<p><strong>ಬೆಂಗಳೂರು:</strong> ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡ ಭಾರತದ ರಾಮಕುಮಾರ್ ರಾಮನಾಥನ್ ಅವರು ಸೋಮವಾರ ಆರಂಭವಾದ ಬೆಂಗಳೂರು ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ ಎರಡನೇ ಸುತ್ತಿಗೆ ಮುನ್ನಡೆದರು.</p><p>ನಗರದ ಕೆಎಸ್ಎಲ್ಟಿಎ ಕ್ರೀಡಾಂಗಣದಲ್ಲಿ ನಡೆದ ಆರಂಭಿಕ ಸುತ್ತಿನ ಪಂದ್ಯದಲ್ಲಿ ರಾಮಕುಮಾರ್ ಅವರು 6-7(4), 7-5, 6-4 ಸೆಟ್ಗಳಿಂದ ಫ್ರಾನ್ಸ್ನ ಮ್ಯಾಕ್ಸಿಮ್ ಜಾನ್ವಿಯರ್ ಅವರನ್ನು ಹಿಮ್ಮೆಟ್ಟಿಸಿದರು.</p><p>ಟೂರ್ನಿಗೆ ವೈಲ್ಡ್ ಕಾರ್ಡ್ ಪ್ರವೇಶ ಪಡೆದಿದ್ದ 29 ವರ್ಷ ವಯಸ್ಸಿನ ಭಾರತದ ಆಟಗಾರ, ತೀವ್ರ ಹೋರಾಟದ ನಡುವೆಯೂ ಟೈಬ್ರೇಕರ್ನಲ್ಲಿ ಮೊದಲ ಸೆಟ್ ಕಳೆದುಕೊಂಡರು.</p><p>ನಂತರ ಪುಟಿದೆದ್ದ ಅವರು ವೇಗದ ಸರ್ವ್, ನಿಖರ ರಿಟರ್ನ್ಗಳ ಮೂಲಕ ಹಿಡಿತ ಸಾಧಿಸಿದರು.</p><p>ಎರಡು ಗಂಟೆ 26 ನಿಮಿಷ ನಡೆದ ಸೆಣಸಾಟದಲ್ಲಿ ತವರಿನ ಪ್ರೇಕ್ಷಕರ ಎದುರು ರಾಮಕುಮಾರ್ ಗೆದ್ದು ಬೀಗಿದರು.</p><p>ಈ ಗೆಲುವಿನೊಂದಿಗೆ ರಾಮಕುಮಾರ್ ಅವರು ಮ್ಯಾಕ್ಸಿಮ್ ಅವರೊಂದಿಗೆ ಗೆಲುವಿನ ದಾಖಲೆಯನ್ನು 2–1ಕ್ಕೆ ಹೆಚ್ಚಿಸಿಕೊಂಡರು. ಅವರು ಮುಂದಿನ ಸುತ್ತಿನಲ್ಲಿ ಅಗ್ರ ಶ್ರೇಯಾಂಕದ ಇಟಲಿಯ ಲುಕಾ ನಾರ್ಡಿ ಮತ್ತು ಫ್ರಾನ್ಸ್ನ ಲಕ್ಕಿ ಲೂಸರ್ ಡಾನ್ ಆಡೆಡ್ ನಡುವಿನ ಪಂದ್ಯದ ವಿಜೇತರನ್ನು ಎದುರಿಸಲಿದ್ದಾರೆ.</p><p>ಮತ್ತೊಂದು ಪಂದ್ಯದಲ್ಲಿ ಶ್ರೇಯಾಂಕರಹಿತ ಆಟಗಾರ, ಟುನೀಶಿಯಾದ ಮೊಯೆಜ್ ಎಚಾರ್ಗುಯಿ ಅವರು ಮೂರನೇ ಶ್ರೇಯಾಂಕದ ಡುಜೆ ಅಜ್ಡುಕೋವಿಕ್ (ಕ್ರೊವೇಷಿಯಾ) ಅವರಿಗೆ ಆಘಾತ ನೀಡಿದರು. ಒಂದೂವರೆ ಗಂಟೆಗಳ ಹೋರಾಟದಲ್ಲಿ ಟುನೀಶಿಯಾದ ಆಟಗಾರ 6-2, 6-4 ರಿಂದ ಕ್ರೊವೇಷಿಯಾ ಆಟಗಾರನನ್ನು ನೇರ ಸೆಟ್ಗಳಿಂದ ಸೋಲಿಸಿದರು.</p><p>ಭಾರತದ ಅಗ್ರಗಣ್ಯ ಆಟಗಾರ ಸುಮಿತ್ ನಗಾಲ್ ಅವರು ಮಂಗಳವಾರ ಫ್ರೆಂಚ್ ಆಟಗಾರ ಜೆಫ್ರಿ ಬ್ಲಾಂಕಾನಿಯಾಕ್ಸ್ ವಿರುದ್ಧ ಅಭಿಯಾನ ಆರಂಭಿಸುವರು.</p><p>ಫಲಿತಾಂಶಗಳು: ಪ್ರಧಾನ ಸುತ್ತು: ರಾಮಕುಮಾರ್ ರಾಮನಾಥನ್ (ಭಾರತ) 6-7 (4), 7-5, 6-4ರಿಂದ ಮ್ಯಾಕ್ಸಿಮ್ ಜಾನ್ವಿಯರ್ (ಫ್ರಾನ್ಸ್) ವಿರುದ್ಧ, ಮೊಯೆಜ್ ಎಚಾರ್ಗುಯಿ (ಟುನೀಶಿಯಾ) 6-2, 6-4ರಿಂದ ಡುಜೆ ಅಜ್ಡುಕೋವಿಕ್ (ಕ್ರೊವೇಷಿಯಾ) ವಿರುದ್ಧ; ಗೌಥಿಯರ್ ಆನ್ಕ್ಲಿನ್ (ಬೆಲ್ಜಿಯಂ) 6-4, 1-6, 7-6 (5)ರಿಂದ ಜಿಯೋವಾನಿ ಫೋನಿಯೊ (ಇಟಲಿ) ವಿರುದ್ಧ ಜಯ ಗಳಿಸಿದರು.</p><p>ಅರ್ಹತಾ ಸುತ್ತು: ಬರ್ನಾಡ್ ಟಾಮಿಕ್ 6-4, 6-2ರಿಂದ ಜೊನಾಸ್ ಫೊರೆಜ್ಟೆಕ್ ಎದುರು; ಚುನ್–ಹ್ಸಿನ್ ತ್ಸೆಂಗ್ 7-5, 4-6, 6-2ರಿಂದ ಯುನ್ ಸಿಯೋಂಗ್ ಚುಂಗ್ ಎದುರು; ವಿನ್ಸೆಂಟ್ ರುಗ್ಗೇರಿ 6–0, 6–2ರಿಂದ ವ್ಯಾನ್ ವೈಕ್ ಎದುರು ಗೆಲುವು ಪಡೆದರು.</p><p><strong>ರ್ಯಾಂಕಿಂಗ್: 98ನೇ ಸ್ಥಾನಕ್ಕೆ ಜಿಗಿದ ನಗಾಲ್</strong></p><p>ನವದೆಹಲಿ: ಭಾರತದ ಅಗ್ರಗಣ್ಯ ಸಿಂಗಲ್ಸ್ ಆಟಗಾರ ಸುಮಿತ್ ನಗಾಲ್ ಅವರು ಸೋಮವಾರ ಪ್ರಕಟಗೊಂಡ ಎಟಿಪಿ ಸಿಂಗಲ್ಸ್ ರ್ಯಾಂಕಿಂಗ್ನಲ್ಲಿ 23 ಸ್ಥಾನ ಬಡ್ತಿಪಡೆದು, ವೃತ್ತಿಜೀವನದಲ್ಲಿ ಮೊದಲ ಬಾರಿ ಅಗ್ರ 100ರೊಳಗೆ ಸ್ಥಾನ ಪಡೆದಿದ್ದಾರೆ.</p><p>ಭಾನುವಾರ ಮುಕ್ತಾಯಗೊಂಡ ಚೆನ್ನೈ ಓಪನ್ ಚಾಲೆಂಜರ್ ಟೂರ್ನಿಯಲ್ಲಿ ಚಾಂಪಿಯನ್ ಕಿರೀಟ ಧರಿಸಿದ ನಗಾಲ್ 121ರಿಂದ 98ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಈ ಮಧ್ಯೆ ಸರ್ಬಿಯಾದ ನೊವಾಕ್ ಜೊಕೊವಿಕ್ ಅವರು ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ.</p><p>ಕಳೆದ ತಿಂಗಳು ನಡೆದ ಆಸ್ಟ್ರೇಲಿಯಾ ಓಪನ್ನ ಮೊದಲ ಸುತ್ತಿನಲ್ಲಿ ವಿಶ್ವದ 27ನೇ ಕ್ರಮಾಂಕದ ಅಲೆಕ್ಸಾಂಡರ್ ಬುಬ್ಲಿಕ್ (ಕಝಾಕಿಸ್ತಾನ) ಅವರನ್ನು ಸೋಲಿಸುವ ಮೂಲಕ ನಗಾಲ್ ಐತಿಹಾಸಿಕ ಸಾಧನೆ ಮಾಡಿದ್ದರು.</p><p>2019ರಲ್ಲಿ ಪ್ರಜ್ಞೇಶ್ ಗುಣೇಶ್ವರನ್ 75ನೇ ರ್ಯಾಂಕ್ ಪಡೆದಿದ್ದರು. ಅದಾದ ಬಳಿಕ ಅಗ್ರ 100ರಲ್ಲಿ ಸ್ಥಾನ ಪಡೆದ ಮೊದಲ ಭಾರತೀಯ ಎಂಬ ಹಿರಿಮೆಗೆ ನಗಾಲ್ ಪಾತ್ರವಾದರು.</p><p>‘ಪ್ರತಿಯೊಬ್ಬ ಟೆನಿಸ್ ಆಟಗಾರನಿಗೆ ಅಗ್ರ 100ರಲ್ಲಿ ಸ್ಥಾನ ಪಡೆಯುವುದು ದೊಡ್ಡ ಕನಸು. ಅದು ನನಸಾಗಿದ್ದರಿಂದ ತುಂಬಾ ಭಾವುಕನಾಗಿದ್ದೇನೆ. ಸಾಧನೆಯ ಹಾದಿಯಲ್ಲಿ ಏರಿಳಿತಗಳನ್ನು ಕಂಡರೂ ಈಗಿನ ಸಾಧನೆ ಖುಷಿ ತಂದಿದೆ’ ಎಂದು ಚೆನ್ನೈನಲ್ಲಿ ಪ್ರಶಸ್ತಿ ಸ್ವೀಕರಿಸಿ ಅವರು ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡ ಭಾರತದ ರಾಮಕುಮಾರ್ ರಾಮನಾಥನ್ ಅವರು ಸೋಮವಾರ ಆರಂಭವಾದ ಬೆಂಗಳೂರು ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ ಎರಡನೇ ಸುತ್ತಿಗೆ ಮುನ್ನಡೆದರು.</p><p>ನಗರದ ಕೆಎಸ್ಎಲ್ಟಿಎ ಕ್ರೀಡಾಂಗಣದಲ್ಲಿ ನಡೆದ ಆರಂಭಿಕ ಸುತ್ತಿನ ಪಂದ್ಯದಲ್ಲಿ ರಾಮಕುಮಾರ್ ಅವರು 6-7(4), 7-5, 6-4 ಸೆಟ್ಗಳಿಂದ ಫ್ರಾನ್ಸ್ನ ಮ್ಯಾಕ್ಸಿಮ್ ಜಾನ್ವಿಯರ್ ಅವರನ್ನು ಹಿಮ್ಮೆಟ್ಟಿಸಿದರು.</p><p>ಟೂರ್ನಿಗೆ ವೈಲ್ಡ್ ಕಾರ್ಡ್ ಪ್ರವೇಶ ಪಡೆದಿದ್ದ 29 ವರ್ಷ ವಯಸ್ಸಿನ ಭಾರತದ ಆಟಗಾರ, ತೀವ್ರ ಹೋರಾಟದ ನಡುವೆಯೂ ಟೈಬ್ರೇಕರ್ನಲ್ಲಿ ಮೊದಲ ಸೆಟ್ ಕಳೆದುಕೊಂಡರು.</p><p>ನಂತರ ಪುಟಿದೆದ್ದ ಅವರು ವೇಗದ ಸರ್ವ್, ನಿಖರ ರಿಟರ್ನ್ಗಳ ಮೂಲಕ ಹಿಡಿತ ಸಾಧಿಸಿದರು.