ಅಭಿಷೇಕ್‌ ಕೊರಳಿಗೆ ಚಿನ್ನ; ಸೌರಭ್‌ಗೆ ಕಂಚು

ರಿಯೊ ಡಿ ಜನೈರೊ: ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಭಾರತದ ಶೂಟರ್ಗಳು ಪದಕಗಳ ಬೇಟೆ ಮುಂದುವರಿಸಿದ್ದಾರೆ.

. ಶುಕ್ರವಾರ ನಡೆದ ಪುರುಷರ 10 ಮೀಟರ್ಸ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ಅಭಿಷೇಕ್ ವರ್ಮಾ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರೆ, ಸೌರಭ್ ಚೌಧರಿ ಕಂಚಿನ ಪದಕ ಗೆದ್ದಿದ್ದಾರೆ.

. ಏಷ್ಯನ್ ಕ್ರೀಡಾಕೂಟದಲ್ಲಿ ಕಂಚಿನ ಪದಕ ಜಯಿಸಿದ್ದ ಅಭಿಷೇಕ್, 24 ಶಾಟ್ಗಳ ಫೈನಲ್ನಲ್ಲಿ ಒಟ್ಟು 244.2 ಪಾಯಿಂಟ್ಸ್ ಕಲೆಹಾಕಿದರು.

. 17ರ ಹರೆಯದ ಸೌರಭ್, 221.9 ಪಾಯಿಂಟ್ಸ್ ಹೆಕ್ಕಿದರು. ಸೌರಭ್ ಅವರು ಈ ವರ್ಷ ವಿಶ್ವಕಪ್ನಲ್ಲಿ ಗೆದ್ದ ಆರನೇ ಪದಕ ಇದಾಗಿದೆ. ಇದಕ್ಕೂ ಮುನ್ನ ಅವರು ಐದು ಚಿನ್ನದ ಪದಕಗಳನ್ನು ಜಯಿಸಿದ್ದರು.

. ಈ ವಿಭಾಗದ ಬೆಳ್ಳಿಯ ಪದಕವು ಟರ್ಕಿಯ ಇಸ್ಮಾಯಿಲ್ ಕೆಲೆಸ್ ಅವರ ಪಾಲಾಯಿತು. ಇಸ್ಮಾಯಿಲ್, 243.1 ಪಾಯಿಂಟ್ಸ್ ಗಳಿಸಿದರು.

. ಅಭಿಷೇಕ್ ಮತ್ತು ಸೌರಭ್ ಅವರ ಸಾಧನೆಯಿಂದಾಗಿ ಭಾರತವು ಪದಕ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ತಂಡದ ಖಾತೆಯಲ್ಲಿ ಒಟ್ಟು ಎರಡು ಚಿನ್ನ, ತಲಾ ಒಂದು ಬೆಳ್ಳಿ ಮತ್ತು ಕಂಚಿನ ಪದಕಗಳಿವೆ.

. ಗುರುವಾರ ನಡೆದಿದ್ದ ಅರ್ಹತಾ ಸುತ್ತಿನ ಸ್ಪರ್ಧೆಯಲ್ಲಿ ಸೌರಭ್ ನಾಲ್ಕನೇ ಸ್ಥಾನ (584 ಪಾ.) ಗಳಿಸಿದ್ದರು. ಅಭಿಷೇಕ್ ಅವರು ಐದನೇ ಸ್ಥಾನದೊಂದಿಗೆ (582 ಪಾ.) ಫೈನಲ್ ಪ್ರವೇಶಿಸಿದ್ದರು.

. ಇದೇ ವಿಭಾಗದಲ್ಲಿ ಕಣದಲ್ಲಿದ್ದ ಗೌರವ್ ರಾಣಾ (571 ಪಾ.) 44ನೇ ಸ್ಥಾನ ಗಳಿಸಿ ಅರ್ಹತಾ ಹಂತದಲ್ಲೇ ಹೊರಬಿದ್ದಿದ್ದರು.

