<p><strong>ರೋಮ್: </strong>ಅಗ್ರ ಕ್ರಮಾಂಕದ ನೊವಾಕ್ ಜೊಕೊವಿಚ್ ಅವರು ಸ್ಟೆಫಾನೊಸ್ ಸಿಟ್ಸಿಪಾಸ್ ಅವರನ್ನು ಸವಾಲನ್ನು ಮೀರಿ ಇಟಾಲಿಯನ್ ಓಪನ್ ಟೆನಿಸ್ ಟೂರ್ನಿಯ ಸೆಮಿಫೈನಲ್ಗೆ ಲಗ್ಗೆಯಿಟ್ಟರು. ಶನಿವಾರ ನಡೆದ ಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಸರ್ಬಿಯಾ ಆಟಗಾರನಿಗೆ 4–6, 7–5, 7–5ರಿಂದ ಜಯ ಒಲಿಯಿತು.</p>.<p>ಜೊಕೊವಿಚ್ ಈ ಪಂದ್ಯ ಗೆಲ್ಲುವುದರೊಂದಿಗೆ ಇಟಾಲಿಯನ್ ಓಪನ್ನಲ್ಲಿ ಸತತ ಎಂಟನೇ ಬಾರಿ ನಾಲ್ಕರಘಟ್ಟ ತಲುಪಿದ ಸಾಧನೆ ಮಾಡಿದರು. ಇದರಲ್ಲಿ ಐದು ಬಾರಿ ಅವರು ಟ್ರೋಫಿ ಒಲಿಸಿಕೊಂಡಿದ್ದಾರೆ.</p>.<p>ಮೊದಲ ಸೆಟ್ನಲ್ಲಿ ಸೋತ ಬಳಿಕ ಪುಟಿದೆದ್ದ ಜೊಕೊವಿಚ್, ಗ್ರೀಸ್ ಆಟಗಾರರನ್ನು ಮಣಿಸುವಲ್ಲಿ ಯಶಸ್ವಿಯಾದರು. ಶುಕ್ರವಾರವೇ ಆರಂಭವಾಗಿದ್ದ ಈ ಪಂದ್ಯವನ್ನು ಮಳೆಯ ಕಾರಣ ಸ್ಥಗಿತಗೊಳಿಸಿ ಶನಿವಾರ ಆಡಿಸಲಾಯಿತು. ಶುಕ್ರವಾರ ಆಟ ನಿಂತಾಗ ಸಿಟ್ಸಿಪಾಸ್ ಅವರು ಎರಡನೇ ಸೆಟ್ನಲ್ಲಿ 2–1ರಿಂದ ಮುನ್ನಡೆಯಲ್ಲಿದ್ದರು.</p>.<p>ಸೆಮಿಫೈನಲ್ನಲ್ ಪಂದ್ಯದಲ್ಲಿ ಅವರು ಇಟಲಿಯ ಲೊರೆಂಜೊ ಸೋನೆಗೊ ಅವರನ್ನು ಎದುರಿಸುವರು.</p>.<p>ಎಂಟರಘಟ್ದದ ಮತ್ತೊಂದು ಹಣಾಹಣಿಯಲ್ಲಿ ಲೊರೆಂಜೊ ಅವರು 3–6, 6–4, 6–3ರಿಂದ ಏಳನೇ ರ್ಯಾಂಕ್ನ ಆ್ಯಂಡ್ರೆ ರುಬ್ಲೆವ್ ಅವರಿಗೆ ಸೋಲುಣಿಸಿ ಮಾಸ್ಟರ್ಸ್ ಟೂರ್ನಿಯಲ್ಲಿ ಮೊದಲ ಬಾರಿ ಸೆಮಿಫೈನಲ್ ತಲುಪಿದ್ದಾರೆ.</p>.<p>ಕ್ರೀಡಾಂಗಣ ಸಾಮರ್ಥ್ಯದ ಶೇಕಡ 25ರಷ್ಟು ಪ್ರೇಕ್ಷಕರಿಗೆ ಅವಕಾಶ ಕಲ್ಪಿಸಲಾಗಿತ್ತು.