ವಾರ್ಸಾ (ಪಿಟಿಐ): ಕ್ಯಾಂಡಿಡೇಟ್ಸ್‌ ಟೂರ್ನಿಯಲ್ಲಿ ವಿಜೇತರಾದ ಡಿ.ಗುಕೇಶ್ ಜೊತೆ ಭಾರತದ ಇನ್ನಿಬ್ಬರು ಯುವ ತಾರೆಯರಾದ ಆರ್‌.ಪ್ರಜ್ಞಾನಂದ ಮತ್ತು ಅರ್ಜುನ್ ಇರಿಗೇಶಿ ಅವರು ಬುಧವಾರ ಪೋಲೆಂಡ್‌ನಲ್ಲಿ ಆರಂಭವಾಗಲಿರುವ ಸೂಪರ್‌ಬೆಟ್‌ ರ‍್ಯಾಪಿಡ್‌ ಮತ್ತು ಬ್ಲಿಟ್ಜ್‌ ಚೆಸ್‌ ಟೂರ್ನಿಯಲ್ಲಿ ಕಣಕ್ಕೆ ಇಳಿಯಲಿದ್ದಾರೆ.
ಈ ಟೂರ್ನಿಗ ಗ್ರ್ಯಾಂಡ್‌ ಚೆಸ್‌ ಟೂರ್‌ನ ಭಾಗವಾಗಿದೆ. ಕ್ಯಾಂಡಿಡೇಟ್ಸ್‌ ಟೂರ್ನಿಯ ನಂತರ ಗುಕೇಶ್ ಮತ್ತು ಪ್ರಜ್ಞಾನಂದ ಅವರಿಗೆ ಇದು ಮೊದಲ ಟೂರ್ನಿ. ವಿಶ್ವ ಕ್ರಮಾಂಕದಲ್ಲಿ ಏಳನೇ ಸ್ಥಾನಕ್ಕೇರಿರುವ ಅರ್ಜುನ್ ಇರಿಗೇಶಿ ಅವರೂ 10 ಆಟಗಾರರ ಈ ಟೂರ್ನಿಯಲ್ಲಿ ಆಕರ್ಷಣೆಯ ಕೇಂದ್ರವಾಗಿದ್ದಾರೆ.
ಟೂರ್ನಿಯು 9 ರ‍್ಯಾಪಿಡ್‌ ಮಾದರಿಯಲ್ಲಿ 9 ಸುತ್ತುಗಳನ್ನು ಮತ್ತು 18 ಬ್ಲಿಟ್ಜ್‌ ಮಾದರಿಯ ಸುತ್ತುಗಳನ್ನು ಹೊಂದಿದೆ.
