<p><strong>ನವದೆಹಲಿ: </strong>ಇದೇ ಆಗಸ್ಟ್ನಲ್ಲಿ ನಡೆಯಬೇಕಾಗಿದ್ದ ಹೈದರಾಬಾದ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯನ್ನು, ಕೋವಿಡ್–19 ಪಿಡುಗು ಮುಂದುವರಿಯುತ್ತಿರುವ ಕಾರಣ ಗುರುವಾರ ರದ್ದುಗೊಳಿಸಲಾಗಿದೆ.</p>.<p>ಕೊರೊನಾ ಹಾವಳಿಯಿಂದ ಸ್ಥಗಿತಗೊಂಡಿದ್ದ ಆಟಕ್ಕೆ ಮರುಚಾಲನೆ ನೀಡಲು ಕಳೆದ ತಿಂಗಳ 22ರಂದು ವಿಶ್ವ ಬ್ಯಾಡ್ಮಿಂಟನ್ ಫೆಡರೇಷನ್ (ಬಿಡಬ್ಲ್ಯುಎಫ್), ಪರಿಷ್ಕೃತ ಟೂರ್ನಿ ಕ್ಯಾಲೆಂಡರ್ (ವೇಳಾಪಟ್ಟಿ) ಬಿಡುಗಡೆ ಮಾಡಿತ್ತು. ಇದರ ಪ್ರಕಾರ ಹೈದರಾಬಾದ್ ಓಪನ್ ಟೂರ್ನಿ ಆಗಸ್ಟ್ 11 ರಿಂದ 16ರವರೆಗೆ ನಡೆಯಬೇಕಾಗಿತ್ತು.</p>.<p>‘ಬಿಡಬ್ಲ್ಯುಎಫ್ ಮತ್ತು ಭಾರತ ಬ್ಯಾಡ್ಮಿಂಟ್ ಸಂಸ್ಥೆ, ಬಿಡಬ್ಲ್ಯುಎಫ್ ಟೂರ್ ಸೂಪರ್ 100 ಶ್ರೇಣಿಯ ಹೈದರಾಬಾದ್ ಓಪನ್ ರದ್ದುಮಾಡಲು ಒಪ್ಪಿಕೊಂಡಿವೆ’ ಎಂದು ಬಿಡಬ್ಲ್ಯುಎಫ್ ಹೇಳಿಕೆಯಲ್ಲಿ ತಿಳಿಸಿದೆ.</p>.<p>‘ಕೆಲವು ದೇಶಗಳಲ್ಲಿ ಪರಿಸ್ಥಿತಿ ಬದಲಾಗುತ್ತಿರುತ್ತದೆ. ಹೀಗಾಗಿ ಟೂರ್ನಿಗಳ ಸ್ಥಿತಿಗತಿಯನ್ನು ಅಗತ್ಯವಿರುವಾಗಲೆಲ್ಲಾ ನೀಡಲಾಗುತ್ತದೆ’ ಎಂದು ಬಿಡಬ್ಲ್ಯುಎಫ್ ಮಹಾ ಕಾರ್ಯದರ್ಶಿ ಥಾಮಸ್ ಲಂಡ್ ತಿಳಿಸಿದರು.</p>.<p>‘ಆರೋಗ್ಯ, ಸುರಕ್ಷತೆ ಮತ್ತು ಸಂಚಾರ ನಿರ್ಬಂಧ ದೇಶದಿಂದ ದೇಶಕ್ಕೆ ಭಿನ್ನವಾಗಿವೆ. ಕೆಲವು ದೇಶಗಳು ಸಹಜ ಸ್ಥಿತಿಯತ್ತ ಮರಳುತ್ತಿವೆ’ ಎಂದು ಅವರು ಅಭಿಪ್ರಾಯಪಟ್ಟರು.</p>.