</p>.<p>ಮತ್ತೊಂದು ಸೆಮಿಫೈನಲ್ ಪಂದ್ಯದಲ್ಲಿ ಸ್ಪೇನ್ನ ರಫೆಲ್ ನಡಾಲ್ ಅವರು ಅಮೆರಿಕದ ರೇಲಿ ಒಪೆಲ್ಕಾ ಎದುರು ಸೆಣಸಲಿದ್ದಾರೆ.</p>.<p>ನಾಲ್ಕರ ಘಟ್ಟಕ್ಕೆ ಸ್ವಾಟೆಕ್: ಮಹಿಳೆಯರ ವಿಭಾಗದ ಕ್ವಾರ್ಟರ್ಫೈನಲ್ನಲ್ಲಿ, ಫ್ರೆಂಚ್ ಓಪನ್ ಚಾಂಪಿಯನ್ ಐಗಾ ಸ್ವಾಟೆಕ್ 6–2, 7–5ರಿಂದ ಎರಡು ಬಾರಿಯ ರೋಮ್ ಚಾಂಪಿಯನ್ ಎಲಿನಾ ಸ್ವಿಟೋಲಿನಾ ಅವರನ್ನು ಮಣಿಸಿದರು. ಸೆಮಿಫೈನಲ್ನಲ್ಲಿ ಅವರು ಅಮೆರಿಕದ ಕೊಕೊ ಗಫ್ ಎದುರು ಸೆಣಸುವರು.</p>.<p>ನಾಲ್ಕರ ಘಟ್ಟದ ಮತ್ತೊಂದು ಹಣಾಹಣಿ ಕರೋಲಿನಾ ಪ್ಲಿಸ್ಕೊವಾ–ಪೆಟ್ರಾ ಮಾರ್ಟಿಚ್ ನಡುವೆ ನಡೆಯಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರೋಮ್: </strong>ಅಗ್ರ ಕ್ರಮಾಂಕದ ನೊವಾಕ್ ಜೊಕೊವಿಚ್ ಅವರು ಸ್ಟೆಫಾನೊಸ್ ಸಿಟ್ಸಿಪಾಸ್ ಅವರನ್ನು ಸವಾಲನ್ನು ಮೀರಿ ಇಟಾಲಿಯನ್ ಓಪನ್ ಟೆನಿಸ್ ಟೂರ್ನಿಯ ಸೆಮಿಫೈನಲ್ಗೆ ಲಗ್ಗೆಯಿಟ್ಟರು. ಶನಿವಾರ ನಡೆದ ಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಸರ್ಬಿಯಾ ಆಟಗಾರನಿಗೆ 4–6, 7–5, 7–5ರಿಂದ ಜಯ ಒಲಿಯಿತು.</p>.<p>ಜೊಕೊವಿಚ್ ಈ ಪಂದ್ಯ ಗೆಲ್ಲುವುದರೊಂದಿಗೆ ಇಟಾಲಿಯನ್ ಓಪನ್ನಲ್ಲಿ ಸತತ ಎಂಟನೇ ಬಾರಿ ನಾಲ್ಕರಘಟ್ಟ ತಲುಪಿದ ಸಾಧನೆ ಮಾಡಿದರು. ಇದರಲ್ಲಿ ಐದು ಬಾರಿ ಅವರು ಟ್ರೋಫಿ ಒಲಿಸಿಕೊಂಡಿದ್ದಾರೆ.</p>.