<p><strong>ಪ್ಯಾರಿಸ್</strong>: ಬಾಕ್ಸರ್ಗಳಾದ ಇಮಾನೆ ಖೆಲಿಫ್ ಮತ್ತು ಲಿನ್ ಯು–ಟಿಂಗ್ ಅವರ ವಿರುದ್ಧ ಕೇಳಿಬರುತ್ತಿರುವ ‘ದ್ವೇಷದ ಮಾತು’ಗಳು ಯಾವುದೇ ಕಾರಣಕ್ಕೆ ಸಮ್ಮತಾರ್ಹವಲ್ಲ ಎಂದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ (ಐಒಸಿ) ಅಧ್ಯಕ್ಷ ಥಾಮಸ್ ಬಾಕ್ ತೀಕ್ಷ್ಣವಾಗಿ ಹೇಳಿದ್ದಾರೆ.</p>.<p>‘ರಾಜಕೀಯ ಪ್ರೇರಿತ... ಸಾಂಸ್ಕೃತಿಕ ಸಮರದಲ್ಲಿ ನಾವು ಭಾಗಿಯಾಗವುದಿಲ್ಲ’ ಎಂದು ಅವರು ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ. 26ರಂದು ಆರಂಭವಾದ ಪ್ಯಾರಿಸ್ ಒಲಿಂಪಿಕ್ಸ್ ಈಗ ಅರ್ಧ ಹಾದಿ ಕ್ರಮಿಸಿದೆ.</p>.<p>‘ಸಾಮಾಜಿಕ ಜಾಲತಾಣಗಳಲ್ಲಿ ಕಾರ್ಯಸೂಚಿ ಆಧಾರಿತ ದ್ವೇಷ ಮತ್ತು ನಿಂದನೆಯ ಮಾತುಗಳು ಕೇಳಿಬಂದಿವೆ. ಇದು ಯಾವುದೇ ಕಾರಣಕ್ಕೆ ಸ್ವೀಕಾರಾರ್ಹವಲ್ಲ’ ಎಂದಿದ್ದಾರೆ.</p>.<p>ಅಲ್ಜೀರಿಯಾದ ಖೆಲಿಫ್ ಮತ್ತು ತೈವಾನ್ನ ಲಿನ್ ಅವರ ಡಿಎನ್ಎ ಪರೀಕ್ಷೆಯ ವೇಳೆ ಪುರುಷರ ಕ್ರೋಮೋಸೋಮ್ ಅಂಶಗಳು ಕಂಡುಬಂದಿದ್ದವು. ಇದೇ ಕಾರಣಕ್ಕೆ ಅವರನ್ನು ಅಂತರರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆ ದೆಹಲಿಯಲ್ಲಿ 16 ತಿಂಗಳ ಹಿಂದೆ ನಡೆದ ವಿಶ್ವ ಚಾಂಪಿಯನ್ಷಿಪ್ ವೇಳೆ ಅನರ್ಹಗೊಳಿಸಿತ್ತು.</p>.<p>ಆದರೆ ಐಒಸಿ ಅವರಿಗೆ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಲು ಅವಕಾಶ ನೀಡಿತ್ತು. ಒಲಿಂಪಿಕ್ಸ್ನಲ್ಲಿ ಬಾಕ್ಸಿಂಗ್ ಸ್ಪರ್ಧೆಯನ್ನು ಐಒಸಿ ನಡೆಸುತ್ತಿದೆ. ಟೋಕಿಯೊದಲ್ಲೂ ಐಒಸಿಯೇ ಬಾಕ್ಸಿಂಗ್ ಸ್ಪರ್ಧೆ ನಡೆಸಿತ್ತು. ಆಡಳಿತದಲ್ಲಿ ಪಾರದರ್ಶಕತೆ ಕಾಪಾಡಲು ವಿಫಲವಾಗಿರುವ ಕಾರಣ ರಷ್ಯಾ ನೇತೃತ್ವದ ಬಾಕ್ಸಿಂಗ್ ಸಂಸ್ಥೆ (ಐಬಿಎ)ಯನ್ನು ಐಒಸಿ ಮಾನ್ಯಮಾಡಿಲ್ಲ.</p>.<p>ಖೆಲಿಫ್ ಅವರಿಗೆ ಆನ್ಲೈನ್ನಲ್ಲಿ ಶೋಷಣೆಯಾಗುತ್ತಿದೆ ಎಂದು ಪ್ರತಿಭಟೆಸಿ ಅಲ್ಜೀರಿಯಾ ಒಲಿಂಪಿಕ್ ಮತ್ತು ಕ್ರೀಡಾ ಸಮಿತಿ ಐಒಸಿಗೆ ಶನಿವಾರ ಅಧಿಕೃತವಾಗಿ ದೂರು ಸಲ್ಲಿಸಿದೆ.