<p><strong>ಇಂಚೇನ್:</strong> ಭಾರತದ ಪರುಪಳ್ಳಿ ಕಶ್ಯಪ್ ಅವರು ಕೊರಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ. ಗುರುವಾರ ನಡೆದ 16ರ ಘಟ್ಟದ ಪಂದ್ಯದಲ್ಲಿ ಅವರು ಮಲೇಷ್ಯಾದ ಡರೆನ್ ಲ್ಯೂ ಎದುರು 21–17, 11–21, 21–12ರಲ್ಲಿ ಗೆದ್ದರು.</p>.<p>56 ನಿಮಿಷದಲ್ಲಿ ಮುಗಿದ ಪಂದ್ಯದ ಆರಂಭದಲ್ಲಿ 33 ವರ್ಷದ ಕಶ್ಯಪ್ 2–4ರ ಹಿನ್ನಡೆಯಲ್ಲಿದ್ದರು. ನಂತರ ಚೇತರಿಸಿಕೊಂಡು 11–8ರ ಮುನ್ನಡೆ ಗಳಿಸುವಲ್ಲಿ ಯಶಸ್ವಿಯಾದರು. ವಿರಾಮದ ನಂತರ ಸತತ 4 ಪಾಯಿಂಟ್ ಕಲೆ ಹಾಕಿದ ಅವರು ಅದೇ ಲಯವನ್ನು ಮುಂದುವರಿಸಿ ಮೊದಲ ಗೇಮ್ ಸುಲಭವಾಗಿ ತಮ್ಮದಾಗಿಸಿಕೊಂಡರು.</p>.<p>ಎರಡನೇ ಗೇಮ್ನಲ್ಲಿ ಡರೆನ್ ಭರ್ಜರಿ ಆಟವಾಡಿದರು. ಉತ್ತರಿಸಲಾಗದ ಕಶ್ಯಪ್ ಕೇವಲ 11 ಪಾಯಿಂಟ್ ಗಳಿಸಿ ಸೋಲೊಪ್ಪಿಕೊಂಡರು. ಆದರೆ ಮೂರನೇ ಗೇಮ್ನಲ್ಲಿ ಕಶ್ಯಪ್ ಆಕ್ರಮಣಕಾರಿ ಆಟವಾಡಿ ಗೆಲುವು ತಮ್ಮದಾಗಿಸಿಕೊಂಡರು.</p>.<p>ಜಾರ್ಜೆನ್ಸನ್ ಎದುರಾಳಿ: ಎಂಟರ ಘಟ್ಟದ ಪಂದ್ಯದಲ್ಲಿ ಕಶ್ಯಪ್ ವಿಶ್ವ ಕ್ರಮಾಂಕದ ಎರಡನೇ ಸ್ಥಾನದಲ್ಲಿರುವ ಡೆನ್ಮಾರ್ಕ್ ಆಟಗಾರ ಜಾನ್ ಜಾರ್ಜೆನ್ಸನ್ ಸವಾಲನ್ನು ಎದುರಿಸಬೇಕಾಗಿದೆ. ಜಾರ್ಜೆನ್ಸನ್ ಮತ್ತು ಕಶ್ಯಪ್ ಡೆನ್ಮಾರ್ಕ್ ಓಪನ್ನಲ್ಲಿ 5 ವರ್ಷಗಳ ಹಿಂದೆ ಕೊನೆಯದಾಗಿ ಸೆಣಸಿದ್ದರು.</p>.<p>ಗುರುವಾರದ ಪಂದ್ಯದಲ್ಲಿ 31 ವರ್ಷದ ಜಾರ್ಜೆನ್ಸನ್ ಎಂಟನೇ ಶ್ರೇಯಾಂಕಿತ ಆಟಗಾರ ಇಂಡೊನೇಷ್ಯಾದ ಆ್ಯಂಟನಿ ಸಿನಿಸುಕ ಜಿಂಟಿಂಗ್ ವಿರುದ್ಧ 17–21, 21–16, 21–13ರಲ್ಲಿ ಗೆದ್ದಿದ್ದರು. ಜಾರ್ಜೆನ್ಸನ್ ಮತ್ತು ಕಶ್ಯಪ್ ಈ ವರೆಗೆ ಒಟ್ಟು 6 ಬಾರಿ ಮುಖಾಮುಖಿಯಾಗಿದ್ದು 4 ಪಂದ್ಯಗಳಲ್ಲಿ ಕಶ್ಯಪ್ ಸೋತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಂಚೇನ್:</strong> ಭಾರತದ ಪರುಪಳ್ಳಿ ಕಶ್ಯಪ್ ಅವರು ಕೊರಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ. ಗುರುವಾರ ನಡೆದ 16ರ ಘಟ್ಟದ ಪಂದ್ಯದಲ್ಲಿ ಅವರು ಮಲೇಷ್ಯಾದ ಡರೆನ್ ಲ್ಯೂ ಎದುರು 21–17, 11–21, 21–12ರಲ್ಲಿ ಗೆದ್ದರು.</p>.<p>56 ನಿಮಿಷದಲ್ಲಿ ಮುಗಿದ ಪಂದ್ಯದ ಆರಂಭದಲ್ಲಿ 33 ವರ್ಷದ ಕಶ್ಯಪ್ 2–4ರ ಹಿನ್ನಡೆಯಲ್ಲಿದ್ದರು. ನಂತರ ಚೇತರಿಸಿಕೊಂಡು 11–8ರ ಮುನ್ನಡೆ ಗಳಿಸುವಲ್ಲಿ ಯಶಸ್ವಿಯಾದರು. ವಿರಾಮದ ನಂತರ ಸತತ 4 ಪಾಯಿಂಟ್ ಕಲೆ ಹಾಕಿದ ಅವರು ಅದೇ ಲಯವನ್ನು ಮುಂದುವರಿಸಿ ಮೊದಲ ಗೇಮ್ ಸುಲಭವಾಗಿ ತಮ್ಮದಾಗಿಸಿಕೊಂಡರು.</p>.<p>ಎರಡನೇ ಗೇಮ್ನಲ್ಲಿ ಡರೆನ್ ಭರ್ಜರಿ ಆಟವಾಡಿದರು. ಉತ್ತರಿಸಲಾಗದ ಕಶ್ಯಪ್ ಕೇವಲ 11 ಪಾಯಿಂಟ್ ಗಳಿಸಿ ಸೋಲೊಪ್ಪಿಕೊಂಡರು. ಆದರೆ ಮೂರನೇ ಗೇಮ್ನಲ್ಲಿ ಕಶ್ಯಪ್ ಆಕ್ರಮಣಕಾರಿ ಆಟವಾಡಿ ಗೆಲುವು ತಮ್ಮದಾಗಿಸಿಕೊಂಡರು.</p>.<p>ಜಾರ್ಜೆನ್ಸನ್ ಎದುರಾಳಿ: ಎಂಟರ ಘಟ್ಟದ ಪಂದ್ಯದಲ್ಲಿ ಕಶ್ಯಪ್ ವಿಶ್ವ ಕ್ರಮಾಂಕದ ಎರಡನೇ ಸ್ಥಾನದಲ್ಲಿರುವ ಡೆನ್ಮಾರ್ಕ್ ಆಟಗಾರ ಜಾನ್ ಜಾರ್ಜೆನ್ಸನ್ ಸವಾಲನ್ನು ಎದುರಿಸಬೇಕಾಗಿದೆ. ಜಾರ್ಜೆನ್ಸನ್ ಮತ್ತು ಕಶ್ಯಪ್ ಡೆನ್ಮಾರ್ಕ್ ಓಪನ್ನಲ್ಲಿ 5 ವರ್ಷಗಳ ಹಿಂದೆ ಕೊನೆಯದಾಗಿ ಸೆಣಸಿದ್ದರು.</p>.<p>ಗುರುವಾರದ ಪಂದ್ಯದಲ್ಲಿ 31 ವರ್ಷದ ಜಾರ್ಜೆನ್ಸನ್ ಎಂಟನೇ ಶ್ರೇಯಾಂಕಿತ ಆಟಗಾರ ಇಂಡೊನೇಷ್ಯಾದ ಆ್ಯಂಟನಿ ಸಿನಿಸುಕ ಜಿಂಟಿಂಗ್ ವಿರುದ್ಧ 17–21, 21–16, 21–13ರಲ್ಲಿ ಗೆದ್ದಿದ್ದರು. ಜಾರ್ಜೆನ್ಸನ್ ಮತ್ತು ಕಶ್ಯಪ್ ಈ ವರೆಗೆ ಒಟ್ಟು 6 ಬಾರಿ ಮುಖಾಮುಖಿಯಾಗಿದ್ದು 4 ಪಂದ್ಯಗಳಲ್ಲಿ ಕಶ್ಯಪ್ ಸೋತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
