ಪ್ರೊ ಕಬಡ್ಡಿ: ಬೆಂಗಾಲ್ ವಾರಿಯರ್ಸ್ ಜಯಭೇರಿ

ಪುಣೆ: ಬೆಂಗಾಲ್ ವಾರಿಯರ್ಸ್ ನಾಯಕ ಮಣಿಂದರ್ ಸಿಂಗ್ ಮತ್ತು ಹರಿಯಾಣ ಸ್ಟೀಲರ್ಸ್ನ ವಿನಯ್ ಅವರು ರೇಡಿಂಗ್ನಲ್ಲಿ ಮಿಂಚಿದರು. ಆಲ್ರೌಂಡ್ ಆಟವಾಡಿದ ಬೆಂಗಾಲ್ ವಾರಿಯರ್ಸ್ ಪ್ರೊ ಕಬಡ್ಡಿ ಲೀಗ್ ಏಳನೇ ಆವೃತ್ತಿಯ ಗುರುವಾರದ ಪಂದ್ಯದಲ್ಲಿ ಭರ್ಜರಿ ಜಯ ಗಳಿಸಿತು.

. ಶಿವ ಛತ್ರಪತಿ ಕ್ರೀಡಾ ಸಂಕೀರ್ಣದಲ್ಲಿ ನಡೆದ ಲೀಗ್ನ 97ನೇ ಪಂದ್ಯದಲ್ಲಿ ಬೆಂಗಾಲ್ 48–36ರಲ್ಲಿ ಗೆಲುವು ಸಾಧಿಸಿತು. ಈ ಮೂಲಕ ಪಾಯಿಂಟ್ ಪಟ್ಟಿಯ ಎರಡನೇ ಸ್ಥಾನದಲ್ಲಿ ಉಳಿಯಿತು. ಸ್ಟೀಲರ್ಸ್ ಮೂರನೇ ಸ್ಥಾನದಲ್ಲಿ ಉಳಿಯಿತು.

. ಹರಿಯಾಣ ತಂಡದ ಪರ ರೇಡಿಂಗ್ ಆರಂಭಿಸಿದ ವಿಕಾಸ್ ಖಂಡೋಲ ಮೊದಲ ರೇಡ್ನಲ್ಲಿ ಬರಿಗೈಯಲ್ಲಿ ವಾಪಸಾದರು. ಆದರೆ ಬೆಂಗಾಲ್ಗೆ ವಿಕಾಸ್ ಕಾಳೆ ಪಾಯಿಂಟ್ ತಂದುಕೊಟ್ಟರು.

. ಪ್ರಶಾಂತ್ ಕುಮಾರ್ ರೈ ಅವರನ್ನು ಹಿಡಿದು ಬೆಂಗಾಲ್ ಪಾಯಿಂಟ್ ಗಳಿಕೆಯನ್ನು ಹೆಚ್ಚಿಸಿತು. ಆದರೆ ವಿನಯ್ ರೇಡಿಂಗ್ಗೆ ಇಳಿಯುತ್ತಿದ್ದಂತೆ ಹರಿಯಾಣಕ್ಕೆ ಬಲ ಬಂತು. ಹೀಗಾಗಿ ಎರಡನೇ ನಿಮಿಷದಲ್ಲಿ ತಂಡ 2–2ರ ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು. ಪಟ್ಟು ಬಿಡದ ವಾರಿಯರ್ಸ್ ರೇಡಿಂಗ್ ಮತ್ತು ಟ್ಯಾಕ್ಲಿಂಗ್ನಲ್ಲಿ ಉತ್ತಮ ಸಾಮರ್ಥ್ಯ ತೋರಿ ಮುನ್ನಡೆ ಗಳಿಸುತ್ತ ಸಾಗಿತು. ಆರನೇ ನಿಮಿಷದಲ್ಲಿ ವಿನಯ್ ಅವರನ್ನು ಹಿಡಿದ ಬಲದೇವ್ ಅವರು ಹರಿಯಾಣ ಆಲ್ ಔಟ್ ಆಗುವಂತೆ ಮಾಡಿದರು. ಆಗ ವಾರಿಯರ್ಸ್ನ ಮುನ್ನಡೆ 10–3ಕ್ಕೆ ಏರಿತು. ನಂತರವೂ ತಂಡದ ಆಧಿಪತ್ಯ ಮುಂದುವರಿಯಿತು. 10 ನಿಮಿಷಗಳ ಆಟ ಮುಕ್ತಾಯಗೊಂಡಾಗ ಅದರ ಮುನ್ನಡೆ 15–5ಕ್ಕೆ ಏರಿತು. ಈ ನಡುವೆ ವಿಕಾಸ್ ಖಂಡೋಲ 350ನೇ ರೇಡಿಂಗ್ ಪಾಯಿಂಟ್ ಗಳಿಸಿ ಸಂಭ್ರಮಿಸಿದರು. ಮೊದಲಾರ್ಧದ ಮುಕ್ತಾಯಕ್ಕೆ 8 ನಿಮಿಷಗಳು ಬಾಕಿ ಇದ್ದಾಗ ಹರಿಯಾಣವನ್ನು ಎರಡನೇ ಬಾರಿ ಆಲ್ ಔಟ್ ಮಾಡಿದ ವಾರಿಯರ್ಸ್ 22–7ರಲ್ಲಿ ಮುನ್ನಡೆಯಿತು. ಮೊದಲಾರ್ಧದ ಮುಕ್ತಾಯಕ್ಕೆ ಈ ಮುನ್ನಡೆ ಬೃಹತ್ತಾಗಿ ಬೆಳೆದು 30–14ಕ್ಕೆ ಏರಿತು.

. ಮಣಿಂದರ್, ವಿನಯ್ ‘ಸೂಪರ್’ ಆಟ: ದ್ವಿತೀಯಾರ್ಧದ ಆರಂಭದಲ್ಲೇ ಮಣಿಂದರ್ ಸಿಂಗ್ ‘ಸೂಪರ್ ಟೆನ್’ ಪೂರೈಸಿದರು. 23ನೇ ನಿಮಿಷದಲ್ಲಿ ವಿನಯ್ ಕೂಡ ‘ಸೂಪರ್ ಟೆನ್’ ಸಾಧನೆ ಮಾಡಿದರು. 9 ನಿಮಿಷಗಳ ಆಟ ಬಾಕಿ ಇರುವಾಗ ವಾರಿಯರ್ಸ್ ತಂಡದ ಪಾಯಿಂಟ್ ಗಳಿಕೆ 40ಕ್ಕೆ ಏರಿದರೆ, ಹರಿಯಾಣ 26ರಲ್ಲೇ ಉಳಿಯಿತು. ನಂತರ ಹರಿಯಾಣ ಮಾಡಿದ ಪ್ರಯತ್ನಗಳು ಹಿನ್ನಡೆಯನ್ನು ತಗ್ಗಿಸಲಷ್ಟೇ ನೆರವಾದವು.

. ವಾರಿಯರ್ಸ್ ಪರ ಮಣಿಂದರ್ 18 ರೇಡಿಂಗ್ ಪಾಯಿಂಟ್ ಗಳಿಸಿದರೆ, ಪ್ರಪಂಚನ್, ಬಲದೇವ್ ಸಿಂಗ್ ಮತ್ತು ಮೊಹಮ್ಮದ್ ನಬಿ ಭಕ್ಷ್ ಕ್ರಮವಾಗಿ 7,6 ಮತ್ತು 5 ಪಾಯಿಂಟ್ ಗಳಿಸಿದರು. ಹರಿಯಾಣ ಪರ ವಿನಯ್ 14 ಮತ್ತು ವಿಕಾಸ್ ಖಂಡೋಲ 9 ಪಾಯಿಂಟ್ ಕಲೆ ಹಾಕಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೊ ಕಬಡ್ಡಿ: ಬೆಂಗಾಲ್ ವಾರಿಯರ್ಸ್ ಜಯಭೇರಿ

ಚಿನಕುರುಳಿ: ಬುಧವಾರ, 06 ನವೆಂಬರ್‌ 2024

US Election | ನನಸಾಗದ ಮಹಿಳಾ ಅಧ್ಯಕ್ಷೆ ಕನಸು; ಕಮಲಾ ಹಿನ್ನಡೆಗೆ ಕಾರಣಗಳಿವು

ಅನ್ನದಾನೇಶ್ವರ ಮಠದ ಪ್ರಸಾದ ನಿಲಯದ ಪಹಣಿಯಲ್ಲಿ ವಕ್ಫ್ ಹೆಸರು

ಎಚ್‌.ಡಿ. ಕುಮಾರಸ್ವಾಮಿ ವಿರುದ್ಧ ಬಲವಂತದ ಕ್ರಮ ಬೇಡ: ಹೈಕೋರ್ಟ್‌

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಫಾರ್ಮುಲಾ 1 ರೇಸ್‌: ಮರ್ಸಿಡೀಸ್ ತೊರೆದು ಫೆರಾರಿ ಸೇರಲಿರುವ ಲೂಯಿಸ್ ಹ್ಯಾಮಿಲ್ಟನ್‌

ಗೋಣಿಕೊಪ್ಪಲು: ಕುಟ್ಟ ಸಿವೈಸಿ ತಂಡಕ್ಕೆ ಪ್ರಶಸ್ತಿ

ಆಸ್ಟ್ರೇಲಿಯಾ ಎ ತಂಡದ ವಿರುದ್ಧ ಟೆಸ್ಟ್‌: ರಾಹುಲ್ ಆಟದ ಮೇಲೆ ಚಿತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಬುಧವಾರ, 06 ನವೆಂಬರ್‌ 2024

US Election | ನನಸಾಗದ ಮಹಿಳಾ ಅಧ್ಯಕ್ಷೆ ಕನಸು; ಕಮಲಾ ಹಿನ್ನಡೆಗೆ ಕಾರಣಗಳಿವು

ಅನ್ನದಾನೇಶ್ವರ ಮಠದ ಪ್ರಸಾದ ನಿಲಯದ ಪಹಣಿಯಲ್ಲಿ ವಕ್ಫ್ ಹೆಸರು

ಎಚ್‌.ಡಿ. ಕುಮಾರಸ್ವಾಮಿ ವಿರುದ್ಧ ಬಲವಂತದ ಕ್ರಮ ಬೇಡ: ಹೈಕೋರ್ಟ್‌