</p>.<p>66 ಕೆ.ಜಿ. ವಿಭಾಗದ ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಖೆಲಿಫ್ ಪ್ರಹಾರ ತಾಳಲಾರದೇ ಕೇವಲ 46 ಸೆಕೆಂಡುಗಳಲ್ಲಿ ಸೆಣಸಾಟ ತ್ಯಜಿಸಿ ಕಣ್ಣೀರು ಹಾಕಿದ್ದ ಇಟಲಿಯ ಏಂಜೆಲಾ ಕ್ಯಾರಿನಿ ಅವರಿಗೆ ಉದ್ಯಮಿ ಎಲಾನ್ ಮಸ್ಕ್, ಲೇಖಕಿ ಜೆ.ಕೆ.ರೋಲಿಂಗ್ ಸೇರಿದಂತೆ ಹಲವು ಖ್ಯಾತನಾಮರು ಶುಕ್ರವಾರ ಬೆಂಬಲ ಸೂಚಿಸಿದ್ದರು.</p>.<p>ಪ್ರಕರಣಕ್ಕೆ ತುಪ್ಪ ಸುರಿದ ಐಬಿಎ</p>.<p>ಇದೇ ವೇಳೆ, ಖೆಲಿಫಾ ಎದುರು ಗುರುವಾರ ಸೋತಿದ್ದ ಇಟಲಿಯ ಬಾಕ್ಸರ್ ಏಂಜೆಲಾ ಕ್ಯಾರಿನಿ ಅವರಿಗೆ ಒಂದು ಲಕ್ಷ ಡಾಲರ್ (₹83.75 ಲಕ್ಷ) ನೀಡುವುದಾಗಿ ಅಂತರರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆ (ಐಬಿಎ) ಪ್ರಕಟಿಸಿ, ವಿವಾದಕ್ಕೆ ತುಪ್ಪಸುರಿದಿದೆ. </p>.<p>ಬಾಕ್ಸಿಂಗ್ನ ಪ್ರತಿ ವಿಭಾಗದಲ್ಲಿ ಚಿನ್ನ ಗೆದ್ದವರಿಗೆ 1 ಲಕ್ಷ ಡಾಲರ್ ನೀಡುವುದಾಗಿ ಸಂಸ್ಥೆ ಎರಡು ತಿಂಗಳ ಹಿಂದೆ ಪ್ರಕಟಿಸಿತ್ತು.</p>.<p>ತಂದೆಯ ಅಸಮಾಧಾನ:</p>.<p>ಇದೇ ವೇಳೆ, ಅಲ್ಜೀರಿಯಾದ ಟಿಯಾರೆಟ್ನಿಂದ ಮಾತನಾಡಿರುವ ಇಮಾನೆ ತಂದೆ ಅಮರ್ ಖೆಲಿಫ್, ‘ನನ್ನ ಮಗಳು ಕುಟುಂಬಕ್ಕೆ ಗೌರವ ತಂದವಳು. ಅವಳ ವಿರುದ್ಧ ನಡೆಯುತ್ತಿರುವ ವಾಗ್ದಾಳಿ ಅನೈತಿಕವಾದುದು’ ಎಂದು ಟೀಕಿಸಿದ್ದಾರೆ.</p>.<p>ಅಲ್ಜೀರಿಯಾ ರಾಜಧಾನಿ ಅಲ್ಜೀರ್ಸ್ನಿಂದ ಸುಮಾರು 300 ಕಿ.ಮಿ. ದೂರವಿರುವ ಹಳ್ಳಿಯಲ್ಲಿ ಹುಟ್ಟಿರುವ ಇಮಾನೆ, ಕಟ್ಟಾ ಸಾಂಪ್ರದಾಯಿಕ ದೇಶದಲ್ಲಿ ಬಾಕ್ಸಿಂಗ್ಗೆ ಬರಲು ಹಲವು ಅಡೆತಡೆ ಎದುರಿಸಬೇಕಾಯಿತು.</p>.<p>ಈ ಮಧ್ಯೆ ಎಎಫ್ಪಿ ಜೊತೆ ಮಾತನಾಡಿರುವ ಇಮಾನೆ ‘ನಾನು ದೇಶದ ಹೆಣ್ಣು ಮಕ್ಕಳಿಗೆ ಮತ್ತು ಪುಟ್ಟ ಮಕ್ಕಳಿಗೆ ಸ್ಪೂರ್ತಿಯಾಗಲು ಬಯಸಿದ್ದೇನೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್</strong>: ಬಾಕ್ಸರ್ಗಳಾದ ಇಮಾನೆ ಖೆಲಿಫ್ ಮತ್ತು ಲಿನ್ ಯು–ಟಿಂಗ್ ಅವರ ವಿರುದ್ಧ ಕೇಳಿಬರುತ್ತಿರುವ ‘ದ್ವೇಷದ ಮಾತು’ಗಳು ಯಾವುದೇ ಕಾರಣಕ್ಕೆ ಸಮ್ಮತಾರ್ಹವಲ್ಲ ಎಂದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ (ಐಒಸಿ) ಅಧ್ಯಕ್ಷ ಥಾಮಸ್ ಬಾಕ್ ತೀಕ್ಷ್ಣವಾಗಿ ಹೇಳಿದ್ದಾರೆ.</p>.<p>‘ರಾಜಕೀಯ ಪ್ರೇರಿತ... ಸಾಂಸ್ಕೃತಿಕ ಸಮರದಲ್ಲಿ ನಾವು ಭಾಗಿಯಾಗವುದಿಲ್ಲ’ ಎಂದು ಅವರು ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ. 26ರಂದು ಆರಂಭವಾದ ಪ್ಯಾರಿಸ್ ಒಲಿಂಪಿಕ್ಸ್ ಈಗ ಅರ್ಧ ಹಾದಿ ಕ್ರಮಿಸಿದೆ.</p>.<p>‘ಸಾಮಾಜಿಕ ಜಾಲತಾಣಗಳಲ್ಲಿ ಕಾರ್ಯಸೂಚಿ ಆಧಾರಿತ ದ್ವೇಷ ಮತ್ತು ನಿಂದನೆಯ ಮಾತುಗಳು ಕೇಳಿಬಂದಿವೆ. ಇದು ಯಾವುದೇ ಕಾರಣಕ್ಕೆ ಸ್ವೀಕಾರಾರ್ಹವಲ್ಲ’ ಎಂದಿದ್ದಾರೆ.</p>.<p>ಅಲ್ಜೀರಿಯಾದ ಖೆಲಿಫ್ ಮತ್ತು ತೈವಾನ್ನ ಲಿನ್ ಅವರ ಡಿಎನ್ಎ ಪರೀಕ್ಷೆಯ ವೇಳೆ ಪುರುಷರ ಕ್ರೋಮೋಸೋಮ್ ಅಂಶಗಳು ಕಂಡುಬಂದಿದ್ದವು. ಇದೇ ಕಾರಣಕ್ಕೆ ಅವರನ್ನು ಅಂತರರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆ ದೆಹಲಿಯಲ್ಲಿ 16 ತಿಂಗಳ ಹಿಂದೆ ನಡೆದ ವಿಶ್ವ ಚಾಂಪಿಯನ್ಷಿಪ್ ವೇಳೆ ಅನರ್ಹಗೊಳಿಸಿತ್ತು.</p>.<p>ಆದರೆ ಐಒಸಿ ಅವರಿಗೆ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಲು ಅವಕಾಶ ನೀಡಿತ್ತು. ಒಲಿಂಪಿಕ್ಸ್ನಲ್ಲಿ ಬಾಕ್ಸಿಂಗ್ ಸ್ಪರ್ಧೆಯನ್ನು ಐಒಸಿ ನಡೆಸುತ್ತಿದೆ. ಟೋಕಿಯೊದಲ್ಲೂ ಐಒಸಿಯೇ ಬಾಕ್ಸಿಂಗ್ ಸ್ಪರ್ಧೆ ನಡೆಸಿತ್ತು. ಆಡಳಿತದಲ್ಲಿ ಪಾರದರ್ಶಕತೆ ಕಾಪಾಡಲು ವಿಫಲವಾಗಿರುವ ಕಾರಣ ರಷ್ಯಾ ನೇತೃತ್ವದ ಬಾಕ್ಸಿಂಗ್ ಸಂಸ್ಥೆ (ಐಬಿಎ)ಯನ್ನು ಐಒಸಿ ಮಾನ್ಯಮಾಡಿಲ್ಲ.</p>.<p>ಖೆಲಿಫ್ ಅವರಿಗೆ ಆನ್ಲೈನ್ನಲ್ಲಿ ಶೋಷಣೆಯಾಗುತ್ತಿದೆ ಎಂದು ಪ್ರತಿಭಟೆಸಿ ಅಲ್ಜೀರಿಯಾ ಒಲಿಂಪಿಕ್ ಮತ್ತು ಕ್ರೀಡಾ ಸಮಿತಿ ಐಒಸಿಗೆ ಶನಿವಾರ ಅಧಿಕೃತವಾಗಿ ದೂರು ಸಲ್ಲಿಸಿದೆ.