<p><strong>ಪ್ಯೊಂಗ್ಚಾಂಗ್, ದಕ್ಷಿಣ ಕೊರಿಯಾ:</strong> ಭಾರತದ ಪುರುಷರ ಟೇಬಲ್ ಟೆನಿಸ್ ತಂಡವು ಇಲ್ಲಿ ನಡೆಯುತ್ತಿರುವ ಏಷ್ಯನ್ ಚಾಂಪಿಯನ್ಷಿಪ್ನ ಕ್ವಾರ್ಟರ್ ಫೈನಲ್ನಲ್ಲಿ 3–0ಯಿಂದ ಸಿಂಗಾಪುರ ತಂಡವನ್ನು ಮಣಿಸಿ, ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಕಂಚಿನ ಪದಕ ಖಚಿತಪಡಿಸಿಕೊಂಡಿದೆ.</p>.<p>ಸೋಮವಾರ ನಡೆದ ಮೊದಲ ಸಿಂಗಲ್ಸ್ನಲ್ಲಿ ಭಾರತದ ಅನುಭವಿ ಆಟಗಾರ ಶರತ್ ಕಮಲ್ ಅವರು 11-1, 10-12, 11-8, 11-13, 14-12 ರಿಂದ ಇಜಾಕ್ ಕ್ವೆಕ್ ವಿರುದ್ಧ ಗೆದ್ದರು.</p>.<p>ಭಾರತದ ಮತ್ತೊಬ್ಬ ಆಟಗಾರ ಜಿ. ಸತ್ಯನ್ 11-6, 11-8, 12-10ರಿಂದ ಯೂ ಎನ್ ಕೋಯೆನ್ ಪಾಂಗ್ ಅವರನ್ನು ಸೋಲಿಸಿ, ಭಾರತಕ್ಕೆ 2-0 ಮುನ್ನಡೆ ಒದಗಿಸಿದರು. ಮೂರನೇ ಪಂದ್ಯದಲ್ಲಿ ಹರ್ಮೀತ್ ದೇಸಾಯಿ 11-9, 11-4, 11-6ರಿಂದ ಝೆ ಯು ಕ್ಲಾರೆನ್ಸ್ ಚೆವ್ ಅವರನ್ನು ಮಣಿಸಿದರು.</p>.<p>ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿ ಸೋತ ತಂಡಗಳಿಗೆ ಕಂಚಿನ ಪದಕ ನೀಡಲಾಗುತ್ತಿದ್ದು, ಹೀಗಾಗಿ ಭಾರತಕ್ಕೆ ಪದಕ ಖಚಿತಗೊಂಡಿದೆ.</p>.<p>ಮೂರನೇ ಶ್ರೇಯಾಂಕದ ಭಾರತ ತಂಡವು ಸೆಮಿಫೈನಲ್ನಲ್ಲಿ ಇರಾನ್ ಅಥವಾ ಚೀನಾ ತೈಪೆಯನ್ನು ಎದುರಿಸಲಿದೆ. ಎರಡು ವರ್ಷಗಳ ಹಿಂದೆ ದೋಹಾದಲ್ಲಿ ನಡೆದಿದ್ದ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಭಾರತದ ಪುರುಷರ ತಂಡ ಕಂಚು ಗೆದ್ದಿತ್ತು.</p>.<p>ಮಹಿಳೆಯರ ತಂಡಕ್ಕೆ ಸೋಲು: ಭಾರತದ ಮಹಿಳೆಯರ ತಂಡವು ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ 0–3ರಿಂದ ಜಪಾನ್ ವಿರುದ್ಧ ನಿರಾಸೆ ಅನುಭವಿಸಿತು.</p>.<p>ಆರಂಭಿಕ ಸಿಂಗಲ್ಸ್ನಲ್ಲಿ ಅಹಿಕಾ ಮುಖರ್ಜಿ 7–11, 13–15, 8–11 ರಿಂದ ವಿಶ್ವದ ಎಂಟನೇ ಕ್ರಮಾಂಕದ ಮಿಮಾ ಇಟೊ ಅವರಿಗೆ ಮಣಿದರು. ಮಣಿಕಾ ಬಾತ್ರಾ 7-11, 9-11, 11-9, 3-11 ರಿಂದ ಏಳನೇ ಕ್ರಮಾಂಕದ ಹಿನಾ ಹಯಾತಾ ಎದುರು ಪರಾಭವಗೊಂಡರು. ಸುತೀರ್ಥಾ ಮುಖರ್ಜಿ11–7, 4–11, 6–11, 5–11 ರಿಂದ ಮಿಯು ಹಿರಾನೊ ವಿರುದ್ಧ ಸೋತರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯೊಂಗ್ಚಾಂಗ್, ದಕ್ಷಿಣ ಕೊರಿಯಾ:</strong> ಭಾರತದ ಪುರುಷರ ಟೇಬಲ್ ಟೆನಿಸ್ ತಂಡವು ಇಲ್ಲಿ ನಡೆಯುತ್ತಿರುವ ಏಷ್ಯನ್ ಚಾಂಪಿಯನ್ಷಿಪ್ನ ಕ್ವಾರ್ಟರ್ ಫೈನಲ್ನಲ್ಲಿ 3–0ಯಿಂದ ಸಿಂಗಾಪುರ ತಂಡವನ್ನು ಮಣಿಸಿ, ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಕಂಚಿನ ಪದಕ ಖಚಿತಪಡಿಸಿಕೊಂಡಿದೆ.</p>.<p>ಸೋಮವಾರ ನಡೆದ ಮೊದಲ ಸಿಂಗಲ್ಸ್ನಲ್ಲಿ ಭಾರತದ ಅನುಭವಿ ಆಟಗಾರ ಶರತ್ ಕಮಲ್ ಅವರು 11-1, 10-12, 11-8, 11-13, 14-12 ರಿಂದ ಇಜಾಕ್ ಕ್ವೆಕ್ ವಿರುದ್ಧ ಗೆದ್ದರು.</p>.<p>ಭಾರತದ ಮತ್ತೊಬ್ಬ ಆಟಗಾರ ಜಿ. ಸತ್ಯನ್ 11-6, 11-8, 12-10ರಿಂದ ಯೂ ಎನ್ ಕೋಯೆನ್ ಪಾಂಗ್ ಅವರನ್ನು ಸೋಲಿಸಿ, ಭಾರತಕ್ಕೆ 2-0 ಮುನ್ನಡೆ ಒದಗಿಸಿದರು. ಮೂರನೇ ಪಂದ್ಯದಲ್ಲಿ ಹರ್ಮೀತ್ ದೇಸಾಯಿ 11-9, 11-4, 11-6ರಿಂದ ಝೆ ಯು ಕ್ಲಾರೆನ್ಸ್ ಚೆವ್ ಅವರನ್ನು ಮಣಿಸಿದರು.</p>.<p>ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿ ಸೋತ ತಂಡಗಳಿಗೆ ಕಂಚಿನ ಪದಕ ನೀಡಲಾಗುತ್ತಿದ್ದು, ಹೀಗಾಗಿ ಭಾರತಕ್ಕೆ ಪದಕ ಖಚಿತಗೊಂಡಿದೆ.</p>.<p>ಮೂರನೇ ಶ್ರೇಯಾಂಕದ ಭಾರತ ತಂಡವು ಸೆಮಿಫೈನಲ್ನಲ್ಲಿ ಇರಾನ್ ಅಥವಾ ಚೀನಾ ತೈಪೆಯನ್ನು ಎದುರಿಸಲಿದೆ. ಎರಡು ವರ್ಷಗಳ ಹಿಂದೆ ದೋಹಾದಲ್ಲಿ ನಡೆದಿದ್ದ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಭಾರತದ ಪುರುಷರ ತಂಡ ಕಂಚು ಗೆದ್ದಿತ್ತು.</p>.<p>ಮಹಿಳೆಯರ ತಂಡಕ್ಕೆ ಸೋಲು: ಭಾರತದ ಮಹಿಳೆಯರ ತಂಡವು ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ 0–3ರಿಂದ ಜಪಾನ್ ವಿರುದ್ಧ ನಿರಾಸೆ ಅನುಭವಿಸಿತು.</p>.<p>ಆರಂಭಿಕ ಸಿಂಗಲ್ಸ್ನಲ್ಲಿ ಅಹಿಕಾ ಮುಖರ್ಜಿ 7–11, 13–15, 8–11 ರಿಂದ ವಿಶ್ವದ ಎಂಟನೇ ಕ್ರಮಾಂಕದ ಮಿಮಾ ಇಟೊ ಅವರಿಗೆ ಮಣಿದರು. ಮಣಿಕಾ ಬಾತ್ರಾ 7-11, 9-11, 11-9, 3-11 ರಿಂದ ಏಳನೇ ಕ್ರಮಾಂಕದ ಹಿನಾ ಹಯಾತಾ ಎದುರು ಪರಾಭವಗೊಂಡರು. ಸುತೀರ್ಥಾ ಮುಖರ್ಜಿ11–7, 4–11, 6–11, 5–11 ರಿಂದ ಮಿಯು ಹಿರಾನೊ ವಿರುದ್ಧ ಸೋತರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
