<p><strong>ಪ್ಯಾರಿಸ್:</strong> ಮೊರಾಕ್ಕೊ ತಂಡ ಅಮೋಘ ಪ್ರದರ್ಶನ ನೀಡಿ, ಒಲಿಂಪಿಕ್ಸ್ ಫುಟ್ಬಾಲ್ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಅಮೆರಿಕ ತಂಡವನ್ನು ಶುಕ್ರವಾರ 4–0 ಗೋಲುಗಳಿಂದ ಸೋಲಿಸಿತು.</p>.<p>ಸಿಡ್ನಿ ಒಲಿಂಪಿಕ್ಸ್ (2000) ನಂತರ ಇದೇ ಮೊದಲ ಬಾರಿ ಅಮೆರಿಕ ನಾಕೌಟ್ ತಲುಪಿತ್ತು. ಆದರೆ ಮೊರಾಕ್ಕೊ ತಂಡದ ಸ್ಫೂರ್ತಿಯುತ ಪ್ರದರ್ಶನದ ಎದುರು ಅಮೆರಿಕದ ಆಟ ಹೆಚ್ಚೇನೂ ನಡೆಯಲಿಲ್ಲ. ಮೊರಾಕ್ಕೊ ಗುಂಪು ಹಂತದಲ್ಲಿ ಪ್ರಬಲ ಅರ್ಜೆಂಟೀನಾ ತಂಡವನ್ನು ಸೋಲಿಸಿತ್ತು.</p>.<p>ಮೊರಾಕೊ ಸೋಮವಾರ ಮಾರ್ಸೆಯಲ್ಲಿ ನಡೆಯಲಿರುವ ಸೆಮಿಫೈನಲ್ನಲ್ಲಿ ಸ್ಪೇನ್ ತಂಡವನ್ನು ಎದುರಿಸಲಿದೆ. ಸ್ಪೇನ್ ಇನ್ನೊಂದು ಕ್ವಾರ್ಟರ್ಫೈನಲ್ನಲ್ಲಿ ಜಪಾನ್ ತಂಡವನ್ನು 3–0 ಗೋಲುಗಳಿಂದ ಸೋಲಿಸಿತು.</p>.<p>ಪಾರ್ಕ್ ದೆ ಪ್ರಾಸ್ ಕ್ರೀಡಾಂಗಣದಲ್ಲಿ ಅಮೆರಿಕ ವಿರುದ್ಧ ನಡೆದ ಪಂದ್ಯದಲ್ಲಿ ಸೌಫಿಯಾನ್ ರಹಿಮಿ, ಇಲಿಯಾಸ್ ಅಖೊಮಾಚ್, ಅಚ್ರಫ್ ಹಕಿಮಿ ಮತ್ತು ಮೆಹ್ದಿ ಮಹೋಬ್ ಗೋಲು ಗಳಿಸಿದರು.</p>.<p>ಮೊರಾಕ್ಕೊ ಇದೇ ಮೊದಲ ಬಾರಿ ಒಲಿಂಪಿಕ್ಸ್ ಸೆಮಿಫೈನಲ್ ತಲುಪಿದೆ. 2022ರಲ್ಲಿ ಮೊದಲ ಬಾರಿ ಈ ತಂಡ ವಿಶ್ವಕಪ್ ಸೆಮಿಫೈನಲ್ ತಲುಪಿದ್ದು, ಆ ಸಾಧನೆ ಮಾಡಿದ ಆಫ್ರಿಕಾದ ಮೊದಲ ದೇಶವೆನಿಸಿತ್ತು.</p>.<p>‘ಇದು ನಮಗೆಲ್ಲಾ ಚಾರಿತ್ರಿಕ ದಿನ. ನಮಗೆ ಹೆಮ್ಮೆಯೆನಿಸಿದೆ’ ಎಂದು ತಂಡದ ನಾಯಕ ಹಕಿಮಿ ಹೇಳಿದರು. ‘ನನ್ನ ಗುರಿ ಒಂದೇ, ಪದಕ ಗೆಲುವುದು’ ಎಂದರು. ಪ್ಯಾರಿಸ್ನಲ್ಲಿ ಮೊರಾಕೊ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದು ಅವರು ಸೆಮಿಫೈನಲ್ನಲ್ಲಿ ಮಾರ್ಸೆಗೆ ಹೋಗಿ ತಂಡವನ್ನು ಬೆಂಬಲಿಸುವ ನಿರೀಕ್ಷೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಮೊರಾಕ್ಕೊ ತಂಡ ಅಮೋಘ ಪ್ರದರ್ಶನ ನೀಡಿ, ಒಲಿಂಪಿಕ್ಸ್ ಫುಟ್ಬಾಲ್ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಅಮೆರಿಕ ತಂಡವನ್ನು ಶುಕ್ರವಾರ 4–0 ಗೋಲುಗಳಿಂದ ಸೋಲಿಸಿತು.