</p>.<p>66 ಕೆ.ಜಿ. ವಿಭಾಗದ ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಖೆಲಿಫ್ ಪ್ರಹಾರ ತಾಳಲಾರದೇ ಕೇವಲ 46 ಸೆಕೆಂಡುಗಳಲ್ಲಿ ಸೆಣಸಾಟ ತ್ಯಜಿಸಿ ಕಣ್ಣೀರು ಹಾಕಿದ್ದ ಇಟಲಿಯ ಏಂಜೆಲಾ ಕ್ಯಾರಿನಿ ಅವರಿಗೆ ಉದ್ಯಮಿ ಎಲಾನ್ ಮಸ್ಕ್, ಲೇಖಕಿ ಜೆ.ಕೆ.ರೋಲಿಂಗ್ ಸೇರಿದಂತೆ ಹಲವು ಖ್ಯಾತನಾಮರು ಶುಕ್ರವಾರ ಬೆಂಬಲ ಸೂಚಿಸಿದ್ದರು.</p>.<p>ಪ್ರಕರಣಕ್ಕೆ ತುಪ್ಪ ಸುರಿದ ಐಬಿಎ</p>.<p>ಇದೇ ವೇಳೆ, ಖೆಲಿಫಾ ಎದುರು ಗುರುವಾರ ಸೋತಿದ್ದ ಇಟಲಿಯ ಬಾಕ್ಸರ್ ಏಂಜೆಲಾ ಕ್ಯಾರಿನಿ ಅವರಿಗೆ ಒಂದು ಲಕ್ಷ ಡಾಲರ್ (₹83.75 ಲಕ್ಷ) ನೀಡುವುದಾಗಿ ಅಂತರರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆ (ಐಬಿಎ) ಪ್ರಕಟಿಸಿ, ವಿವಾದಕ್ಕೆ ತುಪ್ಪಸುರಿದಿದೆ. </p>.<p>ಬಾಕ್ಸಿಂಗ್ನ ಪ್ರತಿ ವಿಭಾಗದಲ್ಲಿ ಚಿನ್ನ ಗೆದ್ದವರಿಗೆ 1 ಲಕ್ಷ ಡಾಲರ್ ನೀಡುವುದಾಗಿ ಸಂಸ್ಥೆ ಎರಡು ತಿಂಗಳ ಹಿಂದೆ ಪ್ರಕಟಿಸಿತ್ತು.</p>.<p>ತಂದೆಯ ಅಸಮಾಧಾನ:</p>.<p>ಇದೇ ವೇಳೆ, ಅಲ್ಜೀರಿಯಾದ ಟಿಯಾರೆಟ್ನಿಂದ ಮಾತನಾಡಿರುವ ಇಮಾನೆ ತಂದೆ ಅಮರ್ ಖೆಲಿಫ್, ‘ನನ್ನ ಮಗಳು ಕುಟುಂಬಕ್ಕೆ ಗೌರವ ತಂದವಳು. ಅವಳ ವಿರುದ್ಧ ನಡೆಯುತ್ತಿರುವ ವಾಗ್ದಾಳಿ ಅನೈತಿಕವಾದುದು’ ಎಂದು ಟೀಕಿಸಿದ್ದಾರೆ.</p>.<p>ಅಲ್ಜೀರಿಯಾ ರಾಜಧಾನಿ ಅಲ್ಜೀರ್ಸ್ನಿಂದ ಸುಮಾರು 300 ಕಿ.ಮಿ. ದೂರವಿರುವ ಹಳ್ಳಿಯಲ್ಲಿ ಹುಟ್ಟಿರುವ ಇಮಾನೆ, ಕಟ್ಟಾ ಸಾಂಪ್ರದಾಯಿಕ ದೇಶದಲ್ಲಿ ಬಾಕ್ಸಿಂಗ್ಗೆ ಬರಲು ಹಲವು ಅಡೆತಡೆ ಎದುರಿಸಬೇಕಾಯಿತು.</p>.<p>ಈ ಮಧ್ಯೆ ಎಎಫ್ಪಿ ಜೊತೆ ಮಾತನಾಡಿರುವ ಇಮಾನೆ ‘ನಾನು ದೇಶದ ಹೆಣ್ಣು ಮಕ್ಕಳಿಗೆ ಮತ್ತು ಪುಟ್ಟ ಮಕ್ಕಳಿಗೆ ಸ್ಪೂರ್ತಿಯಾಗಲು ಬಯಸಿದ್ದೇನೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>