<p><strong>ಮೆಲ್ಬರ್ನ್:</strong> ರಾಡ್ ಲೇವರ್ ಕ್ರೀಡಾಂಗಣದಲ್ಲಿ ಭಾನುವಾರ ಇಟಲಿಯ ಹುಡುಗ ಯಾನಿಕ್ ಸಿನ್ನರ್ ಅವರ ಸಂತಸಕ್ಕೆ ಪಾರವೇ ಇರಲಿಲ್ಲ.</p><p> ಮೆಲ್ಬರ್ನ್ ಪಾರ್ಕ್ನಲ್ಲಿ ನಡೆದ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಫೈನಲ್ನಲ್ಲಿ ತಮಗಿಂತ ಅನುಭವಿ ಆಟಗಾರ ಡೆನಿಲ್ ಮೆಡ್ವೆಡೇವ್ ವಿರುದ್ಧ ಗೆದ್ದರು. ಇದರೊಂದಿಗೆ ತಮ್ಮ ವೃತ್ತಿಜೀವನದ ಚೊಚ್ಚಲ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಜಯದ ಸಂಭ್ರಮ ಆಚರಿಸಿದರು.</p><p>22ರ ಯುವಕ ಯಾನಿಕ್ ಕುಣಿದು ಕುಪ್ಪಳಿಸಿದರು. ಕೋರ್ಟ್ ಮೇಲೆ ಅಂಗಾತ ಮಲಗಿ ಬಾನಿನಲ್ಲಿದ್ದ ತಾರೆಗಳನ್ನು ನೋಡುತ್ತ ಮೈಮರೆತರು. ಅವರ ಕಂಗಳಿಂದ ಆನಂದಭಾಷ್ಪ ಹರಿಯಿತು. ಮರುಕ್ಷಣವೇ ಎದ್ದು ಪ್ರೇಕ್ಷಕರ ಗ್ಯಾಲರಿಗೆ ಧಾವಿಸಿದ ಅವರು ತಮ್ಮ ಕೋಚ್, ಕುಟುಂಬದ ಸದಸ್ಯರು, ಸ್ನೇಹಿತರನ್ನು ಆಲಂಗಿಸಿಕೊಂಡರು.</p><p>ಸೆಮಿಫೈನಲ್ನಲ್ಲಿ ದಿಗ್ಗಜ ನೊವಾಕ್ ಜೊಕೊವಿಚ್ ಅವರನ್ನು ಮಣಿಸಿದ್ದ ಸಿನ್ನರ್ ಫೈನಲ್ನಲ್ಲಿ ಅಮೋಘ ಆಟವಾಡಿದರು. ಅವರು 3-6, 3-6, 6-4, 6-4, 6-3 ರಿಂದ ಮೂರನೇ ಶ್ರೇಯಾಂಕದ ಮೆಡ್ವೆಡೇವ್ ಅವರನ್ನು ಮಣಿಸಿದರು. ಈ ಪಂದ್ಯದ ಆರಂಭಿಕ ಎರಡೂ ಸೆಟ್ಗಳಲ್ಲಿ ಮೆಡ್ವೆಡೇವ್ ಪ್ರಾಬಲ್ಯ ಮೆರೆದಿದ್ದರು. ಇದರಿಂದಾಗಿ ಅವರೇ ಜಯಿಸುವ ನಿರೀಕ್ಷೆ ಮೂಡಿತ್ತು.</p><p>ಆದರೆ ಮೂರನೇ ಸೆಟ್ನಲ್ಲಿ ಬಲವಾದ ತಿರುಗೇಟು ನೀಡಿದ ಸಿನ್ನರ್ ಆತ್ಮವಿಶ್ವಾಸ ವೃದ್ಧಿಸಿಕೊಂಡರು. ನಂತರದ ಎರಡೂ ಸೆಟ್ಗಳಲ್ಲಿಯೂ ಡೇವ್ ಅವರಿಗೆ ಆಘಾತ ನೀಡಿದರು.