<p>ಮೊದಲ ಸೆಟ್ನಲ್ಲಿ ಸೋತ ಬಳಿಕ ಪುಟಿದೆದ್ದ ಜೊಕೊವಿಚ್, ಗ್ರೀಸ್ ಆಟಗಾರರನ್ನು ಮಣಿಸುವಲ್ಲಿ ಯಶಸ್ವಿಯಾದರು. ಶುಕ್ರವಾರವೇ ಆರಂಭವಾಗಿದ್ದ ಈ ಪಂದ್ಯವನ್ನು ಮಳೆಯ ಕಾರಣ ಸ್ಥಗಿತಗೊಳಿಸಿ ಶನಿವಾರ ಆಡಿಸಲಾಯಿತು. ಶುಕ್ರವಾರ ಆಟ ನಿಂತಾಗ ಸಿಟ್ಸಿಪಾಸ್ ಅವರು ಎರಡನೇ ಸೆಟ್ನಲ್ಲಿ 2–1ರಿಂದ ಮುನ್ನಡೆಯಲ್ಲಿದ್ದರು.</p>.<p>ಸೆಮಿಫೈನಲ್ನಲ್ ಪಂದ್ಯದಲ್ಲಿ ಅವರು ಇಟಲಿಯ ಲೊರೆಂಜೊ ಸೋನೆಗೊ ಅವರನ್ನು ಎದುರಿಸುವರು.</p>.<p>ಎಂಟರಘಟ್ದದ ಮತ್ತೊಂದು ಹಣಾಹಣಿಯಲ್ಲಿ ಲೊರೆಂಜೊ ಅವರು 3–6, 6–4, 6–3ರಿಂದ ಏಳನೇ ರ್ಯಾಂಕ್ನ ಆ್ಯಂಡ್ರೆ ರುಬ್ಲೆವ್ ಅವರಿಗೆ ಸೋಲುಣಿಸಿ ಮಾಸ್ಟರ್ಸ್ ಟೂರ್ನಿಯಲ್ಲಿ ಮೊದಲ ಬಾರಿ ಸೆಮಿಫೈನಲ್ ತಲುಪಿದ್ದಾರೆ.</p>.<p>ಕ್ರೀಡಾಂಗಣ ಸಾಮರ್ಥ್ಯದ ಶೇಕಡ 25ರಷ್ಟು ಪ್ರೇಕ್ಷಕರಿಗೆ ಅವಕಾಶ ಕಲ್ಪಿಸಲಾಗಿತ್ತು.</p>.<p>ಮತ್ತೊಂದು ಸೆಮಿಫೈನಲ್ ಪಂದ್ಯದಲ್ಲಿ ಸ್ಪೇನ್ನ ರಫೆಲ್ ನಡಾಲ್ ಅವರು ಅಮೆರಿಕದ ರೇಲಿ ಒಪೆಲ್ಕಾ ಎದುರು ಸೆಣಸಲಿದ್ದಾರೆ.</p>.<p>ನಾಲ್ಕರ ಘಟ್ಟಕ್ಕೆ ಸ್ವಾಟೆಕ್: ಮಹಿಳೆಯರ ವಿಭಾಗದ ಕ್ವಾರ್ಟರ್ಫೈನಲ್ನಲ್ಲಿ, ಫ್ರೆಂಚ್ ಓಪನ್ ಚಾಂಪಿಯನ್ ಐಗಾ ಸ್ವಾಟೆಕ್ 6–2, 7–5ರಿಂದ ಎರಡು ಬಾರಿಯ ರೋಮ್ ಚಾಂಪಿಯನ್ ಎಲಿನಾ ಸ್ವಿಟೋಲಿನಾ ಅವರನ್ನು ಮಣಿಸಿದರು. ಸೆಮಿಫೈನಲ್ನಲ್ಲಿ ಅವರು ಅಮೆರಿಕದ ಕೊಕೊ ಗಫ್ ಎದುರು ಸೆಣಸುವರು.</p>.<p>ನಾಲ್ಕರ ಘಟ್ಟದ ಮತ್ತೊಂದು ಹಣಾಹಣಿ ಕರೋಲಿನಾ ಪ್ಲಿಸ್ಕೊವಾ–ಪೆಟ್ರಾ ಮಾರ್ಟಿಚ್ ನಡುವೆ ನಡೆಯಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
