<p><strong>ಶಾತೋಹು:</strong> ಫ್ರಾನ್ಸ್ನಲ್ಲಿ ನಡೆಯುತ್ತಿರುವ ಪ್ಯಾರಾಲಿಂಪಿಕ್ಸ್ನಲ್ಲಿ ಮಹಿಳೆಯರ ಏರ್ಪಿಸ್ತೂಲ್ ಎಸ್ಎಚ್1 10 ಮೀಟರ್ ವಿಭಾಗದಲ್ಲಿ ಭಾರತದ ರುಬಿನಾ ಫ್ರಾನ್ಸಿಸ್ ಶನಿವಾರ ಕಂಚಿನ ಪದಕ ಜಯಿಸಿದ್ದಾರೆ. ಆ ಮೂಲಕ ಶೂಟಿಂಗ್‌ನಲ್ಲಿ ಭಾರತಕ್ಕೆ ನಾಲ್ಕು ಪದಕಗಳು ಲಭಿಸಿವೆ.</p><p>ಅಂತಿಮ ಸುತ್ತಿನ ಆಯ್ಕೆಗೆ ನಡೆದ ಪಂದ್ಯದಲ್ಲಿ ರುಬಿನಾ ಅವರು 8 ಜನರಲ್ಲಿ ಏಳನೆಯವರಾಗಿದ್ದರು. ವಿಶ್ವ ದಾಖಲೆ ಹೊಂದಿರುವವರನ್ನೂ ಒಳಗೊಂಡು ಜಗತ್ತಿನ ಸರ್ವಶ್ರೇಷ್ಠ ಶೂಟರ್ಗಳೊಂದಿಗೆ ನಿಕಟ ಪೈಪೋಟಿ ನೀಡಿದ 25 ವರ್ಷದ ರುಬಿನಾ, 211.1 ಅಂಕಗಳನ್ನು ಗಳಿಸಿ ಕಂಚಿನ ಪದಕಕ್ಕೆ ಮುತ್ತಿಕ್ಕಿದರು.</p><p>ಇರಾನ್ನ ಜವನ್ಮರ್ಡಿ ಸರೆ ಅವರು ಸತತ ಮೂರನೇ ಒಲಿಂಪಿಕ್ಸ್ ಚಿನ್ನವನ್ನು ತಮ್ಮದಾಗಿಸಿಕೊಂಡರು. ಅವರು 236.8 ಅಂಕಗಳನ್ನು ಗಳಿಸಿದರು. ವಿಶ್ವ ದಾಖಲೆ ಹೊಂದಿರುವ ಟರ್ಕಿಯ ಓಝಾನ್ ಆಯ್ಸೆಲ್ ಅವರು 231.1 ಅಂಕಗಳೊಂದಿಗೆ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.</p><p>ಮಧ್ಯಪ್ರದೇಶದ ಜಬಲ್ಪುರದ ರುಬಿನಾ ಅವರು ಪ್ಯಾರಾಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಜಯಿಸಿದ ಮೊದಲ ಪಿಸ್ತೂಲ್ ಶೂಟರ್ ಎಂದೆನಿಸಿಕೊಂಡಿದ್ದಾರೆ. ಕಂಚಿನ ಪದಕ ಜಯಿಸುವ ಮೂಲಕ ಭಾರತಕ್ಕೆ ಶೂಟಿಂಗ್‌ನಲ್ಲಿ ನಾಲ್ಕು ಹಾಗೂ ಒಟ್ಟಾರೆ ಐದು ಪದಕಗಳು ಲಭಿಸಿದಂತಾಗಿದೆ. </p><p>ಪ್ಯಾರಿಸ್ಗೆ ತೆರಳಲು ಭಾರತ ತಂಡ ಅಣಿಯಾದ ಕೆಲವೇ ದಿನಗಳ ಮೊದಲು ವೈಲ್ಡ್ ಕಾರ್ಡ್ ಮೂಲಕ ರುಬಿನಾ ತಂಡದಲ್ಲಿ ಸ್ಥಾನ ಗಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಾತೋಹು:</strong> ಫ್ರಾನ್ಸ್ನಲ್ಲಿ ನಡೆಯುತ್ತಿರುವ ಪ್ಯಾರಾಲಿಂಪಿಕ್ಸ್ನಲ್ಲಿ ಮಹಿಳೆಯರ ಏರ್ಪಿಸ್ತೂಲ್ ಎಸ್ಎಚ್1 10 ಮೀಟರ್ ವಿಭಾಗದಲ್ಲಿ ಭಾರತದ ರುಬಿನಾ ಫ್ರಾನ್ಸಿಸ್ ಶನಿವಾರ ಕಂಚಿನ ಪದಕ ಜಯಿಸಿದ್ದಾರೆ. ಆ ಮೂಲಕ ಶೂಟಿಂಗ್‌ನಲ್ಲಿ ಭಾರತಕ್ಕೆ ನಾಲ್ಕು ಪದಕಗಳು ಲಭಿಸಿವೆ.</p><p>ಅಂತಿಮ ಸುತ್ತಿನ ಆಯ್ಕೆಗೆ ನಡೆದ ಪಂದ್ಯದಲ್ಲಿ ರುಬಿನಾ ಅವರು 8 ಜನರಲ್ಲಿ ಏಳನೆಯವರಾಗಿದ್ದರು. ವಿಶ್ವ ದಾಖಲೆ ಹೊಂದಿರುವವರನ್ನೂ ಒಳಗೊಂಡು ಜಗತ್ತಿನ ಸರ್ವಶ್ರೇಷ್ಠ ಶೂಟರ್ಗಳೊಂದಿಗೆ ನಿಕಟ ಪೈಪೋಟಿ ನೀಡಿದ 25 ವರ್ಷದ ರುಬಿನಾ, 211.1 ಅಂಕಗಳನ್ನು ಗಳಿಸಿ ಕಂಚಿನ ಪದಕಕ್ಕೆ ಮುತ್ತಿಕ್ಕಿದರು.</p><p>ಇರಾನ್ನ ಜವನ್ಮರ್ಡಿ ಸರೆ ಅವರು ಸತತ ಮೂರನೇ ಒಲಿಂಪಿಕ್ಸ್ ಚಿನ್ನವನ್ನು ತಮ್ಮದಾಗಿಸಿಕೊಂಡರು. ಅವರು 236.8 ಅಂಕಗಳನ್ನು ಗಳಿಸಿದರು. ವಿಶ್ವ ದಾಖಲೆ ಹೊಂದಿರುವ ಟರ್ಕಿಯ ಓಝಾನ್ ಆಯ್ಸೆಲ್ ಅವರು 231.1 ಅಂಕಗಳೊಂದಿಗೆ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.</p><p>ಮಧ್ಯಪ್ರದೇಶದ ಜಬಲ್ಪುರದ ರುಬಿನಾ ಅವರು ಪ್ಯಾರಾಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಜಯಿಸಿದ ಮೊದಲ ಪಿಸ್ತೂಲ್ ಶೂಟರ್ ಎಂದೆನಿಸಿಕೊಂಡಿದ್ದಾರೆ. ಕಂಚಿನ ಪದಕ ಜಯಿಸುವ ಮೂಲಕ ಭಾರತಕ್ಕೆ ಶೂಟಿಂಗ್‌ನಲ್ಲಿ ನಾಲ್ಕು ಹಾಗೂ ಒಟ್ಟಾರೆ ಐದು ಪದಕಗಳು ಲಭಿಸಿದಂತಾಗಿದೆ. </p><p>ಪ್ಯಾರಿಸ್ಗೆ ತೆರಳಲು ಭಾರತ ತಂಡ ಅಣಿಯಾದ ಕೆಲವೇ ದಿನಗಳ ಮೊದಲು ವೈಲ್ಡ್ ಕಾರ್ಡ್ ಮೂಲಕ ರುಬಿನಾ ತಂಡದಲ್ಲಿ ಸ್ಥಾನ ಗಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