</p><p>‘ಯಾನಿಕ್ ಸಿನ್ನರ್ ಟೆನಿಸ್ ಇತಿಹಾಸದ ಪುಸ್ತಕದಲ್ಲಿ ಹೊಸ ಅಧ್ಯಾಯ ಬರೆದಿದ್ದಾರೆ. ಅದರಿಂದಾಗಿ ನಾವೆಲ್ಲರೂ ಹೆಮ್ಮೆಪಡುತ್ತಿದ್ದೇವೆ’ ಎಂದು ಇಟಲಿಯ ಪ್ರಧಾನಿ ಜಾರ್ಜಿಯಾ ಮೆಲೊನಿ ಸಾಮಾಜಿಕ ಜಾಲತಾಣಗಳ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.</p><p>ಈ ಕುರಿತು ಪ್ರತ್ರಿಕ್ರಿಯಿಸಿದ ಸಿನ್ನರ್, ‘ ನನ್ನಲ್ಲಿ ಆತ್ಮವಿಶ್ವಾಸ ಹೆಚ್ಚಲು ಮತ್ತು ಈ ಹಂತಕ್ಕೆ ತಲುಪಲು ಅವರ ಬೆಂಬಲವೇ ಪ್ರಮುಖವಾದದ್ದು. ಅದಕ್ಕಾಗಿ ಆಭಾರಿಯಾಗಿರುವೆ’ ಎಂದಿದ್ದಾರೆ.</p><p><strong>₹ 19 ಕೋಟಿ : ಸಿಂಗಲ್ಸ್ ಚಾಂಪಿಯನ್<br>₹ 9.4 ಕೋಟಿ: ಸಿಂಗಲ್ಸ್ ರನ್ನರ್ ಅಪ್<br>ಡಬಲ್ಸ್ ಚಾಂಪಿಯನ್: ₹ 4 ಕೋಟಿ<br>ಡಬಲ್ಸ್ ರನ್ನರ್ಸ್ ಅಪ್: ₹ 2 ಕೋಟಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್:</strong> ರಾಡ್ ಲೇವರ್ ಕ್ರೀಡಾಂಗಣದಲ್ಲಿ ಭಾನುವಾರ ಇಟಲಿಯ ಹುಡುಗ ಯಾನಿಕ್ ಸಿನ್ನರ್ ಅವರ ಸಂತಸಕ್ಕೆ ಪಾರವೇ ಇರಲಿಲ್ಲ.</p><p> ಮೆಲ್ಬರ್ನ್ ಪಾರ್ಕ್ನಲ್ಲಿ ನಡೆದ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಫೈನಲ್ನಲ್ಲಿ ತಮಗಿಂತ ಅನುಭವಿ ಆಟಗಾರ ಡೆನಿಲ್ ಮೆಡ್ವೆಡೇವ್ ವಿರುದ್ಧ ಗೆದ್ದರು. ಇದರೊಂದಿಗೆ ತಮ್ಮ ವೃತ್ತಿಜೀವನದ ಚೊಚ್ಚಲ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಜಯದ ಸಂಭ್ರಮ ಆಚರಿಸಿದರು.</p><p>22ರ ಯುವಕ ಯಾನಿಕ್ ಕುಣಿದು ಕುಪ್ಪಳಿಸಿದರು. ಕೋರ್ಟ್ ಮೇಲೆ ಅಂಗಾತ ಮಲಗಿ ಬಾನಿನಲ್ಲಿದ್ದ ತಾರೆಗಳನ್ನು ನೋಡುತ್ತ ಮೈಮರೆತರು. ಅವರ ಕಂಗಳಿಂದ ಆನಂದಭಾಷ್ಪ ಹರಿಯಿತು. ಮರುಕ್ಷಣವೇ ಎದ್ದು ಪ್ರೇಕ್ಷಕರ ಗ್ಯಾಲರಿಗೆ ಧಾವಿಸಿದ ಅವರು ತಮ್ಮ ಕೋಚ್, ಕುಟುಂಬದ ಸದಸ್ಯರು, ಸ್ನೇಹಿತರನ್ನು ಆಲಂಗಿಸಿಕೊಂಡರು.