<p>‘ಹೈದರಾಬಾದ್ ಈಗಲೂ ಲಾಕ್ಡೌನ್ನಲ್ಲಿ ಇರುವುದರಿಂದ ಆಗಸ್ಟ್ನಲ್ಲಿ ಟೂರ್ನಿ ನಡೆಸುವ ಕುರಿತು ಮಾತುಕೊಡುವುದು ನಮಗೆ ತೀರಾ ಕಷ್ಟವಾಗಿತ್ತು’ ಎಂದು ಮುಖ್ಯ ರಾಷ್ಟ್ರೀಯ ಕೋಚ್ ಪುಲ್ಲೇಲ ಗೋಪಿಚಂದ್ ಒಪ್ಪಿಕೊಂಡರು.</p>.<p>‘ಹೈದರಾಬಾದ್ನಲ್ಲಿ ಲಾಕ್ಡೌನ್ ತೆರವುಗೊಂಡಿಲ್ಲ. ಕ್ರೀಡಾ ಸೌಕರ್ಯಗಳ ಬಳಕೆಗೆ ಕೇಂದ್ರ ಸರ್ಕಾರ ಸಮ್ಮತಿ ನೀಡಿದರೂ, ಇದನ್ನು ಯಾವಾಗ ಆರಂಭ ಮಾಡಬೇಕು ಎಂದು ತೆಲಂಗಾಣ ಸರ್ಕಾರ ಇನ್ನೂ ನಿರ್ಧರಿಸಿಲ್ಲ. ಈ ಸಂಬಂಧ ಮಾಹಿತಿಗೆ ಕಾಯುತ್ತಿದ್ದೇವೆ’ ಎಂದು ಗೋಪಿಚಂದ್ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.</p>.<p><strong>ಇನ್ನೆರಡು ಟೂರ್ನಿ ರದ್ದು: </strong>ಬಿಡಬ್ಲ್ಯುಎಫ್ ಈ ಟೂರ್ನಿಯ ಜೊತೆಗೆ ಆಸ್ಟ್ರೇಲಿಯಾ ಓಪನ್ ಮತ್ತು ಕೊರಿಯಾ ಮಾಸ್ಟರ್ಸ್ ಟೂರ್ನಿಗಳನ್ನೂ ರದ್ದುಗೊಳಿಸಿದೆ. ಆಸ್ಟ್ರೇಲಿಯಾ ಓಪನ್ ಜೂನ್ 2 ರಿಂದ 7ರವರೆಗೆ ನಡೆಯಬೇಕಾಗಿತ್ತು.</p>.<p>ಕೊರಿಯಾ ಮಾಸ್ಟರ್ಸ್ ಟೂರ್ನಿ (ವಿಶ್ವಟೂರ್ ಸೂಪರ್ 300 ಸರಣಿ) ನವೆಂಬರ್ 24 ರಿಂದ 29ರವರೆಗೆ ನಿಗದಿಯಾಗಿತ್ತು. ಬ್ಯಾಡ್ಮಿಂಟನ್ ಕೊರಿಯಾ, ‘ಕೊರಿಯಾ ಓಪನ್’ ಟೂರ್ನಿಯನ್ನು ಸೆ. 8 ರಿಂದ 13ರವರೆಗೆ ನಡೆಸಲಿದೆ ಎಂದು ಬಿಡಬ್ಲ್ಯುಎಫ್ ತಿಳಿಸಿದೆ.</p>.<p>ಮೂರು ಟೂರ್ನಿಗಳು ಅಮಾನತಿನಲ್ಲಿದ್ದು, ಅವುಗಳು ಸ್ಥಿತಿಗತಿ ಬದಲಾಗಿಲ್ಲ. ಜರ್ಮನ್ ಓಪನ್ (ಮಾರ್ಚ್ 3 ರಿಂದ 8), ಸ್ವಿಸ್ ಓಪನ್ (ಮಾರ್ಚ್ 17 ರಿಂದ 22) ಮತ್ತು 2020 ಯುರೋಪಿಯನ್ ಚಾಂಪಿಯನ್ಷಿಪ್ಸ್ (ಏಪ್ರಿಲ್ 21 ರಿಂದ 26)– ಈ ಮೂರು ಟೂರ್ನಿಗಳಾಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಇದೇ ಆಗಸ್ಟ್ನಲ್ಲಿ ನಡೆಯಬೇಕಾಗಿದ್ದ ಹೈದರಾಬಾದ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯನ್ನು, ಕೋವಿಡ್–19 ಪಿಡುಗು ಮುಂದುವರಿಯುತ್ತಿರುವ ಕಾರಣ ಗುರುವಾರ ರದ್ದುಗೊಳಿಸಲಾಗಿದೆ.</p>.<p>ಕೊರೊನಾ ಹಾವಳಿಯಿಂದ ಸ್ಥಗಿತಗೊಂಡಿದ್ದ ಆಟಕ್ಕೆ ಮರುಚಾಲನೆ ನೀಡಲು ಕಳೆದ ತಿಂಗಳ 22ರಂದು ವಿಶ್ವ ಬ್ಯಾಡ್ಮಿಂಟನ್ ಫೆಡರೇಷನ್ (ಬಿಡಬ್ಲ್ಯುಎಫ್), ಪರಿಷ್ಕೃತ ಟೂರ್ನಿ ಕ್ಯಾಲೆಂಡರ್ (ವೇಳಾಪಟ್ಟಿ) ಬಿಡುಗಡೆ ಮಾಡಿತ್ತು. ಇದರ ಪ್ರಕಾರ ಹೈದರಾಬಾದ್ ಓಪನ್ ಟೂರ್ನಿ ಆಗಸ್ಟ್ 11 ರಿಂದ 16ರವರೆಗೆ ನಡೆಯಬೇಕಾಗಿತ್ತು.</p>.<p>‘ಬಿಡಬ್ಲ್ಯುಎಫ್ ಮತ್ತು ಭಾರತ ಬ್ಯಾಡ್ಮಿಂಟ್ ಸಂಸ್ಥೆ, ಬಿಡಬ್ಲ್ಯುಎಫ್ ಟೂರ್ ಸೂಪರ್ 100 ಶ್ರೇಣಿಯ ಹೈದರಾಬಾದ್ ಓಪನ್ ರದ್ದುಮಾಡಲು ಒಪ್ಪಿಕೊಂಡಿವೆ’ ಎಂದು ಬಿಡಬ್ಲ್ಯುಎಫ್ ಹೇಳಿಕೆಯಲ್ಲಿ ತಿಳಿಸಿದೆ.</p>.<p>‘ಕೆಲವು ದೇಶಗಳಲ್ಲಿ ಪರಿಸ್ಥಿತಿ ಬದಲಾಗುತ್ತಿರುತ್ತದೆ. ಹೀಗಾಗಿ ಟೂರ್ನಿಗಳ ಸ್ಥಿತಿಗತಿಯನ್ನು ಅಗತ್ಯವಿರುವಾಗಲೆಲ್ಲಾ ನೀಡಲಾಗುತ್ತದೆ’ ಎಂದು ಬಿಡಬ್ಲ್ಯುಎಫ್ ಮಹಾ ಕಾರ್ಯದರ್ಶಿ ಥಾಮಸ್ ಲಂಡ್ ತಿಳಿಸಿದರು.</p>.<p>‘ಆರೋಗ್ಯ, ಸುರಕ್ಷತೆ ಮತ್ತು ಸಂಚಾರ ನಿರ್ಬಂಧ ದೇಶದಿಂದ ದೇಶಕ್ಕೆ ಭಿನ್ನವಾಗಿವೆ. ಕೆಲವು ದೇಶಗಳು ಸಹಜ ಸ್ಥಿತಿಯತ್ತ ಮರಳುತ್ತಿವೆ’ ಎಂದು ಅವರು ಅಭಿಪ್ರಾಯಪಟ್ಟರು.</p>.<p>‘ಹೈದರಾಬಾದ್ ಈಗಲೂ ಲಾಕ್ಡೌನ್ನಲ್ಲಿ ಇರುವುದರಿಂದ ಆಗಸ್ಟ್ನಲ್ಲಿ ಟೂರ್ನಿ ನಡೆಸುವ ಕುರಿತು ಮಾತುಕೊಡುವುದು ನಮಗೆ ತೀರಾ ಕಷ್ಟವಾಗಿತ್ತು’ ಎಂದು ಮುಖ್ಯ ರಾಷ್ಟ್ರೀಯ ಕೋಚ್ ಪುಲ್ಲೇಲ ಗೋಪಿಚಂದ್ ಒಪ್ಪಿಕೊಂಡರು.</p>.<p>‘ಹೈದರಾಬಾದ್ನಲ್ಲಿ ಲಾಕ್ಡೌನ್ ತೆರವುಗೊಂಡಿಲ್ಲ. ಕ್ರೀಡಾ ಸೌಕರ್ಯಗಳ ಬಳಕೆಗೆ ಕೇಂದ್ರ ಸರ್ಕಾರ ಸಮ್ಮತಿ ನೀಡಿದರೂ, ಇದನ್ನು ಯಾವಾಗ ಆರಂಭ ಮಾಡಬೇಕು ಎಂದು ತೆಲಂಗಾಣ ಸರ್ಕಾರ ಇನ್ನೂ ನಿರ್ಧರಿಸಿಲ್ಲ. ಈ ಸಂಬಂಧ ಮಾಹಿತಿಗೆ ಕಾಯುತ್ತಿದ್ದೇವೆ’ ಎಂದು ಗೋಪಿಚಂದ್ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.</p>.<p><strong>ಇನ್ನೆರಡು ಟೂರ್ನಿ ರದ್ದು: </strong>ಬಿಡಬ್ಲ್ಯುಎಫ್ ಈ ಟೂರ್ನಿಯ ಜೊತೆಗೆ ಆಸ್ಟ್ರೇಲಿಯಾ ಓಪನ್ ಮತ್ತು ಕೊರಿಯಾ ಮಾಸ್ಟರ್ಸ್ ಟೂರ್ನಿಗಳನ್ನೂ ರದ್ದುಗೊಳಿಸಿದೆ. ಆಸ್ಟ್ರೇಲಿಯಾ ಓಪನ್ ಜೂನ್ 2 ರಿಂದ 7ರವರೆಗೆ ನಡೆಯಬೇಕಾಗಿತ್ತು.</p>.<p>ಕೊರಿಯಾ ಮಾಸ್ಟರ್ಸ್ ಟೂರ್ನಿ (ವಿಶ್ವಟೂರ್ ಸೂಪರ್ 300 ಸರಣಿ) ನವೆಂಬರ್ 24 ರಿಂದ 29ರವರೆಗೆ ನಿಗದಿಯಾಗಿತ್ತು. ಬ್ಯಾಡ್ಮಿಂಟನ್ ಕೊರಿಯಾ, ‘ಕೊರಿಯಾ ಓಪನ್’ ಟೂರ್ನಿಯನ್ನು ಸೆ. 8 ರಿಂದ 13ರವರೆಗೆ ನಡೆಸಲಿದೆ ಎಂದು ಬಿಡಬ್ಲ್ಯುಎಫ್ ತಿಳಿಸಿದೆ.</p>.<p>ಮೂರು ಟೂರ್ನಿಗಳು ಅಮಾನತಿನಲ್ಲಿದ್ದು, ಅವುಗಳು ಸ್ಥಿತಿಗತಿ ಬದಲಾಗಿಲ್ಲ. ಜರ್ಮನ್ ಓಪನ್ (ಮಾರ್ಚ್ 3 ರಿಂದ 8), ಸ್ವಿಸ್ ಓಪನ್ (ಮಾರ್ಚ್ 17 ರಿಂದ 22) ಮತ್ತು 2020 ಯುರೋಪಿಯನ್ ಚಾಂಪಿಯನ್ಷಿಪ್ಸ್ (ಏಪ್ರಿಲ್ 21 ರಿಂದ 26)– ಈ ಮೂರು ಟೂರ್ನಿಗಳಾಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
