<p><strong>ಕೌಲಾಲಂಪುರ</strong>: ಭಾರತದ ಟ್ರಿಸಾ ಜೋಳಿ ಮತ್ತು ಗಾಯತ್ರಿ ಗೋಪಿಚಂದ್ ಅವರು ಇಲ್ಲಿ ನಡೆಯುತ್ತಿರುವ ಮಲೇಷ್ಯಾ ಮಾಸ್ಟರ್ಸ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಡಬಲ್ಸ್ನಲ್ಲಿ ಶುಭಾರಂಭ ಮಾಡಿದರು. </p><p>ಏಳನೇ ಶ್ರೇಯಾಂಕದ ಟ್ರಿಸಾ– ಗಾಯತ್ರಿ ಜೋಡಿಯು ಮಂಗಳವಾರ ನಡೆದ ಆರಂಭಿಕ ಸುತ್ತಿನಲ್ಲಿ 21-14, 21-10 ಅಂತರದಲ್ಲಿ ನೇರ ಗೇಮ್ಗಳಲ್ಲಿ ಚೀನಾ ತೈಪೆಯ ಹುವಾಂಗ್ ಯು ಹ್ಸುನ್ ಮತ್ತು ಲಿಯಾಂಗ್ ಟಿಂಗ್ ಯು ಅವರನ್ನು ಹಿಮ್ಮೆಟ್ಟಿಸಿತು.</p><p>ಪುರುಷರ ಸಿಂಗಲ್ಸ್ ಕ್ವಾಲಿಫೈಯರ್ ಸುತ್ತಿನಲ್ಲಿ ಕಣದಲ್ಲಿದ್ದ ಭಾರತದ ನಾಲ್ವರೂ ನಿರಾಸೆ ಮೂಡಿಸಿದರು. ಯಾರಿಗೂ ಮುಖ್ಯ ಸುತ್ತು ಪ್ರವೇಶಿಸಲು ಸಾಧ್ಯವಾಗಿಲ್ಲ.</p><p>ಕಳೆದ ಡಿಸೆಂಬರ್ನಲ್ಲಿ ಒಡಿಶಾ ಮಾಸ್ಟರ್ಸ್ನಲ್ಲಿ ಚೊಚ್ಚಲ ಪ್ರಶಸ್ತಿಯನ್ನು ಗೆದ್ದಿದ್ದ ಸತೀಶ್ ಕುಮಾರ್ ಕರುಣಾಕರನ್ ಅವರು ಕ್ವಾಲಿಫೈಯರ್ನ ಮೊದಲ ಪಂದ್ಯದಲ್ಲಿ 21-15, 21-19 ರಿಂದ ಆತಿಥೇಯ ಮಲೇಷ್ಯಾದ ಚೀಮ್ ಜೂನ್ ವೀ ಅವರನ್ನು ಸೋಲಿಸಿದರು. ಆದರೆ, ಎರಡನೇ ಪಂದ್ಯದಲ್ಲಿ ಅವರು 21-13, 20-22, 13-21 ರಿಂದ ಇಂಡೊನೇಷ್ಯಾದ ಶೇಸರ್ ಹಿರೆನ್ ರುಸ್ತಾವಿಟೊ ಅವರಿಗೆ ಮಣಿದರು.</p><p>ಕರ್ನಾಟಕದ ಆಯುಷ್ ಶೆಟ್ಟಿ ಅವರು ಮೊದಲ ಪಂದ್ಯದಲ್ಲಿ 21-7, 21-14 ರಿಂದ ಸ್ವದೇಶದ ಕಾರ್ತಿಕೇಯ ಗುಲ್ಶನ್ ಕುಮಾರ್ ವಿರುದ್ಧ ಸುಲಭ ಗೆಲುವು ಸಾಧಿಸಿದರು. ಆದರೆ, ನಂತರದ ಪಂದ್ಯದಲ್ಲಿ 21-23, 21-16, 17-21 ರಿಂದ ಥಾಯ್ಲೆಂಡ್ನ ಪಾನಿಚ್ಚಾಫೋನ್ ತೀರರತ್ಸಕುಲ್ ಅವರಿಗೆ ಶರಣಾದರು.</p><p>ವಿಶ್ವ ಜೂನಿಯರ್ ಚಾಂಪಿಯನ್ಷಿಪ್ನ ಬೆಳ್ಳಿ ಪದಕ ವಿಜೇತ ಎಸ್. ಶಂಕರ್ ಸುಬ್ರಮಣಿಯನ್ ಅವರು ಆರಂಭಿಕ ಸುತ್ತಿನಲ್ಲಿ 12-21, 17-21ರಿಂದ ರುಸ್ತಾವಿಟೊ ವಿರುದ್ಧ ಸೋತರು.</p><p>ಮಹಿಳೆಯರ ಸಿಂಗಲ್ಸ್ ಕ್ವಾಲಿಫೈಯರ್ನಲ್ಲಿ ತಾನ್ಯಾ ಹೇಮಂತ್ 21-23, 8-21 ರಿಂದ ಚೀನಾ ತೈಪೆಯ ಲಿನ್ ಸಿಹ್ ಯುನ್ ಅವರಿಗೆ ಮಣಿದರು. ಡಬಲ್ಸ್ನಲ್ಲಿ ಪಲಕ್ ಅರೋರಾ ಮತ್ತು ಉನ್ನತಿ ಹೂಡಾ ಜೋಡಿಯು 10-21, 5-21 ಅಂತರದಲ್ಲಿ ಚೀನಾ ತೈಪೆಯ ಹ್ಸು ಯಿನ್-ಹುಯಿ ಮತ್ತು ಲಿನ್ ಝಿಜ್ ಯುನ್ ವಿರುದ್ಧ ಸೋತರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೌಲಾಲಂಪುರ</strong>: ಭಾರತದ ಟ್ರಿಸಾ ಜೋಳಿ ಮತ್ತು ಗಾಯತ್ರಿ ಗೋಪಿಚಂದ್ ಅವರು ಇಲ್ಲಿ ನಡೆಯುತ್ತಿರುವ ಮಲೇಷ್ಯಾ ಮಾಸ್ಟರ್ಸ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಡಬಲ್ಸ್ನಲ್ಲಿ ಶುಭಾರಂಭ ಮಾಡಿದರು. </p><p>ಏಳನೇ ಶ್ರೇಯಾಂಕದ ಟ್ರಿಸಾ– ಗಾಯತ್ರಿ ಜೋಡಿಯು ಮಂಗಳವಾರ ನಡೆದ ಆರಂಭಿಕ ಸುತ್ತಿನಲ್ಲಿ 21-14, 21-10 ಅಂತರದಲ್ಲಿ ನೇರ ಗೇಮ್ಗಳಲ್ಲಿ ಚೀನಾ ತೈಪೆಯ ಹುವಾಂಗ್ ಯು ಹ್ಸುನ್ ಮತ್ತು ಲಿಯಾಂಗ್ ಟಿಂಗ್ ಯು ಅವರನ್ನು ಹಿಮ್ಮೆಟ್ಟಿಸಿತು.</p><p>ಪುರುಷರ ಸಿಂಗಲ್ಸ್ ಕ್ವಾಲಿಫೈಯರ್ ಸುತ್ತಿನಲ್ಲಿ ಕಣದಲ್ಲಿದ್ದ ಭಾರತದ ನಾಲ್ವರೂ ನಿರಾಸೆ ಮೂಡಿಸಿದರು. ಯಾರಿಗೂ ಮುಖ್ಯ ಸುತ್ತು ಪ್ರವೇಶಿಸಲು ಸಾಧ್ಯವಾಗಿಲ್ಲ.</p><p>ಕಳೆದ ಡಿಸೆಂಬರ್ನಲ್ಲಿ ಒಡಿಶಾ ಮಾಸ್ಟರ್ಸ್ನಲ್ಲಿ ಚೊಚ್ಚಲ ಪ್ರಶಸ್ತಿಯನ್ನು ಗೆದ್ದಿದ್ದ ಸತೀಶ್ ಕುಮಾರ್ ಕರುಣಾಕರನ್ ಅವರು ಕ್ವಾಲಿಫೈಯರ್ನ ಮೊದಲ ಪಂದ್ಯದಲ್ಲಿ 21-15, 21-19 ರಿಂದ ಆತಿಥೇಯ ಮಲೇಷ್ಯಾದ ಚೀಮ್ ಜೂನ್ ವೀ ಅವರನ್ನು ಸೋಲಿಸಿದರು. ಆದರೆ, ಎರಡನೇ ಪಂದ್ಯದಲ್ಲಿ ಅವರು 21-13, 20-22, 13-21 ರಿಂದ ಇಂಡೊನೇಷ್ಯಾದ ಶೇಸರ್ ಹಿರೆನ್ ರುಸ್ತಾವಿಟೊ ಅವರಿಗೆ ಮಣಿದರು.</p><p>ಕರ್ನಾಟಕದ ಆಯುಷ್ ಶೆಟ್ಟಿ ಅವರು ಮೊದಲ ಪಂದ್ಯದಲ್ಲಿ 21-7, 21-14 ರಿಂದ ಸ್ವದೇಶದ ಕಾರ್ತಿಕೇಯ ಗುಲ್ಶನ್ ಕುಮಾರ್ ವಿರುದ್ಧ ಸುಲಭ ಗೆಲುವು ಸಾಧಿಸಿದರು. ಆದರೆ, ನಂತರದ ಪಂದ್ಯದಲ್ಲಿ 21-23, 21-16, 17-21 ರಿಂದ ಥಾಯ್ಲೆಂಡ್ನ ಪಾನಿಚ್ಚಾಫೋನ್ ತೀರರತ್ಸಕುಲ್ ಅವರಿಗೆ ಶರಣಾದರು.</p><p>ವಿಶ್ವ ಜೂನಿಯರ್ ಚಾಂಪಿಯನ್ಷಿಪ್ನ ಬೆಳ್ಳಿ ಪದಕ ವಿಜೇತ ಎಸ್. ಶಂಕರ್ ಸುಬ್ರಮಣಿಯನ್ ಅವರು ಆರಂಭಿಕ ಸುತ್ತಿನಲ್ಲಿ 12-21, 17-21ರಿಂದ ರುಸ್ತಾವಿಟೊ ವಿರುದ್ಧ ಸೋತರು.</p><p>ಮಹಿಳೆಯರ ಸಿಂಗಲ್ಸ್ ಕ್ವಾಲಿಫೈಯರ್ನಲ್ಲಿ ತಾನ್ಯಾ ಹೇಮಂತ್ 21-23, 8-21 ರಿಂದ ಚೀನಾ ತೈಪೆಯ ಲಿನ್ ಸಿಹ್ ಯುನ್ ಅವರಿಗೆ ಮಣಿದರು. ಡಬಲ್ಸ್ನಲ್ಲಿ ಪಲಕ್ ಅರೋರಾ ಮತ್ತು ಉನ್ನತಿ ಹೂಡಾ ಜೋಡಿಯು 10-21, 5-21 ಅಂತರದಲ್ಲಿ ಚೀನಾ ತೈಪೆಯ ಹ್ಸು ಯಿನ್-ಹುಯಿ ಮತ್ತು ಲಿನ್ ಝಿಜ್ ಯುನ್ ವಿರುದ್ಧ ಸೋತರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