</p><p>ಎರಡು ಗಂಟೆ 26 ನಿಮಿಷ ನಡೆದ ಸೆಣಸಾಟದಲ್ಲಿ ತವರಿನ ಪ್ರೇಕ್ಷಕರ ಎದುರು ರಾಮಕುಮಾರ್ ಗೆದ್ದು ಬೀಗಿದರು.</p><p>ಈ ಗೆಲುವಿನೊಂದಿಗೆ ರಾಮಕುಮಾರ್ ಅವರು ಮ್ಯಾಕ್ಸಿಮ್ ಅವರೊಂದಿಗೆ ಗೆಲುವಿನ ದಾಖಲೆಯನ್ನು 2–1ಕ್ಕೆ ಹೆಚ್ಚಿಸಿಕೊಂಡರು. ಅವರು ಮುಂದಿನ ಸುತ್ತಿನಲ್ಲಿ ಅಗ್ರ ಶ್ರೇಯಾಂಕದ ಇಟಲಿಯ ಲುಕಾ ನಾರ್ಡಿ ಮತ್ತು ಫ್ರಾನ್ಸ್ನ ಲಕ್ಕಿ ಲೂಸರ್ ಡಾನ್ ಆಡೆಡ್ ನಡುವಿನ ಪಂದ್ಯದ ವಿಜೇತರನ್ನು ಎದುರಿಸಲಿದ್ದಾರೆ.</p><p>ಮತ್ತೊಂದು ಪಂದ್ಯದಲ್ಲಿ ಶ್ರೇಯಾಂಕರಹಿತ ಆಟಗಾರ, ಟುನೀಶಿಯಾದ ಮೊಯೆಜ್ ಎಚಾರ್ಗುಯಿ ಅವರು ಮೂರನೇ ಶ್ರೇಯಾಂಕದ ಡುಜೆ ಅಜ್ಡುಕೋವಿಕ್ (ಕ್ರೊವೇಷಿಯಾ) ಅವರಿಗೆ ಆಘಾತ ನೀಡಿದರು. ಒಂದೂವರೆ ಗಂಟೆಗಳ ಹೋರಾಟದಲ್ಲಿ ಟುನೀಶಿಯಾದ ಆಟಗಾರ 6-2, 6-4 ರಿಂದ ಕ್ರೊವೇಷಿಯಾ ಆಟಗಾರನನ್ನು ನೇರ ಸೆಟ್ಗಳಿಂದ ಸೋಲಿಸಿದರು.</p><p>ಭಾರತದ ಅಗ್ರಗಣ್ಯ ಆಟಗಾರ ಸುಮಿತ್ ನಗಾಲ್ ಅವರು ಮಂಗಳವಾರ ಫ್ರೆಂಚ್ ಆಟಗಾರ ಜೆಫ್ರಿ ಬ್ಲಾಂಕಾನಿಯಾಕ್ಸ್ ವಿರುದ್ಧ ಅಭಿಯಾನ ಆರಂಭಿಸುವರು.</p><p>ಫಲಿತಾಂಶಗಳು: ಪ್ರಧಾನ ಸುತ್ತು: ರಾಮಕುಮಾರ್ ರಾಮನಾಥನ್ (ಭಾರತ) 6-7 (4), 7-5, 6-4ರಿಂದ ಮ್ಯಾಕ್ಸಿಮ್ ಜಾನ್ವಿಯರ್ (ಫ್ರಾನ್ಸ್) ವಿರುದ್ಧ, ಮೊಯೆಜ್ ಎಚಾರ್ಗುಯಿ (ಟುನೀಶಿಯಾ) 6-2, 6-4ರಿಂದ ಡುಜೆ ಅಜ್ಡುಕೋವಿಕ್ (ಕ್ರೊವೇಷಿಯಾ) ವಿರುದ್ಧ; ಗೌಥಿಯರ್ ಆನ್ಕ್ಲಿನ್ (ಬೆಲ್ಜಿಯಂ) 6-4, 1-6, 7-6 (5)ರಿಂದ ಜಿಯೋವಾನಿ ಫೋನಿಯೊ (ಇಟಲಿ) ವಿರುದ್ಧ ಜಯ ಗಳಿಸಿದರು.</p><p>ಅರ್ಹತಾ ಸುತ್ತು: ಬರ್ನಾಡ್ ಟಾಮಿಕ್ 6-4, 6-2ರಿಂದ ಜೊನಾಸ್ ಫೊರೆಜ್ಟೆಕ್ ಎದುರು; ಚುನ್–ಹ್ಸಿನ್ ತ್ಸೆಂಗ್ 7-5, 4-6, 6-2ರಿಂದ ಯುನ್ ಸಿಯೋಂಗ್ ಚುಂಗ್ ಎದುರು; ವಿನ್ಸೆಂಟ್ ರುಗ್ಗೇರಿ 6–0, 6–2ರಿಂದ ವ್ಯಾನ್ ವೈಕ್ ಎದುರು ಗೆಲುವು ಪಡೆದರು.