</p><p>ಸೆಮಿಫೈನಲ್ನಲ್ಲಿ ದಿಗ್ಗಜ ನೊವಾಕ್ ಜೊಕೊವಿಚ್ ಅವರನ್ನು ಮಣಿಸಿದ್ದ ಸಿನ್ನರ್ ಫೈನಲ್ನಲ್ಲಿ ಅಮೋಘ ಆಟವಾಡಿದರು. ಅವರು 3-6, 3-6, 6-4, 6-4, 6-3 ರಿಂದ ಮೂರನೇ ಶ್ರೇಯಾಂಕದ ಮೆಡ್ವೆಡೇವ್ ಅವರನ್ನು ಮಣಿಸಿದರು. ಈ ಪಂದ್ಯದ ಆರಂಭಿಕ ಎರಡೂ ಸೆಟ್ಗಳಲ್ಲಿ ಮೆಡ್ವೆಡೇವ್ ಪ್ರಾಬಲ್ಯ ಮೆರೆದಿದ್ದರು. ಇದರಿಂದಾಗಿ ಅವರೇ ಜಯಿಸುವ ನಿರೀಕ್ಷೆ ಮೂಡಿತ್ತು.</p><p>ಆದರೆ ಮೂರನೇ ಸೆಟ್ನಲ್ಲಿ ಬಲವಾದ ತಿರುಗೇಟು ನೀಡಿದ ಸಿನ್ನರ್ ಆತ್ಮವಿಶ್ವಾಸ ವೃದ್ಧಿಸಿಕೊಂಡರು. ನಂತರದ ಎರಡೂ ಸೆಟ್ಗಳಲ್ಲಿಯೂ ಡೇವ್ ಅವರಿಗೆ ಆಘಾತ ನೀಡಿದರು.</p><p>‘ಯಾನಿಕ್ ಸಿನ್ನರ್ ಟೆನಿಸ್ ಇತಿಹಾಸದ ಪುಸ್ತಕದಲ್ಲಿ ಹೊಸ ಅಧ್ಯಾಯ ಬರೆದಿದ್ದಾರೆ. ಅದರಿಂದಾಗಿ ನಾವೆಲ್ಲರೂ ಹೆಮ್ಮೆಪಡುತ್ತಿದ್ದೇವೆ’ ಎಂದು ಇಟಲಿಯ ಪ್ರಧಾನಿ ಜಾರ್ಜಿಯಾ ಮೆಲೊನಿ ಸಾಮಾಜಿಕ ಜಾಲತಾಣಗಳ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.</p><p>ಈ ಕುರಿತು ಪ್ರತ್ರಿಕ್ರಿಯಿಸಿದ ಸಿನ್ನರ್, ‘ ನನ್ನಲ್ಲಿ ಆತ್ಮವಿಶ್ವಾಸ ಹೆಚ್ಚಲು ಮತ್ತು ಈ ಹಂತಕ್ಕೆ ತಲುಪಲು ಅವರ ಬೆಂಬಲವೇ ಪ್ರಮುಖವಾದದ್ದು. ಅದಕ್ಕಾಗಿ ಆಭಾರಿಯಾಗಿರುವೆ’ ಎಂದಿದ್ದಾರೆ.</p><p><strong>₹ 19 ಕೋಟಿ : ಸಿಂಗಲ್ಸ್ ಚಾಂಪಿಯನ್<br>₹ 9.4 ಕೋಟಿ: ಸಿಂಗಲ್ಸ್ ರನ್ನರ್ ಅಪ್<br>ಡಬಲ್ಸ್ ಚಾಂಪಿಯನ್: ₹ 4 ಕೋಟಿ<br>ಡಬಲ್ಸ್ ರನ್ನರ್ಸ್ ಅಪ್: ₹ 2 ಕೋಟಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