. ಒಲಿಂಪಿಕ್ಸ್ ಮತ್ತು ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಪದಕ ಜಯಿಸಿದ್ದ ವೀ ಪಂಗ್, ಉಕ್ರೇನ್ನ ಒಲೆಹ್ ಒಮೆಲ್ಚುಕ್, ಸರ್ಬಿಯಾದ ದಮಿರ್ ಮಿಕೆಚ್ ಮತ್ತು ಟರ್ಕಿಯ ಯೂಸುಫ್ ಡಿಕೆಚ್ ಅವರೂ ಫೈನಲ್ ಪ್ರವೇಶಿಸಿದ್ದರು. ಹೀಗಾಗಿ ಮೊದಲ ಹಂತದಲ್ಲಿ ತೀವ್ರ ಪೈಪೋಟಿ ಏರ್ಪಟ್ಟಿತ್ತು.

. 12ನೇ ಶಾಟ್ನ ನಂತರ ಅಭಿಷೇಕ್, ನಿಖರ ಗುರಿ ಹಿಡಿದು ಪ್ರತಿಸ್ಪರ್ಧಿಗಳನ್ನು ಹಿಂದಿಕ್ಕಿದರು.

. ಮಹಿಳೆಯರ 25 ಮೀಟರ್ಸ್ ಪಿಸ್ತೂಲ್ ವಿಭಾಗದಲ್ಲಿ ಚಿಂಕಿ ಯಾದವ್, ಫೈನಲ್ ಪ್ರವೇಶಿಸಲು ವಿಫಲರಾದರು.

. ಅರ್ಹತಾ ಸುತ್ತಿನಲ್ಲಿ ಒಟ್ಟು 584 ಪಾಯಿಂಟ್ಸ್ ಗಳಿಸಿದ್ದ ಅವರು 10ನೇ ಸ್ಥಾನ ಪಡೆದರು.

. ಅನುರಾಜ್ ಸಿಂಗ್ (579 ಪಾ.) ಮತ್ತು ಅಭಿದನ್ಯಾ ಅಶೋಕ್ ಪಾಟೀಲ್ (572 ಪಾ.) ಕ್ರಮವಾಗಿ 25 ಮತ್ತು 53ನೇ ಸ್ಥಾನಗಳೊಂದಿಗೆ ಹೋರಾಟ ಮುಗಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಭಿಷೇಕ್‌ ಕೊರಳಿಗೆ ಚಿನ್ನ; ಸೌರಭ್‌ಗೆ ಕಂಚು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ಬೆಟ್ಟಿಂಗ್‌ ತಡೆಗಾಗಿ ಯೋಗೇಶ್ವರ್ ಹೇಳಿಕೆ: ಡಿ.ಕೆ.ಸುರೇಶ್

Baby Boy: ಎರಡನೇ ಮಗುವಿನ ತಂದೆಯಾದ ರೋಹಿತ್ ಶರ್ಮಾ

ಸಂಜು–ತಿಲಕ್ ಆರ್ಭಟಕ್ಕೆ ಹರಿಣಗಳು ಹೈರಾಣ: ದಾಖಲೆಗಳ ಮೇಲೆ ದಾಖಲೆ ಬರೆದ ಭಾರತ

ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಚಾಂಪಿಯನ್ ಭಾರತಕ್ಕೆ ಚೀನಾ ಸವಾಲು ಇಂದು

ಮಿನಿ ಒಲಿಂಪಿಕ್ಸ್‌: ಸಮರ್ಥ್‌ಗೆ ಮೂರು ಚಿನ್ನ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ಬೆಟ್ಟಿಂಗ್‌ ತಡೆಗಾಗಿ ಯೋಗೇಶ್ವರ್ ಹೇಳಿಕೆ: ಡಿ.ಕೆ.ಸುರೇಶ್