ಎರಡನೇ ಸ್ಥಾನದಲ್ಲಿರುವ ಪೋಲೆಂಡ್‌ನ ಇಗೆಮನ್ ಎಮಿಲಿಯಾ (4.5) ಅವರು ಅಗ್ರಸ್ಥಾನದಲ್ಲಿರುವ ಉಕ್ರೇನ್‌ ಸ್ಪರ್ಧಿಗಿಂತ ಒಂದೂವರೆ ಪಾಯಿಂಟ್‌ನಷ್ಟು ಹಿಂದೆಯಿದ್ದಾರೆ. ಹೀಗಾಗಿ ಲುಬೊವ್ ಈ ಚಾಂಪಿಯನ್‌ಷಿಪ್‌ನಲ್ಲಿ ಪ್ರಶಸ್ತಿಯೊಂದಿಗೆ ತಮ್ಮ ದಶಕದ ಪಾರಮ್ಯ ಮುಂದುವರಿಸುವುದು ಬಹುತೇಕ ಖಚಿತವಾಗಿದೆ. ಗುರುವಾರ ನಡೆದ ಪಂದ್ಯದಲ್ಲಿ ಬಿಳಿ ಕಾಯಿಗಳಲ್ಲಿ ಆಡಿದ ಇಗೆಮನ್, ಅಮೆರಿಕದ ಟ್ರಿಯಾನ್‌ಸ್ಕಾ ಎಮಿಲಿಯಾ ವಿರುದ್ಧ ಜಯಗಳಿಸಿದರು. 19ನೇ ನಡೆಯಲ್ಲಿ ದೊಡ್ಡ ತಪ್ಪೆಸಗಿದ ಟ್ರಿಯಾನ್‌ಸ್ಕಾ ಆಟ ಮುಂದುವರಿಸಿದರೂ, 38ನೇ ನಡೆಯಲ್ಲಿ ಸೋಲೊಪ್ಪಿಕೊಂಡರು.
