Pro Kabaddi: ಯು ಮುಂಬಾ – ಬೆಂಗಾಲ್ ಪಂದ್ಯ ರೋಚಕ ಟೈ

ಹೈದರಾಬಾದ್: ಪಂದ್ಯದ ಕೊನೆಯ ಕ್ಷಣದ ಒತ್ತಡವನ್ನು ಸಮರ್ಥವಾಗಿ ನಿಭಾಯಿಸುವಲ್ಲಿ ಎಡವಿದ ಯು ಮುಂಬಾ ತಂಡ ಪ್ರೊ ಕಬಡ್ಡಿ ಲೀಗ್ 11ನೇ ಆವೃತ್ತಿಯ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ವಿರುದ್ಧ ರೋಚಕ ಟೈ ಸಾಧಿಸಿತು. ಇದರಿಂದಾಗಿ ಉಭಯ ತಂಡಗಳು ತಲಾ 3 ಅಂಕ ಹಂಚಿಕೊಂಡವು.

. ಇದು ಹಾಲಿ ಟೂರ್ನಿಯಲ್ಲಿ ಟೈ ಆದ ಮೊದಲ ಪಂದ್ಯ. ಗಚ್ಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಮೊದಲ ಪಂದ್ಯದಲ್ಲಿ ಎರಡೂ ತಂಡಗಳು 31-31ರಲ್ಲಿ ಸಮಬಲ ಸಾಧಿಸಿದವು.

. ಪಂದ್ಯ ಮುಕ್ತಾಯಕ್ಕೆ 2 ನಿಮಿಷಗಳಿರುವಾಗ 31-29ರಲ್ಲಿ ಮುನ್ನಡೆ ಹೊಂದಿದ್ದ ಮುಂಬಾ ಇದರ ಲಾಭ ಪಡೆಯಲು ಸಾಧ್ಯವಾಗಲಿಲ್ಲ. ಮುಂಬಾ ತಂಡದ ಪರ ಮಂಜೀತ್ (7 ಅಂಕ), ಸೋಮವೀರ್ (5 ಅಂಕ), ರೋಹಿತ್ ರಾಘವ್ (4 ಅಂಕ) ಗಮನ ಸೆಳೆದರು.

. ಬೆಂಗಾಲ್ ವಾರಿಯರ್ಸ್ ಪರ ಮಣಿಂದರ್ ಸಿಂಗ್ (8 ಅಂಕ), ಮಯೂರ್ ಕದಂ (6) ಉತ್ತಮ ಪ್ರದರ್ಶನ ನೀಡಿದರು.

. ವಿರಾಮದ ವೇಳೆಗೆ ಬೆಂಗಾಲ್ ಏಳು ಅಂಕಗಳಿಂದ ಮುಂದಿತ್ತು. ಆದರೆ ಚೇತರಿಸಿದ ಮುಂಬೈ ಸಮಬಲ ಮಾಡಿತಲ್ಲದೇ, ಎದುರಾಳಿಯನ್ನು ಒಮ್ಮೆ ಆಲೌಟ್ ಮಾಡಿ ಅಲ್ಪಮುನ್ನಡೆ ಪಡೆಯಿತು. ಆದರೆ ಕೊನೆಗಳಿಗೆಯಲ್ಲಿ ಒತ್ತಡಕ್ಕೀಡಾಗಿ ಟೈಗೆ ತೃಪ್ತಿಪಡಬೇಕಾಯಿತು.

. ಭಾನುವಾರದ ಪಂದ್ಯಗಳು: . ಜೈಪುರ ಪಿಂಕ್ ಪ್ಯಾಂಥರ್ಸ್– ತಮಿಳ್ ತಲೈವಾಸ್ (ರಾತ್ರಿ 8.00).

ಯು.ಪಿ. ಯೋಧಾಸ್ – ಗುಜರಾತ್ ಜೈಂಟ್ಸ್ (ರಾತ್ರಿ 9.00)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Pro Kabaddi: ಯು ಮುಂಬಾ – ಬೆಂಗಾಲ್ ಪಂದ್ಯ ರೋಚಕ ಟೈ

ಚಿನಕುರುಳಿ | ಶನಿವಾರ, 26 ಅಕ್ಟೋಬರ್ 2024

ಚುರುಮುರಿ | ಮಂತ್ರಿಗಳ ಮ್ಯಾರಥಾನ್!

ದಿನ ಭವಿಷ್ಯ: ವೈಯಕ್ತಿಕ ಬದುಕಿನ ವಿಚಾರಗಳತ್ತ ಹೆಚ್ಚಿನ ಗಮನವಿರಲಿ

ಜೈಲಿನಿಂದಲೇ ಲಾರೆನ್ಸ್ ಬಿಷ್ಣೋಯಿ ಸಂದರ್ಶನ: ಇಬ್ಬರು DSP ಸೇರಿ 7 ಪೊಲೀಸರ ಅಮಾನತು