</p><p><strong>ರ್ಯಾಂಕಿಂಗ್: 98ನೇ ಸ್ಥಾನಕ್ಕೆ ಜಿಗಿದ ನಗಾಲ್</strong></p><p>ನವದೆಹಲಿ: ಭಾರತದ ಅಗ್ರಗಣ್ಯ ಸಿಂಗಲ್ಸ್ ಆಟಗಾರ ಸುಮಿತ್ ನಗಾಲ್ ಅವರು ಸೋಮವಾರ ಪ್ರಕಟಗೊಂಡ ಎಟಿಪಿ ಸಿಂಗಲ್ಸ್ ರ್ಯಾಂಕಿಂಗ್ನಲ್ಲಿ 23 ಸ್ಥಾನ ಬಡ್ತಿಪಡೆದು, ವೃತ್ತಿಜೀವನದಲ್ಲಿ ಮೊದಲ ಬಾರಿ ಅಗ್ರ 100ರೊಳಗೆ ಸ್ಥಾನ ಪಡೆದಿದ್ದಾರೆ.</p><p>ಭಾನುವಾರ ಮುಕ್ತಾಯಗೊಂಡ ಚೆನ್ನೈ ಓಪನ್ ಚಾಲೆಂಜರ್ ಟೂರ್ನಿಯಲ್ಲಿ ಚಾಂಪಿಯನ್ ಕಿರೀಟ ಧರಿಸಿದ ನಗಾಲ್ 121ರಿಂದ 98ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಈ ಮಧ್ಯೆ ಸರ್ಬಿಯಾದ ನೊವಾಕ್ ಜೊಕೊವಿಕ್ ಅವರು ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ.</p><p>ಕಳೆದ ತಿಂಗಳು ನಡೆದ ಆಸ್ಟ್ರೇಲಿಯಾ ಓಪನ್ನ ಮೊದಲ ಸುತ್ತಿನಲ್ಲಿ ವಿಶ್ವದ 27ನೇ ಕ್ರಮಾಂಕದ ಅಲೆಕ್ಸಾಂಡರ್ ಬುಬ್ಲಿಕ್ (ಕಝಾಕಿಸ್ತಾನ) ಅವರನ್ನು ಸೋಲಿಸುವ ಮೂಲಕ ನಗಾಲ್ ಐತಿಹಾಸಿಕ ಸಾಧನೆ ಮಾಡಿದ್ದರು.</p><p>2019ರಲ್ಲಿ ಪ್ರಜ್ಞೇಶ್ ಗುಣೇಶ್ವರನ್ 75ನೇ ರ್ಯಾಂಕ್ ಪಡೆದಿದ್ದರು. ಅದಾದ ಬಳಿಕ ಅಗ್ರ 100ರಲ್ಲಿ ಸ್ಥಾನ ಪಡೆದ ಮೊದಲ ಭಾರತೀಯ ಎಂಬ ಹಿರಿಮೆಗೆ ನಗಾಲ್ ಪಾತ್ರವಾದರು.</p><p>‘ಪ್ರತಿಯೊಬ್ಬ ಟೆನಿಸ್ ಆಟಗಾರನಿಗೆ ಅಗ್ರ 100ರಲ್ಲಿ ಸ್ಥಾನ ಪಡೆಯುವುದು ದೊಡ್ಡ ಕನಸು. ಅದು ನನಸಾಗಿದ್ದರಿಂದ ತುಂಬಾ ಭಾವುಕನಾಗಿದ್ದೇನೆ. ಸಾಧನೆಯ ಹಾದಿಯಲ್ಲಿ ಏರಿಳಿತಗಳನ್ನು ಕಂಡರೂ ಈಗಿನ ಸಾಧನೆ ಖುಷಿ ತಂದಿದೆ’ ಎಂದು ಚೆನ್ನೈನಲ್ಲಿ ಪ್ರಶಸ್ತಿ ಸ್ವೀಕರಿಸಿ ಅವರು ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
