Olympics | ಮಹಿಳೆಯರ ಮ್ಯಾರಥಾನ್: ತೀವ್ರ ಪೈಪೋಟಿಯ ರೇಸ್‌ ಗೆದ್ದ ಸಿಫಾನ್ ಹಸನ್

ಪ್ಯಾರಿಸ್: ಸುದೀರ್ಘ ಅಂತರದ ಓಟದಲ್ಲಿ ಅವಕಾಶ ನೋಡುವ ಸಿಫಾನ್ ಹಸನ್ ಅವರ ನಿರ್ಧಾರ ಫಲನೀಡಿತು. ಹಾಲೆಂಡ್ನ ಓಟಗಾರ್ತಿ ಸಿಫಾನ್ ಅವರು ಭಾನುವಾರ ನಡೆದ ಒಲಿಂಪಿಕ್ಸ್ ಮಹಿಳೆಯರ ಮ್ಯಾರಥಾನ್ ಓಟದಲ್ಲಿ ದಾಖಲೆಯೊಡನೆ ಚಿನ್ನದ ಪದಕ ಗೆದ್ದುಕೊಂಡರು.

. ಇಥಿಯೋಪಿಯಾ ಸಂಜಾತೆಯಾದ ಡಚ್ ಓಟಗಾರ್ತಿ ಸಿಫಾನ್ ಹಾಲಿ ಒಲಿಂಪಿಕ್ಸ್ನಲ್ಲಿ 5,000 ಮತ್ತು 10,000 ಮೀಟರ್ ಓಟದಲ್ಲಿ ಕಂಚಿನ ಪದಕಗಳನ್ನು ಗೆದ್ದುಕೊಂಡಿದ್ದು, ಮೂರನೇ ಪದಕದ ನಿರೀಕ್ಷೆಯಲ್ಲಿ ಮ್ಯಾರಥಾನ್ ಓಟ ಓಡಿದ್ದರು.

. ಈ ಪ್ರಯತ್ನ ಸಿಫಾನ್ ಅವರ ಛಲಕ್ಕೆ ನಿದರ್ಶನವಾಯಿತು. ಕೋವಿಡ್ ಸಮಯದಲ್ಲಿ ನಡೆದ ಟೋಕಿಯೊ ಕ್ರೀಡೆಗಳಲ್ಲಿ ಇದೇ ಓಟಗಾರ್ತಿ ಎರಡು ಚಿನ್ನ (5,000 ಮತ್ತು 10,000 ಮೀ. ಓಟ) ಮತ್ತು ಒಂದು ಕಂಚಿನ ಪದಕ (1,500 ಮೀ. ಓಟ) ಗೆದ್ದುಕೊಂಡಿದ್ದರು.

. ಸಿಫಾನ್ 2 ಗಂಟೆ 22.55 ಸೆ.ಗಳಲ್ಲಿ ಮುಕ್ತಾಯದ ರೇಖೆ ದಾಟಿದರು. ಇದು ಒಲಿಂಪಿಕ್ ದಾಖಲೆ. ಅವರಿಗೆ ತೀವ್ರ ಪೈಪೋಟಿ ನೀಡಿದ ಇಥಿಯೋಪಿಯಾದ ಟಿಗ್ಸ್ಟ್ ಅಸೀಫಾ (2:22.58) ಮೂರು ಸೆಕೆಂಡುಗಳ ಅಂತರದಲ್ಲಿ ಬೆಳ್ಳಿಗೆ ಸಮಾಧಾನಪಡಬೇಕಾಯಿತು. ಕೆನ್ಯಾದ ಹೆಲೆನ್ ಒಬಿರಿ (2:23.10) ಕಂಚಿನ ಪದಕ ಗೆದ್ದುಕೊಂಡರು.

. ಶನಿವಾರ ನಡೆದ ಪುರುಷರ ವಿಭಾಗದ ರೇಸ್ನಲ್ಲಿ ಇಥಿಯೋಪಿಯಾದ ತಮಿರತ್ ತೋಲಾ ಚಿನ್ನ ಗೆದ್ದಿದ್ದರು. ಅಸಿಫಾ ಪೈಪೋಟಿ ನೋಡಿದಾಗ, ಇಥಿಯೋಪಿಯಾ ಮಹಿಳಾ ವಿಭಾಗದ ಚಿನ್ನವೂ ದಕ್ಕುವಂತೆ ಕಂಡಿತ್ತು.

. ‘ಈ ರೇಸ್ ಸುಲಭವಾಗಿರಲಿಲ್ಲ. 5,000 ಮತ್ತು 10,000 ಮೀ. ಓಟದಲ್ಲಿ ಓಡಿದ್ದಕ್ಕೆ ವಿಷಾದವೆನಿಸುತಿತ್ತು. ಈಗ ಇಲ್ಲಿ ಚಿನ್ನ ಗೆದ್ದಿದ್ದರಿಂದ ನಿರಾಳವಾಗಿದೆ’ ಎಂದು 31 ವರ್ಷ ವಯಸ್ಸಿನ ಸಿಫಾನ್ ಹಸನ್ ಹೇಳಿದರು.

. ‘ನಾನು ಇಂದು ಎದುರಿಸಿದಷ್ಟು ಪೈಪೋಟಿಯನ್ನು ಹಿಂದೆಂದೂ ಎದುರಿಸಿರಲಿಲ್ಲ’ ಎಂದೂ ಪ್ರತಿಕ್ರಿಯಿಸಿದರು.

. 42 ಕಿ.ಮೀ. ದೂರವಿರುವ ಈ ಓಟ ಸೆಂಟ್ರಲ್ ಪ್ಯಾರಿಸ್ನಿಂದ ವರ್ಸೈಲ್ ಮಾರ್ಗದಲ್ಲಿತ್ತು. ಹಿಂದೆ ಫ್ರೆಂಚ್ ಕ್ರಾಂತಿಯ ಸಂದರ್ಭದಲ್ಲಿ (1789ರ ಅಕ್ಟೋಬರ್ 5ರಂದು) ಮಹಿಳೆಯರು ಇದೇ ಮಾರ್ಗದಲ್ಲಿ ಪ್ರತಿಭಟನಾ ಮೆರವಣಿಗೆಯಲ್ಲಿ ಸಾಗಿದ್ದರು.

. ಕೆನ್ಯಾದ ಮೂವರು ಪ್ರಮುಖ ಓಟಗಾರ್ತಿಯರಾದ ಶರೊನ್ ಲೊಕೆಡಿ, ಟೋಕಿಯೊದಲ್ಲಿ ಚಿನ್ನ ಗೆದ್ದಿದ್ದ ಪೆರೆಸ್ ಮತ್ತು ಒಬಿರಿ ಅವರು ಸುಮಾರು 30 ಕಿ.ಮೀ. ವರೆಗೆ ಇಥಿಯೋಪಿಯಾ ಓಟಗಾರ್ತಿಯರಿಗೆ ತೀವ್ರ ಸ್ಪರ್ಧೆ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Olympics | ಮಹಿಳೆಯರ ಮ್ಯಾರಥಾನ್: ತೀವ್ರ ಪೈಪೋಟಿಯ ರೇಸ್‌ ಗೆದ್ದ ಸಿಫಾನ್ ಹಸನ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಕೂಚ್‌ ಬಿಹಾರ್ ಟ್ರೋಫಿ ಕ್ರಿಕೆಟ್‌: ಫಾಲೊಆನ್‌ಗೆ ಒಳಗಾಗಿದ್ದ ಕರ್ನಾಟಕಕ್ಕೆ ಜಯ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು