<p><strong>ಪ್ಯಾರಿಸ್</strong>: ಆವೆಮಣ್ಣಿನ ಅಂಕಣದಲ್ಲಿ ರಫೆಲ್ ನಡಾಲ್ ಮತ್ತೊಮ್ಮೆ ತಮ್ಮ ಪ್ರತಾಪ ಮೆರೆದರು.</p>.<p>ರೋಲ್ಯಾಂಡ್ ಗ್ಯಾರೊಸ್ ಕೋರ್ಟ್ನಲ್ಲಿ ಮೇ 31ರ ರಾತ್ರಿ ಆರಂಭವಾಗಿ ಜೂನ್ 1ರ ಬೆಳಗಿನ ಜಾವದಲ್ಲಿ ಮುಗಿದ ಎಂಟರ ಘಟ್ಟದ ಪಂದ್ಯದಲ್ಲಿ ಸ್ಪೇನ್ ಆಟಗಾರ ನಡಾಲ್6-2, 4-6, 6-2, 7-6 (4) ರಿಂದ ಹಾಲಿ ಚಾಂಪಿಯನ್ ನೊವಾಕ್ ಜೊಕೊವಿಚ್ ವಿರುದ್ಧ ಜಯಿಸಿದರು. ಸೆಮಿಫೈನಲ್ ಪ್ರವೇಶಿಸಿದ ನಡಾಲ್ 22ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಜಯದತ್ತ ಚಿತ್ತ ನೆಟ್ಟಿದ್ದಾರೆ.</p>.<p>‘ನಾ ಕಂಡ ಕೆಲವು ಮಾಂತ್ರಿಕ ರಾತ್ರಿಗಳಲ್ಲಿ ಇದೂ ಒಂದಾಗಿದೆ’ ಎಂದು ಪಂದ್ಯ ಜಯಿಸಿದ ನಂತರ ನಡಾಲ್ ಹೇಳಿದರು.</p>.<p>ನಡಾಲ್ ಇದೇ ಶುಕ್ರವಾರ 36ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಅದೇ ದಿನ ನಡೆಯಲಿರುವ ಸೆಮಿಫೈನಲ್ನಲ್ಲಿ ಮೂರನೇ ಶ್ರೇಯಾಂಕದ ಅಲೆಕ್ಸಾಂಡರ್ ಜ್ವೆರೆವ್ ಅವರನ್ನು ಎದುರಿಸಲಿದ್ದಾರೆ.</p>.<p>ಇಲ್ಲಿ ನಾಲ್ಕು ಗಂಟೆಗಳ ಹೋರಾಟದಲ್ಲಿ ಜಯ ಸಾಧಿಸಿದರು. ಉಭಯ ಆಟಗಾರರ ನಡುವಣ ತುರುಸಿನ ಪೈಪೋಟಿಯಿಂದಾಗಿ ಪಂದ್ಯವು ಫೈನಲ್ನಂತೆಯೇ ಭಾಸವಾಯಿತು.</p>.<p>ಎಂಟರ ಘಟ್ಟದ ಮೊದಲ ಸೆಟ್ನಲ್ಲಿ ನಿರಾಯಾಸವಾಗಿ ಗೆದ್ದ ನಡಾಲ್ ಎರಡನೇ ಸೆಟ್ನಲ್ಲಿಯೂ 3–0 ಗೇಮ್ಗಳ ಮುನ್ನಡೆ ಸಾಧಿಸಿದರು. ಆದರೆ, ಅಗ್ರಶ್ರೇಯಾಂಕದ ಆಟಗಾರ, ಸರ್ಬಿಯಾದ ಜೊಕೊವಿಚ್ ತಿರುಗೇಟು ನೀಡಿದರು.</p>.<p>‘ಎರಡನೇ ಸೆಟ್ನಲ್ಲಿ ಗೆದ್ದಾಗ ಹಳಿಗೆ ಮರಳಿದೆ ಎಂದುಕೊಂಡೆ. ಮುಂದಿನ ಸೆಟ್ಗಳಲ್ಲಿ ಸುಲಭ ಜಯ ಸಾಧಿಸುವ ವಿಶ್ವಾಸ ಮೂಡಿತ್ತು. ಆದರೆ, ಒಬ್ಬ ಶ್ರೇಷ್ಠ ಆಟಗಾರನ ಎದುರು ಪರಾಭವಗೊಂಡೆ. ಅದ್ಭುತ ಆಟವಾಡಿದರು’ ಎಂದು ನೊವಾಕ್ ಹೇಳಿದರು.</p>.<p>ಉಭಯ ಆಟಗಾರರು ಗ್ರ್ಯಾನ್ಸ್ಲಾಮ್ ಓಪನ್ ಟೂರ್ನಿಗಳಲ್ಲಿ 59ನೇ ಬಾರಿ ಮುಖಾಮುಖಿಯಾದರು. ನಡಾಲ್ 29ನೇ ಬಾರಿ ಜಯಿಸಿದರು. ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ನಡಾಲ್ 8–2ರಿಂದ ನೊವಾಕ್ ಎದುರು ಮುನ್ನಡೆ ಸಾಧಿಸಿದರು.</p>.<p class="Subhead">ಸೆಮಿಗೆ ಸ್ವೆಟೆಕ್, ದರಿಯಾ: ವಿಶ್ವ ಕ್ರಮಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ ಪೋಲೆಂಡ್ನ ಇಗಾ ಸ್ವೆಟೆಕ್ ಮತ್ತು ರಷ್ಯಾದ ದರಿಯಾ ಕಸ್ತಕಿನಾ ಮಹಿಳಾ ಸಿಂಗಲ್ಸ್ ವಿಭಾಗದ ನಾಲ್ಕರ ಘಟ್ಟ ತಲುಪಿದರು. ಎಂಟರಘಟ್ಟದ ಪಂದ್ಯ ಗಳಲ್ಲಿ ಬುಧವಾರ ಸ್ವೆಟೆಕ್6-3, 6-2ರಿಂದ ಅಮೆರಿಕದ ಜೆಸಿಕಾ ಪೆಗುಲಾ ಅವರನ್ನು ಸೋಲಿಸಿದರೆ, ದರಿಯಾ6-4, 7-6 (7/5)ರಿಂದ ವೆರೊನಿಕಾ ಕುದರ್ಮೆಟೊವಾ ಎದುರು ಜಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್</strong>: ಆವೆಮಣ್ಣಿನ ಅಂಕಣದಲ್ಲಿ ರಫೆಲ್ ನಡಾಲ್ ಮತ್ತೊಮ್ಮೆ ತಮ್ಮ ಪ್ರತಾಪ ಮೆರೆದರು.</p>.<p>ರೋಲ್ಯಾಂಡ್ ಗ್ಯಾರೊಸ್ ಕೋರ್ಟ್ನಲ್ಲಿ ಮೇ 31ರ ರಾತ್ರಿ ಆರಂಭವಾಗಿ ಜೂನ್ 1ರ ಬೆಳಗಿನ ಜಾವದಲ್ಲಿ ಮುಗಿದ ಎಂಟರ ಘಟ್ಟದ ಪಂದ್ಯದಲ್ಲಿ ಸ್ಪೇನ್ ಆಟಗಾರ ನಡಾಲ್6-2, 4-6, 6-2, 7-6 (4) ರಿಂದ ಹಾಲಿ ಚಾಂಪಿಯನ್ ನೊವಾಕ್ ಜೊಕೊವಿಚ್ ವಿರುದ್ಧ ಜಯಿಸಿದರು. ಸೆಮಿಫೈನಲ್ ಪ್ರವೇಶಿಸಿದ ನಡಾಲ್ 22ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಜಯದತ್ತ ಚಿತ್ತ ನೆಟ್ಟಿದ್ದಾರೆ.</p>.<p>‘ನಾ ಕಂಡ ಕೆಲವು ಮಾಂತ್ರಿಕ ರಾತ್ರಿಗಳಲ್ಲಿ ಇದೂ ಒಂದಾಗಿದೆ’ ಎಂದು ಪಂದ್ಯ ಜಯಿಸಿದ ನಂತರ ನಡಾಲ್ ಹೇಳಿದರು.</p>.<p>ನಡಾಲ್ ಇದೇ ಶುಕ್ರವಾರ 36ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಅದೇ ದಿನ ನಡೆಯಲಿರುವ ಸೆಮಿಫೈನಲ್ನಲ್ಲಿ ಮೂರನೇ ಶ್ರೇಯಾಂಕದ ಅಲೆಕ್ಸಾಂಡರ್ ಜ್ವೆರೆವ್ ಅವರನ್ನು ಎದುರಿಸಲಿದ್ದಾರೆ.</p>.<p>ಇಲ್ಲಿ ನಾಲ್ಕು ಗಂಟೆಗಳ ಹೋರಾಟದಲ್ಲಿ ಜಯ ಸಾಧಿಸಿದರು. ಉಭಯ ಆಟಗಾರರ ನಡುವಣ ತುರುಸಿನ ಪೈಪೋಟಿಯಿಂದಾಗಿ ಪಂದ್ಯವು ಫೈನಲ್ನಂತೆಯೇ ಭಾಸವಾಯಿತು.</p>.<p>ಎಂಟರ ಘಟ್ಟದ ಮೊದಲ ಸೆಟ್ನಲ್ಲಿ ನಿರಾಯಾಸವಾಗಿ ಗೆದ್ದ ನಡಾಲ್ ಎರಡನೇ ಸೆಟ್ನಲ್ಲಿಯೂ 3–0 ಗೇಮ್ಗಳ ಮುನ್ನಡೆ ಸಾಧಿಸಿದರು. ಆದರೆ, ಅಗ್ರಶ್ರೇಯಾಂಕದ ಆಟಗಾರ, ಸರ್ಬಿಯಾದ ಜೊಕೊವಿಚ್ ತಿರುಗೇಟು ನೀಡಿದರು.</p>.<p>‘ಎರಡನೇ ಸೆಟ್ನಲ್ಲಿ ಗೆದ್ದಾಗ ಹಳಿಗೆ ಮರಳಿದೆ ಎಂದುಕೊಂಡೆ. ಮುಂದಿನ ಸೆಟ್ಗಳಲ್ಲಿ ಸುಲಭ ಜಯ ಸಾಧಿಸುವ ವಿಶ್ವಾಸ ಮೂಡಿತ್ತು. ಆದರೆ, ಒಬ್ಬ ಶ್ರೇಷ್ಠ ಆಟಗಾರನ ಎದುರು ಪರಾಭವಗೊಂಡೆ. ಅದ್ಭುತ ಆಟವಾಡಿದರು’ ಎಂದು ನೊವಾಕ್ ಹೇಳಿದರು.</p>.<p>ಉಭಯ ಆಟಗಾರರು ಗ್ರ್ಯಾನ್ಸ್ಲಾಮ್ ಓಪನ್ ಟೂರ್ನಿಗಳಲ್ಲಿ 59ನೇ ಬಾರಿ ಮುಖಾಮುಖಿಯಾದರು. ನಡಾಲ್ 29ನೇ ಬಾರಿ ಜಯಿಸಿದರು. ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ನಡಾಲ್ 8–2ರಿಂದ ನೊವಾಕ್ ಎದುರು ಮುನ್ನಡೆ ಸಾಧಿಸಿದರು.</p>.<p class="Subhead">ಸೆಮಿಗೆ ಸ್ವೆಟೆಕ್, ದರಿಯಾ: ವಿಶ್ವ ಕ್ರಮಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ ಪೋಲೆಂಡ್ನ ಇಗಾ ಸ್ವೆಟೆಕ್ ಮತ್ತು ರಷ್ಯಾದ ದರಿಯಾ ಕಸ್ತಕಿನಾ ಮಹಿಳಾ ಸಿಂಗಲ್ಸ್ ವಿಭಾಗದ ನಾಲ್ಕರ ಘಟ್ಟ ತಲುಪಿದರು. ಎಂಟರಘಟ್ಟದ ಪಂದ್ಯ ಗಳಲ್ಲಿ ಬುಧವಾರ ಸ್ವೆಟೆಕ್6-3, 6-2ರಿಂದ ಅಮೆರಿಕದ ಜೆಸಿಕಾ ಪೆಗುಲಾ ಅವರನ್ನು ಸೋಲಿಸಿದರೆ, ದರಿಯಾ6-4, 7-6 (7/5)ರಿಂದ ವೆರೊನಿಕಾ ಕುದರ್ಮೆಟೊವಾ ಎದುರು ಜಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