</p>.<p>ಸಿಡ್ನಿ ಒಲಿಂಪಿಕ್ಸ್ (2000) ನಂತರ ಇದೇ ಮೊದಲ ಬಾರಿ ಅಮೆರಿಕ ನಾಕೌಟ್ ತಲುಪಿತ್ತು. ಆದರೆ ಮೊರಾಕ್ಕೊ ತಂಡದ ಸ್ಫೂರ್ತಿಯುತ ಪ್ರದರ್ಶನದ ಎದುರು ಅಮೆರಿಕದ ಆಟ ಹೆಚ್ಚೇನೂ ನಡೆಯಲಿಲ್ಲ. ಮೊರಾಕ್ಕೊ ಗುಂಪು ಹಂತದಲ್ಲಿ ಪ್ರಬಲ ಅರ್ಜೆಂಟೀನಾ ತಂಡವನ್ನು ಸೋಲಿಸಿತ್ತು.</p>.<p>ಮೊರಾಕೊ ಸೋಮವಾರ ಮಾರ್ಸೆಯಲ್ಲಿ ನಡೆಯಲಿರುವ ಸೆಮಿಫೈನಲ್ನಲ್ಲಿ ಸ್ಪೇನ್ ತಂಡವನ್ನು ಎದುರಿಸಲಿದೆ. ಸ್ಪೇನ್ ಇನ್ನೊಂದು ಕ್ವಾರ್ಟರ್ಫೈನಲ್ನಲ್ಲಿ ಜಪಾನ್ ತಂಡವನ್ನು 3–0 ಗೋಲುಗಳಿಂದ ಸೋಲಿಸಿತು.</p>.<p>ಪಾರ್ಕ್ ದೆ ಪ್ರಾಸ್ ಕ್ರೀಡಾಂಗಣದಲ್ಲಿ ಅಮೆರಿಕ ವಿರುದ್ಧ ನಡೆದ ಪಂದ್ಯದಲ್ಲಿ ಸೌಫಿಯಾನ್ ರಹಿಮಿ, ಇಲಿಯಾಸ್ ಅಖೊಮಾಚ್, ಅಚ್ರಫ್ ಹಕಿಮಿ ಮತ್ತು ಮೆಹ್ದಿ ಮಹೋಬ್ ಗೋಲು ಗಳಿಸಿದರು.</p>.<p>ಮೊರಾಕ್ಕೊ ಇದೇ ಮೊದಲ ಬಾರಿ ಒಲಿಂಪಿಕ್ಸ್ ಸೆಮಿಫೈನಲ್ ತಲುಪಿದೆ. 2022ರಲ್ಲಿ ಮೊದಲ ಬಾರಿ ಈ ತಂಡ ವಿಶ್ವಕಪ್ ಸೆಮಿಫೈನಲ್ ತಲುಪಿದ್ದು, ಆ ಸಾಧನೆ ಮಾಡಿದ ಆಫ್ರಿಕಾದ ಮೊದಲ ದೇಶವೆನಿಸಿತ್ತು.</p>.<p>‘ಇದು ನಮಗೆಲ್ಲಾ ಚಾರಿತ್ರಿಕ ದಿನ. ನಮಗೆ ಹೆಮ್ಮೆಯೆನಿಸಿದೆ’ ಎಂದು ತಂಡದ ನಾಯಕ ಹಕಿಮಿ ಹೇಳಿದರು. ‘ನನ್ನ ಗುರಿ ಒಂದೇ, ಪದಕ ಗೆಲುವುದು’ ಎಂದರು. ಪ್ಯಾರಿಸ್ನಲ್ಲಿ ಮೊರಾಕೊ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದು ಅವರು ಸೆಮಿಫೈನಲ್ನಲ್ಲಿ ಮಾರ್ಸೆಗೆ ಹೋಗಿ ತಂಡವನ್ನು ಬೆಂಬಲಿಸುವ ನಿರೀಕ್ಷೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
