಾರ ಮೂರನೇ ಸ್ಥಾನ ಪಡೆಯಿತು.</p>.<p>ಸುಮಾರು 50,000ದಷ್ಟಿದ್ದ ಪ್ರೇಕ್ಷಕರಿದ್ದ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಸ್ವೀಡನ್ 30ನೇ ನಿಮಿಷ ಮುನ್ನಡೆಯಿತು. ಫ್ರಿಡೊಲಿನಾ ರೋಲ್ಫೊ ತಂಡಕ್ಕೆ ಮುನ್ನಡೆ ಒದಗಿಸಿದರು. 62ನೇ ನಿಮಿಷ ಕೊಸೊವರೆ ಅಸ್ಲಾನಿ ಶಕ್ತಿಶಾಲಿ ಒದೆತದಲ್ಲಿ ಚೆಂಡನ್ನು ಗುರಿಮುಟ್ಟಿಸಿ ಮುನ್ನಡೆಯನ್ನು ಹೆಚ್ಚಿಸಿದರು.</p>.<p>ವಿಶ್ವದಲ್ಲಿ ಮೂರನೇ ಕ್ರಮಾಂಕ ಪಡೆದಿರುವ ಸ್ವೀಡನ್ ವಿಶ್ವಕಪ್ನಲ್ಲಿ ನಾಲ್ಕನೇ ಬಾರಿ ಮೂರನೇ ಸ್ಥಾನ ಪಡೆದಂತಾಗಿದೆ. ಆಟದ ರೀತಿ ನೋಡಿದರೆ ಈ ತಂಡವು ವಿಜಯಕ್ಕೆ ಯೋಗ್ಯವಾಗಿತ್ತು. ಮಿಡ್ಫೀಲ್ಡ್ನಲ್ಲಿ ಪ್ರಾಬಲ್ಯ ಸಾಧಿಸಿದ ಸ್ವೀಡನ್, ಆಸ್ಟ್ರೇಲಿಯಾದ ಅಪಾಯಕಾರಿ ಆಟಗಾರ್ತಿ ಸ್ಯಾಮ್ ಕೆರ್ ಅವರಿಗೆ ‘ಸರ್ಪಗಾವಲು’ ಹಾಕಿದರು. ಹೀಗಾಗಿ ಅವರಿಗೆ ಪದೇ ಪದೇ ಗೋಲಿನತ್ತ ಮುನ್ನುಗ್ಗಲು ಆಗಲಿಲ್ಲ.</p>.<p>ಆಸ್ಟ್ರೇಲಿಯಾದ ಇನ್ನೊಬ್ಬ ಸ್ಟಾರ್ ಆಟಗಾರ್ತಿ ಮೇರಿ ಫೌಲರ್ ಅವರಿಗೂ ಈ ಪಂದ್ಯ ನೆನಪಿನಲ್ಲಿಡುವಂತೆ ಇರಲಿಲ್ಲ. ಅವರು ಸ್ವೀಡನ್ ಡಿಫೆಂಡರ್ಗಳ ವೇಗ ಮತ್ತು ಶಕ್ತಿಗೆ ಸುಸ್ತಾದಂತೆ ಕಂಡರು.</p>.<p>ಇನ್ನೊಂದೆಡೆ ಸ್ವೀಡನ್ನ ದಾಳಿಯ ಮುಂಚೂಣಿಯಲ್ಲಿದ್ದ ಸ್ಟಿನಾ ಬ್ಲ್ಯಾಕ್ಸ್ಟೀನಿಯಸ್, ಆಸ್ಟ್ರೇಲಿಯಾದ ಗೋಲಿನತ್ತ ಆಗಾಗ ಮುನ್ನುಗ್ಗಿದರು. 63 ನಿಮಿಷಗಳ ಕಾಲ ಆಡಿದ ಅವರು ತಂಡ ಗಳಿಸಿದ್ದ ಎರಡೂ ಗೋಲಿನಲ್ಲಿ ಪಾತ್ರ ವಹಿಸಿದ್ದರು.</p>.<p>ಕೊನೆಯ 20 ನಿಮಿಷ ಆಸ್ಟ್ರೇಲಿಯಾ ಗೋಲು ಗಳಿಸಲು ಇನ್ನಿಲ್ಲದ ಪ್ರಯತ್ನ ನಡೆಸಿತು. ದೂರದ ‘ಕ್ರಾಸ್’<br>ಗಳ ಮೂಲಕ ಸ್ವೀಡನ್ ಗೋಲಿನತ್ತ ಸಾಗಿದರು. ಆದರೆ ಸ್ವೀಡನ್ ಗೋಲ್ಕೀಪರ್ ಝೆಸಿರಾ ಮುಸೊವಿಕ್ ಅವರಿಗೆ ಅಂಥ ಅಗ್ನಿಪರೀಕ್ಷೆ ಎದುರಾಗಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
